SARDITINERA GUSPINI
 
 

UFITZIU DE LINGUA SARDA
Operadora de sportellu: Dotora Annalisa Caboni

Obertura a su pùbblicu: Martis

Oràrius: 8.30 – 14.00 / 15.30 - 18.00

Sea de trabballu: Biblioteca Comunali “Sergio Atzeni”

Bia San Nicolò n°12 - Comunu de Gùspini

Tel. 070/ 972366 - sportello.linguasarda@comune.guspini.vs.it

annalisa.caboni@provincia.sudsardegna.gov.it

   
Copyright Sarditinera
   
   

L. 482/99 Annu 2017













L. 482/99 Annu 2016




CONSILLU COMUNALI – 26 DE ABRILI 2016

26 de Abrili de su 2016

Gióbia 28 de Abrili 2016, a is ses de a merí (h.18,00), in sa sala de su Consillu comunali, ddoi at una sétzida straordinària de su Consillu Comunali po chistionai de is argumentus chi sighint:

  1. Interrogatzionis e interpellàntzias;
  2. Aprovu pianu finantziàriu TARI – Annu 2016;
  3. Aprovu tarifas e su tanti (alìcuota) Imposta Única Comunali (IUC) – Annu 2016;
  4. Aprovu pianu de rateatzioni Tari 2016.

 

“LONG TERM CARE”

22 de Abrili de su 2016

De mesudí de su 28 de Abrili fintzas a sa matessi ora de su 31 de Maju 2016 est possíbbili presentai sa domanda po s'arreconnoscimentu de su cuntribbutu “Long Term Care”.

Su progetu fait parti de su cuntestu de is prestatzionis socialis previdias in favori de is iscritus a sa Gestioni Unitària de is prestatzionis creditítzias e socialis e de is iscritus a sa Gestioni speciali de previdéntzia "Gruppo Poste Italiane S.p.a."

Previdit s'arreconnoscimentu de unu cuntribbutu a favori de sugetus chi tenint   maladias chi abbisóngiant de curas po tempus meda, arrecoveraus in Residéntzias Sanitàrias Assistentzialis o in istruturas specializadas chi donant servítzius sóciu-assistentzialis.

Su bandu de cuncursu "Long Term Care" – Arrecoverus  in Struturas Residentzialis est pubblicau in su giassu istitutzionali INPS.

Si podit acedi a sa domanda telemàtica brintendi de "servizi ex Inpdap" opuru "servizi ex Ipost";

Apustis de si essi acreditaus po médiu de códixi fiscali e Pin, scioberai in su menù po tipu de servítziu: "Tipologia di servizio> Domande>Residenze Sanitarie Assistenziali> Domanda".

Documentus disponíbbilis:

Bandu

Mollu A

Mollu B

 

SA DE 71 FESTAS DE SA LIBBERATZIONI

20 de Abrili de su 2016

Oberrit gióbia 21 de Abrili 2016, in sa Biblioteca comunali "Sergio Atzeni", s'ammosta monogràfica "Le stampe clandestine della Resistenza" (Is giornalis clandestinnus de sa Resisténtzia), organizada e curada de su Comunu de Gùspini imparis cun s'ANPPIA (setzioni de zona Gùspini), cun su Sistema Bibliotecàriu Monte Linas e cun sa Pro Loco.

"Su 25 de Abrili arruit ocannu in unu calendàriu de acontéssius europeus drammàticus chi arremonant un'istória non tropu atesu in su tempus – arragodat s'Amministratzioni Comunali in su comunicau cosa sua – Si afestat su de 71 annus de sa  Libberatzioni de su nazifascísmu, is 70 annus de sa República e de su votu a is fémminas: is primus passus de grandu importu de sa nàscida democràtica de s'Istadu".

In ammosta 45 giornalis clandestinus de is formatzionis partigianas diferentis chi ant donau vida a sa Resisténtzia, in un'ammosta chi torrat a percurri – atruessu puru de sa setzioni bibliogràfica – is úrtimus annus de sa de 2 Gherras mundialis fintzas a s'acabbu de sa gherra, e chi bolit creai unu ponti de cuncetus, de sentidus e de emotzionis intra de una memória dolorosa meda ancoras bia e sa memória prus "acanta".

Innói: Biblioteca Comunali "Sergio Atzeni", bia S. Nicolò, Gùspini.

Candu:21 de  Abrili- 7 de Maju 2016, in s'oràriu de obertura de sa Biblioteca:

lunis, martis, gióbia, cenàbara 8,30-13,00  / 15,30-18,30( de is otu e mesu de a mengianu fintzas a sa una / de is tres e mesu fintzas a is ses e mesu de a merí)

mércuris 15,30-18,30 (de is trs e mesu fintzas a is ses e mesu de a merí)

sàbudu 9,00-12,00 (de is noioras de a mengianu fintzas a mesudí).

Intrada a  gratis.

Po àteras iscedas: biblioteca@comune.guspini.vs.it

CUNCURSU DE IDEAS

19 de Abrili de su 2016

Is Comunus de Gùspini e Biddacidru ant istabbiliu unu cuncursu de ideas po sa realizatzioni de Progetus chi ant ideau e elabborau is gióvunus de is cuatru Comunus. S'iscopu de s'initziativa est su de promovi progetus po agiudai sa creatividadi e su protagonismu de is gióvunus e favoressi sa participatzioni ativa a sa vida sociali, económica, culturali e de agregatzioni de sa comunidadi. Funt ammítius a participai is grupus ispontàneus de gióvunus intra de is 14 e is 30 annus e non funt ammítius organismus cun personalidadi giurídica. Su cuncursu ddu finantziant de unu totu is Comunus de Gùspini e Biddacidru e gestiu impari cun is cooperativas "La Clessidra", "Koinos" e "Sinergie".
Is progetus presentaus depint riguardai is argumentus chi sighint:
A. atividadis e atzionis de promotzioni sociali, de su voluntariau e de sa solidariedadi.
- preventzioni de is istraviadura giovanili, inclúdiu puru su fenomenu chi nrant cyberbullismu;
- interventus de preventzioni po s'impreu de drogas cussas puru difinidas de recreu.
- Atividadis chi favoressint s'isvilupu de su santidu cívicu de totus is citadinus; interventus po agiudai s'educatzioni a una sessualidadi responsàbbili.
B. cultura e arti:
- manifestatzionis artísticas (cantu, ballu, música, cínema, teatru, isculpidura, pintura, e aici sighendi);
- avaloramentu a iscopus turísticus/económicus de su patrimóniu istóricu, artísticu e ambientali.
C. promotzioni e avaloramentu de su patrimóniu urbanu:
- cualificatzioni torra e decoru de areas birdis degradadas e/o zonas periféricas abandonadas;
- riciclu
D. atividadis de recreu e de tempus líbberu:
- iscàmbius intrageneratzionalis;
- viàgius educativus e formativus; 
- - acontéssius de giogu e de recreu.

Funt finantziaus Progetus finas a su sodigamentu de sa somma a dispositzioni in dónnia Comunu e su ispecíficu:
Comunu de Gùspini € 3.000,00;
Comunu de Biddacidru € 1.000,00.

Po àteras iscedas si mandat a su bandu integrali.

CONSILLU COMUNALI

19 de Abrili de su 2016

Cenàbara 22 de Abrili, a is noioras e mesu de a mengianu (9,30), in sa sala de su Consillu ddoi at una sétzida straordinària e urgenti (apretosu) de su Consillu Comunali po chistionai de is argumentus chi sighint postus a s'órdini de sa dí:

1.      Interrogatzionis e interpellàntzias;

2.      Aprovu verbali de sétzida de su Consillu Comunali;

3.      Sighidura "iter" incumpatibbilidadi de su consilleri comunali Patrizia Pinna ex art. 69 de su D.Lgs.26/2000;

4.      Aprovu progetu azienda agrícola localidadi Funtana Làmpada cun prus de 3000 mc e artziada de s'índixi fundiàriu;

5.      Proposta (motzioni): Iscioberu de unu logu in sa "Toponomàstica" de su Comunu de Gùspini de intítulai a Peppino Impastato;

6.      Proposta (motzioni)  Interventus po amparai e agiudai sa produtzioni sarda e natzionali de ollu extra virgini de olia(ollu armau)

7.      Proposta (motzioni): domanda de unu provedimentu de càmbiu de is paràmetrus Isee in ubbidiéntzia a senténtzia de su Consillu de Istadu de pagu tempus fait.

 

INTERRUTZIONI ISPARTZIDURA DE SA CURRENTI

15 de Abrili de su 2016

S'ENEL at fatu isciri chi cras lunis Giobia 21 de aprili, po nexi de trabballus chi depit fai in is impiantus cosa sua, ddoi at s'interutzioni de sa currenti de is otu e mesu de a mengianu finas a is tres e mesu de pustipràngiu ( 8,30-15,30).
S'interrutzioni interessat unas cantu domus in is bias sinnadas in su documentu allegau.
In s'interis de is trabballus s'ispartzidura de sa currenti podit essi ativa torra, potanti s'ENEL arracumandat de donai atentzioni e cumentisisiat de non pigai is ascensoris.
Po iscedas o po sinnalai guastus si podit tzerriai su númunu 803.500 (1 possibbilidadi), sinnalendi su códixi POD, chi ddoi at in sa bulleta.

CUNTRIBBUTUS LÍBBURUS DE ISCOLA. ANNU 2015/2016. GRADUATÓRIA PROVISÓRIA

15 de Abrili de su 2016

Si podint castiai is graduatórias provisórias, chi pertocant is líbburus de iscola po s'annu iscolàsticu 2015/2016.
Is ricursus eventualis tocat a ddus presentai aintru de su 19 de Argiolas de su 2015.
Segundu su D.Lgs de su 14 de Martzu de su 2013, art.26 comma 4 non si pubblicant is nóminis de is istudiantis beneficiàrius ma si inditat su códixi identificativu, chi at donau s'Ufíciu Protocollu in su momentu de sa presentada de sa domanda.

Àteras iscedas si podint pregontai a
Ufíciu Istrutzioni Púbblica
bia Don Minzoni n°10
de su lunis a sa cenàbara 10,30 - 13,00 (de is dexi e mesu de a mengianu finas a sa una)
su martis e sa gióbia de is 16,30 - 17,30 ( de is cuatru e mesu finas a is cincu e mesu de a merì)
tel. 070 976 02 48 070 976 02 51.

ADEGUAMENTU DE SU PUC A SU PPR

13 de Abrili de su 2013

Adeguamentu de su Pianu Urbanísticu Comunali a su Pianu Paesagísticu Regionali.

Inghitzat su camminu de participatzioni cun is citadinus.

S'Amministratzioni Comunali organizat, po su 21 de Abrili a is 17,30 (cincu e mesu de a merí) un'atóbiu púbblicu de introdutzioni a s'isterrida de su strumentu urbanísticu nou.

Funt presentis is Amministradoris, s'Ufíciu Ténnicu Comunali e is Ténnicus incarrigaus de s'isterrida de su Pianu.

S'atóbiu, indiritzau a totu sa populatzioni, si fait in sa sala de su Consillu de su Municípiu.

 

“METTICI DEL TUO!”

12 de Abrili de su 2016

Su Comunu de Gùspini, in su cuntestu de is initziativas de su Servítziu Educativu Territoriali,  promovit  su 18 e su 19 de Abrili 2016 in sa sala de su Consillu de su comunu de Gùspini, de is cincu e mesu finas a is otu de a merí (17,30-20,00), unu seminàriu de sensibbilizatzioni “ Come aiutare i figli adolescenti ad allontanarsi e avere un progetto personale” (Cumenti agiudai is fillus  piciocheddus a si stesiai e a tenni unu progetu personali)

Su seminàriu est indiritzau a is babbus e is mammas, a is operadoris, a is insinniantis e a is voluntàrius chi trabballant cun is piciocheddus; un'ocasioni importanti de aprofundamentu de is problemas chi girant aroru a su mundu de is piciocheddus, a is famíglias cosa insoru e de is sugetus chi cuncàmbiant cun issus, cun  riferimentu particulari a is certus e a sa gestioni cosa insoru.

Su seminàriu ddu fait sa Dot.ra Paola Casolo, Formadora e Consulenti po su Centru Psicu-Pedagógicu po s'Educatzioni e sa Gestioni de is Certus de Piacenza.

Funt cumbidaus a pigai parti babbus e mammas, insenniantis, assótzius e totus is chi po s'atividadi insoru funt in cuntatu cun is piciocheddus.

Documentus disponíbbilis

Locandina .

 

PIANU DE ASSÉTIU IDROGIOLÓGICU

8 de Abrili de su 2016

S'Amministratzioni Comunali organizat, po su 14 de abrili, a in cincu e mesu de a merí (17,30) un'atóbiu púbblicu po sa presentada de su Pianu de Assétiu Idrogiológicu.

S'atóbiu, rivólgiu a totu sa populatzioni, si fait in sa Sala de su Consillu de su Municípiu.

 

BUSSAS DE STÚDIU. DONATZIONI DOT. GIOVANNI FLORIS

8 de Abrili de su 2016

Su 11 de Abrili chi intrat s'intregant, in sa Domu Murgia,  is líbburus de mexina chi fiant de Dot. Floris, dotori de famíglia chi trabballàt in Gúspini de is annus Cincuanta de su 1900 fintzas a pagu prima de su 2000.

Is líbburus costituint is bussas de stúdiu chi at donau s'Ingegneri Giorgio Floris, fradi de su dotori, e destinadas a is istudiantis de Gùspini laureaus o chi funt giai giai po si laureai in Mexina e Sciéntzias  médicas, po ndi premiai s'impignu in su stúdiu.

Is cincu assignatàrius chi lunis, in preséntzia de is autoridadis,  ndi arretirant sa bussa de istúdiu cosa insoru funt:

Federica Cau

Barbara Manca

Isabella Esmeralda Mazza

Francesco Murgia

Laura Tuveri.

APRICU "MICROCHIP" – ABRILI 2016

7 de Abrili de su 2016

Martis 19 de Abrili 2016, de is noioras mancu cuartu finas a is dexi de a mengianu (h.8,45-10,00) in s'ex Ambulatóriu Comunali in bia Don Minzoni n° 109, su Servítziu Veterinàriu de sa ASL n° 6 distretu de Gúspini, at a ponni su "microchip" de arreconnoscimentu a is canis de propiedadi.

Su "microchip" permitit s'arreconnoscimentu de s'animabi si custu si perdit e s'iscritzioni in s'anàgrafi de is canis.

S'apricu de su "microchip" e s'iscritzioni a s'anàgrafi de is canis funt obbligatórius po lei.

Su servítziu est a gratis.

Is interessaus  podint prenotai s'apricu de su "microchip" a su cani cosa insoru, cumpilendi sa domanda apósita aintru de mesudí (h. 12,00) de lunis 18 de Abrili 2016, in su Cumandu de Politzia Locali in bia Torino (apitzus de s'ufíciu postali) in s'oràriu de obertura a su púbblicu:

lunis – cenàbara  10,30- 13,00 (  de is dexi e mesu de a mengianu fintzas a sa una)

su martis e sa gióbia 16,30 – 17,30 ( de is cuatru e mesu fintzas a is cincu e mesu de a merí).

DISÀSTRU NATURALI

5 de Abrili de su 2016

Ddoi at tempus fintzas a mesudí (h.12,00) de su 4 de Maju po presentai is domandas de agiudu po is impresas agrícolas chi si agatant in is logus chi at dannegiau sa trumba de ària de su 4 de Cabudanni 2015.

Ddu fait isciri sa Regioni Autónoma de sa Sardigna po médiu de Argea Sardegna (s'Agentzia Regionali po sa Gestioni e s'Erogatzioni (spartzidura) de is agiudus in Agricoltura).

In su comunicau chi at spainau sa Regioni si ligit chi "Podint gosai de s'agiudu po is dannus a is istruturas chi non si podint assegurai e a is reservas is imprendidoris agrícolus iscritus in s'arregistru de is impresas agrícolas de sa Càmera de Cummérciu chi tenint is aziendas in is logus dannegiaus.

Fun esclúdias de s'agiudu is istruturas chi si podint assegurai cumenti a is impiantus de produtzioni de matas e arbustivas, serras e tunnel rivestius cun unu pillu de plàstica, serras fissas cun rivestimentu in imbirdi o plàstica,  arretzas contra a su làndiri e impiantus contras a sa cibixia e umbràjus.

Is domandas de cuntribbutu depint lompi po médiu de arracumandada  A/R (arricida de torrada) o po médiu de PEC a su Servítziu Territoriali de Argea Sardigna cumpetenti".

Su comunu de G\spini est insertau intra de is 27 comunus interessaus.

Documentus disponíbbilis

Càstia is documentus chi sa Regioni at postu a dispositzioni.

CUNTRIBBUTUS A IS ASSÓTZIUS ISPORTIVUS

1 de Abrili de su 2016

Pubblicada sa graduatória provisória po s'intregadura de contribbutus in favori de is Assótzius Isportivus po s'annu 2015.
Is ricursus si podint presentai aintru de su 3a de Martzu de su 2015.
Po àteras iscedas:
Ufíciu Isvilupu e Cultura, bia Don Minzoni n°10, Gùspini

de lunis finas a cenàbara 10,30 – 13,00 ( de is dexi de a mengianu finas a sa una)

martis e gióbia 16,30 – 17,30 ( de is cuatru e mesu finas a is cincu e mesu de a merì)

tel. 070 976 02 48 - 070 976 02 51 - 070 976 02 40

Responsàbbili de su Servítziu
Dot.ra Gigliola Fanari

Responsàbbili de su Procedimentu
Dot.ra Sara Ruggeri.

 

SCIOBERU VOLUNTÀRIUS SERVÍTZIU CIVILI

1 de Abrili de su 2016

Ddoi at tempus fintzas a is duas (14,00) de su 20 de Abrili po presentai sa domanda po pigai parti a su scioberu de voluntàrius de impreai in progetus de servítziu civili natzionali.

Su comunu de Gùspini puru (Enti acreditau in s'Albu Regionali de sa Sardigna  de su Servítziu Civili Natzionali) arresurtat  beneficiàriu de su finantziamentu po is duus progetus specificaus de seghiu e disponíbbilis in allegau po ddu castiai:

"BIBLIOTECARE"

Su progetu

Setori e area de interventu de su progetu:

D01 Incuru e cunservatzioni bibliotecas

Destinatàrius:

piciocus e piciocas chi tenint 18 annus e non prus de 28 annus (28 annus e 364 dìs)

Postus disponíbbilis: 4 (cuatru)

Rechisitus minimus de participatzioni:

n°4 voluntàrius – Diploma Scola Superiori

Documentus pregontaus po sa presentada de sa domanda:

Mollu de domanda

Decraratzioni Títulus

Cópia de su documentu de identidadi

Referenti comunali: Setori Sóciu Assistentziali

Responsàbbili de su setori: Ass. Soc. Elisabetta Manunza

Indiritzus de arrelatu:

tel. 070 976 03 04

e-mail: settore.sociale@comune.guspini.vs.it

 

Documentus disponíbbilis:

Mollu de domanda (tocat a s-arragodai de acapiai cópia de su documentu de identidadi}

Decraratzioni de is títulus

Progetu "Insieme si può 2015" (Imparis si podit 2015)

Is domandas depint essi presentadas a s-Ufíciu Protocollu de S'Enti segundu una de is maneras previdias: Posta Eletrónica Certificada, Arracumandada A/R, a manu.

Si podit presentai domanda po unu scéti de is progetus.

Is domandas tocat a ddas indiritzai a:

Comunu de G\spini, bia Don Minzoni n”10 -Servítziu Civili Natzionali – Progetu "nómini de su progetu"

opuru po médiu de sa PEC a s'indiritzu protocollo@pec.comune.guspini.vs.it inditendi in s'ogetu Servítziu Civili Natzionali / progetu "nómini de su progetu"

Totus is iscedas specíficas apitzus de is bandus de su servítziu civili funt disponíbbilis in www.regione.sardegna.it/serviziocivile/

 

 

PROGETU “MONTE SANTA MARGHERITA”

29 de Martzu de su 2016

Si serrat sàbudu 2 de Abrili su progetu “Santa Margherita 2016”. Apustis de is atividadis  nobas in is iscolas e sa prantadura de is matas in sa zona interessada de su fogu de s'istadi passada,  s'acabbu de cida est dedicau a una atividadi de  prantadura in prus e a s'intregadura de is atestaus a is chi ant trabballau a s'arrannéscida de su progetu.

S'atóbiu est prevídiu in s'istrutura isportiva de su “Tennis Gùspini”, in localidadi Sa Tella:

h.15,00 (tres de a merí) prantadura in sa zona ananti de is campus de tennis;

h. 16,30/ 17,00 ( cuatru e mesu / cincu de a merí) intregadura de is atestaus de participatzioni e arrefriscu de acabbu de sa 1^ editzioni de su Progetu.

SCIUSCIADURA  BARRIERAS ARCHITETÓNICAS

25 de Martzu de su 2016

Est in pubblicatzioni in s'Albu Pretóriu  sa graduatória de is domandas ammítias a is cuntribbutus de non torrai po sa sciusciadura de is barrieras architetónicas in fàbbricus privaus ex Lei n°13/89, po s'annu 2016 e sa curregidura de sa graduatória de su 2014.

Is graduatórias  ddas podint castiai is interessaus in is dìs de obertura a su púbblicu  puru in s'Ufíciu Urbanística de bia Don Minzoni.

CONSILLU COMUNALI

25 de Martzu de su 2016

 

Mércuris 30 de Martzu 2016, a is ses de a merí (18,00), ins'àula de su Consillu ddoi at una sétzida istraordinària de su Consillu po chistionai de:

  1. Interrogatzionis e interpellàntzias;
  2. Aprovu verbalis de sétzida de su Consillu Comunali;
  3. Comunicatzionis de su Síndigu;
  4. Cuntestatzioni incumpatibbilidadi lómpia de sa cunsillera comunali Sig.ra Patrizia Pinna – art. 63 comma 1 de su D.Lgs. 267/2000;
  5. Prelevamentude su Fundu de reserva – Comunicatzioni a su Consillu comunali ex art. 166, 2° comma de su D.Lgs. 18 de Austu 2000, n°267;
  6. PLUS 2016 – Adotzioni e cumentzu de su Progetu “Registro Distrettuale degli Amministratori di Sostegno” (Registru Distretuali de is Amministradoris de Agiudu) – Aprovu Protocollu de Intesa;
  7. Motzioni (proposta): Ativatzioni procedura nobas de Protocollu de is domandas  arribbadas a s'Enti po médiu de sa Posta Eletrónica Certificada P.E.C.;
  8. Motzioni (proposta): Scioberu de unu logu in sa toponomàstica de su Comunu de Gùspini de intitulai a Peppino Impastato;
  9. Órdini de sa dì “no Trivellas”.

 

 

REFERENDUM POPULARI DE ABROGU DE SU 17 DE ABRILI – NÓMINA ISCRUTADORIS

24 de Martzu de su 2016

A s'iscopu de cumponni is ségius eletoralis, sa Cummissioni Eletorali at providiu a sa nómina de is iscrutadoris (Verbali de sa Cummissioni Eletorali Comunali n°12, in data 23 de Martzu 2016).

Càstia s'elencu de is iscrutadoris nominaus e de is riservas.

Po ligi totus is aprofundamentus, bai deretu a sa pàgina: "Referendum Populari de Abrogu de su 17 de Abrili 2016 " Is barrinaduras in mari".

DISPOSITZIONIS  ASUBA S'ORÀRIU DE OBERTURA DE SU CAMPUSANTU

24 de Martzu de su 2016

De domínigu 27 de Martzu, cun s'intrada in vigéntzia de s'ora legali cambiat s'oràriu de obertura de su Campusantu:

Martis, Gióbia e Domínigu  8,00-12 ( de is otu de a mengianu finas a mesudí)

Gióbia e Domínigu 15,00-18,00 ( de is tres a is ses de a merí)

A merí duncas s'obertura est un'ora prus a tradu.

In is àteras dís de sa cida su Campusantu oberrit scéti po is interrus osservendi s'oràriu chi sighit:

de mes'ora innantis de sa funtzioni arreligiosa finas a s'acabbu de s'interru.

PIGADA A TRABBALLAI A TEMPUS INDETERMINAU

 

22 de Martzu de su 2016

 

Pubblicau s'arresurtau de is collóchius de su Scioberu Púbblicu po pigai a trabballai un 'Istrutori Diretivu Amministrativu Categoria Giurídica D – Positzioni Económica D1, espertu in intercetatzioni fundus e finantziamentus e svilupu locali, cun cuntratu de trabballu a tempus determinau e “part time” de 18 oras sa cida po sa durada de 12 mesis, prorogàbbilis, incarrigau a s'Ufíciu de su “Staff” de su Síndigu ex art. 90 de su D. Lgs 267/2000.

At a sighiri su decretu de su Síndigu po scioberai su candidau ex art:90 de su D.Lgs.

S'elencu de is arresurtaus s'agatat puru, a parti chi in custa pàgina, is sa setzioni aposita in “ “Amministratzioni Trasparente”.

Po àteras scedas:

Servizio del Personale del Comune di Guspini

tel. 070. 976 02 08 – 070. 976 02 39

mail. Settore.personale@comune.guspini.vs.it

Documentus disponíbbilis:

Arresurtaus de su collóchiu.

“ LE COSE MIGLIORI”

16 de Martzu de su 2016

Su 25 de Martzu a is cincu e mesu de a merí (17,30), in sa Bibblioteca Comunali “Sergio Atzeni” ddoi at sa presentada de su líbburu “Le cose migliori” (Is mellus cosas) de Valeria Pecora.  S'initziativa, cumprida de su Comunu de Gùspini, impari cun su Sistema Bibbliotecàriu “Monte Linas” e s'Assótziu Turísticu Pro Loco,  fait parti de su ciclu de initziativas culturalis naradas: #culturaction.

Aici narat sa presentada in su “web”:

Una vida a s'aparéntzia tranchilla, serena, in una famíglia de su cetu de mesania, dda  cancellat sa tragédia de sa maladia. Sa mamma de Irene si ammalaidat de Parkinson e custu fatu cambiat su cursu de totus is vidas  insoru, sa sua e sa de totu sa famíglia. Sa segada dda sinnat sa finali de is mundialis de palloni,8 de Argiolas de su 1990. e una dì  stadiabi callenti meda sinnat po sémpiri sa sorti de sa protagonista. In is oras ainnantis de sa partida prus sighida in su mundu, Irene lassat po sémpiri is pannus de pipiedda po bistiri cussus de manna.  Sa pipia arruit,  imbruchinat in un'arrogu de cimentu scarésciu in s'asfaltu: unu ghiadori sbeddiau chi currit meda, a sa mamma  dda secuestrat sa primu avisàglia de sa maladia.

A sa presentada est presenti s'autora, moderat Francesca Virdis.

GIORNADA  CONTRAS   A  IS  MÀFIAS

16 de Martzu de su 2016

 

Su 21 de Martzu 2016, in totu Itàlia,  si celebrat sa de 21 giornadas de sa Memória e de s'impignu in arregordu de is vitimas de is màfias.

Apitzus de s'argumentu de pagu si funt espessaus:

Fabio Postiglione:

“Sa lota a is màfias passat atruessu sa cultura de sa legalidadi. Abbisóngiat imparai a is gióvunus is baloris chi ant móviu e movint is spíritus de is magistraus,  de is arrapresentantis e de is chi faint parti de is Fortzas de s'Órdini chi dónnia dì gherrant po torrai  a logu sa siguresa. Totus giai de piticheddus depint fai sa parti insoru. Is màfias si podint binci non scéti cun is arrestus e is circas, ma puru cun is líbburus e s'imparu scolàsticu”.

