SARDITINERA PABILLONIS
 
 

UFITZIU DE LINGUA SARDA
Operadora de sportellu: Dotora Annalisa Caboni

Obertura a su pùbblicu: Cenàbara

Oràrius: 8.30 – 13.30 / 15,30 - 18.30

Sea de trabballu: Biblioteca - Bia su Rieddu n°4 - Comunu de Pabillonis

annalisa.caboni@provincia.sudsardegna.gov.it

   
Copyright Sarditinera
   
   

L. 482/99 Annu 2017














L. 482/99 Annu 2016


CUMBIDU A PRESENTAI PROPOSTAS PO PASCHIXEDDA

8 de Donniasantu de su 2016

Is citadinus e is assótzius funt cumbidaus a presentai propostas de    acontéssius de cumpriri in su períodu de Pascixedda. Po custu scopu ddoi at un'atóbiu martis 15 De donniasantu 2016 a is ses de a merí (h.18,00) in s'àula de su Consillu de s'ex Municípiu béciu ( pianu apitzus de su curreu) in bia San Giovanni  n° 34.

 

 

RIMBUSSU SPESAS DE BIAXI A IS STUDIANDIS DE IS SCOLAS SEGUNDÀRIAS DE II GRADU – ANNU DE SCOLA 2015/2016 (L.R. N° 31/84 ART. 7 LIT. A)

Si fait sciri chi est in pubblicatzioni 10 dís , de su 7 de   Donniasantu fintzas a su 11 de de Donniasantu, sa graduatória provisória  de su rimbussu spesas de biaxi a is studiantis de is scolas segundàrias de II gradu – annu de scola 2015/2016 (L.R. N° 31/84 art. 7 lit. A).

Sa cifra inditada in sa graduatória podit cambiai  apustis de arricursus e/o averiguadas eventualis.  A amparu de sa riservadesa (cunformas su D.Lgs. de su 14 de Martzu 2013 n° 33 art. 26 c. 4) is datus chi pertocant is nóminis de is studiantis non ddus ponint ma inditant scéti su númunu de protocollu de sa domanda. Si ddoi funt is ricursus si depint presentai a s'Ufíciu Protocollu aintru de su 16 de Donniasantu 2016.

Documentus disponíbbilis:

Determinatzioni

Graduatória provisória

Graziella Gambella – Assessora a s'Istrutzioni Púbblica

Riccardo Sanna - Síndigu

 

 

 

 

SUSPENSIONI SERVÍTZIU ARRAGORTA DE S'ÀLIGA 1° DE DONNIASANTU 2016

Si fait sciri chi martis  1° de Donniasantu 2016 sa dita chi tenit s'apaltu non at a arretirai s'àliga po nexi de sa serrada de is impiantus. Su servítziu torrat a pigai regulari de sa dí apustis cunformas a su calendàriu.

 

AFESTADURA DE SU 4 DE DONNIASANTU 2016

  de s'Unidadi Natzionali e de s'Arragordu de is Mortus in Guerra.

Si cumbidat totu sa populatzioni a pigai parti a is afestus, in ocasioni   de sa dí de s'Unidadi Natzionali e s'Arregorsu de is Mortus in Guerra, chi nci funt Cenàbara 4 de Donniasantu 2016 de is cincu de a merí (17,00) in sa crésia parrochiali de sa B.V. De sa Nì e sighit cumenti inditau in sa locandina.

 

 

GIORNADA ECOLÓGICA - “RipuliAMO Pabillonis” -PERLONGADA

Si fait sciri chi  po nexi de su tempus malu sa manifestatzioni est stétia perlongada a cenaàbara 28 de de Meseladàmini 2016 segundu su matessi programma.

 

AVISU PÚBBLICU - Prumotzioni linguística bisíbbili de sa Língua Sarda

Si fait sciri chi sa Província Sud Sardigna, in su cuntestu de su progetu po sa prumotzioni linguística bisíbbili de sa Língua Sarda (chi su comunu at abratzau) cumbidat  totus is operadoris económicus de Pabillois interessaus a ammostai s’acunsentimentu insoru po s’umperu e s’avaloramentu de sa língua sarda in is atividadis diferentis de cumpeténtzia, po fai insinnias, listas (“menù”), cartellinus ed etichetas de merci, e aici sighendi.

Sa tarea de su progetu est sa de lompi a su bilinguismu sardu - italianu e de umperai su sardu cun sa matessi dinnidadi de s’italianu in sa cumpridura de is atividadis de trabballu, istitutzionalis e puramenti acapiadas a sa vida de dónnia dí.

Duncas, totus is chi ant ammostau  s’acunsentimentu insoru, ant a podi tenni:

1.      Acanta a s’insínnia chi giai esistit, un’insínnia in língua sarda de s’atividadi, de sa butega, de su labboratóriu e de s’ufíciu, e aici sighendi.;

2.      Listas (“Menù”) de ristorantis/tzilleris/logus de ristoratzioni e de stràngia ( B&B, locandas, posadas, e aici sighendi) in Sardu, Italianu e Ingresu;

Cartellinus e etichetas de is prodotus in béndita in Língua Sarda.

 

Sa proposta est a gratis e non cumportat nisciunu costu po is operadoris económicus.

 

Aintru de su 14 de Donniasantu 2016 totus is operadoris interessaus si depint indiritzai a s’Àrea Apaltus, Cuntratus, “Welfare” e Cultura – Ufício de Língua Sarda  D.ra Alessia Etzi- 0709356356- 3385340472-cultura@provincia.mediocampidano.it;  aetzi@provincia.mediocampidano.it.

AVISU P

Avisu Púbblicu. PDF

Pabillois 20 de Meseladàmini 2016

Su Síndigu - Ricardo Sanna

S'Assessora a sa Cultura -  Rosita Bussu 

 


PROVÍNCIA SUD SARDIGNA

COMUNU DE PABILLOIS

                              

                                                                                         A SA PROVÍNCIA SUD SARDIGNA

                                                                               A SU COMUNU DE PABILLOIS

 

 

 

OGETU: PRUMOTZIONI LINGUÌSTICA IN IS ATIVIDADIS DE SU COMUNU DE PABILLOIS

 

Su/Sa sutascritu/a_______________________________ nàsciu/a in ________________________

 

 

su ____________e residenti in _________________Bia/Pratza_________________n°__________

 

 

in calidadi de meri de s’atividadi_____________________________________________________

 

 _______________________________________________________________________________

 

 

telèfunu_______________________ e-mail____________________________________________

 

 

 

DOMANDAT

Sa tradutzioni in sardu de sa documentatzioni chi acapiat a custa domanda e chi pertocat s’atividadi cosa sua.

 

                                                                                                   FIRMA

                                                                                                        ________________________

PABILLOIS________________________

 

                                                                                                                      

 

 

 

Assígnus de Stúdiu e Bussas de Stúdiu Comunalis A.S. 2015-2016

  Si fait sciri chi funt a dispositzioni is mollus po sa domanda de is agiudus  po su deretu a su stúdiu elencaus asuta:

·        Assignus de stúdiu in favori de studiantis capassus e merescidoris in cunditzionis económicas sbantaxadas iscritus in s'annu de scola 2016/2017 in unu istitutu de scola segundària de II gradu.

·        Intregadura de 10 bussas de stúdiu comunalis de 250 eurus cadeuna, in favori de is  studiantis chi in s'annu de scola 2015/2016 ant pigau s'arrogu de paperi de scola segundària de II gradu.

Is domandas depint lompi a su Protocollu aintru e non prus a tradu de su 24 de Meseladàmini. 2016.

Is mollus funt a dispositzioni in s'Ufíciu Istrutzioni Púbblica in  dís de abertura a su púbblicu

Lunis – Cenàbara 11,00 – 13,00 ( de is úndixi de a mengianu fintzas a sa una)

gióbia a merí 16,30 – 18,00 ( de is cuatru e mesu fintzas a is ses de a merí)

opuru ddus podeis scarrigai deretu “on line”.

Bandu assignus de stúdiu

bandu bussas de stúdiu

mollus assignus de stúdiu

mollus bussas de stúdiu

 

Po iscedas

Ufíciu Istrutzioni Púbblica

tel. 070/ 935  292 07

 

Pabillois 11 de Meseladàmini 2016

Graziella Gambella – Assessora a s'Istrutzioni Púbblica

Riccardo Sanna – Síndigu

 

TZERRIADA CONSILLU COMUNALI

Si fait sciri chi, in relatu a su dispostu de su títulu III de su D-Lgs- 267/2000, su Consillu Comunali est tzerriau in sétzida straordinària de 1^ tzerriada, in s'àula de su Consillu chi est in s'ex municípiu in bia San Giovanni n.34, su 13 de Meseladàmini 2016 a is tres de a merí (15,00), po chistionai de is argumentus chi sighint:

·        Comunicatzionis a su Consillu Comunali;

·        Documentu únicu de programmatzioni (dup) – períodu 2017/2019 – art. 170, comma 1, de su D.Lgs. N° 267/2000 aprovu;

·        Aprovu de s'arregulamentu comunali de contabbilidadi nou in atuatzioni de s'armonizadura de is schemas e de is sistemas contàbbilis segundu su D.Lgs. N° 118/2011.

·        Intregadura in cuncessioni de su servítziu  de tesoreria comunali po su períodu 2017/2021. Aprovu schema de cunventzioni. Diretivas chi riguardant sa cumpridura de sa gara;

·        Regulamentu po sa cura de àreas púbblicas de parti de is sugetus arremonaus in s'art. 25 comma 2 de su regulamentu IUC, capítulu Tari – aprovu.

Pabillois 10 de Meseladàmini 2016

Ricardo Sanna , su Síndigu.

INGHITZU SERVÍTZIU DE MENSA SCOLÀSTICA ANNU 2016/2017

Si fait sciri a is babbu e mammas de totus is pipius de sa scola de sa pipiesa, chi de lunis 17 de Meseladàmini 2016 inghitzat su servítziu de mensa scolàstica cun is matessi cunditzionis organizativas de s'annu passau. Su costu de su bonu pastu agiornau a cust'annu est de 1,80.

Po chi ancoras non tenit su tèssera magnética (“badge”) ddu podit agatai in s'Ufíciu Istrutzioni Púbblica. S'intregadura de sa tèssera magnética est a gratis, a cunditzioni chibengiat torrada a s'acabbu de s'annu de scola.

 

Pabillois 7 de Meseladàmini 2016

 

Graziella Gambella – Assessora a s'Istrutzioni Púbblica

Riccardo Sanna – Su Síndigu

SEA CURSU DE LÍNGUA SARDA

Si fait sciri chi su cursu de Língua Sarda, incumentzau cenàbara 30 de Cabudanni 2016, sighit in sa sea de s'ex municípiu in bia San Giovanni n°34 segundu su matessi calendàriu.

S'arragordat chi su cursu est a gratis e chi is mollus de iscritzioni s'agatant in s'Ufíciu de Língua Sarda abertu in sa biblioteca comunali totus is cenàbaras 8,30-14,00 / 15,30-18,30 (a mengianu   de is otu e mesu fintzas a is duas e a merí  de is tres e mesu fintzas a is ses e mesu).

 

Calendàriu de is letzionis:

7,14, 21, 28 de Meseladàmini 2016

h. 15,30 – 18,30 ( de is tres e mesu fintzas a is ses de a merí).

 

Su Síndigu – Riccardo Sanna

S'Assessora a sa Cultura – Rosita Bussu.

 

TÉRMINIS E MANERAS PO CHI IS ELETORIS RESIDENTIS IN S'ÉSTERU  ESERCITINT SU DERETU DE VOTU IN ITÀLIA

Aintru de su 8 de Meseladàmini 2016 chi benit is eletoris residentis in s'Esteru, est a nai cussus insertaus de ufíciu in s'elencu de is eletoris iscritus a s'Anàgrafi de is italianus residentis in s'esteru (Aire), podint scioberai po esercitai su deretu de votu in Itàlia.

 

Documentus disponíbbilis:

Avisu residentis in s'Ésteru  (A.I.R.E.)

Mollu

 

VOTU DE IS ELETORIS CHI PO SU MOMENTU FUNT A S'ÉSTERU PO TRABBALLU, STÚDIU O CURAS MÉDICAS O FAMILIARIS CUNVIVENTIS

In ocasioni de su “Referendum” Costitutzionali de su 4 de Meseidas 2016, est prevídia sa possibbilidadi po is eletoris chi po su momentu funt a s'Ésteru  po assumancu tres mesis po trabballu, stúdiu e curas médicas de esercitai su votu po currispundéntzia.

 

Documentus disponíbbilis:

Avisu po is chi po su momentu funt a s'ésteru

Mollu

ISCRITZIONI IN S'ALBU DE IS SCRUTADORIS DE SÉGIU ELETORALI

                                        SU SÍNDIGU

biu su comma 7 de s'artículu 1 de sa Lei n° 53 de su 21 de Martzu 1990, cumbidat totus is eletoris dispostus a essi iscritus in s'Albu de is personas idòneas a fai su scrutadori de ségiu a presentai sa domanda de inserta aintru e non prus a tradu de su 30 de Donniasantu 2016.

 

Documentus disponíbbilis:

Avisu agiornamentu Albu Scrutadoris de Ségiu . Pdf

Domanda de iscritzioni

 

Su Síndigu – Riccardo Sanna

RIMBUSSU SPESAS DE BIAXI A IS STUDIANDIS DE IS SCOLAS SEGUNDÀRIAS DE II GRADU – ANNU DE SCOLA 2015/2016 (L.R. N° 31/84 ART. 7 LIT. A)

Si fait sciri chi est in pubblicatzioni 10 dís , de su 7 de   Donniasantu fintzas a su 11 de de Donniasantu, sa graduatória provisória  de su rimbussu spesas de biaxi a is studiantis de is scolas segundàrias de II gradu – annu de scola 2015/2016 (L.R. N° 31/84 art. 7 lit. A).

Sa cifra inditada in sa graduatória podit cambiai  apustis de arricursus e/o averiguadas eventualis.  A amparu de sa riservadesa (cunformas su D.Lgs. de su 14 de Martzu 2013 n° 33 art. 26 c. 4) is datus chi pertocant is nóminis de is studiantis non ddus ponint ma inditant scéti su númunu de protocollu de sa domanda. Si ddoi funt is ricursus si depint presentai a s'Ufíciu Protocollu aintru de su 16 de Donniasantu 2016.

Documentus disponíbbilis:

Determinatzioni

Graduatória provisória

Graziella Gambella – Assessora a s'Istrutzioni Púbblica

Riccardo Sanna – Síndigu

 

 

 

 

 

CUNTRIBBUTUS RAS PO SU DERETU A SU STÚDIU

26 de Austu de su 2016

 

Si fait sciri chi cun determinatzioni n.528 de su 25 de Austu 2016 de su Responsàbbili de s'Àrea Amministrativa si funt aprovadas is graduatórias provisórias chi pertocant s' intregadura  de is agiudus elencaus innòi asuta:

 

Bussas de stúdiu annu de iscola 2014/2015 (L.62/2000 – L.R. 5/2015)

 

cunformas a s'art. 1, comma 9 de sa L. 10 de Martzu 2000 n.62 cumenti a agiudu de is spesas fatas de is famíglias po s'istrutzioni de destinai a is istudiantis de is iscolas primàrias e segundàrias de 1° e 2° gradu.

Cunformas a s'art. 33, comma 26 de sa L.R. 5/2015 in aciunta a is bussas de istúdiu L.62/2000 de destinai a is istudiantis de is iscolas segundàrias de 1° e 2° gradu.

 

FRUNIDURA A INDONU O GIAI A INDONU DE LÍBBURUS DE ISCOLA 2015/2016 (l. 448/98)

Rivólgiu a is studiantis de is iscolas segundàrias de 1° e 2° gradu

 

Scàrriga is graduatórias

Is importus inditaus in is graduatórias podint cambiai si ddoi at recursus o àterus acertamentus. A amparu de sa riservadesa ( cunformas a su D.lgs de su 14 de Martzu 2013 n.33 26, comma 4) is datus chi arriguardant is nóminis de is istudiantis beneficiàrius non si ponint e ssi ponint scéti su númunu de protocollu de sa domanda.

Is recursu scritus si podint presentai a s'Ufíciu Protocollu aintru de su 4 de Cabudabbi 2016.

S'Assessora  Graziella Gambella

Su Síndigu  Riccardo Sanna

 

REGULAMENTATZIONI DE SU TRÀFICU PO IS AFESTUS IN ONORI DE SANTU GIUANNI BATISTA

22 de Austis de su 2016

 

Si fait sciri chi po garantiri sa seguresa in su tràficu stradali urbanu e sa cumpridura  currégia de is afestus in onori de Santu Giuanni Batista, cun ordinàntzia apósita de su Responsàbbili de su Servítziu de Politzia Municipali funt stétias pregonadas is dispositzionis chi sighint:

Domínigu 28 de Austu 2016 – de is cincu e mesu de a merí (17,30) fintzas a is otu de a merí (20,00) e in dónnia manera fintzas a s'acabbu de su passàgiu de is carrus:

Proibbidura de passàgiu, de firmada apitzus ambaduus is ladus in is bias: Petrarca, Kolbe, Umberto, Sardegna, Sassari, Vittorio Emanuele, Santa Maria, San Giovanni, Su Pardu, Torino, Nuoro, Foscolo..