E su magistrau  antimàfia Francesco Soviero chi po un'initziativa símbilli in s'avellinesu at decrarau: Initziativa chi meritat. Unu sinnali forti e craru contras a is màfias. Sa cultura de sa legalidadi incumentzat intra de is bangus de iscola. Iat a tocai a istituiri fatuvatu in s'interis de s'annu scolàsticu manifestatzionis cumenti a custa organizada in Ariano gràtzias a  su trabballu chi sa scola e su Commissariau de Politzia de su logu ant fatu imparis”.

Duus is acontéssius previdius in Gùspini:

h. 11,00 (úndixi de a mengianu), in P.tza XX Settembre: sa “letura de is nóminis”, organizada de s'Assótziu “Libera” (Presídiu Silvia Ruotolo – Gùspini).

Pigant parti is Scolas de bidda, is Assótzius de voluntariau, is Organizatzionis Sindacalis, su Consillu Comunali.

h. 18,00 ( ses  de a merí), in su cineteatru Murgia, a incuru de s'Assótziu “San Nicolò Vescovo Onlus” faint a biri su film “ La mafia uccide solo d'estate” ( Sa Màfia bocit scéti in s'Istadi). Sa visioni est a indonu.

“SEMINÀRIU “SELFIEMPLOYMENT”

16 de Martzu de su 2016

S'Informagióvunus de su  Comunu de Gùspini e de Gonnos, impari cun su CeSil de su Comunu de Gùspini organizat unu seminàriu apitzus de is strumbulus (incentivus) nous rivólgius a is gióvunus de is 18 fintzas a is 29 annus iscritus a su programma “Garanzia Giovani”.

In particulari funt previdius Finantziamentus a tasu zeru po is gióvunus chi si bolint ponni in própiu o incumentzai un'atividadi de imprendidori.

Su fundu finantziat initziativas cun pianus de inbistmentu inclúdius intra de is 5000,00 e is 50.000,00 Eurus in is setoris de interventu  chi sighint:

  1. Produtzioni de bènis e fronidura de servítzius;
  2. Cummérciu;
  3. Turismu;
  4. Servítzius Culturalis e Discansosus;
  5. Servítzius a sa persona;
  6. ITC. Arrespàrmiu energéticu e energias  rennovàbbilis;
  7. Servítzius a is impresas;
  8. Atividadis manifaturieras e de s'artesania;
  9. Trasformatzioni e cummercializatzioni de prodotus de messarítzia; e aici sighendi.

SELFIEMPLOYMENT,  custu su títulu de su seminàriu,  est cenàbara 18 de Martzu 2016, a is noioras e mesu de a mengianu (9,30), in s'aula de su Consillu de su Comunu de Gùspini.

Po pigai parti a su seminàriu  tocat a si rivólgi:

Informagiovani (Informagióvunus)

Gùspini:

lunis 15,30-18,00 ( de is tres e mesu a is ses de a merì),

mércuris e cenàbara 10,30-13,00 ( de is dexi e mesu de a mengianu finas a sa una)

tel. 070. 976 03 10

www.informagiovani.guspini.it

mail.  Informagiovani.guspini@ctr.it

Gonnos:

lunis e martis 10,00-12,30 ( de is dexi finas a mesudì)

mércuris 15,30 – 18,00 ( de is tres e mesu finas a is ses de a merì)

tel. 070. 979 52 56

mail. informagiovani.gonnosfanadiga@ctr.it

CeSil Comunu de Gùspini:

totus is mengianus a su númunu 070. 976 03 10

mail. Cesil.guspini@tiscali.it

Documentus disponíbbilis

Locandina

  REFERENDUM” POPULARI  DE ABROGU DE SU 17 DE ABRILI 2016 “IS BARRINADURAS IN MARI

10 de Martzu de su 2016

SU VOTU IN DOMU

Po permítiri s'esercítziu de su deretu de votu si faint a connósciri is dispositzionis po chi is disàbbilis gravis meda potzant votai in domu.

Podint votai in domu in dì de oi:

  1. is eletoris chi tenint maladias gravis meda,  talis chi si stesiai de sa domu innói bivint arresurtat impossíbbili, cun s'agiudu, puru, de is servítzius ex art. 29 de sa Lei 5 de Friaxu 1992, n°104, est a nai chi non si podint trasportai. Si sutalineat chi su votu in domu non podit éssiri domandau scéti poita non ddoi at nisciunu servítziu de acumpangiamentu a su ségiu;
  2. is eletoris chi tenint maladias gravis meda, chi s'agatant in cunditzionis de dipendéntzia fitiana e vitali de aparéchius eletromedicalis, chi ndi impedint sa stesiadura de sa domu innói bivint. Si sutalineat innói sa dipendéntzia fitiana e duncas s'arriscu po sa saludi personali de su Citadinu.

SA PROCEDURA

Su primu passu chi s'eletori depit fai, est sa domanda de is certificaus santàrius chi atestant sa maladia gravi meda (dipendéntzia de aparéchius eletromedicalis o  malàdius chi non si podint trasportai).

IS CERTIFICAUS

  • ddus donat scéti sa ASL po médiu de is dotoris incarrigaus cosa sua;
  • depint éssiri intregaus non  prus de 45 dìs ainnantis de sa data de is consultatzionis eletoralis. Sa  domanda po sa bísita, est craru chi si podit presentai  ainnantis puru de is 45 dìs;
  • scéti po is chi non si podint trasportai, sa prógnosi non depit éssiri prus bàscia de  sessanta (60) dìs.

Cumenti si cumprendit, is bísitas podint éssiri fatas scéti in domu e duncas tocat a domandai a sa ASL.

CUMENTI PRESENTAI SA DOMANDA

Su segundu passu est su de ammostai sa domanda po votai in domu a su Síndigu de su Comunu innói ddoi funt is listas eletorali innói si est iscritus.

A sa domanda tocat a acapiai una decraratzioni in paperi líbberu, chi atestat sa voluntadi de votai in domu, e chi portat s'inditu de s'indirítzu cumpletu, a parti is certificaus chi donat  su dotori incarrigau de sa ASL.

Sa domanda a su Síndigu tocat a dda presentai in una simada de tempus chi andat de is coranta a is binti dìs ainnantis de sa data de su votu (aintru de su 29 de Martzu 2016).

Documentus disponíbbilis

Módulus

Locandina informativa (avisu).

ATÓBIU PÚBBLICU

7 de Martzu de su 2016

Su GAL  Linas Campidanu cumbidat impresas e citadinus a pigai parti a s'atóbiu púbblicu previdiu po mércuris 9 de Martzu a is ses e de a merì (18,00) in s'Aula de su Consillu de su Comunu de Gúspini.

Sa proposta intitulada “ Nuove opportunità di finanziamento per il territorio” (Possibbilidadis nobas de finantziamentu po su territóriu) s'insertat in su cursu partecipativu de su GAL Linas Campidanu po s'istérrida de su pianu nou de atzioni locali po sa programmatzioni 2014-2020.

Documentus disponíbbilis

Locandina.

UFÍTZIU DE LÍNGUA SARDA

7de Martzu de su 2016

De su 1° de Martzu  e fintzas a su 31 de Meseidas 2016 (fintzas a spaciai is 126 oras prevídias po dónnia sedi), funt in funtzioni is Ufítzius de Língua Sarda in is comunus cumpaàngius de su progetu “Sighidura de sa sperimentatzioni linguística in su Campidanu de Mesu” finantziau de sa Lei 482/99 – annualidadi 2012. Is Ufítzius funt ativus in Giauni, Gúspini, Pabillois, Seddori, serrenti, Biddacidru e Mara Arbarei in is dìs cuncordadas e funt a dispositzioni de totus is citadinus, de is entis, de is iscolas de su territóriu, e in prus de is aziendas e de is esercítzius cummercialis (butegas, restorantis, tzilleris/bar, e aici sighendi) po girai in sardu  “menù”, cartellus de pubblicidadi, calendàrius, chi podint essi ammostaus scritus in duas línguas: in italianu e in sardu.

Po calisisiat  iscera si podit cuntatai in manera dereta is operadoras de  s'ufítziu.

UFÍTZIU LÍNGUA SARDA GÚSPINI – in sa Bibblioteca Comunali – bia Don Minzoni, n°12

Teléfunu: 070/ 972366

Indirítzu posta eletrónica: sportello.linguasarda@comune.guspini.vs.it

Operadora : Dot.ra  Annalisa Caboni

Dìs de obertura : Martis

Oràriu: 15,30 – 18,30 ( de is tres e mesu fintzas a is ses e mesu de a merì)

 

MERCADU AGROALIMENTARI CAMPIDANU DE MESU

7 de Martzu de su 2016

 Su Cunsórtziu Industriali Provinciali de su Campidanu de Mesu de Biddacidru, fait isciri chi in sa setzioni “Bandi e gare” (Bandus e garas) de su giassu istitutzionali cosa sua www.civillacidro.it, est istétiu pubblicau, cun scadéntzia su 15 de Abrili 2016, s'avisu púbblicu po sa presentada de  manifestatzionis de interessamentu chi punnant a s'umperu de partis solas de s'istrutura tzerriada “ Mercato agroalimentare Medio Campidano” ( Mercadu agroalimentari Campidanu de Mesu) de parti de imprendidoris púbblicus e privadus.

Iscedas chi pertocant su bandu si podint domandai, tzerriendi su númunu: 070/9311212.

Documentus disponíbbilis

Manifestu

INTREGADURA SACHITAS DE S'ÀLIGA PO S'ARRAGOTA DIFERENTZIADA

7 de Martzu de su 2016

 

A incumentzai de su 7 de Martzu s'intregant is sachitas po s'àliga.

Is sachitas po s'úmbidu e cussas po su sicu indifenentziau, si intregant a gratis a totus is intestatàrius Tarsu chi si depint presentai (in is logus e in s'oràriu chi sighint) cun  unu documentu de identidadi.

Is sachitas si podint arretirai puru po médiu de unu delegau chi depit ammostai su documentu de identidadi di chi fait sa dèlega.

Custu s'oràriu e is logus de intregadura:

  1. In s'ex iscola Rodari in Pratza Togliatti

h. 10,00 – 13,00  (de is dexi de a mengianu fintzas a sa una) / 15,00-17,00 ( de is tres fintzas a is cincu de a merì)

Lunis 7 de Martzu – Lunis 14 de Martzu – Lunis 21 de Martzu

  • In su Mercadu Cívicu in bia San Nicolò

h. 10,00 – 13,00  (de is dexi de a mengianu fintzas a sa una) / 15,00-17,00 ( de is tres fintzas a is cincu de a merì)

Mércuris 9 de Martzu – Mércuris 16 de Martzu – Mércuris 23 de Martzu

  • In s'ex Maceddu

h. 10,00 – 13,00  (de is dexi de a mengianu fintzas a sa una) / 15,00-17,00 ( de is tres fintzas a is cincu de a merì)

Cenàbara 11 de Martzu – Cenàbara 18 de Martzu – Cenàbara 25 de Martzu

·           In  Montibéciu – in s'edifíciu umperau po is consultatzionis eletoralis

h. 9,00-13,00 ( de is noioras de a mengianu fintzas a sa una)

Sàbudu 12 de Martzu

  • In sa Tzepara -.in s'edifíciu umperau po is consultatzionis eletoralis. Ex iscola elementari

h. 9,00-13,00 ( de is noioras de a mengianu fintzas a sa una)

Sàbudu 19 de Martzu

Is umperadoris chi no arretirant is sachitas in is datas inditadas asuba, ddu podint fai in su cantieri COSIR, in sa zona Industriali, su lunis, su mércuris e su sàbudu de is 10,00 a is 12, 00 ( de is dexi de a mengianu fintzas a mesudì) ammostendi unu documentu de identidadi de s'imumperadoris iscritus in su ruolu Tarsu.

Àeras iscedas si podint domandai a su númunu birdi 800 069 960.






L. 482/99 Annu 2015



ELENCU PROFESSIONISTAS- AGIORNAMENTU ANNUALI

24 de Austu de su 2015

Pubblicau un'avisu po s'agiornamentu annuali (2015) de s'elencu obertu de is sugetus de cumbidai po su cunferimentu de incàrrigus professionalis, chi non depint tenni un'importu prus bàsciu de € 100.000, chi pertocant s'ingegneria e s'architetura.
S'achirimentu de sa candidadura non cumportat, riguardu a su cunferimentu eventuali,
nisciunu obbligu po su Comunu ni s'atribbutzioni de calincunu deretu a su candidau. 
S'iscadéntzia po sa presentada de is domandas de inserta est fissada a sa una (13,00) de su 31 de su Meseladàmini de su 2015.

Po àteras iscedas tocat a castiai s'avisu integrali.

FESTA DE SU MEBI 2015. INTREGADURA POSTUS- DISPOSITZIONIS PO SU TRÀFICU.

21 de Austu de su 2015

Pubblicada s'intregadura de is postus de béndita e àteras atividadis in logu púbblicu iscobertu in ocasioni de sa Festa de su Mebi 2015, chi ddoi at in Montibéciu su 22 e su 23 de Austu 2015.
Càstia is documentus:
1. intregadura postus
2. planimetria cun s'indicatzioni de is ispàtzius intregaus
3. óbbligus e prescritzionis

TELÈFONUS ISOLAUS

13 de Austu de su 2015

Po nexi de unu guastu in sa centrali telefónica comunali, po su momentu, mancai non fait a telefonai a is ufícius comunalis.

Abarrant ativas invécias is àteras maneras de comunicatzioni: e-mail, PEC, Skype (innói est prevista).

FESTA  DE  SANTA  MARIA  ASSUNTA  2015

12 de Austu de su 2015

De su 11 finas a su 22 de Austu 2015 in Gùspini ddoi at sa festa de s'Assunta organizada de sa "Associazione Festeggiamenti Santa Maria Assunta".

Torrat  puntuali "Sa Festa Manna" dedicada a Santa Maria Assunta chi cumenti  bolit sa traditzioni bit sa comunidadi reunida po  sa grandu festa e chi bit torrai a bidda is emigraus puru. Cantus, baddus, drucis caraterísticus de gustai in is paradas e tanta cosa de papai bona funt is ingredientis  principalis de totus is festas paesanas prus importantis e Gùspini non si ndi tirat de sa traditzioni ma antzis ammostat, po s'ocasioni, costumus particularis meda cumenti a s'infrorada.

Su programma si podit castiai in su manifestu.

FESTA  CIVILIS

cenàbara 14

h. 22,30 (dexi e mesu de a noti) – SA RODA –  Artifítzius a incuru de sa Dita Oliva – Loc. Su Legau

h. 23,00 ( úndixi de a noti) – LIVE RAP – Pratza XX Settembre

sàbudu 15

h. 22,00 (dexi de a noti) – LUNA PALUMBO-  Ispetàculu musicali – Pratza XX Settembre

domigu 16

h.22,00 (dexi de a noti) – NICK CASCIARO-  giru 2015 Ispetàculu musicali – Pratza XX Settembre

lunis 17

h.22,00 (dexi de a noti) – COSSU E ZARA- cabaret – Pratza XX Settembre

martis 18

h.22,00 (dexi de a noti) – BAILANDO SARDINIA_ baddu lìsciu e étnicu - Pratza XX Settembre

mércuis 19

h. 17,30 ( cincu e mesu de a merì) – SA DIE DE IS PIPIEDDUS" cun Anteas Medio Campidano, Sa calada de is CARRUCEDDUS e giogus de su connotu- bia Santa Maria

h. 22,00 (dexi de a noti) – GIOGUS PO PIPIUS e "MISTER QUIZ WR Recording"- Pratza XX Settembre

gióbia 20

h.16,00 (cuatru de a merì) -INFRORADA A MARIA – bia Santa Maria, a incuru de is grupus "Santa Maria" e "San Nicolò"

h.22,00 (dexi de a noti) – IL RISVEGLIO, Tribute Band Creedence Clearwater Revival" - Pratza XX Settembre

cenàbara 21

h.22,00 (dexi de a noti)  - "DANZANDO SOTTO LE STELLE" - Pratza XX Settembre, a incuru de "New Happy Dance" de Gùspini cun is campionis regionalis 2015 de "Syncro Show"

sàbudu 22

h.22,00 (dexi de a noti) – Tirada a sorti de is billetus de sa loteria a prémius "Santa Maria Assunta"-Pratza XX Settembre

Torneu de "Tennis Tavolo" – Top 12 a incuru de sa ASD Tennis Tavolo Guspini.

In su programma funt insertadas puru is manifestatzionis chi sighint:

"Pesca di beneficenza" – Oratóriu San Domenico Savio – de su 14 finas a su 22 de Austu

FESTA DE SU MEBI 2015. INTREGADURA POSTUS. DISPOSITZIONIS PO SU TRÀFICU

12 de Austu de 2015

Pubblicada s'intregadura de is postus de béndita e àteras atividadis in logu púbblicu iscobertu in ocasioni de sa Festa de su Mebi 2015, chi ddoi at in Montibéciu su 22 e su 23 de Austu 2015.

Càstia is documentus:

 

Dispositzionis in matéria de tràficu

APALTU COMUNIDADI  INTEGRADA

6 de Austu de su 2015

Pubblicau su bandu de gara po s'intregadura, po médiu de procedura oberta, de sa gestioni de su servítziu sóciu-assistentziali a is óspitis de sa comunidadi integrada po antzianus (ex casa proteta).

Sa durada de s'apaltu, salvu sciollimentu anticipau, est de 12 mesis (de su 12 de Meseladàmini 2015 finas a su 11 de Meseladàmini 2016).

S'importu a basi de gara sugetu a ribàsciu est paris a 336.424,39 IVA e óneris de siguresa esclúdius. A s'importu basi si depint aciungi 1.000,00 de óneris de siguresa po su períodu de riferimentu. Sa cuota  de sa gerrunnada a basi de gara est paris a 70,90 (IVA e óneris de siguresa esclúdius).

Sa gara si fait po médiu de procedura oberta cun su critériu de s'oferta económica prus vantagiosa.

Funt ammítius a participai:

Po àteras iscedas si mandat a su Bandu de gara integrali

S'oferta, a pena de s'esclusioni, depit lompi aintru is 11,00 ( úndixi) de su 31 de Austu de su 2015.

Documentus disponíbbilis:

Bandu de gara

Disciplinari

Capitolatu

Allegau A

Allegau B

Allegau C

Allegau Oferta Económica

Allegau oferta Ténnica

BESSIDA   A  SU “KOALA PARK”

6 de Austu de su 2015

S'Assessorau a is Servítzius Socialis, imparis a sa Cooperativa "La Clessidra", chi gestiscit su Centru de Agregatzioni Sociali, organizat, po su 27 de Austu 2015, una dì a su parcu aventura "Koala" de Domusnovas.

Parténtzia:

h. 7,45 ( otu mancu cuartu de a mengianu)  de bia Pertini ande su Centru de Agregatzioni Sociali

Torrada:

h. 19,00 (seti de a merì) in bia Pertini   ande su Centru de Agregatzioni Sociali

Iscritzionis:

Po podi participai a is atividadis tocat a s'iscriri cumpilendi su mollu chi est disponíbbili ande su Centru de Agregatzioni Sociali in bia Pertini o ande su Servítziu Sociali in bia Torino.

Su mollu de iscritzioni tocat a ddu presentai in s'Ufíciu Protocollu de su Comunu aintru de su 18 de Austu.

Oràriu de s'Ufíciu Protocollu:

de su lunis a sa cenàbara 10,30-13,00 (de is dexi e mesu de a mengianu finas a sa una)

su martis e sa gióbia 16,30-17,30 ( de is cuatru e mesu finas a is cincu e mesu de a merì)

Trasportu:

Su servítziu de trasportu est a in donu.

Brintada a su parcu: Su billetu de brintada a su parcu est a indonu, su costu de is percursus est a càrrigu de is participantis:

Po is pipius de is 119 cm a is 130 cm de artària, sa brintada a is percursus est paris a eurus 6.

S'initziativa est riservada a is pipius de is 5 finas a is 7 annus, a is piciocheddus de is 11 a is 17 annus e a is mannus.

Po àteras iscedas:

Ufíciu Servítzius Socialis: tel. 070 976 03 04

Centru de Agregatzioni: Lun. - Mart. - Merc.  15,00-19,00 ( de is tres a is seti de a merì) te. 070 978 40 86

Iscedas asuba de su parcu aventura:

tel. 0781 72 90 93

e-mail: www.parcoavventuradomusnovas.com

Documenti disponíbbilis

mollu de domanda

locandina

“NOTTI ARCOBALENO”

3 de Austu de su 2015

Su 6 de Austu a is 21,00( noioras de a noti) in pratza XX Settembre, si annoat s'atóbiu traditzionali cun "La Corrida". S'acontéssiu su púbblicu dd'abetat cun grandu entusiasmu e po custu si frunit de pitajolus, pingiadas, crabatoris e dónnia ogetu chi sonat. Cust'annu ddoi at una novidadi importanti: sa premiatzioni a sa pingiada prus manna ma si premiant totus is àterus participantis.

Prevista cust'annu puru sa preséntzia de istràngius internatzionalis:

Aldino de su Trentino artista e maistu de baddu;

Alice e totu su grupu cosa sua deretu de su "Paese delle Meraviglie";

Nonno Golia de s'Uganda in rapresentàntzia de s'Africa pacifista.

Istràngiu foras de cuncursu:

Emiliano Vargiu

Sa carriera cosa sua incumentzat a s'acabbu de is annus 80.

Insertau in medas grupus, cun is "Gli Amici di Jambe", inghitzat in is annus 2000 unu camminu interessanti participendi a medas cuncursus cun risurtaus ótimus puru, sonendi in pratzas e localis, e participendi cumenti a istràngiu fissu a sa trasmissioni de Videolina "Sport Club sugli spalti" cun Simona De Francisci.  In totu custu períodu non at mai ismítiu de iscriri cantzonis e de si fai a biri in duetu cun su ghitarrei. Apustis de sa separatzioni de "Gli Amici di Jambe" at frecuentau un'académia de música, po perfetzionai s'istúdiu de ghitarra e boxi. Innòi connoscit su Maistu Massimo Satta, collabboradori de Mogol,  grandu musicista e arrangiadori, chi intendendi una de is cantzonis, "La casa di Annabelle", at propostu de dda pubblicai e de dda fai sonai a is collegas cosa sua.

CONSILLU COMUNALI

3 de Austu de su 2015

Gióbia 6 de Austu 2015, a is cincu de a merì, in s'aula de su Consillu ddoi at una sétzida ordinària de su Consillu Comunali po chistionai de s'órdini de sa dì chi sighit:

 

 

 

 

 

 

 

IMPIANTUS ISPORTIVUS – OBERTURA OFERTAS ECONÓMICAS

30 de Argiolas de su 2015

 

Apustis de s'obertura de is ofertas po s'intregadura de is trabballus po ponni in seguresa, adeguai e acabbai is impiantus isportivus in localidadi Serra murdegu fata in is dìs 7- 8- 22 – 29 de Argiolas 2015, est arrisurtada agiudicatària s'Impresa Geom. Stefano Deiosso, bia Ferrara n° 9/a – 09023 Muristeni (CA), chi at ofertu de fai is trabballus cun s'oferta chi sighit:

 

Documentus disponíbbilis

Graduatória

 

ABETENDI SANTU LARENTZU

30 de Argiolas de su 2015

 

S'assótziu "Percorso di Sardegna", cun s'agiudu de su Comunu de Gùspini e sa collaboratzioni de is assótzius "Pro Loco Guspini", "Anteas", "Sa Mena", "Volsoc", "Unione Ciclistica Guspini", "Elafos", organizat su 9 de Austu de is ses de a merì (18,00), s'initziativa  "Aspetando San Lorenzo" (Abetendi Santu Larentzu) chi si fait in is minieras de Montibéciu – Cantieris de Levanti.

Insertada puru intra de is acontéssius delle "Notti Arcobaleno" coordinadas de su Centru Cummérciali Naturali Apice, s'initziativa previdit:

h. 18,00 (ses de a merì)

Atóbiu in is Cantieris de Levanti;

inauguratzioni ammosta fotogràfica;

inauguratzioni espositzioni: prendas in filigrana (Paola milano), Goteddus (C. Giordano e S. Giordano), ceràmicas artísticas (Patrizia Cara).

h. 18,30 (ses e mesu de a merì)

Giogus po pipius: is carruceddus, cursa cun su sacu, is cuaddeddus de canna

Animatzioni de is piciocheddus de s'Oratóriu San Giovanni Bosco – Guspini Ciclismu e Mountain Bike po pipius (camminu e esercítzius didàticus).

h. 19,00 (seti de a merì)

Passillada culturali e fotogràfica guidada

Paninus cun sartitzu e bibitas.

h. 22,30 ( dexi e mesu de a noti)

mirai sa dantza de is isteddus arruendi cun su telescópiu cun espertus e apassionaus.

 

CASSA A S'ISCUSÓRGIU”

30 de Argiolas de su 2015

 

Su Centru de Agregatzioni Sociali si càmbiat, po una dì,  su 30 de Argiolas, de is cincu finas a is noioras de a noti (17,00-21,00), in pratza San Nicolò po donai vida a una cassa a s'iscusórgiu apassionanti po totus is edadis.

S'initziativa, dda organizat s'Assessorau a is Servítzius Socialis imparis a sa Coop. "La Clessidra", chi gestiscit su Centru de Agregatzioni Sociali, e s'Oratóriu San Domenico Savio, e previdit atividadis po is pipius (cassa a s'iscusórgiu), po is piciocheddus (música, letzionis de cantu e giogus de sociedadi) e po is mannus (ispartzidura de durcis, ciambellas e sangria).

Po pigai parti a is atividadis tocat a s'iscriri cumpilendu unu mollu chi donant is su logu is operadoris presentis.

Po àteras iscedas cuntatai is ufícius de su Servítziu Sociali: tel. 070 976 04 04, o su CAS su lunis e su mércuis de is tres finas a is seti de a merì (15,00-19,00), tel. 070 978 40 86.

 

“NOTTI ARCOBALENO”

29 de Argiolas de su 2015

Connoscéntzias, saboris, arti, mestieris e saboris de sa terra, cun is manus papai e creatividadi a 360°.

Sa de tres notis "arcobaleno", sa de cras 30 de Argiolas, chi animat de is noioras de a noti sa bia Santa Maria.

In acórdiu, is assótzius de Gùspini ammostant in púbblicu is atividadis creativas insoru in una festa de sa comunidadi chi in unu merì de istadi bessit a sa bia po contaminai eticamenti sa colletividadi in is logus insólitus destinaus a sa cultura.

Custus is labboratórius previstus:

ISPÀTZIU DE GIOGU E DE EDUCATZIONI “LA TANA DELL'ORSETTO”

29 de Argiolas de su 2015

Funt obertas, de su 29 de Argiolas finas a su 28 de Austu, is iscritzionis a "La tana dell'orsetto" de su "Centro Educativo per la Prima Infanzia" Su servítziu est riservau a is pipius residentis in Gùspini de is 18 finas a is 36 mesis.

Funt previstas:

In prus po is famíglias:

Lunis e gióbia de is noioras de a mengianu finas a mesudì (9,00-12,00), e cenàbara de is tres finas a is ses de a merì (15,00-18,00)in su Centru de Agregatzioni Sociali Comunali de bia Pertini.

Iscedas:

Is mollus po s'iscritzioni e àteras iscedas funt disponíbbilis, a parti chi in su giassu "web", in is Ufícius de su Servítziu Sociali de bia Torino in is oràrius de obertura a su púbblicu (su lunis e sa cenàbara de is dexi e mesu finas a sa una (10,30-13,00) e su martis de is cuatru e mesu finas a is cincu e mesu de a merì (16,30-17,30))

Is domandas de iscritzioni tocat a ddas presentai in s'Ufíciu Protocollu de su Comunu in is dìs e in s'oràriu de obertura a su púbblicu ( de su lunis a sa cenàbara de is dexi e mesu finas a sa una (10,30-13,00) e su martis de is cuatru e mesu finas a is cincu e mesu de a merì (16,30-17,30)).

Giai chi is postus funt limitaus, sa precedéntzia de is domandas est difinida segundu s'órdini de presentada in s' Ufíciu Protocollu de su Comunu.

Sa graduatória cun is ammítius e sa lista de abetai dd'ant a pubblicai e agiornai fatuvatu in su giassu istitutzionali de su comunu.

Is chi faint domanda chi risurtant idòneus in graduatória, ddus telefonat su coordinadori de su Centru, unas cantu dìs innantis de s'incumentu de is atividadis.

Est prevista una cuota de participatzioni paris a 20,00 a su mesi de donai in antícipu a s'inghitzu de su mesi.

Is atividadis de su Centru incumentzant su 4 de Cabudanni 2015.

 

Documentus disponíbbilis

mollus de iscritzioni

 

CONSILLU COMUNALI

27 de Argiolas de su 2015

Gióbia 30 de Argiolas 2015, a is cincu de a merì, in sa sala de su Consillu, ddoi at una sétzida istraordinària po chistionai de s'órdini de sa dì chi sighit:

 

ORÀRIUS  AMBULATÓRIUS  IGIENI  PÚBBLICA

23 de Argiolas de su 2015

Su dipartimentu de preventzioni igieni e Sanidadi Púbblica fait isciri chi totus is ambulatórius de Igieni Púbblica (Comunu de Arbus, Gonnos, Pabillois, Sant'Éngiu, Sàrdara, Biddacidru) abarrant serraus po férias de su 3 finas a su 21 de Austu.

Po is certificaus médicus legalis abarrat obertu iscéti s'ambulatóriu de  Sant'Éngiu su lunis, su martis, su mércuis e sa cenàbara de is dexi finas a mesudì (10,00-12,30)

De su 24 de Austu is oberturas de is ambulatórius torrant a oberri segundu su calendàriu chi ddoi iat  innantis.

 

IMPIANTUS ISPORTIVUS – OBERTURA OFERTAS ECONÓMICAS

22 de Argiolas de su 2015

Po su chi pertocat is trabballus po sa siguresa, s'adeguamentu e cumpletamentu de is impiantus isportivus in localidadi Serra Murdegu, sa sétzida de gara po s'obertura de su plicu "B- Oferta económica" est a is noioras e mesu de a mengianu (9,30) de su 29 de Argiolas 2015, in s'Aula de su Consillu.

S'importu totali de is trabballus est paris a 178.815,65,  de custus  € 121.354,84 funt sugetus a ribbàsciu.

Su plicu de is documentus de participatzioni a sa gara depiat lompi in manera obligatória a s'Ufíciu Protocollu de su Comunu de Gùspini, bia Don Minzoni n°10, 09036 Gùspini aintru de sa una (13,00)de su 6 de Argiolas 2015, pena s'esclusioni automàtica de sa gara.

Po àteras iscedas

Setori Urbanística e OO.PP- Servítziu Òperas Púbblicas, bia Don Minzoni n°10, 09036 Gùspini;

tel. 070 976 02 10  fax: 070 970 180

e-mail: settore.operepubbliche@comune.guspini.vs.it

 

Documentus disponíbbilis

Bandu

Disciplinari

Allegaus

 

“NOTTI ARCOBALENO”

20 de Argiolas de su 2015

Est su turnu de su birdi su de mércuis 22 de Argiolas chi, a is noioras de a noti in pratza Zampillo, bit po sa de duas bortas de is "Notti arcobaleno", sa presentada de su progetu de archíviu audiu-visivu "Terra Cruda" de su regista Andrea Mura. Apustis de sa laurea in filosofia pigada in su 2005, Andrea Mura si dedicat a sa passioni po su teatru e sa cinematografia, chi ddu portat, apust de medas esperiéntzias de formatzioni e collabboratzioni a si diplomai ande su Centru Isperimentali de Cinematografia de Palermo.

Su cortometràgiu cosa sua "Làdiri" bincit, in su 2013, su cuncursu videu de s'Assótziu Internatzionali "Città dellara Cruda".

"Terra Cruda" est unu progetu "cross-mediale" chi pertocat sa bio-architetura, chi punnat a sa creatzioni de un'archíviu de istória visiva dedicau a is costrutzionis in làdiri e a sa civilidadi  de sartu in paisus europeus diferentis.

A sa basi de su progetu s'idea chi s'architetura in làdiri (terra crua), ispartzinada in totu su mundu, siat un'esémpiu de susteníbbilidadi ambientali de amparai e avalorai.

A parti s'autori funt presentis:

Ing.ra Denise Puddu – Vitzepresidenti Órdini de is Ingegneris de Casteddu;

Ing.ra Isebella Ligia  - urnanística – coordinadora commissioni urbanística e paesàgiu;

Walter Secci – Arretza de is  Comunus de sa Terra Crua (làdiri).

 

BESSIDA A “DIVERLAND”

20 de Argiolas de su 2015

S'Assessorau a is Servítzius Socialis, imparis a sa coperativa "Clessidra" chi gestiscit su Centru de Agregatzioni Sociali, organizat po mércuis 5 de Austu 2015 una gita a su parcu acuàticu "Diverland".

Parténtzia

8,45 (noioras mancu cuartu de a  mengianu) de bia Pertini ande su Centru de Agregatzioni Sociali

Torrada

19,00 (seti de a merì) de bia Martini ande su Centru de Agregatzioni Sociali

Iscritzionis

Po pigai parti a is atividadis tocat a s'iscriri cumpilendu su mollu aintru de su 27 de Argiolas 2015 (tocat a donai un'acontu de 5 ) disponíbbili in su Centru de Agregatzioni Sociali in bia Pertini.

Trasportu

Su servítziu de trasportu est a indonu

Intrada a su parcu

Su billetu de intrada a su parcu est a càrrigu de is participantis e costat 15

 

S'initziativa est riservada a is pipius de is cincu finas a dexi annus (5-10), a is piciocheddus de is úndixi finas a is dexeseti annus (11-17) ea is mannus.

Po is Pipius asuta de su metru e dexi (110 cm) de artària s'intrada est gratis.

Po iscedas:

Ufíciu Servítzius Socialis

tel. 070 978 40 86

Centru de Agregatzioni sociali

Lunis, martis, mércuis de is tres finas a is seti de a merì (15,00-19,00)

tel. 070 976 03 04

 

Iscedas asuba de su parcu acuàticu

tel. 070 829 90 12

 

Documentus disponíbbilis

Mollu de domanda

 

BANDU RSPP

16 de Argiolas de su 2015

Martis 28 de Argiolas a is noioras e mesu de a mengianu (9,30), in s'aula de su Consillu de su Comunu, si oberrint is bustas de is ofertas po s'intregadura de s'incàrrigu de Responsàbbili de su Servítziu de Preventzioni e Amparu e agiudu a su Datori de Trabballu.

Responsàbbili de su Procedimentu est s'Ing. M. Claudia serafini.

 

Documentus disponíbbilis

Bandu

 

CASERMA – APALTU AGIUDICAU

15 de Argiolas de su 2015

Apustis de s'obertura de is ofertas po s'intregadura de is trabballus po ponni a norma sa Caserma de is Carabbineris (bia Alessandrini) est arrisurtada agiudicatària de s'apaltu sa Dita "DIEMMA SERVICE S.r.l.", bia San Vito n°11/a – 91025 MARSALA (TP).

Sa dita at ofrexu de fai is trabballus cun una percentuali a ribbàsciu de su 22,814% asuba de su prétziu sugetu a ribbàsciu de 81.489,52 e duncas po su prétziu netu de 62.898,50 chi si axiungint a 2.790,00 oneris po sa cumpridura de su pianu de siguresa (non sugetus a ribbàsciu) e 58.010,48 costu de su personali (non sugetu a ribbàsciu)

Su costu totali duncas est de 123.698,98.

S'aprovu de is verbalis de gara e duncas s'agiudicatzioni definitiva, non ancoras  eficaci, est acontéssia cun determinatzioni n°19/OP de su 15 de Argiolas de su 2015.

Documentus disponíbbilis

Avisu de Apaltu Agiudicau

 

RELATA INCUMENTZU  MANDAU

14 de Argiolas de su 2015

Est istétia pubblicada sa Relata de incumentzu mandau – Annus 2015-2020 de su Síndigu Giuseppe De Fanti.

Sa relata dda faint is províncias e is comunus segundu s'art. 4 bis de su D.Lgas. 6 de Cabudanni 2011, n°149, chi portat: "meccanismi sanzionatori e premiali relativi a regioni, province e comuni, ex artt. 2, 17 e 26 de sa Lei 5 de Maju 2009 n°42" po descriri sa situatzioni económica-finantziària de s'enti e sa mesura de s'indepidamentu a s'incumentzu de su mandau amministrativu acontéssiu in data 1° de Làmparas 2015.

Tali relata, predisposta de su Responsàbbili de is Servítzius Finantziàrius, dda firmat su Síndigu non prus a tradu de sa de 90 dìs de s'incumentzu de su mandau.

In basi a su chi risultat da sa relata e totu, su Síndigu, si ddoi at is presupostus, podit recurriri a is proceduras de echilíbbriu finantziàriu nou in vigéntzia.

Documentus disponíbbilis

Relata de incumentu mandau – Annus 2015-2020

 

INTEGRATZIONI CÀNONI  DE  AFITU 2015

14 de Argiolas de su 2015

Funt pubblichendu is graduatórias provisórias chi riguardant su Bandu po s'intregadura de contribbutus a integratzioni de is cànonis de afitu po s'annu 2015.

Sa graduatória integrali dda posint castiai is interessaus in is ufícius de su Servítziu Sociali

de su lunis fias a sa cenàbara 10,30 -13,00 ( de is dexi e mesu de a mengianu finas a sa una)

su martis 16,30 – 17,30 (de is cuatru e mesu finas a cincu e mesu de a mengianu).

 

Documentus disponíbbilis

Elencu ammítius

Elencu esclúdius

Elencu fàscia B

 

BUSSAS DE ISTÚDIU. DONATZIONI DOT. GIOVANNI FLORIS

14 de Argiolas de su 2015

Prorogada finas a su 31 de Meseidas 2015 s'iscadéntzia po sa domanda de intregadura de una de is bussas de istúdiu asuta forma de líbburus de testu e pubblicatzionis chi pertocant s'atividadi médicas , aparténnius a Dot. Floris ( mèigu de famíglia finas a calincunu annu innanti de su 2000). Is testus  chi su fradi Ing. Giorgio Floris at donaus a su Comunu , ant a essi intregaus a istudiantis de Gùspini laureaus e chi funt po si laureai in Mexina e in Iscièntzias Médicas a s'iscopu de premiai s'impignu in s'istúdiu.

Funt ammítius a participai is sugetus, residentis in su Comunu de Gùspini, chi tenint unu de is rechisitus chi sighint:

Po pigai parti a s'initziativa tocat a cumpilai su módulu de adesioni apósitu chi s'agatat puru in s'Ufíciu Istrutzioni Púbblica, Benis e Atividadis Culturalis, Isport, Turismu, Isvilupu Locali.

Is domandas depint essi intregadas: a manu; pro médiu de servítziu postali o pro médiu de posta eletrónica certificada(PEC) a su Protocollu Generali de su Comunu de Gùspini, bia Don Minzoni 10, cap. 09036 Guspini, PEC:protocollo@pec.comune.guspini.vs.it

Po àteras iscedas  castiai su bandu integrali.

Is domandas tocat a ddas presentai aintru de sa una (13,00) de su 15 de Argiolas 2015.

Apustis a sa data fissada cumenti a términi úrtimu po sa presentada de is domandas, s'Ufíciu Istrutzioni Púbblica esàminat is domandas lòmpias e, apustis a averiguadura a campioni de is rechisitus decraraus de is participantis, at a fai s'elencu de is istudiantis meritosus.

Documentus disponíbbilis

módulus de adesioni formatu word

módulus de adesioni formatu Pdf

bandu

 

ATÓBIU CUN IS ASSÓTZIUS CULTURALIS

10 de Argiolas de su 2015

Gióbia 16 de Argiolas a is cincu e mesu de a merì (17,30), in sa sala de su Consillu Comunali, ddoi at unu primu atóbiu, de presentada e connoscéntzia, intra de is Assótzius Culturalis de Gùspini e s'Assessori a is Benis Culturalis, Cultura, Turismu e Istrutzioni Púbblica Francesca Tuveri.

Totus is Assótzius interessaus funt cumbidaus a pigai parti.

 

BIRRAS 2015

8 de Argiolas de su 2015

S'assótziu turìsticu Proloco Gùspini e su grupu "E20 Giovani", cun s'agiudu de su Comunu de Gùspini, organizat, sàbudu chi benit 11 de Argiolas, sa de 9 editzioni de BIRRAS.

Sa festa de is birras artigianalis sardasest oramai unu grandu apuntamentu de sa traditzioni, un'acuntéssiu ùnicu in Sardigna, cun in su centru is mellus produtzionis artigianalis de sa birra sarda, innói is connoscéntzias de is maistus birraius, s'incantu de s'istória, is fragus de sa natura, su calori de sa música, s'ammasturant a pari una dì intera (dónnia annu su de duus sàbudus de Argiolas)  in s'ambienti de su putzu Sartori in sa miniera de Montibéciu – Cantieri de Levante.

In s'Oficina, in sa Funderia, in sa butega de su maistu de linna de su Cantieri de Levante gràtzias a is camminus de sa Birra,  bufai una birra bona artigianali bessit unu momentu scienti, chi permitit de iscioberai intra de 20 birras diferentis, de gustai in cumpangia.

Asuta sa ghia esperta de sa tastadora professionista e insegnanti de cursus de tastadura Manula Benedetto (insegnanti in is Master of Food Birra de Slow food) collaborat a sa "Guida alle birre d'Italia" (Ghia a is birras d'Itàlia) coordinadora  de sa rubrica "birra" in "Slowine.it" , coordinadora natzionali de is cursus de Unionbirrai e giùgi de "Birra dell'anno" (Birra de s'ànnu), si faint duus labboratórius de tastadura de sa birra: su primu de is 19,00 -20,30 ( de is seti finas a is otu de a merì), su segundu de is 21,30- 23,00 ( de is noioras finas a is ùndixi de a noti).

Un'ocasioni de non perdi ( màssimu 50 postus a labboratóriu). Est possìbbili iscarrigai s'ischeda de preiscritzioni de su giassu birras.it e dda mandai a : laboratoriobirras@gmail.com

PROGRAMMA

17,00 (cincu de a merì) música de is padiglionis  artistas in acústicu

19,00 e po totu sa festa ( de is seti de a merì e po totu sa festa):

22,00 ( de is dexi de a noti) música de is oficinas cun " Randàgiu Sardu", "Ratapignata", "Golasecca", in serrada Dj Set.

 

BIRRAS sàbudu 11 de Argiolas de is 17,00 finas a su noti a tradu Miniera de Montibéciu Cantieri de Levante.

Costu de intrada 3,00 postégiu gratúitu.

 

MENSA   ISCOLÀSTICA

6 de Argiolas de su 2015

Depint torrai a cunsignai sui "badge" a su Servítziu Istrutzioni Púbblica ( aintru su 30 de Argiolas):

Depint custodiai su "badge" insoru: is istudiantis chi puru in s'annu 2015/2016 gosant de su servítziu mensa.  Su creditu chi abarrat est a dispositzioni po su nou annu de iscola.

Po àteras iscedas:

Ufíciu Istrutzioni Púbblica

bia Don Minzoni 10

de su lunis a sa cenàbara de is 10,30 – 13,00 ( dexi e mesu finas a sa una)

su martis e sa gióbia de is 16,30 -17,30 ( de is cuatru e mesu finas a is cincu e mesu)

tel. 070 976 02 48   - 976 02 51  -  976 02 510

 

CONSILLU COMUNALI

6 de Làmparas de su 2015

Gióbia 9 de Argiolas 2015, a is cuatru e mesu de a merì (16,30), in s'aula de su Consillu, ddoi at una sétzida istraordinària e urgenti de su Consillu Comunali po chistionai de s'órdini de sa dì chi sighit:

MERCADU DE BIXINAU PRATZA TOGLIATTI

6 de Argiolas  de su 2015

 

Cun ordinàntzia sindacali n°26 de su 29 de Làmpadas de su 2015 (Registru Generali n°123) est istétia prorogada sa balididadi de s'ordinàntzia  precedenti n°117 de su 24 de Meseidas 2014 finas a su 31 de Meseidas de su 2015.

Apustis de ai pigau tali provedimentu, finas a su 31 de Meseidas de su 2015, is titularis de cuncessioni de posrus in su mercau de Pratza Togliatti sighint a essi autorizaus, in bia isperimentali e po su momentu, a fai su mercau in pratza Oristano, segundu s'elencu allegau a s'ordinàntzia arremonada, chi portat sa planimetria de su mercau cun s'indicatzioni de su númunu de su postu intregau a dónnia operadori.

Documentus disponíbbilis

Ordinàntzia sindacali n°117 de su 24 de Meseidas de su 2014

Ordinàntzia sindacali n°26 de su 29 de Làmparas de su 2014

 

MENSA  ISCOLÀSTICA

3 de Argiolas de su 2015

Funt disponíbbilis is módulus po s'iscritzioni a su servítziu de mensa iscolàstica po s'annu iscolàsticu 2015/2016.

S'Amministratzioni Comunali cun delibberas n° 93/2013 e n° 145/2013  at istabbiliu de ativai, in bia isperimentali, a incumentzai de s'annu 2013/2014, su sistema eletrónicu de averiguamentu de is preséntzias cun s'umperu de "badge" eletrónicus personalis (cartas magnéticas chi si podint torrai a carrigai) dotaus de unu códixi umperadori.

Su sistema nou informatizau previdit su pagamentu anticipau de su Servítziu de Mensa Iscolàstica, po médiu de sa càrriga de sa carta magnética de s'umperadori ande unu puntu de béndita cunventzionau. Dónnia borta chi s'umperadori torrat a carriai, su "badge" personali de su servítziu mensa, su pagamentu andat a agiornai su saldu pastus de s'umperadori in relata a s'importu versau e a sa tarifa atribbuida.

Po garantiti un'incumentzu regolari de su sistema informatizau, is umperadoris funt cumbidaus a presentai su módulu de iscritzioni in s'Ufíciu Protocollu de su Comunu de Gùspini, bia Don Minzoni n°10 possibbilmenti aintru de su 7 de Cabudanni 2015 e cumentisisiat innantis de s'incumentzu de s'annu iscolàsticu.

Po àteras iscedas

Ufíciu Istrutzioni Púbblica,

bia Don Minzoni 10

de su lunis a sa cenàbara de is 10,30 – 13,00 (de is dexi e mesu finas a sa una)

su martis e sa gióbia de is 16,30 – 17,30 ( de is cuatru e mesu finas a is cincu e mesu de a merì)

tel. 070 976 02 48 -  976 02 51 – 976 02 50.

Módulu

Tabbella dietética

Cuotas de contribbutzioni

 

SERVÍTZIU “SCUOLABUS”

3 de Argiolas de su 2015

Funt disponíbbilis is módulus po s'aconsentimentu (adesioni) a su servítziu "scuolabus" po s'annu iscolàsticu 2015/2016.

Is postus disponíbbilis si intregant sighendi una graduatória  in is domandas lòmpias aintru de is términis.

Su servítziu riguardat innantis de totu is istudiantis:

Is domandas si depint presentai in s'Ufíciu Protocollu aintru su 18 de Austu 2015.

A parti chi in si giassu, is módulus funt disponíbbilis in s'Ufíciu Istrutzioni Púbblica.

ORÀRIU DE OBERTURA A SU PÚBBLICU:

Ufíciu Istruzioni Púbblica

de su lunis finas a sa cenàbara 10,30-13,00 (de is dexi e mesu de a mengianu finas a una)

de su martis finas a sa gióbia 16,30 – 17,30 ( de is cuatru e mesu finas a is cincu e mesu de a merì).

Documentus disponíbbilis

Módulu de domanda – Allegaus A-B-C   - Istradàriu.

 

INTERRUTZIONI DE SA CURRENTI

 

2 de Argiolas de su 2015

 

S'ENEL at fatu isciri chi cras lunis 6 de Argiolas 2015, po nexi de trabballus chi depit fai in is impiantus cosa sua, ddoi at s'interutzioni de sa currenti de is otu e mesu de a mengianu finas a is tres e mesu de pustipràngiu ( 8,30-15,30).

S'interrutzioni interessat unas cantu domus in is bias chi sighint:

bia Don Minzoni, bia Matteotti, bia Roma, bia Eleonora, bia Sassari, bia Caprera, gúturu Don Minzoni, bia Oristano, bia Nuoro, bia Santa Maria, gúturu Eleonora, bia Torino, gútutu Oristano, bia Milano.

Is cívicus ispecíficus interessaus de s'interrutzioni si podint consultai in su documentu allegau.

Giai chi s'interrutzioni de sa currenti interessat puru is ufícius comunalis, ddoi podit ai istrobbus in s'ispartzidura de is servítzius. Pruscatotu lunis 6 de Argiolas abarrant serraus is Ufícius de bia Torino.

In s'interis de is trabballus s'ispartzidura de sa currenti podit essi ativa torra, potanti s'ENEL arracumandat de donai atentzioni e cumentisisiat de non pigai is ascensoris.

Po iscedas o po sinnalai guastus  si podit tzerriai su númunu 803.500 (1 possibbilidadi), sinnalendi su códixi POD, chi ddoi at in sa bulletta.

 

LEI 162/98 PIANUS PERSONALIZAUS IN FAVORI DE PERSONAS CUN “HANDICAP” GRAVIS

2 de Argiolas de su 2015

 

Si podint presentai, po médiu de sa consuléntzia ténnica de is Assistentis Socialis de su Servítziu Sociali Professionali Comunali, pianus personalizaus in favori de personas cun handicap gravis.

Os pianus personalizaus (chi ddus arregulamentat sa Lei 162/98 e sa Regioni Sardigna, Assessorau de s'Igiene e Sanidadi e s'assistentzia Sociali) punnant a cumpriri is genias de interventu chi sighint:

 

RECHISITUS DOMANDAUS:

Po iscedas, arratiru de is modulus in papaperi e/o po sa preparatzioni de is Pianus Personalizaus de mandai a s'Assessorau Regioni de riferimentu, est necessàriu a si presentai in is Ufícius de su Servítziu Sociali Professionali de su Comunu (bia Torino) in is dìs e in s'oràrius chi sighint:

su lunis e sa cenàbara de is dexi e mesu finas a sa una (10,30-13,00)

su martis de is cuatru e mesu finas a is cincu e mesu ( 16,30-17,30).

Is domandas po preparai is Pianus Personalizaus tocat a ddas presentai in manera obbligatória aintru de sa una (13,00) de su 24 de Austu 2015 in s'Ufíciu Protocollu de su Comunu, po mesu de is módulus aposistu.

Documentus disponíbbilis

Iscàrriga totus is allegaus in formatu zip

 

“GIOCAMBIENTE 2015"

26 de Làmparas de su 2015

 

Pubblicadas is graduatórias provisórias po su gosu de is servítzius educativus, de giogu e discansu, isportivus e de is servítzius "outdoor" ex Avisu Púbblicu Conciliatzioni Istadiali 2015 "Giocambiente 2015".

S'assótziu "Legambiente Guspini" fait isciri chi po is participantis ammítius is primu 5 cidas, is atividadis incumentzant Lunis 29 de Làmparas,  mentras is participantis ammítius a is 5 cidas chi sighint is atividadis incumentzant Lunis 1° de Austu.

Is atividadis si cumprint de is seti de a mengianu finas a is duas (7,00-14,00) in s'Iscola de Mesania (segundària de 1° gradu) in bia Bonomi 7 in Gùspini.

Po àteras iscedas 348 726 25 72 – 347 385 43 71 – 347 187 90 23 – 349 173 62 99

 

Documentus disponíbbilis

Graduatória

 

Notas Legalis

Conciliatzioni Istadiali 2015 Avisu Púbblicu po su gosu de is servítzius  educativus, de giogu e discansu, aprovau cun determinatzioni n°6369 rep. n°. 221 de su 22 de Abrili de su 2015. Fundu Sociali Europeu 2007- 2013 - Assi II Ocupabbilidadi, linia f2.1 "Agiudus po favoressi sa conciliatzioni cun su trabballu de cura de sa famíglia".

 

PUBBLICAUS IS  ARRISURTAUS DE IDEAS

25 de Làmparas de su 2015

 

Pubblicaus is risurtaus de s'apretziamentu de is progetus chi arriguardant a su cuncursu de ideas. Sa Commissioni s'est reunida Cenàbara 19 de Làmparas 2015.

De is 18 progetus presentaus, 15 funt istétius ammítius a finantziamentu po una summa de 6.190 eurus.

Documentus disponíbbilis

Allegau A – particularis de is arrisurtausBANDU RSPP

22 de Làmparas de su 2015

 

Fatu su bandu de Cuncursu po s'intregadura de s'incàrrigu de Responsàbbili de su Servítziu de Preventzioni e Amparu e Agiudu a su Datori de Trabballu ( ex D.Lgs. 81/2008).

S'iscadéntzia po sa presentada de is domandas est fissada a mesudì (12,00) de su 7 de Argiolas 2015.

Po is maneras de trasmissioni e su contenutu de sa domanda si mandat  a su bandu integrali.

Po àteras iscedas podeis  pediri a su  Servítziu de su Paesàgiu a is númunus chi sighint:

 

070 976 04 06  -  976 04 07  -  976 04 02

Responsàbbili de su Procedimentu est Ing.ra M. Claudia Serafini.

 

Documentus disponíbbilis

Bandu

Allegau 1 (istàntzia)

Allegau 2

Disciplinai

Allegau A

Allegau B

Allegau C

Allegau D

 

Notas Legalis

Determina n°14/UP de su 5 de Làmparas 2015 de su Responsàbbili de su Setori Patrimóniu Ambienti e Ufíciu de su Paesàùgiu.

 

D.Lgs. 81/2008

 

CONSILLU COMUNALI

22 de Làmparas de su 2015

 

Gióbia 25 de Làmparas 2015, a is cincu e mesu, in sa sa sala de su Consillu, ddoi at una sétzida istraordinària de su Consillu Comunali po chistionai de s'órdini de sa dì chi sighit:

 

-        Comunicatzioni de su Síndigu asuba de sa cumpositzioni de sa Giunta Comunali e sa nómina de su Vicesíndigu.

-        Presentada de is línias programmàticas de Guvernu.

-        Costitutzioni grupus consiliaris e iscioberu de is cabugrupus relativus.

 

CUNCURSU DE IDEAS

18 de Làmparas de su 2015

 

Cras 19 de Làmparas 2015, in s'aula de su Consillu de su Comunu de Gùspini, de is noioras e mesu de a mengianu, in una sétzida púbblica, nc'est s'apretziamentu de is trabballus chi riguardant su progetto "Giovani protagonisti nella Comunità – Concorso di idee" po cumpriri progetus chi presentant gióvunus residentis in is Comunus de Arbus, Gùspini, Sant' Éngiu e Biddacidru e si cumbidant is gióvunus interessaus a sa presentada de su Progetu depositau.