Lunis 29 de Austu 2016 – de is noioras e mesu de a megianu (9,30) fintza a mesudí e mesu (12,30) e in dónnia manera fintzas a candu no acabbant de passai  is carrus e sa prucessioni:Proibbidura de passàgiu e de firmada in ambaduus is ldus in is bias: SanGiovanni, Roma, Torino, Carducci, Santa Maria.

 

Su Síndigu Riccardo Sanna.

GESTIONI NOBA DE S'ARRETZA DE L'ILLUMINATZIONI PÚBBLICA

19 de Austu de su 2016

 

Si fait sciri a is citadinus chi a incumentzai de su mesi de Austu 2016 est ativa una gestioni noba de manutentzioni de s'arretza de illuminatzioni púbblica. Su servítziu nou at a permiti in is mesis chi intrant, de rennovai de unu totu s'arretza po médiu de su càmbiu  de totus is pintus luxi de su centru urbanu cun módulus led a consumu energéticu bàsciu e a resa luminosa arta, innòi inclúdia  s'installadura de is puntus luxi nous innui funt stétius bogaus is palus perigulantis, ponendi duncas fini a is disàgius in unas cantu bias chi fintzas a oi funt pagu illuminadas. Cun su servítziu nou, giai immui, calisisiat citadinu podit sinnalai deretu de domu, guastus o istrobbus po médiu de unu númunu birdi a gratis, cun sa tarea de currispundi unu  interventu prontu de sa dita chi tenit s'apaltu.

Su Síndigu

Riccardo Sanna

SIGHIDURA DE IS TRABBALLUS PO PONNI IN SEGURESA SU STRADA“BAU SA TÀULA

10 de Austu de su 2016

 

Si fait sciri chi cenàbara a  mengianu est a nai su 12 de Austu 2016 sighint is trabballus po ponni in seguresa sa strada Bau sa Tàula cun sa sistematzioni de su mantu stradali. Potanti, po permitiri is trabballus, sa circulatzioni est blocada de is otu de a mengianu (8,00) fintzas a is cuatru de a merí.

 

Su Síndigu

Riccardo Sanna

AVISU SERRADA UFÍCIUS COMUNALIS SU 16 DE AUSTU 2016

10 de Austu de su 2016

 

Si avisat chi martis 16 de Austu 2016, sa dí apustis de mesaustu, is Ufícius Comunali abarrant serraus a su púbblicu. Invécias est garantida s'obertura de su Campusantu.

TRABBALLUS PO PONNI IN SEGURESA SU PONTI “BAU SA TÀULA”

3 de Austu de su 2016

 

 Si fait sciri chi gióbia 4 de Austu 2016, de is otu de a mengianu (8,00) fintzas a is duas (14,00) nci funt is trabballus po ponni a norma su ponti Bau sa Tàula cun sa tarea de torrai a rispristinai sa circulatzioni in seguresa. Po tanti abarrat sa proibbidura de passàgiu fintzas a s'acabbu de is trabballus.

 

Su Síndigu

Riccardo Sanna

OBERTURA/SERRADA DE IS ATIVIDADIS IN SA DÍ DE SU SANTU PATRONU

2 de Austu de su 2016

Giai chi is normativas recentis ant libberalizau sa disciplina de is oberturas de is atividadis de cummérciu a sa minuda e somministratzioni de cosa de papai e de bufai. Si fait sciri chi sa dí de su Santu Patronu est de cunsiderai de trabballu a totus is efetus de sa disciplina de is atividadis cummercialis e de prestatzioni de servítzius; potanti nc'est sa libbertadi prus assoluta de parti de is esercentis de stabbiliri s'obertura o sa serrada de s'atividadi insoru in s'arrespetu de su CCNL.

 

Su Síndigu

Riccardo Sanna

 

SPERDIDURA DE IS PATEDDAS – SA DE DUAS PARTIS

2 de Austu de su 2016

 

Si fait sciri a is citadinus chi gióbia 4 de Austu 2016 de is noioras e mesu de a mengianu (9,30) ddoi at un'interventu de sperdidura de is pateddas de parti de su Centru Provinciali  contras a is babballotis cumenti previdiu in s'ordinàntzia de su Síndigu n.19 de su 2 de Austu 2016. Is abbitantis de is zonas interessadas funt cumbidaus a tenni portas e fentanas serradas in s'interis de su tratamentu. Sa politzia Municipali s'at a ocupai de avisai is residentis e de ponni is avisus apósitus.

 

Su Síndigu Riccardo Sanna

 

“CALENDÀRIU SPIAGGIA DAY 2016”

29 de Argiolas de su 2016

AVISU DE TZERRIADA DE SU CONSILLU COMUNALI

26 de Argiolas de su 2016

 

Si fait isciri chi, in arrelatu a su dispostu de su títulu III de su D.lgs. 267/2000, su 29 de Argiolas 2016 a is seti de a merí (19,00) ddoi at una sétzida Ordinària de 1^ tzerriada de su Consillu Comunali in s’ex Municípiu, in bia San Giovanni n.34, po chistionai de is argumentus chi sighint:

1.      Bilànciu de previsioni esercítziu finantziàriu 2016/2018.  Variatzioni n. 1 ratífica delibberatzioni de sa Giunta Comunali n°59 de su 17 de Làmparas de su 2016.

2.      Arreconnoscimentu dépidus aforas de bilànciu ex art. 194 lit.A e E annu 2016.

3.      Assetiamentu generali de bilànciu po s’esercítziu 2016 cunformas a s’ artículu. 175, comma 8 de su D.Lgs. n. 267/2000.

4.      Amparu de is echilíbrius po s’esercítziu 2016 cunformas a s’artículu 193 de su D.Lgs. n. 276/2000.

 

Su Síndigu

Riccardo Sanna

 

CUNTRIBBUTUS AFITUS- BANDU 2016

21 de Argiolas de su 2016

 

Si fait isciri chi est in pubblicatzioni su Bandu po lograi is cuntribbutus a integratzioni de is cànonis de afitu po s’annualidadi 2016, apitzus de is arrisorsas intregadas cun su Fundu Natzionali de agiudu po s’intrada a is domus in afitu, cunformas a s’art. 11 lei 431/98 e mm.ii. art.1. Podint presentai domanda is titularis de cuntratus de afitu a usu residentziali de unidadis immobbiliaris de propiedadi privada chi s’agatant in su Comunu de Pabillois e ocupadas a títulu de abbitatzioni esclusiva.

Su cuntratu depit:

1.      Arresurtai arregistrau in manera regulari e relativu a una domu impreada cumenti a domu principali, currispundenti a sa residéntzia anagràfica de su chi fait domanda.

2.      Esistiri in su momentu de sa presentada de sa domanda.

3.      Abarrai po totu su períodu relativu a su cuntribbutu lograu. In casu de interrutzioni de s’afitu, su cuntribbutu relativu a su períodu non ancoras cumpriu costituit economia de umperai s’annu chi benit.

Is interessaus e chi tenint is rechisitus podint presentai domanda a s’Ufíciu Protocollu aintru e non prus a tradu de su 3 de Austu 2016.

Is mollus si agatant in s’Ufíciu Sóciu-culturali opuru si podit scarrigai deretu “on-line” de su giassu istitutzionali.

Documentus disponíbbilis:

Documentus e mollus

 

S’Assessora - Graziella Gambella

Su Síndigu - Riccardo Sanna

 

AVISU DE CUNDITZIONIS METEOROLÓGICHE  CONTRÀRIAS – TEMPERADURA E UMBIDIDADI

19 de Argiolas de su 2016

 

Bessiu de su Centru Regionali de Protetzioni  Civili – Setori Meteo, s’Avisu de cunditzionis de tempus cuntràrias.

Fenómenu de interessamentu

Temperadura e Umbididadi

De cras 20 de Argiolas 2016 fintzas a cenàbara 22 de Argiolas 2016, in Sardigna ddoi at a ai temperaduras artas meda  cun un’aumentu lentu progressivu  de is baloris. Gióbia e Cenàbara is temperaduras màssimas sodigant is 40°c (coranta gradus centigradus) in is logus prus de aintru, cun puntas fintzas a is 43 – 44°c acumpagiadas de umbididadi bàscia meda.

Si consillat de fuiri de abarrai is s’ària oberta in is oras prus callentis de sa dí intra de mesudí (12,00) e is ses de a merí (18,00).

Su Síndigu

Riccardo Sanna

 

AVISU PÚBBLICU INGHITZU PIANU 162 NOUS

18 de Argiolas de su 2016

Si fait isciri a is citadinus interessaus chi est in pubblicatzioni sa procedura púbblica po is Pianus 162 nous. Is mollus e sa documentatzioni si podit iscarrigai deretu “on line” in su giassu de su Comunu de Pabillois crachendi in s’acàpiu de susu. Is mollus depint lompi a s’Ufíciu Protocollu aintru e non prus a tradu de su 12 de Austu 2016.

Po àteras iscedas tocat a cuntatai s’Ufíciu Sóciu-culturali in s’oràriu de obertura a su Púbblicu.

 

Documentus disponíbbilis

Avisu e modulística

 

S’Assessora

Graziella Gambella

Su Síndigu

Riccardo Sanna

 

 

CIRCA EDUCADORIS E ANIMADORIS

Si fait isciri a sa Populatzionis de Pabillois chi si funt circhendi is figuras prufessionalis chi sighint, preferibbilmenti cun esperiéntzia cun is minoris:

·        Educadoris/oras prufessionalis cun Làurea in Scientzias de s’Edicatzioni;

·        Animadoris/oras cun cualífica.

Po iscedas e candidaduras cuntatai s’Ufíciu Informagióvunus de su Comunu de Pabillois, in bia su Rieddu:

·        Lunis 15,30 -18,30 ( de is trexi e mesu fintzas a ises e mesu de a merí)

·        Mércuris 10,00 – 13,00 ( de is dexi de a mengianu fintzas a sa una)

·        Cenàbara  10,00 – 13,00 ( de is dexi de a mengianu fintzas a sa una)

 

SUSPENSIONI DE SU SCIÓPERU NATZIONALI DE IS TRABBALLADORIS DE SU CUMPARTU IGIENI E AMBIENTI

12 de Argiolas de su 2016

Si fait isciri a totus is citadinus chi su Scióperu Natzionali de is trabballadoris chi òperant in su cumpartu igieni ambientali fissau po lunis 11 e martis 12 de Argiolas 2016 e apustis perlongau a Mércuris 13 e Gióbia 14 de Argiolas est stétiu suspéndiu oi, po tanti, in talis dís su servítziu de s’arragota de s’àliga si iat a depi fai in manera regulari.

Su Síndigu

Riccardo Sanna

 

PERLONGU DE SU SCIÓPERU NATZIONALI DE IS TRABBALLADORIS DE SU CUMPARTU DE IGIENI AMBIENTALI

10 de Argiolas de su 2016

Si avisant is citadinus chi su Scióperu natzionali de is Trabballadoris de su cumpartu Igieni Ambientali fissau po lunis 11 e martis 12 de Argiolas 2016 est stétiu perlongau a mércuris 13 e gióbia 14 de Argiolas 2016. Arragodendi chi in casu de acunsentimentu a su scióperu de parti de is dipendentis de s’Azienda “San Germano Derichebourg” ddoi podit ai istrobbus in s’arragota de s’àliga..

In casu s’àliga non siat stétia arretirada, si cumbidat is umperadoris a dda torrai a portai aintru de is domus o de is butegas insoru e a non dda lassai in sa bia.

 

 

 

SCIÓPERU NATZIONALI TRABBALLADORIS DE SU CUMPARTU IGIENI AMBIENTALI

8 de Argiolas de su 2016

 

Si avisant is citadinus chi lunis 11 e martis 12 de Argiolas 2016 nc’est su Scióperu Natzionali de is trabballadoris de su cumpartu Igieni Ambientali; duncas, in casu de acunsentimentu a su scióperu deis dipendentis de s’Azienda “San Germano Derichebourg” ddoi podit ai istrobbus in s’arragota de s’àliga..

In casu s’àliga non siat stétia arretirada, si cumbidat is umperadoris a dda torrai a portai aintru de is domus o de is butegas insoru e a non dda lassai in sa bia.

 

Su Síndigu

Riccardo Sanna

 

PAGAMENTU CUNTRIBBUTUS DERETU A SU STÚDIU

8 de Argiolas de su 2016

 

Si fait sciri chi in su “Banco di Sardegna” funt paghendi is cuntribbutus po:

·        Arrimbusus spesas de biaxi a is studiantis chi biaxant de is Scolas Segundàrias de II gradu – Annu de scola 2014/2015 (L.R. n°31/84 art.7 lit. A)

·        Assignus de Stúdiu (L.R. 31/84) a is studiantis de is Scolas Segundàrias de II gradu -

 Annu de scola 2014/2015

S’Assessora a s’Istrutzioni Púbblica

Graziella Gambella

 

Su Síndigu

Riccardo Sanna

 

 

ISPERDIDURA DE  IS PATEDDAS

8 de Argiolas de su 2016

 

Si fait sciria is citadinus chi martis 12 de Argiolas 2016 de is seti e mesu de a mengianu (7,30) ddoi at un’interventu de isperdidura de is pateddas de parti de su “Centro Provinciale Antinsetti” cumenti dispostu de s’ordinàntzia de su Síndigu n° 16 de su 7 de Argiolas 2016. Is abbitantis de is zonas interessadas ddus at a  informai, po médiu de comunicatzioni dereta, sa Politzia Municipali e funt cumbidaus a apoderai portas e fentanas serradas in s’interis de su tratamentu.

 

Su Síndigu

Riccardo Sanna

 

INGHITZU CAMPÀNGIA DE ADOTZIONI DE IS CANIS CHI FUNT IN SU CANILI

Si fait isciri a totus is citadinus de Pabillois chi ocannu puru imparis a sa Campàngia de Sterilizatzioni, nc’est  sa Campàngia de adotzioni de is canis arricoveraus in sa strutura cunventzionada cun su Comunu de Pabillois.

Is famíllias intentzionadas a pigai unu cani, a parti fai unu gestu úmili chi cumportat su smenguamentu de is spesas artas fatas de sa comunidadi, podint gosai de esentzionis o smenguamentus de sa Tari (imposta de s’àliga) po unu períodu de tres annus.

Is canis bagamundus funt unu probblema sociali in créscida esponéntziali:

·        A su cani, mancai ténniu beni in una strutura organizada, ddi ammancat s’afetu de una famíllia;

·        Is costus po mantenni su cani in sa strutura funt artus e pesant meda apitzus de totus is citadinus.

Po médiu de s’adotzioni de unu cani si podit:

·        Donai una domu arricidora a su cani;

·        Arriciri afetu de unu cani;

·        Gosai de unu cuntribbutu a títulu de smenguamentu de sa TARI ( fintzas a €250,00 a s’annu) po tres annus de sighiu;

·        Donai is spesas po su mantenimentu de su cani in strutura a àteras atividadis socialis o a servítzius útilis po su territóriu e po totus is citadinus.

Su regulamentu po s’adotzioni cuntenit una série de mesuras specíficas po garantiri chi su cani chi pigaus siat tratau in sa mellus manera apustis de de is primus annus puru.

In su giassu istitutzionali de su Comunu de Pabillois, is sa setzioni apósita “Dog House Family” opuru in s’Ufíciu de Politzia Municipali, si podint agatai totus is scedas chi serbint po sa procedura de sighiri e is mollus po sa domanda de is esentzionis/smenguamentus.

Documentus disponíbbilis

Regulamentu

Mollu de adotzioni

Su Síndigu

Riccardo Sanna

 

 

 

 

 

AVISU BASCA MEDA

30 de Làmparas de su 2016


ProCivRas – Undada de Basca

Su Centru Regionali de Protetzioni Civili – Setori Meteo- at donau s’avisu de s’arribbu de un’undada de basca de is duas (14,00) de gióbia 30 de Làmparas 2016 fintzas a is otu de a merí (20,00) de sàbudu 2 de Argiolas 2016. Si consillat de fuiri de abarrai in foras in oras prus callentis de sa giornada ( intra de mesu dí e e is ses de a merí), smenguendi diaici s’espositzioni a is temperaduras artas.