 

“GIOCAMBIENTE 2015”

18 de Làmparas de su 2015

 

S'assótziu Legambiente Guspini organizat unu "doposcuola" istadiali riservau a is pipius e a is piciocheddus de is cincu a is catodixi annus (5-14). Su progetu si cumprit in Gùspini de su 29 de Làmparas finas a su 4 de Cabudanni 2015, de su lunis finas a sa cenàbara.

Podint presentai domanda is famíglias chi tenint o su babbu o sa mamma o su tutori chi:

-        est residenti in Sardigna;

-                    tenit unu o prus fillus minoris a càrrigu de edadi intra de is 5 e is 14 annus in su momentu de s'iscritzioni a su servítziu;

-                   tenit unu cuntratu regulari de trabballu subordinau o parasubordinau opuru esercitat un'atividadi de trabballu autónomo documentàbbili e in regula cun is normas fiscalis e previdentzialis.

 

TOTUS IS ATIVIDADIS FUNT A INDONU

 

Si podit gosai de su servítziu po unu màssimu de duus pipius e po una durada intra de una o cincu cidas de sighiu in unu de is duas simadas previstas:

-                   de su 29 de Làmparas finas a su 31 de Argiolas 2015,

-                   de su 1° de Austu finas a su 4 de Cabudanni 2015.

Is interessaus depint mandai sa domanda de iscritzioni a unu  o prus operadoris individuaus intra de is ammítius a su finantziamentu ( finas a unu màssimu de tres) aintru de su 22 de Làmparas chi benit, po médiu de arracumandada cun avisu de arricida. Is documentus depint, cumentisisiat, lompi aintru de su 24 de Làmparas.

Su servítziu si fait in Gùspinbi in bia Bonomi ( Iscola de Mesania) riguardat 80 pipius.

Is interessaus depint cumpilai sa domanda de iscritzioni in su mollu aposta (chi si podit iscarrigai de su giassu "web") e dda mandai aintru de su 22 de Làmparas 2015 cun arracumandada A/R a "Associazione Legambiente Guspini", arburada Matteotti n°16, 09036 Guspini.

Is documentus depint lompi aintru de su 24 de Làmparas 2015.

Su de acetai acuntessit segundu s'órdini de arribbu.

 

Iscedas: 348 726 25 72  -  347 385 43 71 – 347 187 90 23 – 349 173 62 99.

 

Documentus disponíbbilis

Mollu de iscritzioni

 

Notas legalis

Conciliatzioni Istadiali 2015 Avisu Púbblicu po gosai de is servítzius sóciu – educativus, de giogu e discansu, aprovau cun determinatzioni n°6369 rep. N°221 de su 22 de Abrili 2015.

Fundu Sociali Europeu 2007-2013 – Assi II Ocupabbilidadi, linia f2.1 "Agiudus po favoressi sa conciliatzioni cun su trabballu de cura de sa famíglia".

 

CUMPENSUS  ELETORALIS

18 de Làmparas de su 2015

 

In su "Banco di Sardegna" – Tesoreria Comunali – funt paghendi is cumpensus de is cumponentis de is ségius eletoralis chi fiant impignaus in ocasioni de is Eletzionis Amministrativas de su 30 de Maju 2015.

Su beneficiàriu intestatàriu de su mandatu ( o su delegau) si depit presentai a s'isportellu, in una calisisiat sea de su "Banco di Sardegna", cun unu documentu de identidadi e cun su códixi fiscali.

Chini at comunicau a s'Ufíciu Ragioneria s'indiritzu "e-mail" cosa sua, arricit s'avisu de pagamentu in sa casella de posta eletrónica .

Àteras iscedas si podint pediri a:

Ufíciu Ragioneria

Tel. 070 976 02 34

de su lunis finas a sa cenàbara

10,30 – 13,00 (de is dexi e mesu finas a sa una).

 

“ZAPPING SHOW”

15 de Làmparas de su 2015

 

Mércuis 17 de Làmparas a is seti e mesu de a merì (19,30), in su teatru Murgia in Gùspini andat in iscena "Zapping Show": un'ispetàculu de su Centru de Agregatzioni Sociali organizau de s'Assessorau de is Servítzius Socialis de su Comunu de Gùspini imparis cun sa coperativa "La Clessidra".

S'intrada est gratis

 

Documentus disponíbbilis

Locandina

 


PREGADORIAS ANTIGAS

12 de Làmparas de su 2015

 

Fait ancoras a s'iscriri a is labboratórius culturalis chi arriguardant s'isperimentatzioni linguística provinciali, oraganizaus de su Comunu de Gùspini imparis cun sa Província de su Campidanu de Mesu e cun s'Assótziu Sarditinera, in su cuntestu de su Progetu L. 482/99 – annualidadi 2011- "Sighidura de s'isperimentatzioni linguística de sa Província de su Campidanu de Mesu".

Funt previstus duus labboratórius culturalis "Is Pregadorias Antigas" riservau a is mannus e a is pipius de su Comunu de Gùspini.

IS LABBORATÓRIUS FUNT A INDONU

-        Labboratóriu "Is Pregadorias Antigas" po pipius

Su labboratóriu est riservau a 30 pipius de is 6 finas a is 10 annus residentis in su Comunu de Gùspini e previdit 6 atóbius de trs oras donniunu, chi si faint segundu su calendàriu chi sighit:

9- 16 - 23 – 30 de Làmparas   9,00 -12,00 (de is noioras de a mengianu finas a sa una) in s'Aula de su Consillu de su Comunu de Gùspini

7 – 14 de Argiolas  - 9,00 -12,00 (de is noioras de a mengianu finas a sa una) in s'Aula de su Consillu de su Comunu de Gùspini

Is professoris de su labboratóriu po Pipius funt:

Etnomusicólogu Maistu Ignazio Murru;

Etnomusicòloga Maista Valeria Serra;

Espertu costrudori e sonadori de Launedda Franco Melis;

Esperta Língua Sarda Dot.ra Annalisa Caboni

 

2)      Labboratóriu "Is Pregadorias Antigas" po mannus

Su labboratóriu est riservau a piciocus/cheddus e mannus residentis in su Comunu de Gùspini e previdit 5 atóbius de tres oras donniunu, chi si faint segundu su calendàriu chi sighit:

30 de Làmparas – 16,00 -19,00 (de is cuatru finas a is seti de a merí)in s'Aula de su Consillu de su Comunu de Gùspini

7 – 14 – 21 – 28 de Argiolas - 16,00 -19,00 (de is cuatru finas a is seti de a merí)in s'Aula de su Consillu de su Comunu de Gùspini

Is professoris de su labboratóriu po Mannus funt:

Linguísta Prof. Mario Puddu;

Linguísta Prof. Francesco Casula;

Esperto Língua e Cultura Sarda Prof. Carlo Pillai;

Etnomusicólogu Maistu Ignazio Murru/Maista Valeria Serra;

Espertu costrudori e sonadori de Launedda Franco Melis.

 

Is mollus po s'iscriri a is labboratórius, chi si podint iscarrigai de custa pàgina, s'agatant puru in s'Ufíciu de Língua Sarda in sa Biblioteca Comunali "Sergio Atzeni" obertu a su púbblicu su martis e sa gióbia de is 8,18 -13,15 ( de is otu e cuartu de a mengianu finas a sa una e cuartu), opuru ddus podeis domandai mandenti una "e-mail" a: sportello.linguasarda@comune.guspini.vs.it

 

Documentus disponíbbilis

Mollu de iscritzioni labboratórius po Pipius

Mollu de iscritzioni labboratórius po Mannus

 

INTREGADURA  SACHITAS  ARRAGOTA  DIFERENTZIADA

11 de Làmparas de su 2015

 

De su 19 de Làmparas incumentzat s'intregadura de is sachitas po s'àliga. Is sachitas compostàbbilis po s'umbidu e cussas po su sicu indiferentziau, ddas intregant a indonu a totus is intestatàrius Tarsu, chi si depint presentai (in is logus e in is oràrius inditaus de sighiu) cun unu documentu de identidadi. Is sachitas ddas podeis  arretirai po mesu de unu delegau, chi depit ammostai su documentu de identidadi de su chi at fatu sa dèlega.

Custus is oràrius e is logus de intregadura:

in s'iscola Gianni Rodari de Pratza Togliatti

cenàbara 19 de Làmparas, cenàbara 26 de Làmparas, cenàbara 3 de Argiolas

de is dexi de a mengianu finas a sa una (10,00–13,00) de is tres finas a is cincu de a merì (15,00-17,00).

In su Mercau Cívicu in bia San Nicolò

lunis 22 de de Làmparas, lunis 29 de Làmparas, lunis 6 de Argiolas

de is dexi finas de a mengianu finas a sa una (10,00-13,00) e de is tres finas a is cincu de a merì (15,00-17,00).

In su Maceddu béciu

mércuis 24 de Làmparas, mércuis 1° de Argiolas, mèrcuis 8 de Argiolas

de is dexi finas de a mengianu finas a sa una (10,00-13,00) e de is tres finas a is cincu de a merì (15,00-17,00).

Is utentis (impitadoris) chi non ndi arretirant is sachitas in is datas inditadas, ddu podint fai ande su cantieri Cosir, in sa Zona Industriali, su lunis, su mércuis e su sàbudu de is dexi finas a mesudì (10,00-12,00) ammostendi unu documentu de identidadi de s'impitadori iscritu in su ruolu Tarsu.

Po àteras iscedas tocat a telefonai a su númunu birdi 800 069 960.

 

MÓDULUS NOBUS

11 de Làmparas de su 2015

 

Est istétia agiornada sa modulística po is pràtigas edilítzias in basi a sa normativa in vigéntzia in matéria.

S'Ufíciu Urbanística e Edilítzia Privada" cumbidat citadinus e ténnicus a umperai, po is pràtigas nobas, sa modulística agionada.

 

Documentus disponíbbilis

Permissu de Fabbricai  Acertamentu de Conformidadi

 

Permissu de Fabbricai – acabbu trabballus

Permissu de fabbricai – inghitzu de is trabballus

Permissu de fabbricai – módulu PdC

 

Scia – acbbu trabballus

Scia – inghitzu trabballus

 

Comunicatzioni Inghitzu trabballus art. 15 LR 23/1985

 

FESTA DE SANT'ANTONI DE SANTADI

10 de Làmparas de su 2015

 

Sàbusu 13 de Làmparas 2015 de is dexi finas a mesudì (10,00 – 12,00) e martis 16 de Làmparas 2015 de is seti e mesu finas a is noioras e mesu (19,30 – 21,30) ddoi at su passàgiu traditzionali a Gùspini de sa prucessioni de Sant'Antoni chi, cun is 35 Km de camminu, est intra de is prus longas d'Europa e segunda, in Sardigna, iscéti a sa de Sant'Efis.

In ocasioni de s'acontéssiu funt istétius pubblicaus is atus chi sighint:

Graduatória de intregadura  de is postus riservaus a sa béndita de parti de is operadoris po su cummérciu in logus púbblicus iscobertus in is dìs sàbudu 13 de Làmparas e martis 16 de Làmparas.

Ordinàntzia 111/2015 po regulamentai sa circulatzioni istradali in ocasioni de su passàgiu de Sant'Antoni. Est disponíbbili puru sa planimetria cun indicatzioni de sa sinnalética istradali presenti.

 

Documentus disponíbbilis

Graduatória de intregadura

Ordinàntzia limitatzioni tràficu

Mapa sinnalética

 

PRÒROGA CANONI DE AFITU

9 de Làmparas de su 2015

 

Torraus a oberri is términis po sa presentada de is domandas de participatzioni po s'intregadura de su contribbutu a integratzioni de su cànoni de afitu, chi pertocat s'Annualidadi 2015 (art.11 L. 431/98).

Podint presentai sa domanda is residentis in su Comunu de Gùspini titularis de unu cuntratu de afitu a usu residentziali de unidadi immobbiliari in su Comunu de Gùspini e ocupada cumenti a primu domu, chi non tenit natura transitória, arregistrau in manera regulari.

ISCADÉNTZIA: 7 de Argiolas 2015

Funt torradas a ammiti a sa procedura:

-        is domandas lómpias apustis de sa data fissada a su 30 de Maju 2015 e innantis de torrai a oberri is términis;

-        is domandas chi a sa data de su 30 de Maju mancant de su certificau ISEE e est autorizada sa regularizatzioni insoru;

Funt ammitias a sa procedura

3)      Is domandas nobas, cumpletas de u certificau ISEE e de DSU, donau in su 2015 ex DPCM n° 159/2013;

Su bandu cumpletu e su mollu de domanda s'agatant in is ufícius de su Servítziu Sociali:

lunis e cenàbara

10,30 – 13,00 (de is dexi e mesu finas a sa una)

martis

16,30 – 17,30 (de is cuatru e mesu finas a is cincu e mesu)

 

Is domandas cumpletas de totus is allegatus si depint presentai:

de su lunis finas a sa cenàbara

10,30 – 13,00 (de is dexi e mesu finas a sa una)

martis

16,30 – 17,30 (de is cuatru e mesu finas a is cincu e mesu)

 

S'iscadéntzia po sa presentada de is domandas est su 7 de Argiolas 2015

Is domandas lòmpias apustis de su términi non funt ammítias.

 

Documentus disponíbbilis

Bandu cumpletu

Mollu de domanda

 

IMPIANTUS ISPORTIVUS – BANDU DE GARA

8 de Làmparas de su 2015

 

Fatu un'iscioberu púbblicu po s'intregadura, po médiu de procedura oberta, de s'apaltu de is trabballus po sa siguresa, s'adeguamentu e s'acabbu de is impiantus isportivus in localidadi Serra Murdegu.

S'importu totali de is trabballus est 178.815,65, de custus 121.354,84 funt sugetus a rebbàsciu.

Su plicu de is documentus de participatzioni a sa gara depit lompi in manera perentória a s'Ufíciu Protocollu de su Comunu de Gùspini, bia Don Minzoni, 10 – 09036 Gùspini, pena s'esclusioni automàtica de sa gara, aintru de sa una (13,00) de su 6 de Argiolas 2015.

Àteras iscedas e documentus s'aciapant ande su  Comunu de Gùspini – Provincia de su Campidanu de Mesu – sertori Urbanística e OO.PP. - Servítziu Òperas Púbblicas, bia Don Minzoni n°10, 09036 Gùspini:

Tel. 070 976 02 10; Fax: 070 970 180;

mail: settore.operepubbliche@comune.guspini.vs.it

 

Ande s'Ufíciu Òperas Púbblicas, in su pianu terra (Gioetra Beniamino Loddo), iscéti de su lunis a sa cenàbara de is dexi e mesu finas a una (10,30-13,00).

Is cuncorrentis interessaus a participai a sa gara de apaltu podint castiai su progetu esecutivu, chi si podi tenni puru in suportu informàticu, portau de su cuncorrenti e totu ("pen drive USB", innóisi copiant is trabballus de su progetu.

 

Documentus disponíbbilis

Bandu

Disciplinari

Allegatus

 

CONTRIBBUTUS LÍBBURUS. ANNU DE ISCOLA 2014/2015. GRADUATÓRIAS PROVISÓRIAS

Si podint castiai is graduatórias provisórias, chi pertocant is líbburus de iscola po s'annu iscolàsticu 2014/2015.
Is ricursus eventualis tocat a ddus presentai aintru de su 19 de Argiolas de su 2015.
Segundu su D.Lgs de su 14 de Martzu de su 2013, art.26 comma 4 non si pubblicant is nóminis de is istudiantis beneficiàrius ma si inditat su códixi identificativu, chi at donau s'Ufíciu Protocollu in su momentu de sa presentada de sa domanda.

Àteras iscedas si podint pregontai a
Ufíciu Istrutzioni Púbblica
bia Don Minzoni n°10
de su lunis a sa cenàbara 10,30 - 13,00 (de is dexi e mesu de a mengianu finas a sa una)
su martis e sa gióbia de is 16,30 - 17,30 ( de is cuatru e mesu finas a is cincu e mesu de a merì)
tel. 070 976 02 48 070 976 02 51

LEOPARDU  FUIU-  ALLARMI CESSAU

7 de Làmparas de su 2015

 

Unu leopardu de tres annus e mesu s'est fuiu de su zoo chi s'agatat in sa carrela provinciali 66 intra de Gùspini e Montibéciu. S'animali est perigulosu, duncas, finas a candu non ndi ddu torrant a domu, is Fortzas de s'Órdini cumbidant a sa prudéntzia màssima passendi in sa carrela Gùspini-Montibéciu: evitendi de passai a pei, in bibicreta o de ndi calai de sa màchina.

In s'interis de sa noti a su felinu dd'ant agatau is Fortzas de s'Órdini e torrau a portai a domu, apustis est istétiu ispartzinau s'avisu chi s'allarmi fiat acabbau.

 

CONSILLU COMUNALI

Mércuis 10 de Làmparas 2015, a is ses de a merì (18,00), in s'aula de su Consillu, ddoi est sa primu sétzida de su Consillu Comunali nou po chistionai de s'órdini de sa dì chi sighit:
1. Esàmini de is cunditzionis de candidabbilidadi, elegibbilidadi, incumpatibbilidadi de il eletus.
2. Giura de su Síndigu.
3. Eletzioni de sa Commissioni Eletorali Comuna.

 

AMMINISTRATIVAS 2015. ORÀRIU DE S'UFÍCIU ELETORALI IN SINTERIS DE IS ELETZIONIS

29 de Maju de su 2015

 

Oràriu po su púbblicu de s'Ufíciu Eletorali in is dìs de is eletzionis po intregaduras/domandas chi riguardant is ischedas eletoralis:

Cenàbara 29 de Maju:

9,00 – 13,30 (de is noioras de a mengianu finas a sa una e mesu)

15,00 – 18,00 (de is cincu  finas a is ses de a merì)

Sàbudu 30 de Maju:

9,00 – 18,00 (de is noioras de a mengianu finas a is ses de a merì)

Domigu 31 de Maju:

7,00 – 23,00 (de is seti de a mengianu finas a is úndixi de a noti)

 

Ligi s'avisu cun is oràrius.

 

SA DE 32 PEDALADA  ECOLÓGICA

29 de Maju de su 2015

 

Torrat su 2 de Làmparas, cumenti de traditzioni, sa Pedalada Ecológica po sa Paxi: sa manifestatzioni est oberta a totus a incumentzai de is cincu (5) annus d'edadi e cun calisisiat tipu de bicicreta.
Su camminu truessat is bias periféricas de Gùspini. Puntu de atóbiu e acreditamentu de is participantis a is otu e mesu de a mengianu (8,30). Sa parténtzia est prevista a is noioras e mesu (9,30) de Pratza XX Settembre. Su Camminu truessat is bias de sa bidda po sighiri in is bias isterradas. Camminu: Pratza XX Settembre; bia Gramsci;bia Marconi; SP 66 faci Montibéciu, Loc. Mustatzera, Loc. Funtana Lúcida, Loc. Pratzidus, Loc. S'Àcua Sassa; Loc. Funtana Làmpadas; Sp. 66, Sp 65; bias Is Gonnesus, Santu Perdu, bia Romero, bia Togliatti, Istàdiu.
Sa manifestatzioni acabbat in s'Istàdiu Comunali innói, in s'area acanta, ddoi at su pràngiu ofertu a is participantis e a is acumpangiadoris e a sighiri s'estratzioni a sorti de is sutascitzionis a prémius.
CUOTA DE PARTICIPATZIONI: 6 eurus po is pipius finas a is 12 annus de edadi, 10 eurus po is mannus (bessida +pràngiu). Po sa bessida isceti, 4 eurus po is pipius finas a is 12 annus d'edadi, 6 eurus po is mannus. Po pigai parti iscéti a su pràngiu 6 eurus po is pipius finas a is doxi annus d'edadi, 10 eurus po is mannus. Po is famíglias cumpostas de cincu personas unu billetu in donu.
Is iscritzionis a su pràngiu si depint fai aintru de cenàbara 29 de Maju intamis is iscritzionis po sa bessida isceti si podint fai sa dì e totu. Domandas eventualis de participatzioni a su pràngiu aintru de tali data ant a essi arricidas in basi a sa disponíbbilidadi efetiva e paghendi 2 eurus in prus. Po chi sa manifestatzioni arrannésciat beni si pregontat de providiri in antícipu a is iscritzionis.
ISCRITZIONIS: Aldo Virdi rivendidori de bicicretas, bia Satta 22, asuta de is gradinadas de s'istàdiu comunali su martis e sa gióbia de is ses de a merì finas a is seti e mesu (18,00 – 19,30) – Imbiai una "e-mail" a s'indiritzu uc.guspini@gmail.com cun is nóminis e is datas de nàscida.
Po iscedas e maneras de iscritzioni e pagamentu imbiai una "e-mail" o tzerriai su númunu 3295794654.
Po arrispetai is prescritzionis assigurativas e sa balididadi de sa cobertura assigurativa e totu, totus is participantis depint portai su cascu protetivu e tenni su certificau de sana e robusta costitutzioni, chi ddi donat su médicu de famíglia aici cumenti cuntemplant is normativas. S'Unioni Ciclística si ndi iscosit de dónnia responsàbbilidadi po sei e po is incarrigaus cosa sua po su chi podit acontessiri a personas, animalis o cosas, prima in s'interis e apustis de sa manifestatzioni.
Po su chi non est istabbiliu in su regulamentu de sa manifestatzioni balit su de sa Federatzioni Ciclística Italiana e de is normativas istatalis.


“ANIMAZIONE ALLA LETURA”

29 de Maju de su 2015

 

"SALTASTORIE 2015" custu su títulu chi diferéntziat is atividadis de impéllida a sa letura chi, de su 17 de Làmparas chi benit interessat 20 piciocheddus de is 7 a is 13 annus in sa Bibblioteca Comunali "Sergio Atzeni" de Gùspini (bia San Nicolò).

Is labboratórius faint parti de is atividadit chi at organizau su Sistema Bibbliotecàriu "Monte Linas" de sa Província de su Campidanu de Mesu, chi interessant 11 bibbliotecas in 7 Comunus de sa Província. Is labboratórius non si pagant e funt riservaus a is primus dexi iscritus po dónnia fàscia de edadi (7 -10 annus e 11 – 13 annus). Funt previstus 4 atóbius de un'ora e mesu donniunu.

Su primu atóbiu est dedicau a sa presentada de su labboratóriu, a sa connoscéntzia de su grupu po médiu de giogus, a sa letura de unu contu e a sa costrutzioni de sa primu parti de su trabballu creativu.

In donniunu de is àterus atóbius, a parti sa letura de unu contu si acabbat su trabballu creativu intamis s'úrtima mes'ora de su de 4 atóbius est dedicada a s'avaloramentu de su labboratóriu e a is saludus de acabbu.

Is iscritzionis si podint presentai finas a su 6 de Làmparas in sa Bibblioteca Comunali cumpilendi su mollu apósitu.

Calendàriu

17 – 24  de Làmparas

1 – 8 de Argiolas

 

9,00 – 10,30 (de is noioras finas a is dexi e mesu de a mengianu) pipius 7 – 10 annus

11,00 – 12,30 (de is úndixi finas a mesudì e mesu) piciocheddus 11 – 13 annus

 

Documentus Disponíbbilis

Locandina

Mollu de iscritzioni

Calendàriu 

 

CUNCURSU SÍMBOLU “PROGETTO GIOVANI”

28 de Maju de su 2015

 

Intra de is úndixi propostas lómpias est sa de Andrea Meli chi mellus arraspundit a is abbisóngius de comunicatzioni de su "Progetto Giovani". Sa Commissioni, chi at istituiu su PLUS Triénniu 2013 – 2015, po avalorai is propostas, at crétiu chi cussa de su piciocu santuingesu fessit sa prus currispundenti a is iscopus inditaus in su bandu. Su cuncursu fiat insertau intra de is atividadis previstas de su progetu "Giovani Protagonisti della Comunità", a custu su símbolu fait riferimentu e duncas  de luegus ddat a identificai su símbolu disegnau de su bincidori.

In susu funt elencadas is propostas lómpias, is dexi chi non ant bintu funt elencadas in órdini alfabéticu e non segundu critérius de mèritu.

 

 

CUNCURSU DE IDEAS

26 de Maju de su 2015

Is Comunus de Arbus, Gùspini, Biddacidru e Sant'Éngiu ant istabbiliu unu cuncursu de ideas po sa realizatzioni de Progetus chi ant ideau e elabborau is gióvunus de is cuatru Comunus. S'iscopu de s'initziativa est su de promovi progetus po agiudai sa creatividadi e su protagonismu de is gióvunus e favoressi sa participatzioni ativa a sa vida sociali, económica, culturali e de agregatzioni de sa comunidadi. Funt ammítius a participai is grupus ispontàneus de gióvunus intra de is 14 e is 30 annus e non funt ammítius organismus cun personalidadi giurídica. Su cuncursu ddu finantziant de unu totu is Comunus de Arbus, Gùspini, Sant'Éngiu e Biddacidru e gestiu impari cun is cooperativas "La Clessidra", "Koinos" e "Sinergie".
Is progetus presentaus depint riguardai is argumentus chi sighint:
A. atividadis e atzionis de promotzioni sociali, de su voluntariau e de sa solidariedadi.
- preventzioni de is istraviadura giovanili, inclúdiu puru su fenomenu chi nrant cyberbullismu;
- interventus de preventzioni po s'impreu de drogas cussas puru difinidas de recreu.
- Atividadis chi favoressint s'isvilupu de su santidu cívicu de totus is citadinus; interventus po agiudai s'educatzioni a una sessualidadi responsàbbili.
B. cultura e arti:
- manifestatzionis artísticas (cantu, ballu, música, cínema, teatru, isculpidura, pintura, e aici sighendi);
- avaloramentu a iscopus turísticus/económicus de su patrimóniu istóricu, artísticu e ambientali.
C. promotzioni e avaloramentu de su patrimóniu urbanu:
- cualificatzioni torra e decoru de areas birdis degradadas e/o zonas periféricas abandonadas;
- riciclu
D. atividadis de recreu e de tempus líbberu:
- iscàmbius intrageneratzionalis;
- viàgius educativus e formativus; 
- - acontéssius de giogu e de recreu.

Funt finantziaus Progetus finas a su sodigamentu de sa somma a dispositzioni in dónnia Comunu e su ispecíficu:
Comunu de Arbus € 1.000,00;
Comunu de Gùspini € 3.000,00;
Comunu de Sant'Éngiu € 2.000,00
Comunu de Biddacidru € 3.000,00.

Po àteras iscedas si mandat a su bandu integrali

 

BUSSAS DE ISTÚDIU. DONATZIONI DOT. GIOVANNI FLORIS

25 de Maju de su 2015

Is líbburus de mexina (líbburus de testu e pubblicatzionis chi pertocant s'atividadi médica) chi fiant de Dot. Giovanni Floris, dotori de famíglia chi operàt in Gùspini de is annus Cincuanta de su Noixentus finas, prus o mancu, a su Duamilla, chi su fradi Ing. Giorgio Floris at donau a su Comunu de Gùspini, ddus intregant cumenti a bussa de istúdiu a istudiantis de Gùspini laureaus o chi funt acanta de si laureai in Mexina e Isciéntzias Médicas cun s'iscopu de ndi premiai s'impignu in s'istúdiu.

Funt ammitius a participai is sugetus, residentis in su Comunu de Gùspini, chi tenint unu de is rechisitus chi sighint:

-        laurea in Mexina

-        Laurea in Iscéntzias Médicas

-         Funt acanta de si laureai in Mexina

-        Funt acanta de si laureai in Iscéntzias Médicas.

Po participai a s'initziativa tocat a cumpilai su mollu apósitu de adesioni chi s'agatat in s'Ufíciu Istrutzioni Púbblica, Benis e Atividadis Culturalis, Isport, Turismu, Isvilupu Locali.

Is domandas si depint intregai  ( a manu, po médiu de servítziu postali o po médiu de Posta Eletrónica Certificada (PEC) a su Protocollu Generali de su Comunu de Gùspini, bia Don Minzoni 10, cap. 09036 Guspini, PEC: protocollo@pec.comune.guspini.vs.it.

Po àteras iscedas castiai su Bandu Integrali

Is domandas depint essi presentadas aintru de sa una (13,00) de su 15 de Argiolas 2015.

Apustis a sa data fissada cumenti a términi úrtimu po sa presentada de is domandas, s'Ufíciu Istrutzioni Púbblica passat a esaminai is domandas lómpias e , apustis de un'averiguada a campioni de  rechisitus chi is participantis ant decrarau, incumentzat a  isterri s'elencu de is istudianti meritèvolis.

Documentus disponíbbilis

mollu de adesioni formau word

mollu de adesioni formau pdf

bandu

 

ELETZIONIS AMMINISTRATIVAS 2015. ESERCÍTZIU DE SU DIRITU DE VOTU DE IS PORTADORIS DE HANDICAP E DE IS CHI NON PODINT CAMMINAI.

22  de Maju de su 2015

Po facilitai s'esercítziu de votu, domigu 31 de Maju 2015 de is úndixi e mesu finas a sa una e mesu (11,30 – 13,30), sa ASL  in su Poliambulatóriu in bia Sereni, garantiscit sa disponibbilidadi de is dotoris autorizaus a intregai is certificaus ex art. 1 de sa Lei 15 de Gennàrgiu 1991, n°15.

In basi a s'art. 29 de sa Lei 5 de Friaxu 1992, n°104  a s'eletori  chi tenit sa téssera eletorali, de unu certificau médicu de sa ASL, mancai  a innantis o per àterus motivus, o cópia autenticada de sa patenti ispeciali de guida, bastat chi de sa documentatzioni arresurtit s'impossibbilidadi a esercitai su diritu de votu, ddu podit acumpangiai in cabina una  persona de fiantza, chi est iscrita in is listas eletoralis.

In prus, ex art.55, 2° comma, de su D.P.R. N° 361/1957 e de s'art. 41, 2° comma, de su D.P.R. N° 570/1960, cumenti ddus at modificaus sa Lei 5 de Friaxu 2003, n°17, is categorias de personas chi tenint diritu a su votu assistidu (tzurpus, chentza de is manus, paralíticus e simbillis beneficiant de unu ammanniamentu de is maneras de esercitai custu deretu, podendi iscioberai cumenti a acumpangiadori un'eletori de calisisiat comunu de sa Repubblica e podendi puru domandai a is comunus de iscritzioni eletorali de providiri a sinnai in manera  difinitiva tali diritu in sa téssera eletorali ponendi unu símbulu o códixi (sigla "AVD"), in s'arrispeu de is normas de lei in vigéntzia in matéria de riservadesa personali, ex decretu legislativu 30 de Làmparas 2003, n°196.

Locandina informativa

AMMINISTRATIVAS 2015. AGIUDU TARIFAS DE VIÀGIU

22 de Maju de su 2015

Si fait isciri a is citadinus interessaus chi su Ministeru de s'Internu at comunicau chi, in ocasioni de is eletzionis indicadas in ogetu e de is ballotàgius eventualis, candu previstus, is eletoris chi andant a votai in su Comunu de iscritzioni eletorali insoru podint gosai de is agiudus de viàgiu, chi donant entis o sociedadis chi gestiscint is servítzius de trasportu.

Po àteras iscedas, castiai is notas de su Prefetu de su  8 de Maju 2015 e de su 20 de Maju 2015.

Càstia documentu

Comunicatzioni Prefetu 8 de Maju 2015 – comunicatzioni Prefetu 20 de Maju 2015

Castia puru sa noba de su 23 de Abrili 2015: Contribbutu po is eletoris sardus residentis in s'ésteru.

SA  DE 7 GIORNADAS  ASUBA DE IS MINIERAS

22 de Maju de su 2015

AIPAI, ANIM, ISPRA, ASSOMINERARIA promovint, imparis cun su G&T day, sa "Giornata Nazionale sulle Miniere 2015". Sa Giornada Natzionali asuba de is Minieras est un'initziativa comuna a livellu natzionali chi punnat a interessai totus is realidadis mineràrias italianas, e est lómpia cust'annu a sa de seti editzionis.

Su 30 e su 31 de Maju medas realidadis mineràrias de totu  s'Itàlia organizant atividadis chi punnant a ispainai su valori e su signíficu culturali de su turismu giológicu. Orientau a s'isvilupu e a s'avaloramentu de su patrimóniu giológicu e mineràriu, custu, si integrat cun àteras particularidadis de su territóriu cumenti a s'archeologia, risorsas naturalis, arti, architetura, usus e costumus.

Su Comunu de Gùspini, cun s'agiudu de su "Parco Geominerario Storico e Ambientale della Sardegna", participat a sa giornada donendi sa possibbilidadi de gosai a indonu su Palatzu de sa Diretzioni de Montibéciu chi, po s'ocasioni, abarrat obertu sàbudu 30  de is dexi de a mengianu finas a sa una ( 10,00-13,00) e domigu 31 de is dexi de a mengianu finas a sa una e a merì de is tres e mesu finas a is ses e mesu (15,30 – 18,30).

Is vísitas  a indonu, incumentzant cumenti a su solitu de s'info-point de sa miniera chi s'agatat ande s'ex mensa de is impreaus in su pratzali Rolandi ( ananti de su Palatzu de sa Diretzioni.

BANDU MANUTENTZIONI ISCOLAS

21 de Maju de su 2015

Agiudicaus is trabballus de manutentzioni istraordinària chi punnant a otenni su certificau de preventzioni incéndius de is fàbbricus iscolàsticus (1° lotu funtzionali). Apustis de s'obertura de is ofertas fatas su 4 e 5 de Maju, s'est agiudicada sa gara d'apaltu sa "Dita Pinna Alessandro Impianti Elettrici srl." cun unu rebbàsciu paris a su 23,573% apitzus de s'importu sugetu a ribbàsciu.

S'aprovu de su verbali de gara e duncas s'agiudicatzioni difinitiva, no ancoras eficaci, est acontéssiu cun determinatzioni n° 160P de su 20 de Maju 2015.

Àteras minudas funt disponíbbilis in s'avisu de apaltu agiudicau.

Documentus disponíbbilis

Avisu de apaltu agiudicau

CÀNONI DE AFITU

21 de Maju de su 2015

Est in pubblicatzioni su bandu po s'intregu de contribbutus a integratzioni de is cànonis de afitu po s'annu 2015.

Su contribbutu est riservau a is citadinus residentis in su Comunu de Gùspini, chi tenint is rechisitus previstus in su bandu.

Su Bandu integrali e su Mollu de domanda s'agatant puru in is ufícius de su Servítziu Sociali: su lunis e sa cenàbara de is dexi e mesu finas a sa una (13,00) – su martis de is cuatru e mesu finas a is cincu e mesu de a merì (16,30 – 17,30).

Is domandas cumpletas de totus is allegaus pregontaus depint essi presentadas a s'Ufíciu Protocollu de su Comunu de Gùspini de lunis finas a cenàbara de is dexi e mesu finas a sa una (13,00) e su martis e sa gióbia de is cuatru e mesu finas a is cincu e mesu (16,30 – 17,30) o a s'indiritzu de posta eletrónica certificada  protocolo@pec.comune.guspini.vs.it

S'iscadéntzia po sa presentada de is domandas est fissada po su 30 de Maju 2015.

Is domandas chi lompint prus a tradu de su términi non funt ammítias.

Documentus disponíbbilis

Bandu integrali

Mollu de domanda

ISCADÉNTZIA ACONTU IMU-TASI 2015

21 de Maju de su 2015

Su 16 de Làmparas 2015 iscadint is términis po su pagamentu de sa IMU e de sa TARI po su 2015.

Abetendi s'aprovu de is alícuotas relativas a s'annu 2015, po su pagamentu de s'acontu (50% de s'imposta de pagai o de totu s'importu) tocat a umperai is alícuotas de su 2014, cun residuu eventuali asuba de sa rata de saldu.

Po facilitai su càlculu est disponíbbili sa funtzioni de càlculu "on-line" e de imprenta de is mollus de versamentu, est disponíbbili puru sa pàgina aposta cun totus is iscedas necessàrias.

LINNÀTICU CÍVICU. OPINU  SICAU

17 de Maju de su 2015

De oi est possíbbili presentai is domandas relativas a su linnàticu cívicu 2015 po segai s'opinu sicau in localidadi Monti Mannu – Coróngiu Pontis.

Is interessaus podint cumpilai su mollu apósitu e ddu mandai a su Comunu de Gùspini – Ufíciu Protocollu de su lunis finas a sa cenàbara de is dexi e mesu finas a mesudì e mesu (10,30 – 12,30)

Intra de is domandas lómpias si providit a sa tzerriada, segundu s'órdini de arribbu a su protocollu, po s'intregadura de su lotu de segada.

Tenit deretu a s'autorizatzioni po s'esercítziu de su linnàticu unu cumponenti iscéti po famíglia.

Po dónnia famíglia est cuncédia s'autorizatzioni po segai màssimu 6 metrus cubus. Su prétziu est fissau in 4,00 eurus a metru cubu.

Su linnàticu ddu depit esercitai iscéti su titulari de s'autorizatzioni (non funt ammítias dèlegas).

S'intregadura de is autorizatzionis si fait in basi a is límitis de su tempus po acabbai is operatzionis segundu is dispositzionis forestalis.

In su matessi momentu de s'intregadura de s'autorizatzioni si depit inditai su logu de destinatzioni. Est proibbida calisisiat forma de béndita de sa linna.

S'Amministratzioni Comunali, po médiu de sa Politzia Locali, fait is cuntrollus po averiguai sa destinatzioni de sa linna segada.

Si non s'arrispetant is dispositzionis innòi elencadas ddoi at sa rèvoca pronta de s'autorizatzioni e sa multa amministrativa de 100,00 eurus (centu) fatu salvu s'apricu de is smendas chi previdit su Regulamentu Comunali G.N.B.C. e is dispositzionis forestalis in vigéntzia.
ELETZIONIS  AMMINISTRATIVAS 2015. NÓMINA ISCRUTADORIS

13 de Maju de su 2015

Po sa cumpositzioni de is ségius eletoralis, sa Commissioni Eletorali at providiu a sa nómina de is iscrutadoris (allegaus A e B a su verbali de sa Commissioni Eletorali Comunali númunu 12, in data 11 de Maju 2015).

Càstia s'elencu de is iscrutadoris.

“PALABRA EN EL MUNDO”

12 de Maju de su 2015

Cust'annu puru Gùspini istràngiat su festival internatzionali de poesia "Palabra en el mundo" sa poesia cumenti a atzioni universali po sa paxi, lómpiu cust'annu a sa de noi editzionis.

Organizada de s'assótziu femininu "XconoscereXfare", imparis a su Sistema Bibbliotecàriu "Monte Linas" e cun s'agiudu de su Comunu de Gùspini, su festival ddu istràngiat sa Bibblioteca Comunali "Sergio Atzeni", cenàbara 15 de Maju a is ses de a merì (18,00).

Su festival si cumprit in su matessi momentu in totu su mundu de su 11 finas a su 24 de Maju po umperai sa Poesia cumenti a atzioni poética universali po sa paxi.  Tema centrali de s'acontéssiu est sa Paxi, e sa dì guspinesa est dedicada a is Poetas e Narradoris in Língua Sarda cun grandu atentzioni a is cuncitadinus Orlanda Sassu e Efisio Sanna, creadoris e animadoris de sa "Casa del Poeta", chi rapresentant unu grandu esémpiu de vida in s'arrispetu de sa Natura, de sa Paxi e de sa Poesia.

Orlanda Sassu , morta de pagu, iat partecipau in manera ativa a is editzionis precedentis de su Festival in Gùspini.

Pigant parti: Toto Putzu, Iride Peis, Luisa Foddai, Raimondo Meloni.

GRADUATÓRIA DE MÉRITU

12 de Maju de su 2015

Pubblicada sa graduatória de méritu chi pertocat su Bandu de Iscioberu Púbblicu po títulus e collóchiu po pigai a tempus prenu e determinau un Istrutori Amministrativu/Ténnicu de "Marketing" Turísticu – Comunicatzioni – Isvilupu Locali, Categoria Giurídica "C" – Positzioni Económica "C1" (ex 6a c.f.).

 

 

CENT’ANNUS APUSTIS

11 de Maju de su 2015

Mércuis 13 e 20 de Maju de is úndixi finas a sa una (11,00 – 13,00) est ancora possíbbili bisitai s'ammosta, apariciada in su centru policulturali Ex ONMI (intrada de Arburada Libertà), chi pertocat su ruolu de Gùspini in sa Grandu Guerra, una guerra chi a is primus de su Noixentus iat domandau unu contribbutu mannu meda chentza de arrisparmiai nisciunu de is comunus italianus. Gùspini dd'arragodat po médiu de un'iscioberu de documentus de s'Archíviu Istóricu Comunali, espostus in un'ammosta inaugurada in su cuntestu de sa tapa guspinesa de "Monumenti Aperti" fata su 2 e 3 de Maju 2015.
S'ammosta ponit in luxi una parti de su contribbutu de Gùspini a sa Guerra; is documentus archivísticus ddus at iscioberaus in manera pibinca unu grupu de trabballu chi interessat cumponentis diferentis:
- sa setzioni locali – costituida aposta po sa cumpridura de "Monumenti Aperti" – de su Labboratóriu de Didàtica e Comunicatzioni de is Benis Culturalis de s'Universidadi de Casteddu "Vestigia";
- is discentes de sa 5^ classi de s'Istitutu superiori "A. Volta" de Gùspini ghiadas de sa Professora Alessia Perra.
- Su personali de s'Ufíciu comunali Isvilupu e Cultura.
Nc'est bófiu unu mesi de trabballu po individuai is documentus prus significativus e originalis, ispartzius in tantis fascículus relativus a is annus chi andant de su 1915 finas a su 1918, chi riguardant sa Primu Guerra Mondiali. Is documentus, iscioberaus e frunius de didascalias, contant unu triénniu forti e s'ammosta est pentzada po una letura asuba de pianus diferentis: is atus, is símbolus, is artefatus acapiaus a una visioni antropocéntrica de s'acontéssiu. Su nùcleu prus importanti de su contu est su de óminis e fémminias, mulleris e mammas, fillus in su fronti, òrfanus de guerra e fiudas, chi ant bíviu asuba de sa peddi insoru s'istesiadura, s'abbandonu, sa suferéntzia, su coràgiu.
Castiendi is documentus, sa guerra bessit a campu, in totu sa realidadi devastanti: sa circa e sa domanda fitiana de nobas, s'incertesa de sa sorti de is sordaus, sa conta de is pérditas sunfridas, su dolori, is medàglias a is piturras de is prus balorosus medas bortas intregadas a sa memória.
S'ammosta est istrangiada in is localis, oi centru policulturali, de sa "Opera Nazionale Maternità e Infanzia (ex ONMI): un'enti assistentziali fundau in su 1925 a s'iscopu de amparai mammas e pipius in dificultadi.
S'Archíviu Istóricu, chi fuit istrangiau in custu edifíciu giai in su segundu dopuguerra, at de pagu torrau a pigai sa collocatzioni istórica cosa sua e in di de oi est custodiau in unus cantu aposentus in su pianuterra.

 ISPARTZIDURA DE S'ÀCUA

11 de Maju de su 2015

Abbanoa fait isciri chi , po nexi de unu guastu in s'arretza ídrica, est istétiu necessàriu ndi tirai  s'àcua in bia Verdi. Non ddoi at àcua finas a cras a mengianu.

MONUMENTI APERTI 2015

11 de Maju de su 2015

Mércuis 13 e 20 de Maju  de is úndixi finas a sa una (11,00 – 13,00) est ancora possíbbili bisitai s'ammosta, apariciada in su centru policulturali Ex ONMI (intrada de Arburada Libertà), chi pertocat su ruolu de Gùspini in sa Grandu Guerra, una guerra chi a is primus de su Noixentus iat domandau unu contribbutu mannu meda chentza de arrisparmiai nisciunu de is comunus italianus. Gùspini dd'arragodat po médiu de un'iscioberu de documentus de s'Archíviu Istóricu Comunali, espostus in un'ammosta inaugurada in su cuntestu de sa tapa guspinesa de "Monumenti Aperti" fata su 2 e 3 de Maju 2015.

S'ammosta ponit in luxi una parti de su contribbutu de Gùspini  a sa Guerra; is documentus archivísticus ddus at iscioberaus in manera pibinca  unu grupu de trabballu chi interessat cumponentis diferentis:

1)      sa setzioni locali – costituida aposta po sa cumpridura de "Monumenti Aperti" – de su Labboratóriu de Didàtica e Comunicatzioni de is Benis Culturalis de s'Universidadi de Casteddu "Vestigia";

2)      is discentes de sa 5^ classi de s'Istitutu superiori "A. Volta" de Gùspini ghiadas de sa Professora Alessia Perra.

3)      Su personali de s'Ufíciu comunali Isvilupu e Cultura.

 

Nc'est bófiu unu mesi de trabballu po individuai is documentus prus significativus e originalis, ispartzius in tantis fascículus relativus a is annus chi andant de su 1915 finas a su 1918, chi riguardant sa Primu Guerra Mondiali. Is documentus, iscioberaus e frunius de didascalias, contant unu triénniu forti e s'ammosta est pentzada po una letura asuba de pianus diferentis: is atus, is símbolus, is artefatus acapiaus a una  visioni antropocéntrica de s'acontéssiu. Su nùcleu prus importanti de su contu est su de óminis e fémminias, mulleris e mammas, fillus in su fronti, òrfanus de guerra e fiudas, chi ant bíviu asuba de sa peddi insoru s'istesiadura, s'abbandonu, sa suferéntzia, su coràgiu.

Castiendi is documentus, sa guerra bessit a campu, in totu sa realidadi devastanti: sa circa e sa domanda  fitiana de nobas, s'incertesa de sa sorti de is sordaus, sa conta de is pérditas sunfridas, su dolori, is medàglias a is piturras de is  prus balorosus medas bortas intregadas a sa memória.

S'ammosta est istrangiada in is localis, oi centru policulturali, de sa "Opera Nazionale Maternità e Infanzia (ex ONMI): un'enti assistentziali fundau in su 1925 a s'iscopu de amparai  mammas e pipius in dificultadi.

S'Archíviu Istóricu, chi fuit istrangiau in custu edifíciu giai in su segundu dopuguerra, at de pagu torrau a pigai sa collocatzioni istórica cosa sua e in di de oi est custodiau in unus cantu aposentus in su pianuterra.

RIMBURSU ISPESAS DIDÀTICAS

8 de Maju de su 2015

Funt bessidas is graduatórias definitivas po su rimbussu de is ispesas didàticas de is istudiantis de is iscolas elementaris, de mesania e superioris. Annu iscolàsticu 2013/2014
Sa graduatória est disponíbbili in s'Albo Pretóriu po 15 (cuindixi) dìs a cumentzai de s'òtu de Maju de su 2015.
A amparu de sa discretzioni (in basi a su D.Lgs de su 14 de Martzu de su 2013, n°33, art.26, comma 4),  is nóminis e is datus de is istudiantis beneficiàrius non ddus pubblicant ma s'indicat iscéti su númunu identificadori chi ddoi at asuba de su mollu de domanda.
 Po iscedas:
Ufíciu Istrutzioni Púbblica
bia Don Minzoni n°10
de lunis a cenàbara de 10,30 – 13,00 ( dexi e mesu de a mengianu a sa una)
martis e gióbia de is 16,30 – 17,30 ( de is cuatru e mesu a is cincu e mesu de a merì).

CURSU DE LINGUA SARDA

8 de Maju de su 2015
 S’Ufítziu Língua Sarda de su Comunu de Gùspini fait sciri chi, cunfroma a sa lei n. 482/99 de su Stadu Italianu “Normas in matéria de amparu de is minorias linguísticas stóricas", si fait in su Comunu su cursu livellu basi de língua sarda, po is dipendentis, is amministradoris ma est abertu a totus is citadinus, is de foras de bidda puru, chi bolint pigai parti.
Su cursu est a in donu, cumentzat su 19 de Maju e acabbat su 23 de Làmparas de su 2015. Su cursu est pretziu in 5 letzionis de tres oras donniuna, de is cuatru finas a is seti de a merì (16,00 -19,00), chi si faint in s'Aula de su Consillu, in bia Don Minzoni n°10. 
Is mollus po s'iscriri s'agatant:

in s’ Ufítziu língua sarda, 
ande sa biblioteca comunali “Sergio Atzeni”, bia San Nicolò n°9, su martis e sa gióbia de is noioras de a mengianu finas a sa una (8,15 alle 13,15), 
in su giassu de sa Provìncia www.provincia.mediocampidano.it, 
in su giassu de su Comunu de Gùspini www.comune.guspini.vs.it

o mandendi una e-mail a

acaboni@provincia.mediocampidano.it; 
sportello.linguasarda@comune.guspini.vs.it

Is iscritzionis ddas podeis imbiai a
s'Ufíciu sportello.linguasarda@comune.guspini.vs.it 
acaboni@provincia.mediocampidano.it; 
o ddas podeis intregai a manu a s'Ufíciu de Língua Sarda.

 Calendàriu

19, 26 de Maju
9, 16, 23 de Làmparas.

TRABBALLADORIS IN IMPREU

8 deMaju de su 2015

Bia líbbera de sa Regioni Sardigna a is Cantieris Birdis.  Est istétiu infinis aprovau su progetu chi permitit, giai de lunis, de torrai a pigai a trabballai is trabballadoris in impreu (ex Scaini, e aici sighendi) chi arrapresentant una risorsa de importu po su Comunu de Gùspini e chi luegus luegus si ocupant de ndi messai s'erba in is ispàtzius birdis permitendi diaici a is operàius comunalis de si dedicai a sa manutentzioni de sa sinnalética istradali.

Una noba bona po is trabballadoris, chi abetànt giai de diora de torrai a trabballai, e po sa bidda chi abetàt sa cumpridura de custus trabballus de importu.

CIRCA ASUBA DE SA CRISI ECONÓMICA

7 de Maju de su 2015

Est previstu po cenàbara 9 de Maju 2015 a is cincu de a merì (17,00), in sa sala de su Consillu, s'atóbiu púbblicu "Indagine sulla crisi económica" (Circa asuba sa crisi económica) organizau de s'assótziu "Economia per i cittadini" e amparau de su Comunu de Gùspini.

Francesco Ruggeri, referenti económicu, afrontat in is interis de s'atóbiu, is càusas de sa crisi económica e de su rigori, su funtzionamentu de is mercaus finantziàrius e de su sistema bancàriu, su cuncetu de moneta e de dépidu púbblicu, is pianus de trabballu garantiu. Cumenti ispera de bessida de sa crisi, s'ammostat chi s'obbietivu de s'ocupatzioni prena, chi giai previdit sa Costitutzioni Repubblicana,  prus che auguràbbili, est ténnicamenti possíbbili.

Marco Memeo, in rapresentàntzia de su Comitau "Stop TTIP Cagliari", analizat invécis is arraxonis de s'initziativa rivólgia a is istitutzionis europeas po suspendi is negotziatzionis cun is Istadus Unius asuba su Tratau transatlanticu asuba de su commérciu e is investimentus (Transatlantic Trade Investiment Partnership – TTIP).

Sighit su dibbatu cun is presentis.

Documentus disponíbbilis

Locandina

AMMINISTRATIVAS 2015 – PRESENTADA DE IS LISTAS E DE IS PROGRAMMAS

5 de Maju de su 2015

Riguardu a is Eletzionis Amministrativas 2015 po s'eletzioni direta de su Síndigu e su rinnovu de su Consillu Comunali, su 1° de Maju, in s'Ufíciu Eletorali de su Comunu de Gùspini, in preséntzia de su Segretàriu Generali, funt istétias presentadas is listas de is candidaus e is programmas eletoralis relativus.

Listas e programmas presentaus:
1) Lista 1 – Gùspini – Programma
2) Lista 2 – Impari – Ricominciamo da Guspini – Programma
3) Lista 3 – Centro Sinistra per Guspini - Programma
 

ISPARTZIDURA DE S’ÀCUA

5 de Maju de su 2015

Abbanoa fait isciri chi cras mércuis 6 de Maju 2015, po permítiri su càmbiu de una saracinesca in bia Dante ingruxada bia Pio Piras, est necessàriu a suspendi s'ispartzidura de sàcua.
S'àcua mancat de is dexi de a mengianu finas a is duas in is bias Pio Piras, bia Mannu, bia Diaz e bia Dante
.

 

 

 

 

 

 

 

 

 

 

 

 

 

 

CÀNONI DE AFITU

30 de Abrili de su 2015

Est in pubblicatzioni su bandu po s'intregu de contribbutus a integratzioni de is cànonis de afitu po s'annu 2015.

Su contribbutu est riservau a is citadinus residentis in su Comunu de Gùspini, chi tenint is rechisitus previstus in su bandu.

Su Bandu integrali e su Mollu de domanda s'agatant puru in is ufícius de su Servítziu Sociali: su lunis e sa cenàbara de is dexi e mesu finas a sa una (13,00) – su martis de is cuatru e mesu finas a is cincu e mesu de a merì (16,30 – 17,30).

Is domandas cumpletas de totus is allegaus pregontaus depint essi presentadas a s'Ufíciu Protocollu de su Comunu de Gùspini de lunis finas a cenàbara de is dexi e mesu finas a sa una (13,00) e su martis e sa gióbia de is cuatru e mesu finas a is cincu e mesu (16,30 – 17,30) o a s'indiritzu de posta eletrónica certificada  protocollo@pec.comune.guspini.vs.it

S'iscadéntzia po sa presentada de is domandas est fissada po su 30 de Maju 2015.

Is domandas chi lompint prus a tradu de su términi non funt ammítias.

Documentus disponíbbilis

Bandu integrali

Mollu de domanda

 

“MONUMENTI  APERTI”  2015

29 de Abrili de su 2015

Cincuantunu comunus in Sardigna e duus in Piemonte, giai setixentus monumentus obertus de badas in seti cidas e ammostaus de úndiximilla voluntàrius chi, dónnia annu e de badas de unu totu, dedicant su tempus insoru a s'acontéssiu. Custus is númunus principalis de sa de 19 editzionis de "Monumenti Aperti", chi su 2 e 3 de Maju bit Gùspini puru intra de is comunus chi oberrint is benis insoru a sa crosidadi de is bisitadoris.Gùspini est una bidda chi at tentu unu ruolu de importu in su territóriu innói s'atividadi minerària de is séculus passaus at incídiu in manera profunda in sa cultura, in sa vida sociali e in s'economia de una bidda chi finas a intzaras si dedicàt a sa messarítzia e a sa pastoria. Unu passau biatzu fatu de traditzionis  de s'antigóriu, de impignu políticu in is annu de is lotas operàias, de tecnologia a s'avanguàrdia, s'isvelat oi po médiu de is logus de sa cultura, chi in parti si podint bisitai in s'interis de "Monumenti Aperti", po contai  passau e presenti de sa bidda e de is abbitantis suus.