Su Síndigu

Riccardo Sanna

INGHITZU CAMPÀNGIA DE ADOTZIONI DE IS CANIS CHI FUNT IN SU CANILI

29 de Làmparas de su 2016

Si fait isciri a totus is citadinus de Pabillois chi ocannu puru imparis a sa Campàngia de Sterilizatzioni, nc’est sa Campàngia de adotzioni de is canis arricoveraus in sa strutura cunventzionada cun su Comunu de Pabillois.

Is famíllias intentzionadas a pigai unu cani, a parti fai unu gestu úmili chi cumportat su smenguamentu de is spesas artas fatas de sa comunidadi, podint gosai de esentzionis o smenguamentus de sa Tari (imposta de s’àliga) po unu períodu de tres annus.

Is canis bagamundus funt unu probblema sociali in créscida esponéntziali:

Po médiu de s’adotzioni de unu cani si podit:

Su regulamentu po s’adotzioni cuntenit una série de mesuras specíficas po garantiri chi su cani chi pigaus siat tratau in sa mellus manera apustis de de is primus annus puru.

In su giassu istitutzionali de su Comunu de Pabillois, is sa setzioni apósita “Dog House Family” opuru in s’Ufíciu de Politzia Municipali, si podint agatai totus is scedas chi serbint po sa procedura de sighiri e is mollus po sa domanda de is esentzionis/smenguamentus.

Documentus disponíbbilis

Regulamentu

Mollu de adotzioni

Su Síndigu

Riccardo Sanna

INGHITZU DE SA CAMPÀNGIA DE STERILIZATZIONI DE IS CANIS DE PROPIEDADI – PROGRAMMA DE LOTA A IS CANIS BAGAMUNDUS

27 de Làmparas de su 2016

Si fait sciri a sa citadinàntzia chi, in su cuntestu de sa preventzioni e cuntrastu a is canis bagamundus, si inghitzat sa Campàngia de Sterilizatzioni de is canis de propiedadi. Su progetu est indiritzau a totus is propietàrius de canis fémminas e si proponit de cumpriri unu programma de cuntrollu de is nascidas de canis non disigiaus aumentat sa populatzioni de canis bagamundus e duncas cumportant un’aumentu de is spesas de mantenimentu chi pesant apitzus de totus.

Su Comunu donat unu cuntribbutu paris a 100,00 po dónnia sterilizatzioni, cumenti a arrimbussu de sa spesa. Po tenni su cuntribbutu, is propietàrius de canis fémminas, depint essi in régula cun s’iscritzioni a s’anàgrafi de is canis e depint essi residentis in su Comunu de Pabillois de assumancu 12 mesi ainnantis de sa data de pubblicatzioni de custu avisu.

A cumentzi de su 1° de Argiolas 2016 si podit presentai in su Protocollu is domandas, cumpilendu su mollu apósitu chi s’agatat in s’Ufíciu de Politzia Municipali opuru si podit scarrigai deretu de su giassu de su Comunu.

Documentus disponíbbilis

Delibberatzioni

Determinatzioni

Progetu

Mollu de domanda

Su Síndigu

Riccardo Sanna



AMBULATÓRIU COMUNALI E GUÀRDIA MÉDICA – CÀMBIU TEMPORÀNEU

22 de Làmparas de su 2016



Si fait isciri a totu sa populatzioni chi sa Guàrdia Médica de Pabillois, innói ddoi at puru is servítzius de Igieni Púbblica, de Saludi Mentali e Pediatra, si càmbiat po unu pagheddu de tempus de bia Dante a bia Umbertu I (ex iscolas de mesania) po nexi de is trabballus de manutentzioni istraordinària de su fàbbricu.

Su primu turnu in sa sea de bia Umbertu incumintzat de cenàbara 24 de Làmparas 2016 e sighit fintzas a s'acabbu de is trabballus in sa sea de bia Dante, chi fortzis durant 120 dís.


Su númunu de teléfunu de s'ambulatóriu (070 935 30 50) abarrat su própiu.


Su Síndigu

Riccardo Sanna.



AGIUDUS PO SA RIPRESA DE S'ATIVIDADI ECONÓMICA E PRODUTIVA DE IS IMPRESA PITICAS E DE MESANIA (PMI) ATIVAS IN SA PRODUTZIONI AGRÍCOLA PRIMÀRIA DANNEGIADAS DE IS LANDIRADAS DE IS MESIS DE LÀMPARAS E ARGIOLAS 2015 E DE SA TRUMBA DE ÀRIA DE SU 4 DE CABUDANNI 2015


22 de Làmparas 2016


Si fait isciri chi Argea Sardegna, Agentzia regionali po sa gestioni e s'ispartzidura de is agiudus in agricoltura at torrau a oberri is términis po sa presentada de is domandas de Agiudu po sa ripresa de s'atividadi económica de is impresas piticas e de mesania (PMI) attivas in sa produtzioni agrícola primària dannegiadas de is landiradas de is mesis de Làmparas e de Argiolas 2015 e de sa trumba de ària de su 4 de Cabudanni 2015.

Aintru de su 21 de Cabudanni 2016 a mesudí (12,00) si podit presentai sa domanda de agiudu segundu is istrutzionis torrada a portai.

Is domandas de agiudu, cumpiladas e firmadas cumenti s'ispetat, tocas a ddas mandai a su Servítziu Territoriali Argea cumpetenti po médiu de sa PEC a s'indiritzu argea@pecagenziargea.it

Si podit mandai puru po médiu de arracumandada e in custu casu, a su fini de s'apretziamentu de is tPrminis de presentada, fait fidi su timbru de s'Ufíciu Postali.


S'Assessori a s'Agricoltura Su Síndigu


Roberto Piras Riccardo Sanna




MANIFESTATZIONI DE INTERESSAMENTU PO S'INTREGADURA DE 2 POSTUS ACANTA DE CAMPUSANTU


22 de Làmparas de su 2016


Si fait isciri

Chi in esecutzioni de sa delibberatzioni G.M. N° 56 de su 9 de Làmparas 2016, cun determinatzioni de su responsàbbili de servítziu n°371/2016, funt istétias incumentzadas is proceduras de intregadura in bia temporanea e isperimentali de duus postus disponíbbilis po su momentu acanta de Campusantu, po médiu de avisu púbblicu de manifestatzioni de interessamentu. Is assignatàrius tenint deretu a s'esòneru de s'80% de su pagamentu de sa Tosap cun s'óneri de garantiri s'obertura e sa serrada de s'intrada de su Campusantu.

Operadoris interessaus:

Operadoris de su setori de sa béndita de froris e prantas esercitada de cummérciantis o produtoris agrícolus, aici cumenti inditau in sa determinatzioni n°371/2016.

S'intregadura tenit sa durada de 365 dís ( po donniunu chi tenit deretu) chi si poditperlongai.


Is domandas de adesioni depint éssiri presentadas a s'Ufíciu Protocollu aintru su 28 de Làmparas 2016.


Su Responsàbbili de su Servítziu

Dott.ssa Mariangela Porru


GRADUATÓRIA PROVISÓRIA . ARREMBURSU ISPESAS DE BIAXI ISTUDIANTIS ISCOLAS SUPERIORIS – Annu de iscola 2014/2015 (L.R 31/84)

18 de Làmparas de su 2016

Si fait isciri chi est in pubblicatzioni sa graduatória provisória chi pertocat s'arrembursu de is ispesas de biaxi a is is istudiantis de is iscolas superioris chi biaxant po s'annu de iscola 2014/2015 (L.R.n°31/84 art.7 let.A) po dexi dís de sighiu fintzas a su 26 de Làmparas de su 2016.

Is importus inditaus in sa graduatória podint éssiri cambiaus apustis de arrecursus e/o àterus averiguamentus.

A amparu de sa riservadesa, cunformas a su D.Lgs de su 14 de Martzu 2013 n°33 art.26 c.4, non funt pubblicaus is datus acapiaus a is nóminis de is istudiantis beneficiàrius inditendi su númunu de protocollu de sa domanda presentada.


Is arrecursus podint éssiri presentaus a s'Ufíciu Protocollu aintru de su 26 de Làmparas 2016.


Per calisisiat isceda, su personali de s'Ufíciu Istrutzioni Púbblica est disponíbbili in s'oràriu de obertura a su púbblicu:


Su Responsàbbili de su Servítziu

Dot.ra Mariangela Porru

DISINFESTATZIONI CONTRAS A IS MARDONAS IN SU CENTRU DE SA BIDDA

17 de Làmparas de su 2016

Si fait isciri a sa citadinàntzia chi su “Centro Provinciale Anti Insetti” Centru Provinciali contra a is babballotis), po sa domanda de su Comunu de Pabillois, depit fai un'interventu in is bias de su centru urbanu po isperdi is mardonas is mardonas, in esecutzioni de s'ordinàntzia sindacali n°13 de su 16 de Làmparas 2016.

S'interventu est prevídiu po su 21 de Làmparas a incumentzai de is otu e mesu (8,30) po médiu de su positzionamentu de is “ratto box” in is putzetus de sa bassa (fogna) e in is tumbinus istradalis.

Is tratamentus umperaus funt totus autoritzaus e arregistraus in manera regulari a su Ministeru de sa Saludi, garantendi sa siguresa assoluta in is cunfrontas de s' ómini e de is àterus animalis.


Est vietau tocai o ndi pigai is dispositivus de ispartzidura de is escas positzionatas po s'isperdidura de is mardonas.


Su Síndigu

Riccardo Sanna



SPIAGGIA DAY 2016”

15 de Làmparas de su 2016



Si fait isciri chi s’Amministratzioni Comunali bolit organizai po su mesi de Argiolas e de Austu 2016 su servítziu “Spiaggia Day 2016” indiritzau a totus is pipius intra de is 6 annus fatus e is 15 annus.

Su servítziu previdit s’acumpangiamentu de is pipius in unu logu de mari adeguau una borta a sa cida e su cumprimentu de atividadis de socializatzioni e animatzioni.

Is interessaus depint presentai sa domanda de iscritzioni a s’Ufíciu Protocollu aintru de su 22 de Làmparas 2016, cumpilendi su módulu disponíbbili puru “on line”.

Po àteras inceda est possíbbili cuntatai s’àrea sóciu-culturali:

su lunis e su mércuris 11,00-13,00 ( de is úndixi fintzas a sa una)

tel. 070 935 292 05.

S’Assessora a is Servítzius Socialis Su Síndigu

Graziella Gambella Riccardo Sanna




BOGADURA CUNCORDADURAS DE IS BIAS APUSTIS DE IS FESTAS

9 de Làmparas de su 2016


Is comitaus organizadoris de festas costumant a cuncordai sa bidda cun festonis, cun bandereddas e cuncordaduras, acapiaus a mandada dópia asuba de is palus de sa luxi, de is matas e de is barandíglias.

Is cuncordaduras funt bellas e faint arrespirai s'ària de festa; cun totu custu est giustu chi, apustis de ai fatu sa manifestatzioni, si torrit a puliri sa Bidda, primu po allogai is materialis chi iant a podi serbiri po sa matessi festa mancai s'annu chi benit, in segundu logu po apoderai sa bidda límpia de is materialis chi in pagu tempus bessint àliga chi si ispraxit po is bias e in is pratzas de sa bidda. Po custu motivu, si cumbidant is assótzius, is comitaus organizadoris de is festas, e puru is citadinus chi ndi ant incurau sa collocadura, a ndi ddus bogai chentza lassai arrestus apustis de dónnia recurréntzia.

Si cunfidat in sa collabboratzioni operosa de totus.

Su Síndigu e s'Amministratzioni Comunali



INTERVENTUS PO CUMBATI SA POBURESA . PROGRAMMA 2015

8 de Làmparas de su 2016


SI FAIT ISCIRI :


Chi is citadinus interessaus, chi tenint is rechisitus inditaus apustis, podint presentai is domandas de acessu a su Programma 2015 po sa cumpridura de interventus po cumbati sa poburesa continua e sa de su momentu aintru e non prus a tradu de sa una (13,00) de su 7 de argiolas 2016, intreghendiddas totus is dís in s'Ufíciu Protocollu de is dexi de a mengianu fintzas a sa una (10,30-13,00), acumpangiadas de su certificau ISEE, relativu a s úrtimu annu disponíbbili in su momentu de sa presentada de is domandas etotu po is línias de interventu A) e C).

Is mollus funt disponíbbilis in s'Ufíciu de su Servítziu Sociali Professionali de custu Comunu (2° pianu) in is dís lunis e mércuris de is úndixi fintzas a sa una (11,00-13,00), opuru si podint iscarrigai deretamenti de su giassu istitutzionali.

Is domandas si podint trasmítiri po médiu de sa pec a s'indiritzu chi sighit:

protocollo@pec.comunepabillonis.it


Documentus e módulus

Avisu Púbblicu e Arregulamentu po s'acessu a su programma

Módulu de acessu a su programma

Manifestatzioni de interessamentu cooperativas


Pabillois 8 de Làmparas 2016

Su Síndigu – Riccardo Sanna

S'Assessora a is Servítzius Socialis – Graziella Gambella.

IMPOSTA ÚNICA COMUNALI – IUC ANNU 2016

6 de Làmparas de su 2016

De su 1° de Gennaxu est in vigéntzia s'imposta Única Comunali (IUC), istituida cun sa Lei 27 de meseidas 2013 n°147 (Lei de Istabbilidadi po su 2014) e est integrada de s'Arregulamentu relativu, aprovau cun delíbbera C.C. N°12 de su 25 de Argiolas 2014 e cambiau cun is Delíbberas C.C. N°11 de su 19 de Maju 2015 e n°15 de su 29 de Abrili 2016. Sa IUC si fundat apitzus duus presuppostus impositivus, unu costituiu de su possessu de immóbbilis e collegau a sa natura e balori cosa insoru, s'àteru collegau a s'ispartzidura e a su gosu de servítzius comunalis. Duncas sa IUC est cumposta de:

IMU (imposta municipali própia) a caràtiri patrimoniali, dépia de su possessori de immóbbilis, esclúdias is domus principalis;

TASI (Tribbutu servítzius indivisíbbilis) est s'imposta po s'ispartzidura de is servítzius indivisíbbilis comunalis. Su presupostu impositivu est su possessu o sa detentzioni, a calisisiat títulu, de fàbbricus e de àreas fabbricàbbili, francu, in dónnia manera, is terrenus agrícolus e sa primu domu, in cunforma a s'imposta municipali própia, esclúdias cussas classificadas in is categorias catastalis A/1, A/8 e A/9. Sa Tasi dda depit pagai su cuntribbuenti in autu-licuidatzioni, a càrrigu siat de su possessori siat de s'umperadori de s'immóbbili;

TARI (tassa asuba de s'àliga) destinada a finantziai is costus de su servítziu de arragota e isperdidura de s'àliga, a càrrigu de s'umperadori.

PAGAMENTU IMU E TASI

Is impostas ddas depit pagai su cuntribbuenti in autu-licuidatzioni.

Is impostas tocat a ddas pagai po médiu de su modellu F24.

Est disponíbbili in su giassu istitutzionali de s'enti www.comune.pabillonis.vs.it su “software on line” chi permitit a su citadinu/umperadori de fai su càlculu TASI e s'imprenta de is modellus F24.


Iscadéntzias:

16 de Làmparas 2016 – Acontu (paris a su 50% de sa somma annua de pagai) opuru totu sa somma de pagai in una borta scéti.

16 de Meseidas 2016 - Saldu.

ALÍCUOTAS IMU

Su Comunu cun delibberatzioni de su C.C. N°18 de su 29 de Abrili 2016 at cunfirmau is matessis alícuotas de is annus ainnantis, torradas a portai innòi de sighiu:

ALÍCUOTAS TASI

Su Comunu, cun delibberatzioni de su C.C. N°19 de su 24 deAbrili 2016 at cunfirmai is matessis alícuotas de is annus ainnantis, torradas a portai innòi de sighiu:


TARI SÍNTESI DE SA DISCIPLINA


AVISU TZERRIADA DE SU CONSILLU COMUNALI

2 de Làmparas de su 2016

Si fait isciri chi, cunformas a su dispostu de su títulu III de su D.Lgs. 267/2000, su Consillu Comunali est tzerriau in sétzida ordinària de 1°tzerriada, in s'aula de su Consillu in s'ex Municípiu in bia San Giovanni n°34, su 6 de Làmparas 2016 a is seti e mesu de a merí, po histionai de is argumentus chi sighint:


Su Síndigu

Riccardo Sanna






PROVEDIMENTUS IN MATÉRIA DE BIAS, TRÀFICU E SIGURESA STRADALI IN OCASIONI DE SA CUMPETITZIONI CICLÍSTICA NATZIONALI “SU DE 17 GIRUS DE IS MINIERAS 2016” PO SÀBUDU 4 DE LÀMPARAS 2016

30 de Làmparas de su 2016

Comunicatzioni importanti!


Si avisat chi sàbudu 4 de Làmparas 2016, in ocasioni de sa cumpetitzioni ciclística natzionali “su de 17 girus de is minieras 20162, cun ordinàntzia n°12 de su 30 de Maju 2916, est istétiu dispostu su divietu de pàsiu in ambaduus is ladus de is otu de a mengianu fintzas a mesudí e mesu (8,00-12,30) in totu su camminu interessau e su divietu de passàgiu de is dexi e mesu fintzas a is úndixi e mesu de a mengianu (10,30-11,30).

De sighiu funt elencadas is bias interessadas:

bia Nuoro, bia Sardegna, bia Sassari, bia Vittorio Emanuele, bia santa Maria, bia Gramsci, bia San Giovanni, bia Roma, bia Cavallotti.

PROCEDURA PO MANIFESTATZIONI DE INTERESSAMENTU A PIGAI PARTI A SA PROCEDURA DE ISCIOBERU PO MÉDIU DE SU SISTEMA DE IMBIU RDO PO MÉDIU DE PIATAFPRMA MEPA – GESTIONI CANTIERI COMUNALI EX SCAINI


Documentus acapiaus:


Avisu Púbblicu pdf

Progetu pdf

Su Responsàbbili de su Servítziu

Ing. Stefano Cadeddu


PULITZIA ÀREAS BIRDIS, TERRENUS NON MANIXAUS E PREVENTZIONI FOGUS

23 de Maju de su 2016


Si fait isciri chi, in vista de sa stagioni stadiali e de s'inghitzu de sa campàngia contras a su fogu 2016 tocat a puliri is terrenus non manixaus de s'erba, de s'arrù e de àteras matixedda arestis, cunformas a s'ordinàntzia n°11 de su 20 de Maju 2016, po bogai s'arriscu de fogu e po smenguai, in su matessi momentu, sa nàscida torra de su babballoti.S'amministratzioni puru, mancai cun medas dificultadis, est providendi a ddu fai in is terrenus chi ddi cumpetint.


Si torraus gràtzias po s'agiudu.

Su Síndigu

Riccardo Sanna



COMUNICATZIONI ACABBU SERVÍTZIU DE MENSA ISCOLÀSTICA

23 de Maju de su 2013


Si fait isciri a totus is babbus e is mammas de is istudiantis chi su servítziu de mensa iscolàstica de s'Iscola de sa Pipiesa de bia Bologna si cumprit fintzas a cenàbara 10 de Làmparas 2016.


S'Assessora a s'Istrutzioni Púbblica

Graziella Gambella


Su Síndigu

Riccardo Sanna


BESSIDA ARCHEO-ECOLÓGICA

17 de Maju de su 2016


Si fait isciri chi sa data noba po sa Bessida Archeo-Ecológica, po nexi de su perlongu , est su 5 de Làmparas 2016.

Si arragodat chi po pigai parti a sa bessida tocat a s'iscriri, domandendi a sa Pro Loco, a sa Consulta de is gióvunus opuru a sa Sociedadi de Atlética.

CONSILLU COMUNALI

13 de Maju de su 2016


Si fait isciri chi, cunformas a su dispostu de su títulu III de su D.Lgs. 267/2000, su Consillu Comunali est tzerriau in sétzida ordinària de 1° tzerriada in s'aula de su Consillu in s'ex Municípiu in bia San Giovanni n°34, su 18 de Maju 2016 a in seti e mesu (19,30) po chistionai de is argumentus chi sighint:


Su Síndigu

Riccardo Sanna





AVISU DE TZERRIADA DE SU CONSILLU COMUNALI



Si fait sciri chi, cunformas a su dispostu de su títulu III de su D.Lgs.267/2000, su Consillu Comunali est tzerriau in sétzida Ordinària de primu tzerriada, in s'Aula de su consillu in s'ex Municípiu in bia San Giovanni n°34, su 29 de Abrili 2016 a is 16,30 (cuatru e mesu de a merí) po chistionai de is argumentus chi sighint:

AVISU DE DEPÓSITU RENDICONTU FINANTZIÀRIU 2015 E ALLEGAUS RELATIVUS



Su Responsàbbili de su Servítziu Económicu-finantziàriu de su Comunu de Pabillois



Arremonau su Testu Únicu de is Leis apitzus de s'Ordinamentu de is Entis Localis D.Lgs. 267/2000, pruscatotu sa de 2 parti chi pertocat s'Ordinamentu Finantziàriu Contàbbili e su de 4 Títulus chi pertocat sa Scoviadura e sa Demostratzioni de is arresurtaus de Gestioni;



AVISAT

chi in s'Ufíciu de su segretàriu Comunali de su Comunu est depositau e est disponíbbili po ddu castiai, de oi e po 20 dís de sighiu, su Rendicontu po s'esercítziu finantziàriu 2015 acumpangiau de totus is allegaus de lei.

Is documentus funt disponíbbilis e si podint scarrigai puru de su giassu de su Comunu de Pabillois in sa setzioni Amministratzioni Trasparenti in s'acàpiu chi sighit: Bilancio preventivo e consuntivo.



S'Ufíciu Ragioneria est a dispositzioni po calisisiat acraramentu abbisongit.



Saludus coralis Su Responsàbbili de su Servítziu

Rag.ra Anna Maria Fanari





Su Síndigu

Riccardo Sanna

AVISU TZERRIADA CONSILLU COMUNALI



Si fait sciri chi, cunformas a su dispostu de su títulu III de su D.Lgs. 267/2000, su Consillu Comunali est tzerriau in sétzida Ordinària de 1° tzerriada, in s'Aula de su Consillu in s'ex municípiu in bia San Giovanni n°34, po su 19 de Abrili 2016 a is 19,00 (seti de a merí), po chistionai de is argumentus chi sighint:



  1. Documentu únicu de programmatzioni (dup) – períodu 2016/2019 discussioni e delibberatzioni afatanti (art. 170, comma 1 de su D.Lgs. N° 267/2000;

  2. Rennovamentu Commissioni Comunali a s'isport.



Su Síndigu

Riccardo Sanna



CONSULTATZIONI POPULARI ( REFERENDUM), ORÀRIU DE OBERTURA STRAORDINÀRIU DE IS UFÍCIUS COMUNALIS PO S'INTREGADURA DE IS TÉSSERAS ELETORALIS NOBAS OPURU DE DUPLICAUS





Domínigu 17 de Abrili 2016 si votat po su “Referendum” (consultatzioni populari) chi arreguardat su rennovu de is cuncessionis po su sfrutamentu de is giacimentus de petróliu e de gasu in is àcuas territorialis italianas aintru de is 12 millias de sa costera.



Si cumbidant totus is citadinus a averiguai si sa tèssera eletorali tenit ancoras logu po s'autenticatzioni de su votu.



Chini ddus at spaciaus o chini tenit abbisóngiu de de unu duplicau si podit rivolgi a is ufícius comunalis chi tenint s'oràriu de obertura straordinàriu chi sighit:



Cenàbara 15 de Abrili 2016 9,00-18,00 ( de is noioras de a mengianu fintzas a is ses de a merí.

Sàbudu 16 de Abrili 2016 9,00-18,00 ( de is noioras de a mengianu fintzas a is ses de a merí)

Domínigu 17 de Abrili 2016 7,00-23 ( de is seti de a mengianu fintzas a is úndixi de a noti).



TZERRIADA ATÓBIU CERAMISTAS E “APASSIONAUS”



Su Comunu de Pabillois e s'Assótziu culturali by us cumbidant totus is ceramistas e is apassionaus de su setori de sa terracota e de sa terràllia, a pigai parti a s'atóbiu prevídiu po mércuris 6 de Abrili 2016 a is 18,00 (ses de a merí), chi pertocat s'organizatzioni de una manifestatzioni chi punnat a s'avaloramentu de sa terracota.

S'atóbiu si fait in s'Aula de su Consillu in s'ex Municípiu, in bia San Giovanni n°34.

Pabillois 1 de Abrili 2016



DOMANDA POPULARI “PONTI FLÚMINI MALU”

Si fait isciri chi in su Comunu de Pabillonis puru, in is oràrius de obertura a su púbblicu :

de su Lunis fintzas a sa Cenàbara 11,00-13,00 ( de is úndixi de a mengianu a sa una);

sa Gióbia 16,30-18,00 ( de is cuatru e mesu fintzas a is ses de a merì)

si podit firmai sa Domanda Populari po intzullai s’interessamentu de s’Amministratzioni Regionali po su chi pertocat sa resolutzioni de su probblema de sa serrada de su ponti in sa Strada Provinciali S.P.69.

SEMINÀRIU APITZUS DE SA FIRMA DIGITALI, FATURATZIONI ELETRÓNICA E MERCADU ELETRÓNICU DE S’AMMINISTRATZIONI PÚBBLICA

S’Amministratzioni comunali cumbidat totus is impresas, is apassionaus e is assótzius a pigai parti a su seminàriu apitzus de sa Firma Digitali, Faturatzioni Eletrónica e Mercadu Eletrónicu a incuru de s’Assótziu Culturali “BY US” cun s’agiudu de su Comunu de Pabillonis. Sàbudu 5 de Martzu 2016 a is tres de a merì (15,00) in su Centru de Agregatzioni Sociali.

Su Síndigu

Riccardo Sanna

SPORTELLU DE ASCURTU

De cras 1° de Martzu 2016 est ativu su Sportellu de Ascurtu poi s pipius e is piciocheddus de is iscolas elementaris e de is iscolas de mesania.

Su sportellu de Ascurtu punnat a arriciri totus is domandas, is dudas e is pentzamentus caraterísticus de sa fasi de créscida de is pipius e de is piciocheddus chi trastigiant sa de 5 classis elementaris e s’iscola segundària de 1° gradu cun s’iscopu de prumovi su benéssiri e sa prevenzioni de is istrobbus.

S’Assessora a s’Istrutzioni Púbblica Su Síndigu

Graziella Gambella Ricardo Sanna

COMUNU DE PABILLOIS

PROVÍNCIA DE SU CAMPIDANU DE MESU

ASSESSORAU RISORSAS ARCHEOLÓGICAS

Proposta po s’avaloramentu de is Àreas Archeológicas.

Camminu Archeológicu, Dì de Stória Archeológica in Pabillois


Unu pópulu únicu, una civilidadi


Sa civilidadi de su nuraxi est nàscia e s’est svilupada in Sardigna, non ddoi at averiguamentus in prus in su cuntestu de is àteras civilidadis antigas de su Mediterràneu, mancai cun cussas ndi partziat su cuntrollu.

Depit su nómini suu a is Nuraxis, costrutzionis mannas meda de perdas mannas, chi ant provocau in su tempus spantu e misteru in is circadoris. Sa strutura típica a turri cun càmara interna e cun bóvida a “cúpola frassa” o “tholos, est de seguru, a su stadu atuali de sa connoscéntzia cosa nosta, unu tipu de momumentu presenti scéti in Sardigna. Sa cúpola a “tholos”, impreada in Sardigna cumenti a sistema de cobertura de is càmaras internas de is nuraxis e de medas témpius a putzu, no est una solutzioni architetónica scéti de sa civilidadi de is nuraxis, cumenti ammostant in manera crara is tumbas a “tholos” miceneas.

Totu custu lassat biri sa natura cumplessa de is raportus económicus, políticus e culturalis intéssius de sa genti de su nuraxi cun àteras culturas.

Non scieus cumenti is nuràgicus si narant de issus e totu, ca non ddoi at nisciunu testimóngiu scritu de cussu períodu. Asuba de s’órigini insoru si pentzat chi custas gentis non fiant stràngius ma fiant is eredeus de is sardus e totu chi giai iant donau vida, in su Neolíticu e in s’Edadi de s’Arràmini, a is grandus culturas de sa Sardigna pre-nuràgica. Immui, apustis de is cambiamentus socialis e económicus sighius a sa scoberta e a s’umperu de su metallu ( brunzu, pruscatotu), custas populatzionis si fiant mellioradas in formas prus cumplessas de organizatzioni sociali, determinendi sa froridura de un’architetura originali: nuraxis, tumbas de is gigantis, putzus sacrus; est su períodu chi in s’Europa ocidentali e mediterranea est inditau cun su fueddu de “Protostória”.

In sa stória millenària cosa sua, sa populatzioni de su nuraxi, at tentu scàmbius culturalis e cummercialis fitianus cun is civilidadis mediterràneas de prus importu ma in su de 5 séculus a.C., s’intrada in guerra cun s’imperialismu cartaginesu a innantis e su romanu apustis ndi iat decretau s’acabbu. In su territóriu de su comunu de Pabillois, s’agatant unus cantu giassus archeológicus, sa prus parti funt de s’època nuràgica, àterus de època romana. Ddoi at is arrestus de unus cantu nuraxis, a dolumannu medas de custus non si distinghint prus po cambiamentus de importu fatus de s’ómini.

Grandu est s’importu de su territóriu de Pabillois in funtzioni de is collegamentus intra de is centrus de sa costera de su gulfu de Aristanis (Neapolis, Tharros, Monti de Prama, ec.) e s’arrestu de s’ísula, siat faci a s’internu montuosu, siat faci a Casteddu. Totu custu est testimongiau in sa giografia antiga, arega e romana, chi biat in is Bàngius de Sàrdara (Aquae Neapolitanae po is romanus) unu puntu de importu. Su chi po fortuna est abarrau avalorat meda su territóriu.

Sa dispositzioni de is Nuraxis (unus cantu giai in línia dereta) ammostant un’importu stratégicu, unu términi in su territóriu, a ovest cun is Nuraxis “Parti de Jossu” e “Domu de Campu” ( cun bidda atacada) prus a innantis de is frúminis “Bellu” e “Malu” chi s’atobiant a formai su Flúmini Mannu, e ancoras prus a ovest faci a su territóriu de Gùspini cun is Nuraxis “Melas”, “Saureci”, “Bruncu de s’Orcu”.

Su Flúmini Mannu is giografus antigus e is studiosus ddu identificànt e ddu arragodant cumenti su Frúmini Sacru, ca si ghetàt in sa lútzina de Marceddí, faci a Cabu Frasca, innó nci fiat su Témpiu de su Sardus Pater, (deus venerau de is Sardus nuràgicus). Su témpiu si pesàt fortzis aroru de Nàbiu (Santa Maria de Neapolis) in su Gulfu de Aristanis, faci a Cabu san Marcu e acanta acanta a “Monti de Prama” chi oi est venerau prus che mai, apustis chi ant aciapau is gigantis magnificus.

Su territóriu de Pabillois duncas si agatàt in una zona de importu, beni testimongiada de su puntu de vista de is monumentus de su Nuraxi Fenu (s'únicu chi est istétiu scavau in manera archeológica) e pruscatotu de su Nuraxi santu Sciori, chi mancai non siat istétiu scavau, s’ ammostat in totu sa mannària e importu cosa sua.

Elencu de is logus Archeo-nuràgicus visíbbilis, presentis ancoras oi e is indeterminaus, chi si agatant a est de su frúmini narau “Riu Malu” e “Flúmini Mannu”, naturalmenti sa positzioni giogràfica est identificada tenendi cumenti a puntu de riferimantu sa bidda de Pabillois.

Fotografia: Nuraxi Fenu




Foto: Nuraxi Fenu (Ing. Piras Massimiliano)


  1. A Nord-Est s'agatat su Nuraxi oramai imprecisau, chi non si bit prus po nexi de sa manu de s'ómini, “Sa Fronta”, faci a Sàrdara, in su ladu de manu manca de “bia Forru” una zona pitica cun perda, narada “S'Ena de su Zimini” (Lat:39°36'50.69”N) – Long: 8°43'58.29”E).

De is iscedas recuperadas de sa Subraintendéntzia Archeológica, arresurtat chi in s'interis de trabballus agrícolus, fatus una trintina de annus fait, in localidadi “S'Ena de Zimini”, est istétia sinnalada sa preséntzia de unus cantu coróngius de basaltu, de custus calincunu est ancoras ingunis e de unu “coróngiu trapetzoidali sbiesciu in sa cima, trabballau beni cun sa marteddedda”. Custu insiemi de perdas podit essi interpretau cumenti unu “Menhir” collocau acanta de una tumba megalítica (est a nai de perda manna) comuna, inditada non scéti de is coróngius ma puru de una grandu cantidadi de ossus umanus agataus intzaras.

De sa natura e de sa cunformidadi de cussas perdas, si cumprendit sa preséntzia de un'aposentamentu e de una tumba nuràgica. Un'àtera cunferma possíbbili dda donat su terrenu aroru chi arresurtat unu terrenu de calidadi agrícola scarsa. Sa necròpoli pitichedda est atesu 1 Km de Nuraxi Fenu e unus tres de santu Sciori. Su nómini “S'ena de Zimini”, ndi benit, cun probbabbilidadi, de sa cunformidadi de is terrenus a ingíriu chi s'incanalat faci a unu spàtziu de arragota de s’ àcua, de innòi “S'ena”.