Su Palatzu Municipali, s'archíviu istóricu, is crésias de San Nicolò e de Santa Maria, su molinu Garau ( baluardu de sa Gùspini económica de su séculu passau) sa Domu Murgia  e su "Monte Tempo" (istrangiau in su chi una borta fiat su Monti Granàticu) funt is monumentus protagonistas de custa editzioni imparis a un'ammosta de grandu importu asuba de Sa Primu Guerra Mondiali e àterus acontéssius chi dd'afiancant  cumenti a sa música  itineranti de sa Banda Musicali Città di Gùspini previstu po su 2 de Maju a is ses de a merì (18,00). Un'oportunidadi po su turista, po su bisitadori de passàgiu e po is citadinus guspinesus e totu, po castiai cun ogus nous a su patrimóniu momumentali de sa bidda; edifícius chi, dónnia dì, ocupant logus chi funt lígius e interpretaus po sa funtzioni ispecífica insoru (amministrativa, de museu, de cultu) chi podint riservai iscobertas nobas e de interessamentu: artziendi pagu pagu is ogus est possíbbili iscoberri dipintus in is bóvidas de is ufícius comunalis, decoraduras architetónicas particularis o s'òrganu  istravanau de sa Crésia Parrochiali.

De grandu interessamentu est puru s'ammosta, apariciada in su Centru Policulturali Ex Omni, asuba su ruolu de Gùspini in sa Grandu Guerra, una guerra chi a is primus de su Noixentus iat domandau un'agiudu mannu meda a totus is comunus italianus. Gùspini dd'arragodat po médiu de un'iscioberu de documentus de s'Archíviu Istóricu Comunali espostus in un'ammosta chi s'inaugurat in ocasioni de sa tapa guspinesa de Monumenti Aperti prevista po su 2 e 3 de Maju 2015 e chi abarrat oberta puru in is tres mesis apustis, de is úndixi finas a sa una.

S'ammosta  ponit in luxi su contribbutu de Gùspini e de is citadinus suus a s'acontéssiu de guerra; is documentus archivísticus ddus at iscioberau cun grandu atentzioni unu grupu de trabballu chi ponit imparis cumponentis diferentis: sa setzioni locali – costituida aposta po sa realizatzioni de Monumentu Aperti

-        de su Labboratóriu de Didàtica e Comunicatzioni de is Benis Culturalis de s'Universidadi de Casteddu "Vestigia";

-        is discentis de sa cuinta classi de s'Istitutu Superiori "A. Volta" de Gùspini ghiadas de sa Prof.ra Alessia Perra.

-        Su personali de s'Ufíciu comunali Isvilupu e Cultura.

 S'ammosta est pentzada po una letura po pianus diferentis: is atus, is símbolus, is artefatus acapiaus apari  de una visioni antropocéntrica de s'acontéssiu. Su nùcleu prus importanti de su contu est su de óminis e fémminias, mulleris e mammas, fillus in su fronti, òrfanus de guerra e fiudas, chi ant bíviu asuba de sa peddi insoru s'istesiadura, s'abbandonu, sa suferéntzia, su coràgiu.

Su 2 e su 3 de Maju si presentant arricus meda de intzídius po una bísita a sa bidda, connóscia pruscatotu po unu passau acapiau a is minieras, chi non mancat de ispuntus interessantis po chi ndi bolit connosci sa cultura, s'istória e gosai de un'ambienti únicu.

Non mancat unu tocu de modernidadi "social": is invasionis digitalis programmadas po su 3 de Maju, caraterizadas de is ashtag#invasionidigitali, #guspiniinvasion#maperti, #maperti15, e ispartzinai in sa retza internet is immaginis de s'acontéssiu in su grandu ispàtziu, chi non si podit tocai ma beni presenti. Su puntu de vista est su de ispartznai sa cultura digitali e su de impeai  is "open data", de su "Web" e de is "social media" po sa creatzioni de valori culturali a parti sa promotzioni e ispartzidura de sa cultura.

Is trabballus funt ancora in cursu e, cabada sa cortina, ant ai fichiu giai duxentus personas intra de is voluntàrius de is iscolas, is de su labboratóriu Vestigia, is assótzius de voluntariau e is impiegaus comunalis; Gùspini ddoi est, po is resurtaus finalis tocat perou abetai s'arraspusta de su púbblicu

 

CONSILLU COMUNALI

28 de Abrili de su 2015

Est istétia cunvocada po Mércuis 29 de Abrili 2015, a is cuatru e mesu de a merì (16,30), in sa Sala de su Consillu, una sétzida istraordinària e urgenti de su Consillu Comunali po chistionai de s'órdini de sa dì chi sighit:

-        Aprovu verbali de sétzida de su Consillu Comunali n°3 de su 31 de Martzu 2015;

-        Interrogatzionis e interpellàntzias;

-        Adeguamentu de su Pianu Urbanísticu Comunali a su Pianu po s'assétiu Idrogelógicu – Aprovu Istúdiu de cumpatibbilidadi idràulica geológica-geoténnica, ex art. 8 de is NTA de su PAI;

-        Pianu Comunali de Protetzioni Civili. Aprovu;

-        Regulamentu po is Istitutus de partecipatzioni e de initziativa populari – Aprovu;

-        Istitutzioni de sa Consulta de fratzioni o de Bixinau e aprovu de su Regulamentu chi ndi disciplinat sa cumpositzioni, is funtzionis e is maneras de funtzionamentu.

-         

AGIUDUS TARI – PRÒROGA

28 de Abrili de su 2015

Cun determina n°9/E de su 3 de Martzu 2015 est istétiu prorogau su términi po sa presentada de is domandas de agiudu Tari annu 2014.
S'iscadéntzia noba est fissada a su 30 de Abrili 2015.
Is agiudus consistint in unu rimbussu a is intestatàrius de is uténtzias chi faint parti de custus tipus:
l nucleus familiaris de 3 pessonas cun ISEE non prus artu de € 6.000,00, rimbussu de € 20,00 apitzus de s'importu totali de pagai
l nucleus familiaris de 4 pessonas cun ISEE non prus artu de € 6.000,00, rimbussu de € 30,00 apitzus de s'importu totali de pagai
l nucleus familiaris de 5 pessonas cun ISEE non prus artu de € 6.000,00, rimbussu de € 45,00 apitzus de s'importu totali de pagai
l nucleus familiaris de 6 o prus pessonas cun ISEE non prus artu de € 6.000,00, rimbussu de € 75,00 apitzus de s'importu totali de pagai.
Si ddoi at economias s'ufíciu providit a pretziri su dinai crescendi is rimbussus; si invécias is risorsas non bastant si donat sa precedéntzia a is nucleus familiaris cun ISEE prus bàsciu.
Is domandas po gosai de is agiudus si depint presentai a s'ufíciu Protocollu de su Comunu opuru si depint mandai po arracumandada o P.E.C., a pena de decadéntzia, aintru de sa una (13,00) de su 30 de Abrili 2015. Is domandas depint essi cumpiladas in is mollus disponíbbilis puru in s'ufíciu intradas de su Comunu ( po is comunicatzionis mandadas po arracumandada fait fedi su timbru postali). A sa domanda si depit allegai in manera obbligatória su certificau ISEE calculau in basi a su DPCM 5 de Meseidas 2013 n°159 e sa cópia de unu documentu de identidadi in cursu de balididadi.
Si non si presentat su certificau ISEE calculau in basi a su DPCM 5 de Meseidas 2013 n°159 e/o su pagamentu de s'importu totali aintru de su 2 de Martzu de su 2015 ( primu dì de trabballu imbenienti a s'iscadéntzia de su 28 de Friaxu 2015) cumportat s'esclusioni automàtica de sa domanda.

Documentatzioni disponíbbili
mollu de domanda
bandu agiudus

Notas Legalis
Delibberatzioni de su Consillu Comunali n°59 de su 28 de Donniasantu 2014

Determinatzioni n°25/Intradas de su 24 de Meseidas 2014 (chi retíficat sa determinatzioni n°23/Intradas de su 18 de Meseidas 2014)

DPCM 5 de Meseidas 2013 n°



GARA  CRASTINADA

28 de Abrili de su 2015

Sa gara d'apaltu, relativa a is trabballus po is interventus de manutentzioni istraordinària chi punnat a otenni su C.P.I. De is edifícius iscolàssticus prevista po su 28 de Abrili 2015, est istétia crastinada a lunis 4 de Maju 2015 a is noioras e mesu de a mengianu (9,30).

 

25 de ABRILI

25 de Abrili de su 2015

“ Su 25 de Abribi est una data, chi tenit unu grandu significau po is valoris chi acapiant a is Italianus.
Risorgimentu, lota de Libberatzioni, Costitutzioni Repubblicana, Unioni Europea rapresentant una de is tapas fundamentalis, chi ant portau a sa Libbertadi e a sa democratzia sa Natzioni nostra”. Est su cumbidu a participai, chi is autoridadis faint a totu is citadinus e a is fortzas socialis de su territóriu.

( Fonti Ministeru de s’Internu)


 
CONTRIBBUTUS PO IS ELETORIS SARDUS RESIDENTIS A S'ÈSTERU

23 de Abrili de su 2015

In ocasioni de s'eletzioni direta de su Síndigu e de su rennovu de is Consillus Comunalis de su 31 de Maju 2015 e po su turnu eventuali de ballotàgiu, in basi a  sa normativa regionali, tenint deretu a is agiudus is eletoris sardus iscritus in s'Anagrafi Italiana de is Residentis in s'Ésteru, o chi tenint in cursu sa procedura de iscritzioni in su A.I.R.E. (Anagrafi Italiana Residentis in s'Ésteru), ddu depit atestai s'Ufíciu Consolari de s'Istadu èsteru de proveniéntzia.

Tenint deretu a su contribbutu

-        Eletoris sardus residentis in s'èsteru.

Rechisitus

Is eletoris depint:

Non tenint deretu a su contribbutu

Non tenint deretu a su contribbutu, invécias, is eletoris chi s'agatant in s'èsteru po motivus de istúdiu o po trabballu a tempus determinau chi non podint, po lei, cambiai sa residéntzia a s'èsteru.

Términi de presentada

Is eletoris interessaus depint domandai su contribbutu prima de torrai in s'istadu èsteru.

Documentus

Is documentus chi s'eletori depit presentai in su Comunu innói at votau:

 

Manera de fai sa domanda

S'interessau si depit presentai in su Comunu innói at votau e intregai a su funtzionàriu incarrigau is documentus indicaus a innantis.

Su contribbutu est in basi a is ispesas de viàgiu fatas diaderus finas a unu màssimu de 250 eurus po is eletoris chi benint de istadus europeus e 1000 eurus po is chi benint de istadus extraeuropeus.

Si ddoi at ballotàgiu, s'eletori torrau in s'istadu èsteru chi  torrat a fai unu viàgiu nou tenit deretu a un'àteru contribbutu, si dimostrat, cun is billetus relativus a su  viàgiu interu, s'ispostamentu fatu.

 

Notas

Funt inclúdias in su contribbutu is ispesas po su viàgiu in aereu, navi, trenu e postalis extraurbanus, mentras non funt esclúdias is ispesas po su "taxi", màchina a nolégiu ( cun condu centi o chentza) e chilometràgiu.

 

CUNVEGNU DE ARCHEOLOGIA

23 de Abrili de su 2015

Su "Gruppo Archeologico Neapolis" fait isciri chi est istétiu programmau po cras 24 de Abrili su cunvegnu de Archeologia "Il Mediterraneo prima e dopo le torri: i sistemi difensivi della monarchia ispanica" ( Su Mediterraneu ainnantis e apustis de is turris: is sistemas de defensa in sa monarchia ispànica) ddu fai Maria Grazia Rosaria Mele- CNR-ISEM.

24 de Abrili 2015 – 17,30 (cincu de a mer') in sa Sala de su Consillu de su Comunu de Gùspini

Maria Grazia Rosaria Mele  CNR -ISEM

"Il Mediterraneo prima e dopo le torri: i sistemi difensivi nella monarchia ispanica"  (Su Mediterraneu ainnantis e apustis de is turris: is sistemas de defensa in sa monarchia ispànica).

 

CUNCURSU DE IDEAS

22 de Abrili de su 2015

Is Comunus de Arbus, Gùspini, Biddacidru e Sant'Éngiu ant istabbiliu unu cuncursu de ideas po  sa realizatzioni de Progetus chi ant ideau e elabborau is gióvunus de is cuatru Comunus. S'iscopu de s'initziativa est su de promovi progetus po agiudai sa creatividadi e su protagonismu de is gióvunus e favoressi sa participatzioni ativa a sa vida sociali, económica, culturali e de agregatzioni de sa comunidadi. Funt ammítius a participai is grupus ispontàneus de gióvunus intra de is 14  e is 30 annus e non funt ammítius organismus cun personalidadi giurídica. Su cuncursu ddu finantziant de unu totu is Comunus de Arbus, Gùspini, Sant'Éngiu e Biddacidru e gestiu impari cun is cooperativas "La Clessidra", "Koinos" e "Sinergie".

Is progetus presentaus depint riguardai is argumentus chi sighint:

A. atividadis e atzionis de promotzioni sociali, de su voluntariau e de sa solidariedadi.

-        preventzioni de is istraviadura giovanili, inclúdiu puru su fenomenu chi nrant  cyberbullismu;

-        interventus de preventzioni po s'impreu de drogas cussas puru difinidas de recreu.

-        Atividadis chi favoressint s'isvilupu de su santidu cívicu de totus is citadinus; interventus po agiudai s'educatzioni a una sessualidadi responsàbbili.

B. cultura e arti:

-        cualificatzioni torra e decoru de areas birdis degradadas e/o zonas periféricas abandonadas;

-        riciclu

D.     atividadis de recreu e de tempus líbberu:

-        iscàmbius intrageneratzionalis;

-        viàgius educativus e formativus;

-        - acontéssius de giogu e de recreu.

 

Funt finantziaus Progetus finas a su sodigamentu de sa somma a dispositzioni in dónnia Comunu e su ispecíficu:

Comunu de Arbus 1.000,00;

Comunu de Gùspini 3.000,00;

Comunu de Sant'Éngiu € 2.000,00

Comunu de Biddacidru € 3.000,00.

 

Po àteras iscedas si mandat a su bandu integrali

 

Documentus disponíbbilis

Bandu

Allegau 1

Allegau 2

Allegau 3

Allegau 4

 

ELETZIONIS COMUNALIS 2015

21 de Abrili de su 2015

 

Po permítiri s'esercítziu de votu si faint a connosci is dispositzionis po su votu in domu de is disàbbilis gravis meda.

Podint, in dì de oi, votai in domu insoru:

-        is eletoris chi tenint maladias gravis meda, chi non ddis permitint de si istesiai de sa domu innói bivint nimmancu cun s'agiudu de is servítzius ex art. 29 de sa lei 5 de Friaxu 1992, n°104, est a nai chi non si podint trasportai. Si sutalineat chi su votu in domu non si podit domandai isceti poita nno ddoi est nisciunu servítziu de acumpangiamentu a su ségiu;

-        is eletoris chi tenint maladias gravis meda, chi si agatant in cunditzionis de dipendéntzia fitiana e vitali de aparéchius eletromedicalis, chi non ndi permitint s'istesiadurara de sa domu innói bivint. In custu casu sa sutalineadura est in sa dipendéntzia fitiana e duncas asuba de su riscu po sa saludi personali de su Citadinu.

 

Sa procedura.

Sa primu cosa chi s'eletori depit fai est sa domanda de is documentus sanitàrius chi atestant sa maladia gravi (dipendéntzia de eletromedicalis o su fatu de non si podi trasportai).

 

Certificaus sanitàrius:

Cumenti si podit immaginai is bísitas, in custus casus, podint essi iscéti domiciliaris e po custu tocat a s'indiritzai a sa ASL.

 

Cumenti presentai sa domanda.

Sa segundu cosa de fai est presentai sa domanda de votu in domu própria  a su Síndigu de su comunu innói est iscritu in is listas eletoralis.

A sa domanda andat acapiat una decraratzioni in paperi simpli, chi atestat sa voluntadi de espressai su votu in domu e chi portat s'indicatzioni de s'indiritzu cumpletu de sa domu; e puru unu certificau chi ddu donat su méigu incarrigau de s'Azienda ASL.

Sa domanda a su Síndigu tocat a dda presentai in unu períodu cumpréndiu intra sa de 40 e sa de 20 dìs ainnantis sa data de votatzioni (aintru de su 11 de Maju 2015).

 

Documentus disponíbbilis

mollus

locandina informativa

 

CUNCURSU “LOGO” CONSULTA

20 de Abrili de su 2015

Su Progetu "Giovani Protagonisti nella Comunità" (Gióvunus Protagonistas in sa Comunidadi), tenit abbisóngiu de unu disénniu" Logo" chi indentifichit in manera uficiali is atividadis suas in is comunus de Arbus, de Gonnos, de Gùspini, de Pabillois, de Sant'Éngiu, de Sardara e Biddacidru; unu cuntesru po totus is piciocus de su teritóriu, chi donat agiudu a is ideas , a is passionis e a is initziativas insoru, unu logu innói is piciocus funt is protagonistas berus.

Po custu iscopu su PLUS de su distretu sóciu-sanitàriu de Gùspini at organizau unu cuncursu chi punnat a fai unu "logo" (disénniu) chi depit identificai su Progetu e chi permitat a totus de ndi arriconnosci is initziativas in manera lestra.

Po àteras iscedas si ma mandat a su disciplinari de su cuncursu.

 

Documentus disponíbbilis

disciplinari

scheda de acunsentimentu

 

ARRAGOTA DIFERENTZIADA

20 de Abrili de su 2015

Cenàbara 24 de Abrili imparis a s'arragota diferentziada de s'úmidu si fait puru sa de s'imbirdi in is zonas ABC in antícipu rispetu a sa data prevista chi coincidit cun sa festa de su 25 de Abrili.

Documentus disponíbbilis

Volantinu informativu

 

APRICU MICROCHIP – ABRILI 2015

18 de Abrili de su 2015

Mércuis 29 de Abrili 2015, de is otu e mesu a is dexi e mesu de a mengianu in s'ex ambulatóriu comunali in bia Minzoni n°109, su Servítziu Veterinàriu de sa ASL n°6 distretu de Gùspini, ponit su microchip identificativu a is canis de propriedadi.

Su microchip permitit de identificai s'animali si si perdit e s'iscritzioni in s'anàgrafi canina.

S'apricu de su microchip e s'iscritzioni in s'anàgrafi canina funt óbbligu de lei.

Su servítziu est a indonu.

Is interessaus podint prenotai s'apricu de su microchip a su cani insoru, compilendi domanda apósita aintru de mesudì (12,00) de martis 28 de Abrili 2015, in su Comandu de Politzia Locali chi s'agatat in bia Torino (asuba de sa Posta) in is oràrius de obertura a su púbblicu

de su lunis finas a sa cenàbara de is dexi e mesu finas a sa una (10,30 – 13,00)

su martis e sa gióbia de is cuatru e mesu finas a is cincu e mesu (16,30 – 17,30).

RIMBUSSU ISPESAS DIDÀTICAS

16 de Abrili de su 2015

Funt bessidas is graduatórias provisórias po su rimbussu de is ispesas didàticas de is istudiantis de is iscolas elementaris, de mesania e superioris. Annu iscolàsticu 2013/2014
Sa graduatória est disponíbbili in s'Albo Pretóriu po 15 (cuindixi) dìs a cumentzai de su 16 de Apribi de su 2015.
A amparu de sa discretzioni (in basi a su D.Lgs de su 14 de Martzu de su 2013, n°33, art.26, comma 4), is nóminis e is datus de is istudiantis beneficiàrius non ddus pubblicant ma s'indicat iscéti su númunu identificadori chi ddoi at asuba de su mollu de domanda.
Is ricursus tocat a ddus presentai in manera formali a s'Ufíciu Protocollu aintru e non prus a tradu de su 4 de Maju de su 2015.

Po iscedas:
Ufíciu Istrutzioni Púbblica
bia Don Minzoni n°10
de lunis a cenàbara de 10,30 – 13,00 ( dexi e mesu de a mengianu a sa una)
martis e gióbia de is 16,30 – 17,30 ( de is cuatru e mesu a is cincu e mesu de a merì)

ISCRITZIONI A IS LISTAS ELETORALIS PO IS CITADINUS COMUNITÀRIUS RESIDENTIS IN GÚSPINI

16 de Abrili de su 2015

Is citadinus chi apartenint a àterus istadus de s'Unioni Europea residentis in su comunu innói funt iscritus in is listas eletoralis podint participai a s'eletzioni direta de su Sîndigu, de su Consillu Comunali, segundu cantu disponit su D. L.vo 12 de Abrili 1996 n°1997 in atuatzioni de sa diretiva comunitària 94/80/CE.

Cumenti fai. S'esercítziu de su diritu de votu est subordinau a s'iscritzioni in is Listas Eletoralis Aciuntas aposta, presentada chi siat sa domanda aintru de su 21 de Abrili. Custu términinon ammitit pròroga.

Rechisitus. Podint presentai domanda totus is citadinus mannus de edadi, est a nai de 18 annus, chi tenint diritus políticus (est a nai chi non tenint cundennas penalis chi cumportant sa pérdida de su diritu eletorali) residentis in su Comunu de Gùspini e chi apartenint a is Istadus chi sighint:

AUSTRIA – BÉLGIU – BULGARIA – CIPRU – DANIMARCA- ESTONIA – FINLANDIA – FRÀNCIA – GERMANIA – GRÉCIA – IRLANDA – LETONIA – LITUÀNIA – LUSSEMBURGU – MALTA – PAESI BASSI – POLONIA – PORTOGALLU – REGNU UNIDU – REPÚBBLICA CECA – ROMANIA – SLOVÀCHIA – SLOVÉNIA – SPAGNA – SVÉTZIA – UNGHERIA

Domanda. A parti Nómini e Sangunau, Logu e Data de nàscita, depint essi decraraus in manera espressa, in sa forma prevista po sa presentada de is domandas e decraratzionis a s'Amministratzioni Púbblica ex art. 38 de su Dpr. 445/2000:

-        sa citadinàntzia

-        sa residéntzia de su momentu in su comunu, e puru s'indiritzu in s'istadu de orígini

-        sa domanda de iscritzioni in s'anagrafi de sa populatzioni residenti de su comunu, si no est giai iscritu

-        sa domanda de iscritzioni in is Listas Eletoralis Aciuntas

-        su possessu de is diritus políticus

Tocat a allegai fotocópia de unu documentu de identidadi in cursu de balididadi.

Iscarriga su mollu de domanda de iscritzioni de citadinus de s'Unioni Europea in is listas eletoralis.

 

Iscritzioni. S'Ufíciu eletorali providit a s'istrutória necessària po averiguai chi non ddoi at càusas chi non permitint s'esercítziu de su diritu de votu, achirendi is certificaus necessàrius in su Casellàriu Giuditziàriu e sa Cuestura. S'iscritzioni o s'iscritzioni mancada in is Listas Aciuntas benit comunicada a is interessaus. Est ammítiu ricursu contras a s'iscritzioni mancada.

Su votu. Is eletoris iscritus in is Listas Aciuntas votant in su ségiu de sa circoscritzioni eletorali de apartenéntzia innói risiedint. Su númunu e su logu innói s'agatat su ségiu est iscritu in sa tèssera eletorali personali a caràtiri permanenti che donat diritu a su possessori de votai iscéti po is eletzionis comunalis e in manera eventuali europeas. Sa téssera eletorali dda depit arretirai s'interessau o s'incarrigau de s'ufíciu eletorali. Po votai, a parti sa téssera eletorali tocat a ammostai unu documentu de arriconnoscimentu.

PRESENTADA DE CANDIDADURAS

S'iscritzioni in is Listas Eletoralis Aciuntas permitit a su citadinu comunitàriu s'elegibbilidadi a consilleri comunali e sa nómina eventuali a cumponenti de sa Giunta Comunali, cun s'esclusioni de is càrrigas de Vice-síndigu e Síndigu. Is citadinus de s'Unioni Europea chi bolint presentai sa candidadura insoru a consilleri comunali, a parti sa documentatzioni domandada a is citadinus italianus, depint ammostai:

Innói domandai e candu.

Servítziu Eletorali – in sa sea de is Servítzius Demogràficus, bia Don Minzoni n°10 Gùspini.

Tel.070 976 02 47  -  Fax 070/ 971 682

Totus is dìs e oràrius de obertura a su púbblicu.

Documentus disponíbbilis:

Locandina informativa

Mollu de domanda de iscritzioni in is Listas Eletoralis Aciuntas de citadinus chi faint parti de s'Unioni Europea ( D- L.vo 12 de Abrili 1996 n°1997).

 

SEMINÀRIU DESTINATZIONI GERMÀNIA

14 de Abrili de su 2015

Gióbia 16 de Abrili de su 2015, a is cincu de a merì (17,00), in s'àula de su Consillu de su Comunu, ddoi est su seminàriu gratúitu chi organizat sa ACLI Casteddu "Destinazione Germania – Introduzione alla deutsche vita" (Destinatzioni Germania-Introdusidura a sa vida tedesca), útili po chini bolit bivi, istudiai, trabballai o passai una simada de vacantza in Grmània.

 

Po àteras iscedas e iscritzionis: acliprovinciacagliari@gmail.com

 

ARRELATA DE ACABBU MANDAU

13 de Abrili de su 2015

Est istétia pubblicada s'Arrelata de acabbu mandau de su Comunu de Gùspini relativa a sa simada 2010/2015 cumenti disponit su D. Lgs. 149/2011 chi in su matessi momentu arremonat:

"S'arrelata de acabbu mandau, chi redatzionat su Responsàbbili de su Servítziu Finantziariu o su Segretàriu Generali, dda sutaiscrit su Presidenti de sa Província o su Síndigu non  prus de sessanta dìs innantis de sa data de iscadéntzia de su mandau. Aintru e non prus a tradu de 15 dìs apustis de sa sutascritzioni de s'arrelata, s' Organu de revisioni de s'Enti locali dda depit sutaiscriri e, in is tres dìs aspustis depit trasmiti s'arrelata e sa certificatzioni  a sa Setzioni Regionali de cuntrollu de sa Corte dei Conti. Su Presidenti de sa Província o su Síndigu depit pubblicai  s'arrelata de acabbu mandau e sa certificatzioni in su giassu istitutzionali de sa Província o de su Comunu aintru seti dìs de sa data de certificatzioni chi fait s'Organu de revisioni de s'Enti locali, cun s'indicatzioni de sa data de trasmissioni a sa Setzioni Regionali de cuntrollu de sa Corte dei Conti".

S'arrelata dd'at sutaiscrita su Síndigu Alberto Lisci in data 27 de Martzu 2015, su Revisori de is Contus Dr. Stefano Boi dd'at certificada in data 7 de Abrili 2015 e trasmítia a sa a setzioni regionali de cuntrollu de sa Corte dei Conti cun Prot. N° 6817 in data 8 de Abrili 2015.

Documentus disponíbbilis

Càstia su documentu (arrelata de acabbu mandau e Certificatzioni).

 

ISCIOBERU ISTRUTORI TÉNNICU DE MARKETING. PUBBLICATZIONI ELENCU CANDIDAUS AMMÍTIUS E TZERRIADA   A SU COLLÓCHIU DE ISCIOBERU

10 de Abrili de su 2015

In arrelata a cantu istabbilit s'avisu de Iscioberu Púbblicu a tempus prenu e a tempus determinau po sa durada de 12 mesis de un'Istrutori Ténnicu de Marketing Turísticu, Comunicatzioni e Isvilupu Locali Cat. C. - P.E. C1 e apustis de sa Determinatzioni de su Responsàbbili de su Personali n° 45/P de su 10 de Abrili 2015, si púbblicat s'elencu allegau de is candidaus ammítius e no ammítius a su collóchiu.