In is terrenus agrícolus a ingíriu de su logu de interessamentu, ddoi at medas arrogus de terracota, de època romana, narada “Embrice”, umperada po is crabeturas de is domus, e po s'arti funerària, giai chi coberriant su mortu in sa sepultura.


Fotografia: Sa Fronta, S'Ena de Zimini


Fotografia: S'Ena de Zimini


Un'àteru logu de grandu importu est su de su Nuraxi de Santu Sciori (San Lussorio), (Lat:39°37'55.93”N – Long: 8°42'39,46”E), s'agatat apitzus de unu móguru de innói si bit grandu parti de su Campidanu faci a su Monti Linas. Postu asuba de un'isca de su Flúmini Mannu (“Flúmini Sacru”) cun certesa fiat istétiu costruiu a guardia de cussu e castiendiddu podeus a biri sa mannària e sa grandesa maestosa cosa sua.

Presentat unu tipu de costrutzioni cumplessa cumposta de unu bastioni, unas cantu turris antemuralis, chi oramai si bint scéti is arruinas, fortzis unu cuadrilobbau. Sa parti chi bessit a campu parit chi siat sa prus arta de totu su nuraxi, chi est giai totu interrau e de seguru fait parti de unu cumplessu meda prus mannu. In època medievali, su logu fiat umperau cumenti a logu sepulcrali, custu umperu est testimongiau de s'aciapu in su de 19 séc. de un'urna cinerària aintru de is arruinas de una de is duas turris. A dolumannu asuba de custu in is annus 60, chentza arrespetai sa sacralidadi nuràgica, est istétia fabbricada una cresiedda in cimentu armau. Cussu fiat ingiriau de àterus duus nuraxis prus piticus, unu ancoras interrau ma in parti visíbbili e puru asuba de custu nuraxi fiat istétia pesada una cresiedda faci a su 1800 prus o mancu, ma oramai est sciusciada, e abarrant scéti una parti de is murus de perímetru, costruius cun is perdas de is nuraxis.

Unus cantu documentus de su 1800 testimóngiant s’agatadura de un'urna cuadrilonga cun su ladu prus mannu, prus o mancu, de duus metrus e mesu, e aintru de sa matessi ossus mannus (!?!).


Fotografia: Nuraxi de Santu Sciori


Fotografia: Nuraxi de Santu Sciori (Ing. Massimiliano Piras).


  1. Su ponti de “Sa Baronessa” (Lat: 30°12.38”N – Long.8°42'17.31”E), est unu ponti de època romana, visíbbili ancoras oi e, mancai is annus, in bonu stadu de cunservatzioni.

Sa positzioni de atruessamentu de su ponti est faci Sud-Ovest. In època romana, sa Sardigna cumenti a oi, dda atruessat una strada chi partiat de Terranoa e lompiat fintzas a Casteddu (Caralis). Parrit chi a s'artària de su bíviu de Mòguru, un'àtera strada s'ingruxàt cun cussa e atruessàt su ponti romanu e sighiat faci a Gùspini, artziàt conca a Arbus, po lómpiri a Frúmini Majori, innói si agatàt su Témpiu de Antas e de su Sardus Pater. Sa strada sighiat a sa fini faci a Igrèsias e a su Sulcis arricu de cumplessus archeológicus. Su Sardus Pater fiat su deus chi venerànt is sardus nuràgicus. Sa stória si contat chi su Témpiu de Antas de Frúmini Majori fiat istétiu fabbricau in onori suu, cumenti cunfirmau de sa scoberta in su 1954 e in su 1966 de duus arrogus, chi cumpletendusì de pari a pari, ant torrau a costrui sa dédica de sa costrutzioni de su Témpiu.


Fotografia 01: Su ponti romanu de “ Sa Baronessa”


Fotografia 02. Su ponti romanu de “Sa Baronessa”


Fotografia 03. Su ponti romanu de “sa Baronessa”, ( a manu dereta is arruinas fortzis de su Nuraxi Santa Caterina, sciusciau po fai unu pabilloni aprigu po is animalis).


  1. Is cartas bécias de is primus de su de 19 séculus, inditant un'àteru nuraxi narau “Nuraxi Santa Caterina” (Lat:39°38'13.89”N -Long:8°42'23.80”E), s'agatat a est de su ponti romanu innói si ndi artziat su terrenu. Est unu nuraxi oramai indeterminau, giai chi ant umperau is perdas po fai unu pabilloni/aprigu po animalis de pastura. Est possíbbili, camminendi po is sartus, torrai a agatai arrogus de terracota antiga, sinnali chi s'argidda de su logu podiat éssiri de calidadi bona meda: difatis Pabillois no est scéti sa bidda de sa terra crua, ma de sa terracota puru. Su nuraxi estin línia cun Santu Sciori, cun Nuraxi Fenu e cun Nuraxi Arriana (territóriu de Sàrdara).

  2. A Ovest de su frúmini “Frúmini Mannu” e “Riu Bellu” s'agatant is àterus giassus nuràgicus elencaus asuta: in línia giai orizontali a su Nuraxi Santu Sciori, s'agatat su “Nuraxi Parti de Jossu” (Lat:39°37'41.27”N – Long:8°41'45.80”E, prus o mancu). Custu puru unu nuraxi indeterminau, cambiau de s'ómini chi ndi at fatu, innòi puru, unu pabilloni/aprigu po animalis, e unu muntoni de perda. Est perou visíbbili una steli (Menhir?) pesada cumenti a palu de intrada.


Fotografia: Localidadi Nuraxi Indeterminau Parti de Jossu


  1. A Sud de Parti de Jossu, parit s'agatàt sa bidda nuràgica narada “Domu de Campu” Lat: 39°36'5.96”N – Long: 8°42'3.53”E, prus o mancu), oramai est unu nuraxi indeterminau, chi s'ómini at cambiau in totu e po totu. In s'interis de s'aradura, est bessiu a pillu una bidda nuràgica cun una bintina de pinnetus/barracas, medas frisus scuadraus de basaltu (pedra niedda) pertinentis a unu fàbbricu nuràgicu monumentali

( fortesa o témpiu a putzu), elementus de pedra e vasellami. Talis repertus parrint riferíbbilis a un'aposentamentu de pinnetus/barracas nuràgicas; is istruturas muràrias nuràgicas funt stétias dannegiadas scéti in pitzus e parrit chi abarrint interradas asuta de terra. Funt visíbbilis in unu logu ingunis ananti àterus duus muntoneddus. Sa sciorrocadura dd’ant datada prus o mancu in s'annu 1400; ma de seguru est acontéssia in unu períodu a innantis poita a su tempus de Lionora D'Arborea, non fiat prus nomenada intra de is biddas abbitadas. Segundu àteras memórias is Morus de s'Àfrica, sbarcaus in su sinu de su Flumentórgiu, iant invàdiu, sciusciau e postu fogu a custu logu, e is scampaus de sa populatzioni si fiant arretiraus in su logu atuali de Pabillois.


Fotografia: Localidadi: Domu de Campu


  1. A Sud-Est de “Domu de Campu”, acanta acanta a sa bidda de oi e a su frúmini “Riu Bellu”, s'agatat una mitza de àcua de grandu importu, “ Fonti de s'Arrieddu, “Sa Mitza”, una mitza Feníciu/Romana, de innói a dolumannu s'àcua non bessit prus, chi podit éssiri de orígini vulcànica biu s'umperu a sa basi de blocus grussus apenas sbotzaus. Sa cobertura atuali in “opus latericium” inditat chi funt stétius fatus trabballus in època romana o medievali.


Fotografia: Fonti de s'Arrieddu, “sa Mitza”.


  1. A sud de s’abbitau s’agatant àterus duus nuraxis oramai indeterminaus, Nuraxi “Surbiu” (Lat: 39°35’16.45”N – Long: 8°44’9.32”E), de custu oi si podit a biri scéti s’area gràtzias a su circu de perda, chi s’ammostat intru de s’erba, e su nuraxi “Mitza Liana” (Lat: 39°35’16.45”N –Long: 8°43’41.85”E). Custu parit siat stétiu sciusciau po fai cun is perdas suas su camminu de s’incanalamentu de s’ àcua chi fadiat girai s’arroda de unu molinu. Su molinu puru est stétiu sciusciau e non ddoi at prus arrastu.


Fotografia: Nuraxis indeterminaus “Mitza Liana” – “Surbiu”.


  1. Un’àtera chistioni de importu, no archeológicu, ma faunísticu e idrogiológicu, est costituiu de is frúminis: Flúmini Mannu e Riu Malu. Non funt de certu is frúminis de una borta, su brutori e sa manu de s’ómini, ant cambiau su camminu de is àcuas e sa natura insoru, ma cumenti in totus is situatzionis, sa natura s’adatat e si cumpensat, ecu poita aroru de is frúmini nostus, podeus atobiai arratzas diferentis de pillonis in s’interis de stagionis diferentis:

s’anadi, sa púliga, sa pudda de àcua, su caboni de àcua (migradori, presenti in Itàlia scéti in Sardigna), su pedru piscadori, sa gru bianca, su stori, su stori de pisci, s’anadi conca birdi, sa circuredda, sa cuàllia e sa perdixi. Àterus animalis funt: su margiani, su buchimeli, su lépiri e su conillu.


TAREAS

Su princípiu firmu e sa tarea est su de ponni in luxi is chistionis de fundamentu, sa scoberta e sa connoscéntzia de is logus de cultu archeológicus de su territóriu nostu, sa chistioni de s’ambienti de amparai chi depeus in manera assoluta bivi in armonia e arrespetu, ponendi in luxi s’importu de su svilupu susteníbbili, e puru de su logu innói si svilupant in cuntestus diferentis, capacidadis e esperiéntzias de primori in sa prumotzioni de su costumu e de sa storia de sa Comunidadi Pabillonesa, de is atividadis culturalis, scientíficas o de circa, socialis, sportivas, de recreu e turísticas e naturalmenti s’importàntzia de s’initziativa po sa Regioni Sardigna.

Tenendi beni firmus custus princípius ispiradoris, sa tarea de s’Assessorau e de cust’Amministratzioni est su bolli cumpartziri cun totus su balori chi non si podit apretziai de su patrimóniu archeológicu cosa sua, po médiu de is iscolas favoressendi unu crosidadi archeológica a is istudiantis e po médiu is atividadis de giogu chi ant a fai incuriosai is paesanus nostus, is bisitadoris e is turístas.


Su deretu de autori: Comunu de Pabillois, Assessorau Risorsas Archeológicas.


Assessori a is Risorsas Archeológicas

Marco Sanna




















L. 482/99 Annu 2015


 

ORDINÀNTZIA N. 20 DE SU 14/08/2015

Mesuras po sa tutela de sa siguresa e de sa saludi pùbrica, po sa preventzioni de cumportamentus de inciviltadi urbana e sa disciplina de is oràrius e modalidadis de difusione sonora, s'abertura e sa serrada de is atividadis po donai cosa de papai e de bufai.

Ligi s'Ordinàntzia

-----------------

Illuminatzioni Pùbrica

In custas ùrtimas cidas, po chistionis de pirìgulu, at tocau a ndi bogai in su perìmetru de su centru urbanu unus 40 palus de s'illuminatzioni pùbrica de unus cantu logus de bidda, chi fiant bècius e a arriscu de ndi arrui.

S'Amministratzioni Comunali est ativendisì po torrai a poni a postu sa luxi in is bias de bidda cun d-unu progetu chi previdit de poni palus nous cun consumu energèticu bàsciu e tecnologia led.

Si pedit duncas a is arresidentis acanta de is palus bogaus, de teni passièntzia ancora unu pagu, ponendi in craru ca su traballu de is palus nous at a essi po primu anca ndi eus bogau is bècius. Si torrat gràtzias po sa comprensioni.

Su Sìndigu e s’Amministratzioni Comunali

---------------------

Contributus 2015 po su svilupu de su sport in Sardìnnia

Si fait sciri ca s’Assessorau de s’Istrutzioni Pùbrica de sa R.A.S. at abertu is trèminis po pediri is contributus 2015 po su svilupu de su sport in Sardìnnia. 

In particulari, fait a presentai domanda po:  

In su link asuta fait a ndi scarriai sa documentatzioni

BAI A SU LINK

S'Assessori a su Sport                                                                                       Su Sìndigu

       Marco Sanna                                                                                                      Riccardo Sanna

---------------------------------

Biblioteca Comunali

SERRADA DE AUSTU

Si fait sciri ca Sa Biblioteca Comunali at a abarrai serrada s’11 e su 18 de austu.

---------------------------

Ufìtziu Lìngua Sarda

SERRADA DE AUSTU

Si fait sciri ca s’Ufìtziu Lìngua Sarda at a abarrai serrau s’11 e su 18 de austu. Po cuntatai a s’operadora chi si serbit cosa urgenti scriei una mail a vatzei@provincia.mediocampidano.it

------------------

Riscossioni de is Pagamentas Comunalis – Su Comunu de Pabillonis ndi bessit de Equitalia

S'Amministratzioni Comunali de ocannu at  manigiai sa riscossioni de is pagamentas comunalis chentza de Equitalia. Unu scioberu chi cumportat milliorias, siat in s’aspetu econòmicu siat in àmbitu gestionali-amministrativu. A pustis de custa detzisioni, su Comunu at  manigiai sa riscossioni de is pagamentas cun una cunventzioni diretamenti cun Poste Italiane. Is spesas po sa riscossioni de is pagamentas comunalis in custa manera ant a essi abasciadas de prus de su 65%, assigurendi puru prus trasparèntzia amministrativa. Is tzitadinus ant a risparmiai po is spesas de cumissioni puru poita ca is pagamentas cun is F24 (de pagai in sa banca o in sa posta) no ant a cumportai nisciuna spesa agiuntiva. S’arregordaus cumenti si siat ca is pagamentas comunalis depint essi sèmpiri pagads de totu is tzitadinus, in manera gualis cunfroma a is servìtzius chi teneus dònnia dii, chi, cumpatibilmenti  is risorsas e a is possibiliddis s’at a circai sèmpiri de amelliorai.

                                                                          Su Sìndigu e s'Amministratzioni Comunali

------------------

Servìtziu de Mediatzioni Culturali

Su Comunu de Pabillonis, cun sa Cooperativa Sotziali Agape, invitant a totu is tzitadinus a pigai parti a su seminàriu de presentazioni de su Servìtziu de Mediatzioni Culturali chi ant a fai Cenàbara su 31 de Mesi de Argiolas 2015 de is 16:30 a is 18:30 in su Centru de Agregatzioni Sotziali de Bia Su Rieddu.

 

 

S'Assessori a is Polìticas Sotzialis

Graziella Gambella

 

Su Responsàbili de is Servìtzius Sotzialis

Dott.ssa Luisa Garau

 

Sa Rapresentanti de sa Cooperativa Agape

Patrizia Damiano

--------------------

Avisu de Cunvocatzioni de su Consillu Comunali

Si fait sciri ca, in arrelatzioni a su chi detzidit su tìtulu III de su D.lgs. 267/2000, su  Consillu  Comunali est cunvocau in setziada straordinària de 1^ cunvocatzioni, in sa sala de su centru de agregatzioni sotziali de via Su Rieddu, su 29/07/2015 a is 18:30, po chistionai de s’òrdini de traballus po sa dii chi sighit:

 

  1. Letura de is Verbalis Setziadas Precedentis;
  2. Programma triennali de is òperas pùbricas dispostu cunfroma a s'art. 128 de su  D.lgs 163/2006. Aprovatzioni pianu triennali de is òperas pùbricas (2015 - 2017), cun s’elencu annuali 2015;
  3. Bilànciu de previsioni de s’esercìtziu 2015, Bilànciu pluriennali po su 2015 - 2017 ex DPR n. 194/1996, Bilànciu de previsioni finantziàriu 2015 - 2017 ex D.lgs n.118/2011, Relatzioni previsionali e programmàtica 2015-2017. Approvatzioni.

 

Pabillonis, 23 mesi de Argiolas 2015                                                                      Su Sìndigu

    Riccardo Sanna

------------------

CUSTÒDIA DE IS ANIMALIS MASEDUS IN IS PARCUS PÙBRICUS

Po assigurai a totu is tzitadinus de teni is logus pùbricus, parcus e àreas birdis a dispositzioni, siat chi siant manigiadas de su Comunu o de atru gestori, e po tutelai s’incolumidadi de is personas, si pedit a totu is meris de animalis masedus de osservai is mesuras prevìdias de su còdixi tzivili, de sa normativa in vigori in matèria e a essi cuscientziosus

- is canis podint intrai a is parcus pùbricus sceti cun:

COLLANA NO PRUS LONGA DE MT. 1,50 PO IS CANIS PITICUS E NO PRUS LONGA DE 1 M PO IS CANIS MANNUS, CHI DEPINT PORTAI MUSEROLA PURU;

NO FAIT  A FAI CIRCULAI IS ANIMALIS DE DOMU IN IS PARCUS PÙBRICUS;

·        EST OBRIGATÒRIU PO TOTU IS PROPIETÀRIUS DE NDI ARREGOLLI TOTU, CHI IS CANIS IMBRUTANT IN TERRA;

                                                                                                                        Su Sìndigu

                                                                                                            F.to Riccardo Sanna

 

AVISU PÙBRICU PIANUS LEI 162/98 "RETTIFICA"

 

SI FAIT SCIRI A IS TZITADINUS INTERESSAUS CA DE OI, A PUSTIS DE SA COMUNICATZIONI DE PARTI D SA RAS, EST STÈTIA PUBRICADA IN RETÌFICA DE SA PRECEDENTI, SA PROCEDURA NOBAA PO IS PIANUS 162 CUNFROMA A SU CHI AT MODIFICAU SA NOTAS RAS n. 11561 de su 10.07.2015.

DUNCAS, IS TZITADINUS CHI BOLINT PRESENTAI DOMANDA, DEPINT FAI ARRIFERIMENTU A CUSTU AVISU IN SOSTITUTZIONI DE SA PUBRICATZIONI BèCIA.

 

FAIT A NDI SCARRIAI IS MOLLUS E SA DOCUMENTATZIONI DE SU SITU DE SU COMUNU PURU CRACHENDI SU LINK DE ASUTA.

 

PABILLONIS 13 DE MESI DE ARGIOLAS 2015

 

AVISU E MODULÌSTICA (RETIFICAUS CUNFROMA A SA NOTA RAS N. 11561/2015)

 

 

                          S'Assessori                                                                                   Il Sindaco

      Graziella Gambella                                                                  Riccardo Sanna

 

-------------------------

Aplicatzioni Decoro Urbano

Si avisant is tzitadinus ca de oi Pabillonis intrat in su progetu "Decoro Urbano".

Decoro Urbano est un’aplicatzioni chi fait a ndi scarriai Chena pagai de Smartphone e Tablet, chi at a permiti a totu is tzitadinus de sinnalai in tempus reali is situatzionis de criticidadi in su territòriu de su comunu: àliga scavuada a travessu, atus de vandalismu, eventualis situatzionis de pirìgulu, guastus ecc..., cun sa possibilidadi de trasmiti fotografias e inditai sa positzioni giusta cun su sinnali gps. Una aina in prus chi at a permiti a s’Amministratzioni Comunali de connosci allstru criticidadis chi no funt stètias sinnaladas ancora e s’ativai po interveni in pressi

 www.decorourbano.org

Pabillonis 9 de Mesi de Argiolas 2015

                                                                                                                         Il Sindaco

                                                                                          Riccardo Sanna

 

-------------------------

AVISU PÙBRICU PIANUS LEI 162/98

SI FAIT SCIRI A IS TZITADINUS INTERESSAUS CA EST IN PUBRICATZIONI SA PROTZEDURA PÙBRICA PO IS PIANUS 162.

FAIT A NDI SCARRIAI IS MOLLUS E SA DOCUMENTATZIONI DE SU SITU DE SU COMUNU CRACHENDI SU LINK INNOI ASUTA.

 

PABILLONIS 8 DE MESI DE ARGIOLAS 2015

 

AVISU E MODULÌSTICA

 

 

    S'Assessori                                                                                                                 Su Sìndigu

Graziella Gambella                                                                                                       Riccardo Sanna

 

--------------------------------

Aliga scavuada a travessu

BIU CA SI SIGHIT A SCAVUAI ALIGA A TRAVESSU IN SU TERRITÒRIU DE SU COMUNU E CUNSIDERAU CA SU SERVÌTZIU DE ARREGORTA DIFERENTZIADA, A PUSTIS DE ANNUS MEDA, IAT A DEPI ESSI STÈTIU IMPARAU DE TOTU IS TZITADINUS, E TOCAT DUNCAS A CUMENTZAI UNA CAMPÀNNIA DE CUNTRASTU E SENSIBILIZATZIONI A CUSTU FENÒMENU.

CUSTU CUMPORTAMENTU NO EST RESPONSÀBILI E NO EST ARRISPETOSU DE SU TERRITÒRIU, DE S’AMBIENTI E DE IS ATRUS TZITADINUS CHI FAINT BENI S’ARREGORTA DIFERENTZIADA; AGIUDAT A FAI CRESCI SA SPESA TENTA PO S’ÀLIGA E DUNCAS DE SA TARI CHI DEPINT PAGAI IS TZITADINUS.

IS CHI ANT A ESSI CASSAUS SCAVUENDI O CHI SI BENIT A ISCIRI DE CALINCUNU CHI AT FATU SU REATU, AT A ARRICIRI UNA MULTA CUNFROMA  IS DISPOSITZIONIS PREVÌDIAS DE SA LEI.

            L'Assessore all'Ambiente                                                                               Il Sindaco

                   Roberto Piras                                                                                            Riccardo Sanna

 

-------------------------------

Disinfestatzioni contras a is pretas

SI FAIT SCIRI  IS TZITADINUS CA SA DII LUNIS 6 DE ARGIOLAS 2015 DE IS 07:30 ANT A FAI SA DISINFESTATZIONI CONTRAS A SA PRETA DE PARTI DE SU TZENTRU PROVINCIALI CONTRAS A IS BABALLOTIS CUMENTI DE ORDINÀNTZIA N. 14 DE SU 30/06/2015. IN IS ÀREAS INTERESSADAS AT A ESSI APICAU SU CARTELLU "àREA SUTAPOSTA A DISINFESTATZIONI"; IS CHI BIVIT IN IS ZONAS ACANTA DE SU TRATAMENTU DEPINT SERRAI GENNAS E FENTANAS CANDU FUNT FENDI S’INTERVENTU.

 

                                                                                                                        Su Sìndigu

                                                                                           Riccardo Sanna

 

PULITZIA ÀREAS BIRDIS, TERRAS CRUAS E PREVENTZIONI DE IS FOGUS.

SI FAIT SCIRI A TOTU IS TZITADINUS CA EST URGENTI E NO FAIT PRUS A DEROGAI PO PROGRAMAI SA PULITZIA DE IS TERRAS DE S’ERBA, DE S’ARRUU, DE S CANNA E DE ATRAS MOBAS, AICI CUMENTI PREVIDIT S’ORDINÀNTZIA N.10 DE SU 13/05/2015,  PO NDI BOGAI S’ARRISCU DE FOGUS E ARREDUSI SA RIPRODUTZIONI DE BABALLOTIS CHI FAINT DANNU; S’AMMINISTRATZIONI PURU, CUN GRANDU DIFICULTADIS, EST PROVENDI A DDU FAI IN IS TERRAS DE CUMPETÈNTZIA SUA. SI TORRAUS  GRÀTZIAS PO S’AGIUDU.

                                                                                                  Su Sìndigu

                                                                                           Riccardo Sanna

 

--------------------------------

 

Avisu de Cunvocatzioni de su Consillu Comunali

Si fait sciri ca, cunfroma a su chi detzidit su tìtulu III de su D.lgs. 267/2000, su Consillu  Comunali est cunvocau in setziada straordinaria de 1^ cunvocatzioni, in sa sala de su tzentru de agregatzioni sotziali de via Su Rieddu, su 02/07/2015 a is 19:30, po s’òrdini de traballus de sa dii chi sighit:

 

  1. Nòmina cumponentis de sa Cummissioni Eletorali;
  2. Nòmina cumponentis de sa Cummissioni Statutu e Regulamentus;
  3. Comunicatzioni eletzioni capugrupus Consiliaris;
  4. Aprovatzioni Alìcuotas IMU annu 2015;
  5. Aprovatzioni Alìcuotas TASI annu 2015;
  6. Pianu Finantziàriu TARI annu 2015 – Aprovatzioni;
  7. Aprovatzioni Tarifas TARI esercìtziu finantziàriu 2015;
  8. Ratìfica de sa deliberazioni de Giunta Comunali n.  38 de su 19/05/2015 "Riaccertamento straordinario dei residui al 1 Gennaio 2015 (ex Art. 3 comma 7 D.Lgs n. 118/2011. Variazione di bilancio).

Pabillonis, 29 de Làmpadas 2015

 

                                                                                                                         Su Sìndigu

                                                                                                                      Riccardo Sanna

--------------------

AVISU Bursas de stùdiu L. 62/2000

Si fait sciri ca est in publicatzioni de su 17/06/2015 e po sa durada de 5 diis sa graduatòria definitiva relativa a is  borsas de stùdiu (l. 62/2000) po spesas tentas de is famìllias po s’istrutzioni in s’a.s.2013/2014 –

Eventualis reclamus o opositzionis depint essi mandaus  su protocollu aintru de sa data de pubricatzioni

Su Responsàbili de su Servìtziu Amministrativu
                                   Frimmau Riccardo Sanna

 

DOG HOUSE FAMILY

SI FAIT SCIRI A TOTU IS TZITADIINUS DE PABILLONIS CA EST ATIVA SA CAMPÀNNIA DE ADOTZIONI DE IS CANIS ARRICOVERAUS IN SA STRUTURA CUNVENTZIONAD CUN SU COMUNU DE PABILLONIS.

IS FAMÌLLIAS CHI BOLINT PIGAI UNU CANI, PRUS IS FAI UNU GESTU ÙMILI, ANT A TENI RIDUTZIONIS O ESENTZIONIS DE SA TARI (TASSA PO S’ÀLIGA) PO DUUS ANNUS.

 

SU DE IS CANIS SCAPUS EST UNU PROBLEMA SOTZIALI IN CRèSCITA ESPONENTZIALI:

ADOTENDI UNU CANI FAIT A:

SU REGULMENTU PO PIGAI UNU CANI CUNTENIT UNAS CANTU MESURAS SPECÌFICAS PO ASSIGURAI CHI SU CANI ADOTAU SIAT TRTAU BENI  A PUSTIS DE IS TRES ANNUS PURU. IN SU SITU DE SU COMUNU DDUI EST SA SETZIONI APOSTA “DOG HOUSE FAMILY” ANCA FAIT A AGATAI TOTU IS SCEDAS CHI SERBINT, SA PROTZEDURA DE SIGHIRI E IS MOLLUS DE DOMANDA.

Avisu pùbricu

Regulamentu

Mòdulu de adotzioni                                                           

     

Su Sìndigu

F.to Riccardo Sanna

---------------

Laboratòrius de Sardu po is pipius

“IS PREGADORIAS ANTIGAS

Si fait sciri a is babbus e is mammas de is pipius d sa scola elementari ca, cunfroma, a sa lei natzionali n. 482/99 “Norme in materia di tutela delle minoranze linguistiche storiche”, s’at a fai in su Comunu unu laboratòriu de sardu de “Pregadorias antigas”.

Su laboratòriu est po unu màssimu de 30 pipius, chi ant  essi iscritus segundu s’òrdini de arribu de is domandas e s’at a fai su mèrcuris a mengianu in is localis de sa ex scola mèdia in bia Umberto, de su 1° de mesi de argiolas chi benit.

Su laboratòriu no si pagat. Is mòdulus de iscritzioni, disponìbilis in su situ de su comunu de Pabillonis opuru in sa Biblioteca Comunali, tocat a ddus compilai e torraus a Biblioteca.

Is oràrius de su laboratòriu ant a essi comunicaus apena ant a essi fatus is grupus de is partecipantis.

SCÀRRIA SA MODULÌSTICA:

AVISU

DOMANDA DE ISCRITZIONI

 

Pabillonis 9 de Làmpadas de su 2015

 

Sa Responsàbile de s’àrea sòtziu- culturali                                                Su Sìndigu

     Dott.ssa Luisa Garau                                                                         Riccardo Sanna

 

-----------------

 

Avisu de Cunvocatzioni de su Consillu Comunali – Setziada de Insediamentu

SI FAIT SCIRI CA IN RELATZIONI A SU CHI DETZIDIT SU TÌTULU III° DE SU DLGS. 267/2000, SU CONSILLU COMUNALI EST CUNVOCAU IN SETZIADA ORDINÀRIA DE 1° CUNVOCATZIONI, IN SA SALA DE SU CENTRU DE AGREGATZIONI SOTZIALI DE VIA SU RIEDDU, SA GIÒBIA 11 DE LÀMPADAS A IS 19:30, PO CHISTIONAI DE S’ÒRDINI DE TRABALLUS PO SA DII CHI SIGHIT:

  1. CUNVÀLIDA DE IS CONSILLERIS  ELÌGIUS IN SA CONSULTATZIONI ELETORALI DE SU 31/05/2015 E EVENTUALIS SOSTITUTZIONIS;
  2. GIURAMENTU DE SU SÌNDIGU ELÌGIU IN SA CONSULTATZIONI DE SU 31 DE MÀIU 2015;
  3. COMUNICATZIONI NÒMINA CUMPONENTIS DE SA GIUNTA COMUNALI.

Pabillonis, 5Mesi de Làmpadas 2015

                                                                                                                        SU SÌNDIGU

                                                                                                              F.to Riccardo Sanna

--------------

IUC 2015

D su 1° de gennàrgiu  2014 est in vigori s’Imposta Ùnica Comunali (IUC), istituida cun sa lei 27 mesi de idas 2013 n. 147 (Lei de Stabilidadi po s’annu 2014) e est integrada de s’arrispetivu Regulamentu, aprovau cun delìbera C.C. n. 12 de su 25/07/2014 e modificau cun Delibera C.C. n. 11 de su 19/05/2015. Sa IUC si basat in duus presupostus impositivus, unu costituiu d su possessu de immòbilis e collegau a sa natura e a su valori insoru, s’atru collegau a donai otenni servìtzius comunalis. Duncas, sa IUC est cumposta de:

IMU (imposta municipali pròpia) de arratza patrimoniali, dèpia de su possessori de is domus, esclùdias is domus principalis;
TASI (Tributu servìtzius indivisìbilis) est sa pagamenta po donai is servìtzius indivisìbilis comunalis. Su presupostu impositivu est su de teni a cali si siat tìtulu de domus, cun sa domu printzipali puru, e de àreas edificàbilis, definius cunfroma a s’imposta munitzipali pròpia, chena de is terras de messarìtzia.
Sa TASI est dèpia de su contribuenti in auto-licuidatzioni, a càrrigu siat de su meri de sa terra, siat de su chi dda traballat;
TARI (Tassa po s’àliga) est destinada a finantziai is costus de su servìtziu de arregorta e smaltimentu de s’àliga, a càrrigu de s’utilizadori.

PAGAMENTU IMU E TASI

Is pagamentas funt dèpias de su contribuenti in auto-licuidatzioni. Is alìcuots e is detratzionis de manigiai po s’acontu chi scadit su 16 de làmpadas 2015, in is moras de s’aprovatzioni de is alìcuotas relativas a s’annu 2015 funt vàlidas is de s’annu prima.

In ocasioni de su saldu de su 16 de mesi de idas 2015, su contribuenti s’at a depi preocupai de protzedi a fai is conguàllius, chi is lìcuotas aprovadas po su 2015 funt diferentis de cussas de su 2015.
Is impostas podint essi versadas cun su modellu F24 o cun bulletinu postali.
Est disponibili in su situ istituzionali de s’Enti www.comune.pabillonis.vs.it su software on-line chi permitit a su tzitadinu/contribuenti de fai su càlculu TASI e sa stampa de is modellus F24.

Scadenza:

16 de làmpadas 2015: acontu (50% de su tanti dèpiu in totu s’annu) o totu paris

16 mesi de idas 2015: saldu

Alìcuotas IMU
Su Comunu, cun deliberatzioni de C.C. n. 13 de su 25/07/2014 at cunfermau is pròpius alìcuotas de is annus precedentis, postas innoi asuta:

Alìcuotas TASI

Su Comunu, cun deliberazioni de C.C. n. 14 de su 25/07/2014 at aprovau is alìcuotas po sa TASI, postas innoi asuta::

Sìnteso de sa disciplina TARI

Sa cumponenti TARI est po pagai is costus de su servìtziu de arregorta e smaltimentu de s’àlig. Sa TARI est in logu de sa Tares aplicada in su 2013. Is contribuentis ant a arriciri is avisus de pagamentu cun allegaus is modellus de pagamentu precompilaus e is scadentzas de is relativas ratas.

Su Regulamentu IUC, is tarifas e alìcuotas de is cumponentis de sa IUC funt pubricaus in su situ de su Comunu www.comune.pabillonis.vs.it.
Po cali si siat sceda pregontai a: Ufficio Tributi  07093529208.
Oràrius de abertura a su pùbricu: lunis e mèrcuris de is 11.00 a is 13.00, su martis de is 16.30 a is  18.00.