Su collóchiu de iscioberu est martis 12 de Maju 2015, a is dexi de a mengianu (10,00), in s'aula de su Consillu de su Comunu, in su 1° pianu, in bia Don Minzoni n°10 – Gùspini.

Totus is candidaus si depint presentai a is provas cun unu documentu de arriconnoscimentu bàlidu.

Non si   mandat nisciun'àtera comunicatzioni de tzerriada a caràtiri individuali a is candidaus ammítius a su collóchiu.  Duncas at essi cura de dónnia candidau castiai s'ammissioni a sa procedura e sa data, ora e logu de su collóchiu.

In dónnia manera, si torrat a cunfirmai chi totus is comunicatzionis a is candidaus, si no est ispecificau in manera diferenti, funt fatas po médiu de pubblicatzioni in s'Albu Pretóriu "on line" e in su giassu internet de su Comunu de Gùspini a s'indiritzu www.comune.guspini.vs.it, setzioni "Amministrazione Trasparente" sutasetzioni "Bandi di Concorso".

Custas pubblicatzionis tenint balori de notífica a totus is efetus. Is candidaus duncas, po totu sa durada de de  sa procedura, depint castiai su giassu de riferimentu.

Custu avisu est pubblicau in s'Albu Pretóriu "on line" e in su giassu internet de su Comunu de Gùspini  a s'indiritzu www.comune.guspini.vs.it, setzioni "Amministrazione Trasparente" sutasetzioni "Bandi di Concorso".

Po àteras iscedas:

Servítziu de su Personali

tel. 070 976 02 08 – 976 02 39.

Documentus disponíbbilis

Pubblicatzioni elencu candidaus ammîtius a s'iscioberu e esclúdius

Tzerriada collóchius de iscioberu

 

AVISU DE SUSPENSIONI CUNCURSU PÚBBLICU ISTRUTORI AMMINISTRATIVU PO SU PERSONALI ISCRITU IN S'ELENCU DE S'ART. 1 DE SA  L.68/99

10 de Abrili de su 2015

Suspéndia sa procedura de cuncursu po títulus e esàminis po sa cobertura de unu postu a tempus prenu e a tempus indeterminau de Istrutori Amministrativu Cat. C.- P.E. C1 (ex c.f.), riservau de unu totu a su personali iscritu in s'elencu de is categorias amparadas ex art. 1 de sa L. 68/99, de destinai a is Servítzius Demogràficus (G.U. 4° série ispeciali "Concorsi ed Esami" númunu 5 de su 20 de Gennàrgiu 2015). Sa suspensioni est istétia istabbilida apustis de sa noba legislativa in matéria de assuntzionis ex art.1, comma 424, de sa Lei 23 de Meseidas 2014, n°190 (lei de istabbilidadi 2015) e apustis de sa pubblicatzioni de sa Circulari n° 1/2015 de su Ministru po sa Simpilficatzioni e s'Amministratzioni Púbblica e de su Ministru po is Afàrius Regionalis e is Autonomias, cun Determinatzioni de su Responsàbbili de su Personali n°43/P de su 9 de Abrili 2015. Custa procedura abarrat suspendia in is moras de sa cumpridura de is proceduras po torrai a collocai su personali in subrannúmunu chi benit de s'area ampra ( Província e Citadis Metropolitanas), a incumentzai de sa pubblicatzioni de su provedimentu de suspensioni in s'albu pretóriu "on-line" de s'Enti.

Cópia de su provedimentu s'agatat puru in s'area "Amministrazione Trasparente" – sutasetzioni"Bandi di Concorso".

Sa pubblicatzioni de custu avisu tenit a totus is efetus balori de notífica a is interessaus.

Po àteras iscedas :

Servítziu Personali de su Comunu de Gùspini

tel. 070 976 02 08 – 976 02 39

e-mail: settore.personale@comune.guspini.vs.it

Documentus disponíbbilis

Determinatzioni n°43/P de su 9 de Abrili 2015

 

AVISU DE SUSPENSIONI CUNCURSU PÚBBLICU ISTRUTORI DIRETIVU ASISTENTI SOCIALI

9 de Abrili de su 2015

Suspéndia sa procedura de cuncursu po títulus e esàminis po sa cobertura de unu postu a tempus prenu e indeterminau de Istrutori Diretivu Assistenti Sociali Cat. D – P.E. D1 (ex 7° c.f.), riservau prima de totu a is voluntàrius de is fortzas armadas, cungedaus chentza deméritu ex D.Lgs.66/2010, de intregai a su Setori Sóciu Assistentziali (G.U. 4° série ispeciali "Concorsi ed esami" númunu 97 de su 12/12/2014).

Sa suspensioni est istétia decídia apustis de sa noba legislativa in matéria de assuntzionis ex art.1, comma 424, de sa Lei 23 de Meseidas 2014, n°190 (lei de istabbilidadi 2015) e apustis de sa pubblicatzioni de sa Circulari n° 1/2015 de su Ministru po sa Simpilficatzioni e s'Amministratzioni Púbblica e de su Ministru po is Afàrius Regionalis e is Autonomias, cun Determinatzioni de su Responsàbbili de su Personali n°42/P de su 9 de Abrili 2015. Custa procedura abarrat suspendia in is moras de sa cumpridura de is proceduras po torrai a collocai su personali in subrannúmunu chi benit de s'area ampra ( Província e Citadis Metropolitanas), a incumentzai de sa pubblicatzioni de su provedimentu de suspensioni in s'albu pretóriu "on-line" de s'Enti.

Cópia de su provedimentu s'agatat puru in s'area "Amministrazione Trasparente" – sutasetzioni"Bandi di Concorso".

Sa pubblicatzioni de custu avisu tenit a totus is efetus balori de notífica a is interessaus.

Documentus disponíbbilis

Determinatzioni n°42/P de su 9 de Abrili 2015

 

 

ARRIBBAT SA FATURATZIONI ELETRÓNICA

3 de Abrili de su 2015

De su 31 de Martzu est bintrau in vigéntzia s'óbbligu de umperai sa faturatzioni eletrónica in is raportus económicus cun sa Amministratzioni Púbblica chi, de tali data, duncas non podit prus arriciri ne pagai faturas chi non funt trasmítias in forma eletrónica segundu su formau chi previdit su Decretu Ministeriali.

Una de is nobas po is fornidoris de s'Amministratzioni Púbblica est, intra de is àteras cosas, s'inserta de unu códixi chi identífica in manera unívoca s'ufíciu destinatàriu de sa fatura. Gràtzias a custu códixi, su sistema de interscàmbiu chi gestiscit s'Agentzia de is Intradas, recàpitat sa fatura diretamenti a s'ufíciu interessau.

Sa faturatzioni eletrónica est insertada in s'Agenda Digitali Italiana cumenti a aina de cuntrollu e ratzionalizatzioni de s'ispesa púbblica de unu latu, e de impéllida forti a s'innovatzioni de is impresas de s'àteru,  mancai, cumenti a totus is nobas, in su momentu, is dificultadis de ambaduus is latus parrint sodigai is benefícius.

Po agiudai is fornidoris e is prestadoris de servítzius de s'Amministratzioni Púbblica a cumpilai in manera giusta sa fatura eletrónica, est disponíbbili una pàgina innói ddoi funt totus is iscedas generalis e, pruscatotu, is códixis unívocus de is ufícius de su Comunu de Gùspini.

 

Notas legalis

Decretu Ministeriali n° 55 de su 3 de Abrili 2013

Lei 244/2007, art. 1, comma de su 209 finas a su 214.

 

GIÓVUNUS PROTAGONISTAS DE SA COMUNIDADI

2 de Abrili de su 2015

S'Amministratzioni Comunali at incumentzau, po médiu de su PLUS 2013/2015 de su Distretu Sóciu-sanitàriu de Gùspini, unu progetu chi si narat "Giovani Protagonisti della Comunità".

Su progetu s'indiritzat a is residentis de is 16 finas a is 30 annus po sa costitutzioni de una Consulta de Gióvunus chi ddis permitit de bessiri protagonistas de sa comunidadi.

Po presentai su progetu e arraspundi a domandas eventualis de acraramentu est istétiu fissau un'atóbiu púbblicu chi si fait cenàbara 17 de Abrili 2015, a is seti de a merì (19,00), in su Teatru Murgia, in s'interis est possíbbili intregai su cuestionàriu allegau, útili a cumprendiri sa bidea chi is gióvunus guspinesus tenint de sa Consulta.

Documentus disponíbbilis

Cuestionàriu

Manifestu

 

AGIORNAMENTU ALBU GIUGIS POPULARIS

2 de Abrili de su 2014

Totus is citadinus, residentis in Gùspini, chi no funt ancoras iscritus me in albus definitivus de is giugis popularis e chi tenint totus is recuísitus, funt cumbidaus a presentai sa domanda po s'iscritzioni me in is elencus aciuntivus de is giugis popularis de “Corte de Assise” e de “ Corte de Assise d'Appello”.

Is domandas, indiritzadas a su Síndigu, si podint cumpilai me in is móduluss apósitus e depint lompi a s'Ufíciu Protocollu, impari a una cópia de su títulu de istúdiu, aintru e no prus a tradu de su 31 de Argiolas de su 2015.

Normativa

Estratu de sa Lei 10 Abrili de su 1951, n° 287: Art.9 Recuísitus de is giugis popularis de is “Corte d'Assise” 

Is giugis popularis po is “Corte di Assise” depint tenni is recuísitus avatantis:

a) citadinàntzia italiana e gosai de is deretus civilis e políticus;

b) cundota morali bona;

c) no depit tenni prus pagu de 30 annus e no ndi depit tenni de prus de 65;

d) títulu de istúdiu de iscola média de primu gradu, de calisisiat tipu;

Art.10 Recuísitus de is giugis popularis de is “Corte d'Assise di Appello”

Is giugis popularis de is “ Corti di Assise” e “Corti di Assise d'Appello”, a parti is recuísitus istabbilius de s'artículu de prima, depint tenni su títulu de istúdiu de iscóla média de segundu gradu, de calisisiat tipu.

Art. 12 Istrobbusa s'Ufíciu de Giugi Populari

No podint essi giugis popularis:

a) is magistraus e, in generali is funtzionàrius de servítziu, chi faint parti o funt incarrigaus de s'órdini giuditziàriu;

b) is chi faint parti e funt in servítziu me in is Fortzas Armadas de s'Istadu o in calisisiat órganu de Politzia, mancai no dipendat de s'Istadu;

c) is ministrus de calisisiat cultu e is religiosus de dónnia órdini e cungregatzioni ( grémiu).

MÓDULU A DISPOSITZIONI

Domanda

 

CUNCURSU LITERÀRIU

2 de Abrili de su 2015

S'assótziu culturali "Cultura e Solidarietà ... ricordando Tiziana", imparis a s'assótziu "Anteas Medio Campidano" e s'amparu de su Comunu de Gùspini, at ghetau su bandu po su de ses cuncursu literàriu "Poesie e racconti di solidarietà". Su cuncursu previdit tres setzionis: Poesia in língua italiana, poesia in lingua sarda e contu crutzu. S'assótziu si àugurat sa participatzioni de is iscolas de dónnia órdini e gradu " Po chi siat puru unu momentu de riflessioni cun is insenniantis, asuba de sa solidariedadi cumenti a valori sociali de ispainai po sa formatzioni de is generatzionis nobas":

Is òperas depint lompi aintru de Sàbudu 16 de Maju de su 2015.

Po àteras iscedas si torrat a mandai a su bandu de cuncursu.

Documentus disponíbbilis

Regulamentu

Locandina

 

CUNCURSU FOTOGRÀFICU

2 de Abrili de su 2015

S'Assótziu Pro Loco , su Comunu de Gùspini imparis a s'Assótziu Natzionali Le Città del Miele", in su cuntestu de is atividadis suas e in coincidéntzia de sa de 22 editzionis de sa Festa de su Mebi, organizat su cuncursu fotogràficu (su de tres) intitulau "L'ape, il Miele e l'Ambiente".
Cust'annu puru si pregontat a is chi pigant parti de bogai a pillu s'importu chi tenit po s'ambienti e po s'ómini un'animabeddu aici piticu e tanti importanti po s'ecosistema nostru.
Su materiali depit lompi a s'indiritzu de posta a incumentzai de su 15° de su mesi de  Lampadas de su 2015 e non prus a tradu de su 4 de Argiolas de su 2015. S'arragodat de ponni in sa busta, innói ddoi at su cd/dvd, s'iscrita "3° CONCORSO – MOSTRA FOTOGRAFICA, L’APE IL MIELE E L’AMBIENTE".
Ddoi at tres prémius in materiali fotogràficu paris a € 300, € 200, € 100.
Po àteras iscedas tocat a castiai su regulamentu integrali
.
 

BANDU PO SA  MANUTENTZIONI DE ISCOLAS

31 de Martzu de su 2015

Pubblicau su bandu po s'intregadura, po mesu de procedura oberta cun critériu de su prétziu prus bàsciu, de is trabballus de manutentzioni istraordinària chi punnant a otenni su certificau de preventzioni  de su fogu in is edifícius iscolàsticus (1° lotu funtzionali).

S'importu cumplessivu de s'Apaltu est paris a 170.299,70.

S'iscadéntzia po sa presentada de is ofertas est fissada a sa una (13,00) de su 27 de Abrili 2015.

Po àteras iscedas si mandat a sa documentatzioni integrali de gara.

Documentus disponíbbilis

Bandu de gara

Disciplinari

 

Allegaus

 

CUNTRIBBUTUS A IS ASSÓTZIUS ISPORTIVUS

31 de Martzu de su 2015

Pubblicada sa graduatória difinitiva po s'intregadura de cuntribbutus in favori de is Assótzius Isportivus po s'atividadi agonística fata in s'annu 2014.

Po àteras iscedas:

Ufíciu Isvilupu e Cultura, bia Don Minzoni, n°10 Gùspini

tel. 070 976 02 33 – 976 02 48 -  976 02 51

de su lunis finas a sa cenàbara

10,30 – 13,00 (de is dexi e mesu de a mengianu finas a sa una)

su martis e sa gióbia

16,30 – 17,30 ( de is cuatru e mesu finas a is cincu e mesu de a merì)

 

Responsàbbili de su Setori

Dot.ra Gigliola Fanari

 

Responsàbbili de su Procedimentu

Dot.ra Sara Ruggeri

Documentus disponíbbilis

Graduatória difinitiva

 

 

 

 

 


“MONUMENTI  APERTI”  2015

29 de Abrili de su 2015

 

Cincuantunu comunus in Sardigna e duus in Piemonte, giai setixentus monumentus obertus de badas in seti cidas e ammostaus de úndiximilla voluntàrius chi, dónnia annu e de badas de unu totu, dedicant su tempus insoru a s'acontéssiu. Custus is númunus principalis de sa de 19 editzionis de "Monumenti Aperti", chi su 2 e 3 de Maju bit Gùspini puru intra de is comunus chi oberrint is benis insoru a sa crosidadi de is bisitadoris.Gùspini est una bidda chi at tentu unu ruolu de importu in su territóriu innói s'atividadi minerària de is séculus passaus at incídiu in manera profunda in sa cultura, in sa vida sociali e in s'economia de una bidda chi finas a intzaras si dedicàt a sa messarítzia e a sa pastoria. Unu passau biatzu fatu de traditzionis  de s'antigóriu, de impignu políticu in is annu de is lotas operàias, de tecnologia a s'avanguàrdia, s'isvelat oi po médiu de is logus de sa cultura, chi in parti si podint bisitai in s'interis de "Monumenti Aperti", po contai  passau e presenti de sa bidda e de is abbitantis suus.

Su Palatzu Municipali, s'archíviu istóricu, is crésias de San Nicolò e de Santa Maria, su molinu Garau ( baluardu de sa Gùspini económica de su séculu passau) sa Domu Murgia  e su "Monte Tempo" (istrangiau in su chi una borta fiat su Monti Granàticu) funt is monumentus protagonistas de custa editzioni imparis a un'ammosta de grandu importu asuba de Sa Primu Guerra Mondiali e àterus acontéssius chi dd'afiancant  cumenti a sa música  itineranti de sa Banda Musicali Città di Gùspini previstu po su 2 de Maju a is ses de a merì (18,00). Un'oportunidadi po su turista, po su bisitadori de passàgiu e po is citadinus guspinesus e totu, po castiai cun ogus nous a su patrimóniu momumentali de sa bidda; edifícius chi, dónnia dì, ocupant logus chi funt lígius e interpretaus po sa funtzioni ispecífica insoru (amministrativa, de museu, de cultu) chi podint riservai iscobertas nobas e de interessamentu: artziendi pagu pagu is ogus est possíbbili iscoberri dipintus in is bóvidas de is ufícius comunalis, decoraduras architetónicas particularis o s'òrganu  istravanau de sa Crésia Parrochiali.

De grandu interessamentu est puru s'ammosta, apariciada in su Centru Policulturali Ex Omni, asuba su ruolu de Gùspini in sa Grandu Guerra, una guerra chi a is primus de su Noixentus iat domandau un'agiudu mannu meda a totus is comunus italianus. Gùspini dd'arragodat po médiu de un'iscioberu de documentus de s'Archíviu Istóricu Comunali espostus in un'ammosta chi s'inaugurat in ocasioni de sa tapa guspinesa de Monumenti Aperti prevista po su 2 e 3 de Maju 2015 e chi abarrat oberta puru in is tres mesis apustis, de is úndixi finas a sa una.

S'ammosta  ponit in luxi su contribbutu de Gùspini e de is citadinus suus a s'acontéssiu de guerra; is documentus archivísticus ddus at iscioberau cun grandu atentzioni unu grupu de trabballu chi ponit imparis cumponentis diferentis: sa setzioni locali – costituida aposta po sa realizatzioni de Monumentu Aperti

-        de su Labboratóriu de Didàtica e Comunicatzioni de is Benis Culturalis de s'Universidadi de Casteddu "Vestigia";

-        is discentis de sa cuinta classi de s'Istitutu Superiori "A. Volta" de Gùspini ghiadas de sa Prof.ra Alessia Perra.

-        Su personali de s'Ufíciu comunali Isvilupu e Cultura.

 S'ammosta est pentzada po una letura po pianus diferentis: is atus, is símbolus, is artefatus acapiaus apari  de una visioni antropocéntrica de s'acontéssiu. Su nùcleu prus importanti de su contu est su de óminis e fémminias, mulleris e mammas, fillus in su fronti, òrfanus de guerra e fiudas, chi ant bíviu asuba de sa peddi insoru s'istesiadura, s'abbandonu, sa suferéntzia, su coràgiu.

Su 2 e su 3 de Maju si presentant arricus meda de intzídius po una bísita a sa bidda, connóscia pruscatotu po unu passau acapiau a is minieras, chi non mancat de ispuntus interessantis po chi ndi bolit connosci sa cultura, s'istória e gosai de un'ambienti únicu.

Non mancat unu tocu de modernidadi "social": is invasionis digitalis programmadas po su 3 de Maju, caraterizadas de is ashtag#invasionidigitali, #guspiniinvasion#maperti, #maperti15, e ispartzinai in sa retza internet is immaginis de s'acontéssiu in su grandu ispàtziu, chi non si podit tocai ma beni presenti. Su puntu de vista est su de ispartznai sa cultura digitali e su de impeai  is "open data", de su "Web" e de is "social media" po sa creatzioni de valori culturali a parti sa promotzioni e ispartzidura de sa cultura.

Is trabballus funt ancora in cursu e, cabada sa cortina, ant ai fichiu giai duxentus personas intra de is voluntàrius de is iscolas, is de su labboratóriu Vestigia, is assótzius de voluntariau e is impiegaus comunalis; Gùspini ddoi est, po is resurtaus finalis tocat perou abetai s'arraspusta de su púbblicu

 


CONSILLU COMUNALI

28 de Abrili de su 2015

Est istétia cunvocada po Mércuis 29 de Abrili 2015, a is cuatru e mesu de a merì (16,30), in sa Sala de su Consillu, una sétzida istraordinària e urgenti de su Consillu Comunali po chistionai de s'órdini de sa dì chi sighit:

-        Aprovu verbali de sétzida de su Consillu Comunali n°3 de su 31 de Martzu 2015;

-        Interrogatzionis e interpellàntzias;

-        Adeguamentu de su Pianu Urbanísticu Comunali a su Pianu po s'assétiu Idrogelógicu – Aprovu Istúdiu de cumpatibbilidadi idràulica geológica-geoténnica, ex art. 8 de is NTA de su PAI;

-        Pianu Comunali de Protetzioni Civili. Aprovu;

-        Regulamentu po is Istitutus de partecipatzioni e de initziativa populari – Aprovu;

-        Istitutzioni de sa Consulta de fratzioni o de Bixinau e aprovu de su Regulamentu chi ndi disciplinat sa cumpositzioni, is funtzionis e is maneras de funtzionamentu.

 

AGIUDUS TARI – PRÒROGA

28 de Abrili de su 2015

Cun determina n°9/E de su 3 de Martzu 2015 est istétiu prorogau su términi po sa presentada de is domandas de agiudu Tari annu 2014.
S'iscadéntzia noba est fissada a su 30 de Abrili 2015.
Is agiudus consistint in unu rimbussu a is intestatàrius de is uténtzias chi faint parti de custus tipus:
l nucleus familiaris de 3 pessonas cun ISEE non prus artu de € 6.000,00, rimbussu de € 20,00 apitzus de s'importu totali de pagai
l nucleus familiaris de 4 pessonas cun ISEE non prus artu de € 6.000,00, rimbussu de € 30,00 apitzus de s'importu totali de pagai
l nucleus familiaris de 5 pessonas cun ISEE non prus artu de € 6.000,00, rimbussu de € 45,00 apitzus de s'importu totali de pagai
l nucleus familiaris de 6 o prus pessonas cun ISEE non prus artu de € 6.000,00, rimbussu de € 75,00 apitzus de s'importu totali de pagai.
Si ddoi at economias s'ufíciu providit a pretziri su dinai crescendi is rimbussus; si invécias is risorsas non bastant si donat sa precedéntzia a is nucleus familiaris cun ISEE prus bàsciu.
Is domandas po gosai de is agiudus si depint presentai a s'ufíciu Protocollu de su Comunu opuru si depint mandai po arracumandada o P.E.C., a pena de decadéntzia, aintru de sa una (13,00) de su 30 de Abrili 2015. Is domandas depint essi cumpiladas in is mollus disponíbbilis puru in s'ufíciu intradas de su Comunu ( po is comunicatzionis mandadas po arracumandada fait fedi su timbru postali). A sa domanda si depit allegai in manera obbligatória su certificau ISEE calculau in basi a su DPCM 5 de Meseidas 2013 n°159 e sa cópia de unu documentu de identidadi in cursu de balididadi.
Si non si presentat su certificau ISEE calculau in basi a su DPCM 5 de Meseidas 2013 n°159 e/o su pagamentu de s'importu totali aintru de su 2 de Martzu de su 2015 ( primu dì de trabballu imbenienti a s'iscadéntzia de su 28 de Friaxu 2015) cumportat s'esclusioni automàtica de sa domanda.

Documentatzioni disponíbbili
mollu de domanda
bandu agiudus

Notas Legalis
Delibberatzioni de su Consillu Comunali n°59 de su 28 de Donniasantu 2014

Determinatzioni n°25/Intradas de su 24 de Meseidas 2014 (chi retíficat sa determinatzioni n°23/Intradas de su 18 de Meseidas 2014)

DPCM 5 de Meseidas 2013 n°159


 GARA  CRASTINADA

28 de Abrili de su 2015

Sa gara d'apaltu, relativa a is trabballus po is interventus de manutentzioni istraordinària chi punnat a otenni su C.P.I. De is edifícius iscolàssticus prevista po su 28 de Abrili 2015, est istétia crastinada a lunis 4 de Maju 2015 a is noioras e mesu de a mengianu (9,30).

 

 

CONTRIBBUTUS PO IS ELETORIS SARDUS RESIDENTIS A S'ÈSTERU

23 de Abrili de su 2015

 

In ocasioni de s'eletzioni direta de su Síndigu e de su rennovu de is Consillus Comunalis de su 31 de Maju 2015 e po su turnu eventuali de ballotàgiu, in basi a  sa normativa regionali, tenint deretu a is agiudus is eletoris sardus iscritus in s'Anagrafi Italiana de is Residentis in s'Ésteru, o chi tenint in cursu sa procedura de iscritzioni in su A.I.R.E. (Anagrafi Italiana Residentis in s'Ésteru), ddu depit atestai s'Ufíciu Consolari de s'Istadu èsteru de proveniéntzia.

Tenint deretu a su contribbutu

-        Eletoris sardus residentis in s'èsteru.

Rechisitus

Is eletoris depint:

Non tenint deretu a su contribbutu

Non tenint deretu a su contribbutu, invécias, is eletoris chi s'agatant in s'èsteru po motivus de istúdiu o po trabballu a tempus determinau chi non podint, po lei, cambiai sa residéntzia a s'èsteru.

Términi de presentada

Is eletoris interessaus depint domandai su contribbutu prima de torrai in s'istadu èsteru.

Documentus

Is documentus chi s'eletori depit presentai in su Comunu innói at votau:

 

Manera de fai sa domanda

S'interessau si depit presentai in su Comunu innói at votau e intregai a su funtzionàriu incarrigau is documentus indicaus a innantis.

Su contribbutu est in basi a is ispesas de viàgiu fatas diaderus finas a unu màssimu de 250 eurus po is eletoris chi benint de istadus europeus e 1000 eurus po is chi benint de istadus extraeuropeus.

Si ddoi at ballotàgiu, s'eletori torrau in s'istadu èsteru chi  torrat a fai unu viàgiu nou tenit deretu a un'àteru contribbutu, si dimostrat, cun is billetus relativus a su  viàgiu interu, s'ispostamentu fatu.

 

Notas

Funt inclúdias in su contribbutu is ispesas po su viàgiu in aereu, navi, trenu e postalis extraurbanus, mentras non funt esclúdias is ispesas po su "taxi", màchina a nolégiu ( cun condu centi o chentza) e chilometràgiu.

 

CUNVEGNU DE ARCHEOLOGIA

23 de Abrili de su 2015

 

Su "Gruppo Archeologico Neapolis" fait isciri chi est istétiu programmau po cras 24 de Abrili su cunvegnu de Archeologia "Il Mediterraneo prima e dopo le torri: i sistemi difensivi della monarchia ispanica" ( Su Mediterraneu ainnantis e apustis de is turris: is sistemas de defensa in sa monarchia ispànica) ddu fai Maria Grazia Rosaria Mele- CNR-ISEM.

 

24 de Abrili 2015 – 17,30 (cincu de a mer') in sa Sala de su Consillu de su Comunu de Gùspini

Maria Grazia Rosaria Mele  CNR -ISEM

"Il Mediterraneo prima e dopo le torri: i sistemi difensivi nella monarchia ispanica"  (Su Mediterraneu ainnantis e apustis de is turris: is sistemas de defensa in sa monarchia ispànica).

 

 

CUNCURSU DE IDEAS

22 de Abrili de su 2015

 

Is Comunus de Arbus, Gùspini, Biddacidru e Sant'Éngiu ant istabbiliu unu cuncursu de ideas po  sa realizatzioni de Progetus chi ant ideau e elabborau is gióvunus de is cuatru Comunus. S'iscopu de s'initziativa est su de promovi progetus po agiudai sa creatividadi e su protagonismu de is gióvunus e favoressi sa participatzioni ativa a sa vida sociali, económica, culturali e de agregatzioni de sa comunidadi. Funt ammítius a participai is grupus ispontàneus de gióvunus intra de is 14  e is 30 annus e non funt ammítius organismus cun personalidadi giurídica. Su cuncursu ddu finantziant de unu totu is Comunus de Arbus, Gùspini, Sant'Éngiu e Biddacidru e gestiu impari cun is cooperativas "La Clessidra", "Koinos" e "Sinergie".