Pabillonis, 29/05/2015

SU RESPONSÀBILI DE SU SERVÌTZIU
Rag.
Fanari Anna Maria

 

AVISU DEPÒSITU REGULAMENTUS COMUNALIS

Si fait sciri ca in sa Segreteria de su Comunu de Pabillonis po 15 diis de sighida, de su 25.05.2015 a su 08/06/2015 funt depositaus is regulamentus Comunalis, e pubricaus in s’Albu Pretòriu Comunali.

-------------------------

 

AVISU po su CURSU DE LINGUA SARDA

 

Su Comunu de Pabillonis fait sciri ca, cunfroma a sa lei n. 482/99 de su Stadu Italianu "Norme in materia di tutela delle minoranze linguistiche storiche", s'at a fai in su Cumunu unu cursu de sardu de alfabetizatzioni, po is dipendentis, is aministradoris e abertu a totu sa populatzioni chi ndi bolit fai parti, de foras de bidda puru.

Su cursu at a essi su giòbia de is 16,00 a is 19,00 me in is localis de s'ex àsilu/scola mèdia (a costau de sa Croce Verde), via Umberto, 34 e at a inghitzai su 21 de màiu 2015.

Su cursu no si pagat. Po compilai sa domanda de iscritzioni tocat a andai a s’ufìtziu lìngua sarda (in biblioteca) o a mandai una e-mail a  vatzei@provincia.mediocampidano.it, opuru fait a s'iscriri diretamenti sa primu dii de su cursu.

Calendàriu:

21 e 28 de màiu,

4, 11 e 18 de làmpadas

 

-------------------

 

Agiornamentu Anàgrafe de is Canis

Si avisat sa populatzioni ca martis su 19 de màiu 2015 de is 09.30  is ore 10.30, in is localis comunalis de via Mazzini (a costau de sa posta), ant a poni su microchip a is canis po ddus iscriri  s’anàgrafe insoru. 

Is chi tenint canis e bolint a ddis poni su microchip podint andai cun su documentu de identidadi insoru, còdixi fiscali e cun su cani acapiau e  a muserola. Su servìtziu no si pagat.

-------------------

Inauguratzioni Servìtziu Spazio Infanzia

Su Comunu de Pabillonis in collaboratzioni cun Agape , sotziedadi cooperativa sotziali onlus

 

FAINT SCIRI CA

 

Su 7 de abrili de su 2015

Inghitzat su servìtziu

 

SPAZIO INFANZIA

 

In su centru de agregatzioni sotziali in bia Su Rieddu.

 

 

Pubricatzioni graduatòrias provisòrias soventzionis scolàsticas

Si fait sciri ca funt in pubricatzioni is graduatòrias provisòris po is suventzionis inditadaas asuba po 10 diis de su 24/04/2015

---------------------

Relatzioni de acabu de mandau

Est istètia pubricada sa Relatzioni de acabu de mandau de su Comunu de Pabillonis relativa a sa simada 2010/2015 cumenti detzidit su D.Lgs. 149/2011 chi narat:

“Sa relazioni de acabu de mandau, fata de su Responsàbili de su Servìtziu Finantziàriu o de su Segretàriu Generali, est frimada de su Presidenti de sa Provìncia o de su Sìndigu no a pustis de sa de sessanta diis prima de sa data de scadèntzia de su mandau. Aintru de cuìndixi diis a pustis de ai frimau sa relatzioni, depit essi certificada de s’Organu de revisioni de s'Enti locali e, is tres diis a pustis sa relatzioni e sa certificazioni depint essi trasmìtias de su Presidenti de sa Provìncia o de su Sìndigu a sa setzioni regionali de controllu de sa corti de is contus. Sa relatzioni de acabu de mandau e sa tzertificatzioni funt pubricadas in su situ istitutzionali de sa provìncia o de su Comunu de parti de su Presidenti de sa provìncia o de su Sìndigu aintru de is seti diis a pustis de sa data de tzertificatzioni fata de s'òrganu de revisioni de s'Enti locali, inditendi sa data de trasmissioni a sa Setzioni regionali de controllu de sa Corti de is contus”.

Sa relationi est stètia scrita de sa Responsàbili de su Servìtziu Finantziàriu Rag. Anna Maria Fanari,firmada de su Sìndigu Alessandro Garau su 16/04/2015, certificada de su Revisori de si Contus Dr. Mauro Serra in data 17/04/2015 e trasmìtia a sa Setzioni regionali de controllu de sa Corti de is Contus cun Prot. n. 2717 in data 20.04.2015

Documentus: Relatzioni de acabu de mandau simada 2010/2015

---------------------------

FATURATZIONI ELETRÒNICA IPA – COMUNICATZIONI A IS FORNIDORIS

A totu is fornidoris,
prestadoris de servìtzius,
esecudoris de is traballus pùbricus
de su Comunu de Pabillonis


FATURATZIONI ELETRÒNICA IPA – COMUNICATZIONI A IS FORNIDORIS

Su Decretu Ministeriali n. 55 de su 3 de abrili 2013, intrau in vigori su 6 de làmpadas 2013, at fissau sa decurrèntzia de is òbrigus de manìgiu de sa faturatzioni eletrònica in is raportus econòmicus cun s’ Amministratzioni Pùbrica cunfroma a sa Lei 244/2007, art. 1 commas de 209 a 214. Po poni in menti a custa disposizioni, custa amministrazioni, a decurri de su 31 de martzu 2015, no at a podi prus arriciri faturas chi no siant trasmìtias in forma eletrònica segundu su formau de s’allegau A “Formato della fattura elettronica” de su tzitau DM n. 55/2013. Passaus tres mesis de cussa data, custa Amministratzioni no at a podi protzedi a nisciunu pagamentu, nimancu partziali, fintzas a arriciri sa fatura in formau eletrònicu. In prus, cunfroma  s’art. 25 de su Decretu de Lei n. 66/2014, po assigurai s’efetiva traciabilidadi de is pagmentus de parti de is amministratzionis, is faturas eletrònicas emìtias faci a is PA depint essi firmadas digitalmente e depint portai:

• Su còdixi identificativu de gara (CIG), foras de is casus de esclusioni de s’òbrigu de traciabilidadi cunfroma a sa Lei n. 136 de su 13 de austu 2010;

• Su còdixi ùnicu de progetu (CUP), in casu de faturas relativas a òperas pùbricas. Duncas custa Amministratzione no at a podi protzedi a pagai is faturas eletrònicas chi no portint is còdixis CIG e CUP, cust’ùrtimu anca est prevedi. Po agiudai a fai sa fatura eletrònica, chi tenit su formau descritu in s’allegau A a su DM n. 55/2013 e in is “spetzìficas tècnicas operativas de su formau de sa fatura de su sistema de interscàmbiu”, si sinnalat ca, su Còdixi Unitàriu Progetu (CUP) e su Còdixi  Identificativu de Gara (CIG) depint essi postus in d-unu de is blocus informativus, in currispundèntzia de is elementus denominaus “CodiceCUP” e “CodiceCIG”, de su traciau de sa  fatura eletrònica sa rapresentatzioni tabellari est pubricada in su situ www.fatturapa.gov.it

In prus, cunforma a s’artìculu 3 comma 1 de su tzitau DM n. 55/2013, s’Amministratzioni agatat is ufìtzius po arriciri is faturas eletrònicas ponendiddus in s’Ìndixi De Is Amministratzionis Pùbricas  (IPA), chi providit a donai po donniunu de issus unu Còdixi Unìvocu Ufìtziu segundu is modalidadis de s’allegau D “Codici Ufficio”. Su Còdixi Unìvocu Ufìtziu est una informatzioni obligatòria de sa fatura eletrònica e rapresentat s’identificativu unìvocu chi permitit a su Sistema de Interscàmbiu (SDI) de mandai de manera curreta sa fatura eletrònica a s’Ufìtziu destinatàriu. S’informatzioni arrelativa a su Còdixi Unìvocu Ufìtziu depit essi posta in sa fatura eletrònica in currispundèntzia de s’elementu de su traciau 1.1.4 denominau “Codice Destinatario”.
Po acabai su cuadru regulamentari, si sinnalat ca s’allegau B “Regole tecniche” a su tzitau DM 55/2013, cuntenit is maneras po fai e trasmiti sa fatura eletrònica a s’Amministratzioni Pùbrica a mèdiu de su SDI, e s’allegau C “Linee Guida” de su pròpiu decretu est po is operatzionis po sa gestioni de totu su protzessu de faturatzioni. Duncas si invitat a consultai su situ
www.fatturapa.gov.it anca s’agatat atras scedas po is modalidadis de preparai e trasmiti sa fatura eletrònica.

Si invitat duncas a imperai is còdixis IPA inditaus innoi asuta po mandai sa fatura eletrònica:

DATUS DE INDITAI IN SA FATURATZIONI ELETRÒNICA

Intestatzioni

Comunu de Pabillonis

Còdixi Fiscali

00497620922

PEC

fattura@pec.comune.pabillonis.vs.it

Codice Univoco IPA Area Amministrativa

CG5S80

Codice Univoco IPA Area Finanziaria

A9QEHK

Codice Univoco IPA Area Socio Culturale

8J19FQ

Codice Univoco IPA Area Tecnica

61ESP0

 

 

 

SU RESPONSABILI DE SU SERVITZIU FINANTZIARIU

Rag. Fanari Anna Maria

 

COMUNU DE PABILLONIS

Provìncia de su Campidanu de Mesu

CAP. 0903 0 - p . IVA 004 97620922

070/93529201

fax 070/9353 260

 

 

 

 

SERVÌTZIU POLITZIA MUNITZIPALI

Prot. n. 1863/2015 ORDINÀNTZIA N. 07/2015 de su 11/03/2015

Pabillonis, 11 Martzu 2015

 

Ogetu: DIVIETU DE TRÀNSITU e SOSTA Bia Comunali Is Arenas, passàgiu a livellu ferroviàriu

 

Su RESPONSÀBILI DE SU SERVÌTZIU P.M.

 

BIDA sa domanda prot. n. 1452/2015 arribada in data 25/02/2015 de s’ing. Francesco Sechi, nàsciu in Casteddu su 11/02/1984, tel. 3933626152, dipendenti de sa dita Salcef S.p.A. cun sea in bia Pietralata n.140 c.a.p. 00158 – Roma, pedit de serrai temporaneamenti sa bia Comunali Is Arenas sceti po s'àrea de su gruxeri cun sa lìnia ferroviària de is 21:00 de su 17/03/2015 a is 08:00 de su 20/03/2015 po permiti de fai is traballus de manutentzioni de sa lìnia ferroviària fatus de sa dita Salcef S.p.A e su responsàbili suu innias at a essi s'Ing. Francesco Sechi.

 

CUNSIDERAU ca po permiti de fai su traballu, tocat a poni su DIVIETu DI TràNSITU a is màchinas e a sa genti a pei in su tratu de sa bia Comunali is Arenas chi fait a gruxeri cun sa lìnia ferroviària de is 21:00 de su 17/03/2015 a is 08.00 de su 20/03/2015 e cumenti si siat fintzas a candu ant a acabai is traballus;

 

BESSIU A PILLU s'abisòngiu de providiri po permiti sa regularidadi de is traballus fintzas a s'acabu insoru e, puru, de permiti sa siguresa de is utentis de sa strada;

BIUS is artìculus 6, comma 4° lìtera b), e 7, comma 1° lìt. g) de su D.Lgs. 285/92;

BIUS is artìculus de 30 a 40 de su D.P.R. 495/1992 e s’art. 21 de su D.Lgs. 285/1992, de is normas po is cantieris stradalis e sa segnalètica temporànea, e su Decretu de su Ministeru de is Infrastruturas e de is Trasportus 10 mesi de argiolas 2002 “Disciplinare tecnico relativo agli schemi segnaletici, differenziati per categoria di strada, da adottare per il segnalamento temporaneo”;

BIU su D.Lgs. 626/1994 e modìficas e aciuntas chi sighint, chi tenit po ogetu de amelliorai sa siguresa e sa saludi de is traballadoris in su traballu;  

BIUS su D.Lgs. n. 267/2000, sa L. 388/2000 e sa L.448/2001;

 

AUTORIZAT

s’ing. Francesco Sechi, nàsciu in Casteddu su 11/02/1984, a is efetus de s’art. 21 de su D.Lgs. 285/1992, a fai is traballus de manutentzioni programaus,

 

ÒRDINAT

in sa Bia Comunali Is Arenas, anca ddui est su gruxeri cun sa lìnia ferroviària, de is 21:00 de su 17/03/2015 a is 08:00 de su 20/03/2015 e cumenti si siat fintzas a candu acabant is traballus, de poni unu DIVIETU DE TRàNSITU a totu is categorias de màchinas e a sa genti a pei.

S’impresa esecutrici de is traballus depit poni sa segnalètica stradali chi serbit (cun preavisu de su cantieri po sinnalai su pirìgulu e permiti a is màchinas de scioberai atras bias) e a poni sinnalis, delimitatzionis, barrieras, recintzionis, luxis e totu su chi previdint is art. de 30 a 40 de su D.P.R. 495/1992 e in cunformidadi a is schemas segnalèticus de su Decretu de su Ministeru de is Infrastruturas e de is Trasportus 10 mesi de argiolas 2002, de su D.Lgs. 626/1994 e de is atras normas de lei po is cantieris stradalis po difendi sa siguresa de sa genti a pei, de is màchinas e de is chi ddui traballant.

S’impresa at a providiri, in particulari:

acanta de su cantieri a poni is cartellus de: DIVIETO DI TRANSITO, LAVORI IN CORSO, totus cun pannellu integrativu cun is datus de custa ordinàntzia e sa simada de valididadi;

acanta de is gruxeris 39°38'14.7"N 8°43'53.5"E (39.637406, 8.731518) e 39°37'32.9"N 8°43'22.0"E (39.625801, 8.722785), distintus in Allegau 1 de is nòminis cartellu 2 e cartellu 4, a poni su cartellu STRADA SENZA USCITA cun su pannellu integrativu cun sa scrita PASSAGGIO A LIVELLO CHIUSO PER LAVORI;

acanta de is gruxeris 39°36'41.2"N 8°43'34.8"E (39.611442, 8.726331) e 39°37'37.1"N 8°44'36.0"E (39.626975, 8.743325), distintus in Allegau 1 de is nòminis cartellu 1 e cartellu 3, a poni su cartellu LAVORI IN CORSO integrau de pannellu integrativu cun scritu PASSAGGIO A LIVELLO IS ARENAS CHIUSO PER LAVORI.

Sa dita a s'acabu de is traballus depit poni a postu totu. In particulari ndi at a depi bogai is cartellus, atretzaduras, materialis, àliga etc. e dd'at a limmpiai po permiti sa regularidadi e sa siguresa de su trànsitu in sa pròpiu bia. Fintzas a s'acabu sa dita at a providiri sèmpiri a controllai e fai sa manutentzioni de is traballus; sa presèntzia de atrus pirìgulus po sa siguresa de sa circulatzioni stradali at a depi essi sinnalada cun segnalètica regulamentari.

Siat su cumitenti chi sa dita funt diretamenti responsàbilis de dannus a atrus o a s'amministratzioni po no ai arrispetau custa ordinàntzia e is normas in matèria de cantieris stradalis e de siguresa in is logus de traballu.

Si fait sciri ca, fintzas a s'acabu de is traballus, chi no si donat a cura e no si ponit sa segnaletica chi serbit po sa siguresa de sa circulatzioni e de no perfeta eficièntzia a su noti puru, s'art. 21 previdit una santzioni amministrativa in dinai de € 848,00 a € 3.393,00 e sa santzioni atzessòria de torrai a poni beni su logu.

Is Ufitzialis e is agentis de politzia Stradali segundu s'art. 12 de su C.d.S. funt incarriaus de vigilai po arrespetai custa ordinàntzia.

 

Su Responsàbili de su Servìtziu P.M.

Alessandro Garau

 

 

-----------------------

 

COMUNU DE PABILLONIS

ORÀRIUS DE ABERTURA DE S’ECOCENTRU

 

                        Martis                        Cenàbara                        Sàbudu

Mengianu                        09.00 – 12.00                                    09.00 – 13.00

Meri’                                     13.00 – 16.00                        14.00 – 16.00

 

 

Arrembursu Spesas de Viàgiu Annu Scolàsticu 2013/2014 L.R. n.31/84

 

SI FAIT SCIRI A TOTU IS INTERESSAUS CA IN S’ALBU PRETÒRIU ON LINE E IS SU SITU DE SU COMUNU, CUN DETERMINATZIONI DE SU RESPONSÀBILI DE SU SERVÌTZIU AMMINISTRATIVU, N. 94 DE SU  24/02/2015, EST STÈTIA APROVADA SA GRADUATÒRIA PROVISÒRIA PO S’ARREMBURSU DE IS SPESAS DE VIÀGIU A IS STUDENTIS PENDOLARIS DE IS SCOLAS SEGUNDÀRIAS DE SEGUNDU GRADU O SEGUNDU SU CHI DISPONIT SA LEI REGIONALI N.31/84 ART. 7 LÌTERA A) PO S’ANNU SCOLÀSTICU 2013/2014.

Pabillonis, 24 Friaxu 2015

               S'Assessori                                                                             Su Responsàbili de s’Àrea Amministrativa

         Roberto Piras                                                                  Riccardo Sanna

 

---------------

Borsas de stùdiu comunali a favori de is diplomaus nell' A.S. 2013/2014

 

SI FAIT SCIRI A TOTU IS INTERESSAYS CA IN S’ALBU PRETÒRIU ON LINE, E IN SU SITU ISTITUTZIONALI DE SU COMUNU, CUN DETERMINATZIONI DE SU RESPONSÀBILI DE SU SERVÌTZIU AMMINISTRATIVU, N. 95 DE SU 24/02/2015, EST STÈTIA APROVADA SA GRADUATÒRIA PROVISÒRIA PO DONAI IS BURSAS DE STÙDIU PO IS STUDENTIS CHI ANT PIGAU SU DIPLOMA IN S’ANNU SCOLÀSTICU 2013/2014.

Pabillonis 24 Friaxu 2015

               S'Assessori                                                                     Su Responsàbili de s'Area Amministrativa

            Roberto Piras                                                                             Riccardo Sanna

 

Po biri sa graduatoria craca innoi:

GRADUATORIA.PDF


   

PDFStampaE-mail

L.R. 31/84 artt. 2.6.10 – Arrembursu Spesas de Viàgiu po is studentis chi bivint in su sartu - annu scolàsticu 2014/2015.

Si fait sciri a is interessaus ca est in pubricatzioni in s’Albu Pretòriu de su Comunu e in su situ web istituzionali po15 diis, fintzas a su 05/03/2015 sa graduatòria provvisòria po sa suventzioni elencada asuta:

L.R. 31/84 artìculus 2.6.10– Arrembursu Spesas de Viàgiu po is piciocheddus chi bivint foras de bidda - annu scolàsticu 2014/2015.

      S'Assessori                                                                      Su Responsàbili de su Servìtziu

      Piras Roberto                                                                    Frimmau Riccardo Sanna

 

GRADUATORIA PROVVISORIA.pdf


   

PDFStampaE-mail

Graduatòria definitiva "Welfare dello Studente" A.S. 2013/2014


SI AVVISANO TUTTI GLI INTERESSATI CHE ALL'ALBO PRETORIO ON LINE, E IN SU SITU ISTITUTZIONALI DE SU COMUNU, CUN DETERMINATZIONI DE SU RESPONSÀBILI DE SU SERVÌTZIU AMMINISTRATIVU, N.
78 DE SU 23/02/2015, de su Responsàbili de su Servìtziu Amministrativu, chi aprovat sa graduatòria definitiva, arrelativamenti a s'atributzioni de is benefìtzius stabilèssius de su Decretu Interministeriali MIUR-MEF prot. n. 184 de su 21 de friaxu 2014 po sa disciplina po cresci s’oferta de servìtzius po favoressi s’atzessu e sa frecuèntzia de is cursus in s’annu scolàsticu 2013-2014 a is studentis chi andant a is scolas segundàrias de primu e segundu gradu cunfroma a s’art. 1 de su decretu de lei 12 cabudanni 2013, n. 104, cunvertiu cun modificatzionis de sa lei 8 donniassantu 2013, n. 128.

 NOTA BENE: IS DOMANDAS CHI NO ANT ARRICIU SU FINANTZIAMENTU STATALI "WELFARE DELLO STUDENTE" DE CUSTA GRADUATÒRIA FUNT IS SA GRADUATÒRIA DE SA LEI 31/84 PUBBLICADA ASUBA.

 Pabillonis 23 friaxu 2015

       S'Assessori                                                                                   Su Responsàbili de s’Area Amministrativa

     Roberto Piras                                                                                                            Riccardo Sanna

---------------

Novidadi IVA 2015 - Dispositzionis in matèria di "Split payment". Art. 1 comma 629 Lei 190/2014 (Lei de Stabilidadi po s’annu 2015). Comunicau.

 


Comunu de Pabillonis

Provìncia de su Campidanu de Mesu

 c.a.p. 09030 - p. iva 00497620922

tel.070/93529208 – fax 070/9353260

Pabillonis 26.01.2015

Prot. 613

A totu is fornidoris de benis e servìtzius

De su Comunu de Pabillonis

 

Novidadi IVA 2015 - Dispositzionis in matèria di "Split payment". Art. 1 comma 629 Lei 190/2014 (Lei de Stabilidadi po s’annu 2015). Comunicau.

Sa lei de Stabilidadi 2015 (Lei 190/2014) at prevedi unu mecanismu nou po assolvi s’IVA, su split payment po is operatzionis faturadas de su 1 de gennàrgiu 2015, fadendi unas cantu modìficas a s’art. 17 de su D.P.R. 633/1972.

Dispositzioni normativa:

Art. 17 ter (Operatzionis fatas in is cunfrontus de entis pùbricus).
…..comma 1. Po donai benis e servìtzius a su Stdu, is òrganus de su Stadu chi tenint personalidadi giurìdica, de is entis pùbricus territorialis e de is cunsòrrzius intra issus costituius cunfroma a s’artìculu 31 de su testu ùnicu de su decretu legislativu 18 agostu 2000, n. 267, e sucessivas modificatzionis, de is càmeras de cummèrciu, indùstria, artigianau e messarìtzia, de is istitutus universitàrius, de is aziendas sanitàrias localis, de is entis ospedalieris, de is entis pùbricus de ricòveru e cura chi tenint caràtiri scientìficu, de is entis pùbricus de assistèntzia e beneficentza e de cussus de previdèntzia, po is calis is tzessionàrius o cumitentis no funt depidoris de imposta cunfroma a is dispositzionis in matèria de pagamenta po su valori aciuntu, sa pagmenta est versada de issus e totu segundu is maneras e trèminis fissaus cun decretu de su Ministru de s’economia e de is finantzaas.

2. Is dispositzionis de su comma 1 no si àplicant a is cumpensus po prestatzionis de servìtzius assugetaus  a ritenutas a sa fonti a tìtulu de imposta in su rèditu»;”

Is Amministratzionis Pùbricas chi comporant, po tanti, depint versai diretamenti a s’Eràriu s’Iva chi est stètia ghetada de is fornidoris, paghendi a custus ùrtimus sceti sa cuota imponibili (e is trus tantis diversus de s’Iva).

S'Istitutu de su split payment si àplicat cun is ecetzionis chi sighint:
-
faturas/notas sugetas a ritenuta de acontu
- faturas asugetadas a su regimi de reverse charge.

Atrus acraramentus:

Po is faturas emìtias in su 2014 e prima chi ant a essi pagadas in su 2015: a su fornidori ant a donai totu su tanti cumprensivu de s’IVA (chena de distintzionis intra faturas cun IVA a esigibili dadi diferida o immediada).
Po
is faturas emìtias de su 2015: su fornidori depit inditai siat s basi imponìbili siat s’IVA chi at a essi versada diretamenti a su stadu, ponendi sa dicidura chi sighit “S’Iva at a essi versada de s’Enti Pùbricu cunfroma a s‘art. 17ter, D.P.R. n. 633/1972”.

Est bessendi su decretu de atuatzioni ministeriali chi at a definiri cun prus detàllius is modalidadis de aplicatzioni de su regimi nou e de versamentu de s’Iva de parti de s'Enti.

Prus scedas s’agatant in su comunicau de imprenta de su Ministeru de s’Economi e de is Finàntzias

Su Responsàbili de su Servìtziu Finantziàriu

Rag. Fanari Anna Maria

 

 

 

Comunu de Pabillonis

Provìntzia de su Campidanu de Mesu

 Ufìtziu Lìngua Sarda

 SI FAIT SCIRI A TOTU IS CHI ANT FATU SU CURSU DE SARDU DE OCANNU PASSAU (CABUDANNI – DONNIASSANTU) CA FAIT A NDI ARRETIRAI IS ATESTAUS DE PARTECIPATZIONI, SU MARTIS A MANGIANU, IN SA BIBLIOTECA COMUNALI.

---------------------------------

SISTEMA BIBLIOTECÀRIU “MONTE  LINAS”

PROVÌNCIA de su CAMPIDANU DE MESU

Bibliotecsa Comunalis de: Arbus, Gonnos, Pabillonis, Guspini, Santu Eingiu, Sardara, Biddaxidru, Istitutu de Scientzias Religiosas di Biddaxidru Villacidro; Bibliotecas scolàsticas de su Liceu Clàssicu de Bidaxidru e de s’Istitutu de Istrutzioni Superiori Marconi + Lussu de Santu Eingiu le

BIBLIOTECA COMUNALI DE PABILLONIS

“L’ORA DEL RACCONTO… IN BIBLIOTECA”

 

Apuntamentus 2015

 

Mesi             Dii             Ora             Edadi

Gennàrgiu                        Cenàbara   30                       17.30-18.30                       1°/2° elementari

 

Friaxu                        Cenàbara   13                       17.30-18.30                       Scola materna

 

Friaxu                       Cenàbara   27                       17.30-18.30                       1°/2° elementari

 

Martzu                       Cenàbara   13                       17.30-18.30                       Scola materna

 

Martzu                       Cenàbara   27                       17.30-18.30                       1°/2° elementari

 

Abrili                        Cenàbara   10                       17.30-18.30                       Scola materna

 

Abrili                       Cenàbara   24                       17.30-18.30                       1°/2° elementari

 

Màiu                       Cenàbara   15                       17.30-18.30                       Scola materna

 

Màiu                        Cenàbara   29                       17.30-18.30                       1°/2° elementari

 

Làmpadas                        Cenàbara   12                       17.30-18.30                       Scola materna



Su servìtziu no si pagat

 

A incuru de sa Coop. Agorà Sardegna

-----------------------------------

Mostra bibliogràfica

BIBLIOTECA COMUNALI DE PABILLONIS

SHOAH – LA GIORNATA DELLA MEMORIA

De su 27 de gennàrgiu a su 27 de friaxu 2015-01-27

 In Biblioteca in Bia Su Rieddu, 4

Sa mostra si podit biri in s’oràriu de abertura de sa biblioteca e is lìburus fait a ddus prenotai

-------------------------------------

 

COMUNU DE PABILLONIS

PROVÌNCIA DE SU CAMPIDANU DE MESU

Ufìtziu de sa Lìngua Sarda

Si fait sciri a sa populatzioni ca sighit in su 2015 puru s’atividadi de s’Ufìtziu de sa Lìngua Sarda, segundu sa lei de su Stadu Italianu 

n.482 de su 1999, po favoressi su bilinguismu in totu

in is logus ancas’agatat una lìngua de minoria. 

 

S’ufìtziu de sa lìngua sarda serbit a:

- Tradusi de s’italianu a su sardu is àutus de su Cumunu (avisus, novas, delìberas, setzionis de su situ web);

- Fai una arregorta deis leis regionalis,natzionalis e europeas po is lìnguas de minoria;

- Agiudai e cunsillai a sa genti po circai vocabolàrius, gramàticas e

atrus lìburus de lingua e cultura sarda, linguìstica etc. e po scriri e tradusi;

- Fai circas e traballus de lìngua e cultura sarda cun sa genti de

bidda;

- Agiudai a chi chistionat sardu in is arrelatas cun s’aministratzioni

pùbrica;

S’ufìtziu est abertu a su pùbricu dònnia cida in Biblioteca – in bia Su Rieddu - su martis amengianu de is otu e mesu a is duas

Fait a telefonai puru, is diis chi aberrit, a su nùmeru

070 9353957 o a mandai una e-mail a s'indiritzu vatzei@provincia.mediocampidano.it

 

---------------------------------

Calendàriu Arregorta de s’àliga 2015 - Distributzioni a domicìliu de is bidonis e de is bustas nobas

 

Si fait sciri ca de su 1° de gennàrgiu 2015 su calendàriu po s’arregorta de s’àliga at a essi su chi sighit.

A pustis de is festas at a inghitzai sa consegna a domicìliu a totu is tzitadinus de Pabillonis, cun su calendàriu, de is bidonis nous po arragolli s’imbirdi, s’ùmidu e is bustas po arregolli sicu e ùmidu.

Fadei festas bellas e bonu annu a totus

-----------------------------------

WELFARE DE SU STUDENTI

AVISU

Si fait sciri ca in s’Albu Pretòriu on line de su Comunu de Pabillonis, a su nùmeru de afissioni 1329, est pubricada sa determinatzioni n. 861 de su 18/12/2014, de su Responsàbili de su Servìtziu Amministrativu, chi provat sa graduatoria, po s’atributzioni de is benefìtzius stabilius de su Decretu Interministeriali MIUR-MEF prot. n. 184 de su 21 de friaxu 2014 chi po sa disciplina po cresci s’oferta de servìtzius po favoressi s’atzessu e sa frecuèntzia de is cursus in s’annu scolàsticu 2013-2014 a is studentis chi andant a is scolas segundàrias de primu e segundu gradu a norma de s’art. 1 de su decretu de lei 12 de cabudanni 2013, n. 104, cunvertiu cun modìficas de sa lei 8 donniassantu 2013, n. 128.

NOTA BENE: IS DOMANDAS CHI NO FUNT STÈTIAS PGADAS DE SU FINANTZIAMENTU STATALI "WELFARE DELLO STUDENTE" DE CUSTA GRADUATÒRIA ANT A ESSI CUNSIDERADAS PO OTENNI S’ARRIMBURSU CUNFROMA A SA L.R. 31/84 CHENA DE DEPI PRESENTAI UNA DOMANDA NOBA, POITA CA SA GRADUATÒRIA DD’ANT A PUBRICAI TRA PAGU.

 Allegaus: DeterminaHYPERLINK "http://www.comune.pabillonis.vs.it/images/WELFARE.PDF"tHYPERLINK "http://www.comune.pabillonis.vs.it/images/WELFARE.PDF"zionHYPERLINK "http://www.comune.pabillonis.vs.it/images/WELFARE.PDF"iHYPERLINK "http://www.comune.pabillonis.vs.it/images/WELFARE.PDF" n.861 deHYPERLINK "http://www.comune.pabillonis.vs.it/images/WELFARE.PDF" su 18/12/2014 e HYPERLINK "http://www.comune.pabillonis.vs.it/images/WELFARE.PDF"GraduatòHYPERLINK "http://www.comune.pabillonis.vs.it/images/WELFARE.PDF"ria

  S’Assessori a                                                                                                Su Responsàbile 

s’Istrutzioni Pùbrica                                                                              dell'Area Amministrativa

 Roberto  Piras                                                                                                                                                    F.to Riccardo Sanna

---------------------------

Adotzioni callelleddus

Ant agatau seti callelleddus scavuaus aintru de una busta in su sartu de Pabillonis. Imoi funt in logu de domu, ma ddis serbit a agatai una famìllia. Chini bolit fai un’òpera de beni e ndi pigi unu, prima chi nci ddus portint a su canili, podit andai a s'ufìtziu de Politzia Munitzipali de su Comunu de Pabillonis o tzerriai a is nùmeru 070 93529201  -  3484062875.

Eventualmenti ddus ant a donai giai cun su microchip.

-----------------------------

NO a su Depòsitu Cautzionali de Abbanoa - Petitzioni populari de Adiconsum

Po pigai parti a sa Petitzioni Populari, bogada de Adiconsum cun is atrus assòtzius de consumadoris, fait  a firmai in su Municìpiu de Pabillonis dònnia dii in is oràrius de abertura a su pùbricu. Nci funt is mollus siat in su banconi de s’ufìtziu anàgrafe siat in s’ufìtziu protocollo.

 

-----------------------------------------

Licuidatzioni Indennizus Blu Tongue

SI FAIT SCIRI A IS AZIENDAS INTERESSADAS DE SA BLUE TONGUE, CHI ANT PRESENTAU DOMANDA DE AGIUDU, CA CUN DETERMINATZIONI DE SU RESPONSàBILI DE SU SERVìTZIU N° 787 DE SU 28.11.2014 ANT LICUIDAUS IS TANTIS ARRELATIVUS A SU SALDU CHI SPETAT PO IS PEGUS MORTUS, CUNFROMA A IS TANTIS DONAUS DE SA R.A.S. - ASSESSORAU MESSARìTZIA.

DUNCAS, IS SUMMAS GIAI NADAS ANT A ESSI ACREDITADAS IN IS DIIS CHI SIGHINT IN IS ARRISPETIVUS C.C.B. e/o POSTALIS INDITAUS DE IS AZIENDAS IN IS DOMANDAS.

 

S'Assessori a sa messarìtzia                                                                           Su Responsàbili de su Servìtziu Frongia Fiorella                                                                            F.to Riccardo Sanna

 

---------------------------------------------