Is progetus presentaus depint riguardai is argumentus chi sighint:

A. atividadis e atzionis de promotzioni sociali, de su voluntariau e de sa solidariedadi.

-        preventzioni de is istraviadura giovanili, inclúdiu puru su fenomenu chi nrant  cyberbullismu;

-        interventus de preventzioni po s'impreu de drogas cussas puru difinidas de recreu.

-        Atividadis chi favoressint s'isvilupu de su santidu cívicu de totus is citadinus; interventus po agiudai s'educatzioni a una sessualidadi responsàbbili.

B. cultura e arti:

-        cualificatzioni torra e decoru de areas birdis degradadas e/o zonas periféricas abandonadas;

-        riciclu

DI.  atividadis de recreu e de tempus líbberu:

-        iscàmbius intrageneratzionalis;

-        viàgius educativus e formativus;

-        - acontéssius de giogu e de recreu.

 

Funt finantziaus Progetus finas a su sodigamentu de sa somma a dispositzioni in dónnia Comunu e su ispecíficu:

Comunu de Arbus 1.000,00;

Comunu de Gùspini 3.000,00;

Comunu de Sant'Éngiu € 2.000,00

Comunu de Biddacidru € 3.000,00.

 

Po àteras iscedas si mandat a su bandu integrali

 

Documentus disponíbbilis

Bandu

Allegau 1

Allegau 2

Allegau 3

Allegau 4

 

ELETZIONIS COMUNALIS 2015

21 de Abrili de su 2015

 

Po permítiri s'esercítziu de votu si faint a connosci is dispositzionis po su votu in domu de is disàbbilis gravis meda.

Podint, in dì de oi, votai in domu insoru:

-        is eletoris chi tenint maladias gravis meda, chi non ddis permitint de si istesiai de sa domu innói bivint nimmancu cun s'agiudu de is servítzius ex art. 29 de sa lei 5 de Friaxu 1992, n°104, est a nai chi non si podint trasportai. Si sutalineat chi su votu in domu non si podit domandai isceti poita nno ddoi est nisciunu servítziu de acumpangiamentu a su ségiu;

-        is eletoris chi tenint maladias gravis meda, chi si agatant in cunditzionis de dipendéntzia fitiana e vitali de aparéchius eletromedicalis, chi non ndi permitint s'istesiadurara de sa domu innói bivint. In custu casu sa sutalineadura est in sa dipendéntzia fitiana e duncas asuba de su riscu po sa saludi personali de su Citadinu.

 

Sa procedura.

Sa primu cosa chi s'eletori depit fai est sa domanda de is documentus sanitàrius chi atestant sa maladia gravi (dipendéntzia de eletromedicalis o su fatu de non si podi trasportai).

 

Certificaus sanitàrius:

Cumenti si podit immaginai is bísitas, in custus casus, podint essi iscéti domiciliaris e po custu tocat a s'indiritzai a sa ASL.

 

Cumenti presentai sa domanda.

Sa segundu cosa de fai est presentai sa domanda de votu in domu própria  a su Síndigu de su comunu innói est iscritu in is listas eletoralis.

A sa domanda andat acapiat una decraratzioni in paperi simpli, chi atestat sa voluntadi de espressai su votu in domu e chi portat s'indicatzioni de s'indiritzu cumpletu de sa domu; e puru unu certificau chi ddu donat su méigu incarrigau de s'Azienda ASL.

Sa domanda a su Síndigu tocat a dda presentai in unu períodu cumpréndiu intra sa de 40 e sa de 20 dìs ainnantis sa data de votatzioni (aintru de su 11 de Maju 2015).

 

Documentus disponíbbilis

mollus

locandina informativa

 

CUNCURSU “LOGO” CONSULTA

20 de Abrili de su 2015

 

Su Progetu "Giovani Protagonisti nella Comunità" (Gióvunus Protagonistas in sa Comunidadi), tenit abbisóngiu de unu disénniu" Logo" chi indentifichit in manera uficiali is atividadis suas in is comunus de Arbus, de Gonnos, de Gùspini, de Pabillois, de Sant'Éngiu, de Sardara e Biddacidru; unu cuntesru po totus is piciocus de su teritóriu, chi donat agiudu a is ideas , a is passionis e a is initziativas insoru, unu logu innói is piciocus funt is protagonistas berus.

Po custu iscopu su PLUS de su distretu sóciu-sanitàriu de Gùspini at organizau unu cuncursu chi punnat a fai unu "logo" (disénniu) chi depit identificai su Progetu e chi permitat a totus de ndi arriconnosci is initziativas in manera lestra.

Po àteras iscedas si ma mandat a su disciplinari de su cuncursu.

 

Documentus disponíbbilis

disciplinari

scheda de acunsentimentu

 

ARRAGOTA DIFERENTZIADA

20 de Abrili de su 2015

 

Cenàbara 24 de Abrili imparis a s'arragota diferentziada de s'úmidu si fait puru sa de s'imbirdi in is zonas ABC in antícipu rispetu a sa data prevista chi coincidit cun sa festa de su 25 de Abrili.

 

Documentus disponíbbilis

Volantinu informativu

 

 

APRICU MICROCHIP – ABRILI 2015

18 de Abrili de su 2015

 

Mércuis 29 de Abrili 2015, de is otu e mesu a is dexi e mesu de a mengianu in s'ex ambulatóriu comunali in bia Minzoni n°109, su Servítziu Veterinàriu de sa ASL n°6 distretu de Gùspini, ponit su microchip identificativu a is canis de propriedadi.

Su microchip permitit de identificai s'animali si si perdit e s'iscritzioni in s'anàgrafi canina.

S'apricu de su microchip e s'iscritzioni in s'anàgrafi canina funt óbbligu de lei.

Su servítziu est a indonu.

Is interessaus podint prenotai s'apricu de su microchip a su cani insoru, compilendi domanda apósita aintru de mesudì (12,00) de martis 28 de Abrili 2015, in su Comandu de Politzia Locali chi s'agatat in bia Torino (asuba de sa Posta) in is oràrius de obertura a su púbblicu

de su lunis finas a sa cenàbara de is dexi e mesu finas a sa una (10,30 – 13,00)

su martis e sa gióbia de is cuatru e mesu finas a is cincu e mesu (16,30 – 17,30).

 

 

CONSILLU COMUNALI

27 de Martzu de su 2015

 

Est  istétia cunvocada po martis 31 de Martzu 2015, a is cuatru e mesu de a merì (16,30) in sa sala de su Consillu, una sétzida istraordinària de su Consillu Comunali po chistionai de s'órdini de sa dì chi sighit:

  1. Aprovu verbalis de sétzida de su Consillu Comunali;
  2. Interrogatzionis e interpellàntzias;
  3. Ativatzioni suspensioni de is usus cívicus in is terrenus individuaus a su N.C.T.  in is fóllius 505 mapali 1 e 506 mapali 103;
  4. Aprovu osservatzionis chi pertocant su progetu "Impiantu solari termudinàmicu de 55 Mwe – Gonnos";
  5. Renúncia a su diritu de prelatzioni asuba de su beni culturali chi s'agatat in localidadi Santa Maria Nabui esercitau cun delibberatzioni de su C.C. N°4 de su 15 de Friaxu 2012 e esercítziu non praticau de su diritu de prelatzioni asuba de benis  individuaus cun àterus mapalis.

 

“PASSAVAMO SULLA TERRA ...”

27 de Martzu de su 2015

 

Cust'annu ricurrint is bint'annus de sa morti de s'iscritori Sergio Atzeni. Sa Bibblioteca Comunali de Gùspini, chi est intitulada a s'iscritori sardu, dd'arragodat in un'atóbiu chi si fait in sa bibblioteca e totu su 27 de Martzu a is cincu e mesu de a merì (17,30) in s'interis, apustis de is saludus istitutzionalis de su vicesíndagu Alberto Lisci e de s'Assessori a sa Cultura Sandro Renato Garau, intervenint: Giulio Angioni ( iscritori e antropòlogo e Professori de Antropologia Culturali in s'Universidadi de Casteddu), Jenny Atzeni ( filla de S. Atzeni), Rossana Copez (Mulleri de S. Atzeni), ddus coordinat Antonella Mancosu. A is seti de a merì (19,00) a s'acabbu de s'atóbiu ddoi at unas cantu leturas.

Nàsciu in Cabuderra in su 1952, Sergio Atzeni, imparis a Giulio Angioni e Salvatore Mannuzzu, est cunsiderau unu de isinitziadoris  de sa "nouvelle vague sarda", chi oramai s'est ispainada in Itàlia e in Europa.

Is romanzus suus, ambientaus in Sardigna, pigant motivu pruscatotu de sa passioni istórica sua po su torrai a costruiri iscenàrius de su passau sardu, de s'època de is nuraxis finas a is lotas socialis de is minadoris de su Sulcis e de s'Igresienti a s'inghitzu de su Noixentus. Is protagonistas de is istórias suas faint parti de classis socialis diferentis, ma in particulari Sergio Atzeni ponit in iscena su pópulu de is úmilis, de is isconfitus, de is marginalis.

 

DDUS ADOTAI CUMBENIT

23 de Martzu de su 2015

 

Is canis bagamundus funt unu probblema e su canili cumenti a solutzioni no est unu beni ne po  su cani chi bivit cumentisisiat una cunditzioni non primorosa  ne po is cassas comunalis, ca sa cura de dónnia óspiti de su canili cumportat un'ispesa non indiferenti.

Ecu poita, cun una delíbbera recenti, su Consillu Comunali de Gùspini at aprovau unu regulamentu ispecíficu, chi previdit agiudus fiscalis po chini decidit de adotai e de si pigai cura de unu de is canis òspitis de su canili cunventzionau cun su Comunu – Dog Hotel di Chinarello.

Funt previstas ismenguaduras finas a 400 a s'annu, po tres annus, asuba de sa tassa de pagai po su tratamentu de is arrafudus sólidus urbanus (TARI).

Su regulamentu, a parti ispecificai is maneras po s'adotzioni, cuntenit una série de misuras ispecíficas, po garantiri chi su cani adotau siat tentu in sa mellus manera apustis puru chi funt passaus is tres annus.

In sa setzioni canis in adotzioni "Cani in adozione", acessíbbili puru de su "banner" presenti in sa pàgina de intrada, agatais is canis in adotzioni e is mollus po s'adotzioni.

Is canis chi si podint adotai de su Comunu de Gùspini s'agatant in su canili "Dog Hotel" – sea de Nurri e prima de fai s'adotzioni est oportunu pigai cuntatus cun su responsàbbili de is adotzionis Dot. Sandro Cancedda a su telefoneddu 320 43 46 783 in is oràrius chi sighint: de su lunis finas a su sàbudu de mesudì finas a sa una (12,00 – 13,00).

Una borta bius is canis e cuncordau cun su responsàbbili de su canili cali est su prus idóneu po bosàterus, podeis iscarrigai de su giassu insoru www.doghotel.it s'ischeda pre-adotzioni, chi su canili firmat e datat e chi depit essi acapiada a sa domanda de adotzioni de presentai a su Protocollu de su Comunu de Gùspini.

Su Comandu de Politzia Locali, arricida sa domanda bostra, si ativat luegus po cumpletai s'iter necessàriu po s'adotzioni.

 

 

UFÍCIU DE SU PAESÀGIU

23 de Martzu de su 2015

 

S'Ufíciu de su Paesàgiu dd'ant cambiau da sa bia Gramsci chi abarrat periférica a sa prus centrali  Don Minzoni. Immui s'Ufíciu est a su pianu terra de su municípiu e cundividit is ispàtzius chi de sémpiri istrangiant is Òperas Púbblicas.

Abarrat su própriu siat su personali de riferimentu (Ing. Emanuela Musio) siat su númunu de teléfonu po is cuntatus: 070 976 04 07

 

CAMPUS DE TENNIS

23 de Martzu de su 2015

 

Est istétiu agiudicau in manera definitiva s'apaltu de sa gestioni de is campus de tennis comunalis in localidadi "Sa Tella".

Agiudicatària de s'apaltu est s'assótziu isportivu diletantísticu Tennis Gùspini.

 

Notas legalis

Agiudicau in esecutzioni a sa determina de su Responsàbbili de su Servítziu n°7/UP de su 18 de Martzu de su 2015 (Reg. Gen. N°222)

 

Documentus disponíbbilis

avisu de agiudicatzioni

 

IS ERBAS DE S'AJAJA

20 de Martzu de su 2015

 

Acabbat cenàbara 27 de Martzu cun unu cunvegnu in sa sala de is cungressus de sa zona PIP de Gùspini, su progetu "Le erbe della nonna" (Is erbas de s'ajaja),  ddu finàntziat sa Regioni Sardigna e ddu realizat su CEAS Montibéciu imparis cun s'Istitutu Cumprensivu de Gùspini, sa Diretzioni Didàtica de Gùspini e s'assótziu turísticu Pro Loco.

 

Programma

h 10,00 (dexi de a mengianu)

Obertura de is trabballus

 

h 10,30 (dexi e mesu de a mengianu)

Saludus de is Autoridadis

Alberto Lisci – Visusíndigu de Gùspini

Bruno Serpi – Assessori a s'Ambienti

Annalisa Piccioni – Diretzioni Didàtica Gùspini

Elisa Angius – Istitutu Cumprensivu de Gùspini

 

h 11,00 (úndixi de a mengianu)

Presentada de is atividadis fatas

Ruggero Ruggeri – Diretzioni CEAS Montibéciu

Alessandra Mocci – Diretori CEAS Monti Linas

 

h 11,30 (úndixi e mesu de a mengianu)

Interventus líbberus de is iscolas

Premiatzioni  de is trabballus

Intregadura atestaus de participatzioni

 

 

CUNVEGNU DE ARCHEOLOGIA

20 de Martzu de su 2015

 

Su Grupu Archelógicu Neapolis fait iscì chi s'atóbiu previstu po cras 21 de Martzu, po càusa de fortza magiori, dd'ant ispostau a data de istabbiliri. Abarrat invécias cunfirmau s'atóbiu previstu po sàbudu chi benit: 28 de Martzu 2015 – 17,30 (cincu e mesu de a merì) – Sala de su Consillu de su Comunu de Gùspini - 

Giampaolo Salice – Università de is Istúdius de Casteddu

"Villaggi di nuova fondazione e ladri di santi nella Sardegna del 600"

 

SERVÍTZIU EDUCATIVU TERRITORIALI

19 de Martzu de su 2015

 

Pubblicau s'avisu de Agiudicatzioni Definitiva chi pertocat su bandu de gara po s'intregadura, po mesu de procedura oberta, de sa gestioni de su progetu tzerriau " ServizioEducativo Territoriale Distrettuale" (Servítziu Educativu Teritoriali Distretuali).

S'apaltu dd'at bintu sa "Ditta ATI La Clessidra – Koinos – Sinergie".

 

Documentus disponíbbilis

Avisu de agiudicatzioni

 

Notas legalis

Agiudicau cun  Determinatzioni de su Responsàbbili de su Setori n° 71/SSP de su 17 de Martzu 2015   Reg. Gen. N° 2016 de su  17 de Martzu de su 2015.

 

SA   DE 12 EDITZIONIS  DE SU CUNCURSU LITERÀRIU PO  AUTORIS GIÓVUNUS 

19 de Martzu de su 2015

 

Su Sistema Bibbliotecàriu "Monte Linas" – Província de su Campidanu de Mesu e sa Cooperativa "Agorà Sardegna" organizant sa de 12 editionis de su cuncursu literàriu po is pipius de is iscolas elementaris e is piciocheddus de is iscolas de mesania de is Comunus chi faint parti de su Sistema.

Cust'annu in ocasioni de su "EXPO 2015" s'argumentu de isvilupai est su de sa cosa de papai.

S'importàntzia de sa cosa de papai est fundamentali, garantiscit sa vida e est unu diritu primàriu de s'umanidadi. Fintzas de s'antigóriu, sa manera de coxinai  s'est diferentziada e dónnia pópulu at circau de fai bessì sa sua única e particulari, mancai tenendi pagu a dispositzioni.

Partendu de custu presupostu a is piciocheddus si domandat de rapresentai cun pop-up, o cun ritàglius pigaus de giornalis e rivistas, is arratzetas prus vàrias e curiosas, chi lompint de dónnia parti de su mundu.

Is òperas depint lompi  in manera chi non si podit prorogai aintru e non prus a tradu de su 31 de Maju 2015, po mesu de sa posta o intregadas a manu in sa bibblioteca comunali de apartenéntzia.

 

REGULAMENTU:

6.                  Si domandat de portai s'arratzeta in unu fólliu A4. Si podit umperai sa ténnica de su "collage" (ritagliendi e incollendi figuras e fueddus de giornalis e rivistas), opuru umperendi sa ténnica de su pop-up costruendi sa cosa de papai de rapresentai e iscriendi a su costau s'arratzeta. Po esémpiu podint essi: ispaghitus chi bessint de su pratu; una pingiada de innói ndi bessint birduras; unu pratu de pibitziris asuba de una folla de bananu ...  Po fai su trabballu si domandat de arrispetai is màrgini  lateralis po permiti sa rilegadura in un'únicu fascículu. Si is màrginis non funt arrispetaus, s'iscritura laterali in is fotocópias bessit segada e incumpleta.

7.                  Is piciocheddus podint pigai parti a su cuncursu in manera síngula  o in classis iscolàsticas, pretzius in duas categorias: pipius de is iscolas elementaris, piciocheddu de is iscolas de mesania.

8.                  Is òperas depint lompi  in manera chi non si podit prorogai aintru e non prus a tradu de su 31 de Maju 2015, po mesu de sa posta o intregadas a manu in sa bibblioteca comunali de apartenéntzia. Sa parti a foras de sa busta depit portai s'indiritzu de sa bibblioteca e sa dicidura: "Concorso letterario: SaporiAMO. Ricette che uniscono il mondo ..." - scuola media ( po is de mesania);  scuola elementare ( po is elementaris), cun su nómini de s'istitutu e de sa bidda de proveniéntzia. Sa participatzioni a su cuncursu est a indonu e costituiscit autorizatzioni espressa a sa pubblicatzioni non a iscopu de guadàngiu. Is òperas imbiadas non si torrant. Is organizadoris  si ndi spollant de dónnia responsabbbilidadi po pérditas eventualis o istrobbus de calisisiat genia chi podint acontessiri in s'interis de s'imbiu de is trabballus a sa Segreteria de su Cuncursu o chi riguardant sa cumpridura de su cuncursu e totu.

9.                  Is trabballus depint portai nómini e sangunau, edadi, bidda de proveniéntzia. Si domandat de allegai unu fólliu cun is datus anagràficus, sa residéntzia, su númunu de teléfonu, sa classi, sa setzioni, su nómini de s'iscola e s'indiritzu. Is discentis e/o classis chi pigant parti a su cuncursu donat sa possibbilidadi a s'iscola insoru de arriciri in donu, de parti de su Sistema Bibbliotecàriu "Monte Linas" Província Campidanu de Mesu, una série de líbburus chi andat a arricai sa bibblioteca iscolàstica. Is trabballus lómpius ddus rilegant in un'únicu cuadernu e ddus ponint a dispositzioni de su púbblicu in dónnia bibblioteca de su Sistema. Is trabballus pop-up si arragollint in una cartella e si esponint in originali in sa sea de su coordinamentu de sa bibblioteca comunali de Gùspini.

 

Po àteras iscedas tocat a chistionai a sa bibblioteca de apartenéntzia o a sa sea de coordinamentu in sa Bibblioteca Comunali "Sergio Atzeni" – Gùspini, bia San Nicolò n° 9 – tel. 070 976 06 02.

 

Documentus disponíbbilis

Regulamentu integrali

 

ELENCU PROFESSIONISTAS

9 de Martzu de su 2015

 

Pubblicau s'Elencu de is operadoris económicus po s'intregadura de incàrrigus professionalis relativus a s'Ingegneria e a s'Architetura de importu valutau prus bàsciu de 100.000,00 – Agiornamentu 2014. S'elencu, chi si cumponit de 12 allegaus est pubblicau in s'Albu Pretóriu po 15 dìs de sighiu e puru in su giassu de su Comunu de Gùspini ( in sa pàgina Òperas Púbblicas de sa setzioni Istrutura organizativa) e in su giassu de sa Regioni Autonoma de sa Sardigna.

 

Notas Legalis

Determinatzioni n° 9/OP de su 5 de Martzu 2015 (Servítziu Segreteria – Registru Generali n°189).

 

 


CUNVEGNU DE ARCHEOLOGIA

9 de Martzu de su 2015

 

Su Grupu Archeológicu Neapolis, cun s'agiudu de su Comunu de Gùspini, de sa Pro Loco, de sa Província de su Campidanu de Mesu, de s'Universidadi de Tàtari e de Casteddu, is Subrintendéntzias Archeológicas de sa Sardigna, organizat, de su 14 finas a su 28 de Martzu, su cunvegnu annuali asuba de argumentus de Archeologia. Lómpiu cust'annu a sa de 28 editzionis, tenit cumenti a argumentu: Sa Sardigna in época ispagnola.

Su cunvegnu, pretziu in tres cunferéntzias, si fait in Gùspini in sa sala de su Consillu de su Comunu de Gùspini a is cincu e mesu (17,30).

 

Atóbius:

14 de Martzu 2015 – 17,30 (cincu e mesu de a merì) – sala de su Consillu de su Comunu de Gùspini

Roberto Ibba – Universidadi de is Istúdius de Casteddu "Feudi e territori nella Sardegna spagnola"

 

21 de Martzu 2015 – 17,30 (cincu e mesu de a merì) – sala de su Consillu de su Comunu de Gùspini

Maria Grazia Rosaria Mele – CNR – ISEM  " Il Mediterraneo prima e dopo le torri: i sistemi difensivi nella monarchia ispanica"

 

28 de Martzu 2015 - 17,30 (cincu e mesu de a merì) – sala de su Consillu de su Comunu de Gùspini

Giampaolo Salice – Universidadi de is Istúdius de Casteddu  " Villaggi di nuova fondazione e ladri di santi nella Sardegna del '600.

 

COMUNICATZIONI  EFICACI

9 de Martzu de su 2015

 

Su 14 de Martzu a is cuatru e mesu (16,30) in is "Case a corte" in bia Caprera in Gùspini, ddoi at un'atóbiu intitulau "Comunicazioni efficace: un modo nuovo e più costruttivo di pensare al rapporto con i figli" ( Comunicatzioni eficaci: una manera noba e prus costruidori de pentzai a su raportu cun is fillus).

S'atóbiu ddu organizat s'Assessorau a is Políticas socialis de su Comunu de Gùspini e est indiritzau a is babbus e is mammas, a is insegnantis e a totus is chi, po trabballu o po atividadis socialis, funt a cuntatu cun pipius e piciocheddus.

Is atividadis ddas fait Caterina Pinna, "Project Manager" e Professionista in PNL e "Coaching";certificau internatzionali de sa Society of PNL de R. Bandler e J. Grinder, mediadori civili ande su Ministeru de sa Giustítzia.

 

DANIELA DUCATO CAVAGLIERA DE SA  REPÚBBLICA

9 de Martzu de su 2015

 

"Campionessa mundiali de innovatzioni, orgógliu de sa mellus Itàlia nostra". Cun custus fueddus su Presidenti de sa Repúbblica Sergio Mattarella at donau a Daniela Ducato, imprendidora guspinesa de sa "blu economy", s'arriconnoscimentu mannu de s'Órdini a su Méritu de sa Repúbblica ((cavagliera). Sa cerimónia s'est cumprida ariseu in s'interis de sa festa de s'8 de Martzu dedicada a s'argumentu "Donna é terra".

Daniela Ducato non est noba a arriconnoscimentus de importu in matéria de innovatzioni susteníbbili, ma de certu, su de ariseu, si collocat in cima po importàntzia e motivu. Giai "Donna sarda 2012" e tantis arriconnoscimentus diretus ma puru in manera indireta po mesu de is 73 impresas (42 iscéti in Sardigna) chi girant a ingíriu de su polu produtivu "La casa verde CO2.0" coordinau de sa Ducato e totu chi oi podit bantai unu títulu de prestígiu e motivu de orgógliu po Gùspini puru.

 

8 DE MARTZU DÓNNIA DÍ

9 de Martzu de su 2015

 

Cenàbara 13 de Martzu a is cuatru e mesu de a merì (16,30), in is "Case a corte" in bia Caprera in Gùspini, ddoi est s'atóbiu dibatu " 8 Marzo tutti i giorni – Donne in agricoltura e nuove opportunità: dalle radici del passato le innovazioni di oggi" (8 de Martzu dónnia dì – Fémminas in agricoltua e oportunidadis nobas: de is arreíxinis de su passau is innovatzionis de oi).

A s'atóbiu ddu organizat s'assótziu femmininu "XconoscereXfare" cun s'agiudu de su Comunu de Gùspini, pigant parti:

 

Angelo Zanda

Laore Sardegna – isportellu Linas

 

Mariangela Perra

Impresa Donna – Coldiretti

 

Piera Carcangiu

Lega coop – Campidanu de Mesu

 

Ddoi at puru imprendidoras agrícolas de su territóriu chi portant s'esperiéntzia de vida e de trabballu insoru in su setori.

 

Coordinat

Maria Francesca Mandis

XconoscereXfare – Gùspini

 

In sa sala ddoi est s'ammosta fotogràfica "Volti di donna" de Massimo Cara.

 

PROGETU “SHERDEN”

5 de Martzu de su 2015

 

Previstu po su 11 de Martzu de su 2015 a is ses  de a merì (18,00) in s'ex iscola Rodari in bia Togliatti, su primu atóbiu púbblicu de bixinau po presentai sa sociedadi cuncessionària  de su servítziu de ispartzidura e béndita gas e po chistionai de:

  1. aspetus económicus e vantàgius de su servítziu a arretza
  2. maneras de acapiadura a s'arretza de ispartzidura

Funt presentis is responsàbbilis de su progetu "Sherden" e is rapresentantis de s'Amministratzioni púbblica.

 

CUMENTZU CONSULTATZIONI

4 de Martzu de su 2015

 

Su Servítziu SAVI informat chi sa Província de su Campidanu de Mesu at depositau ande su "Servizio Sostenibilità Ambientale, Valutazione Impatti e Sistemi Informativi Ambientali (SAVI) de s'Assessorau Regionali de sa Difesa de s'Ambienti, su Pianu de Gestioni de sa ZPS (Zona di Protezione Speciale) ITB043054 "Campidano Centrale" e su Raportu Ambientali relativu impari a sa Síntesi non ténnica e a sa Valutatzioni Efetu Ambientali.

Sa noba de su depositu est istétia pubblicada in su BURAS n°8 de su 19 de Friaxu 2015.

Chini tenit interessamentu podit castiai sa documentatzioni e fai osservatzionis eventuali aintru de sa de 60 dìs a incumentzai de sa data de pubblicatzioni in su BURAS de sa noba de depósitu.

Is osservatzionis depint essi trasmítias a sa Província de su Campidanu de Mesu – Area Tecnica – Ambiente – bia Paganini 22 – 09025 Seddori – protocollogenerale@cert.provincia.mediocampidano.it e a s'Assessorau de sa Difesa  de s'Ambienti – Servítziu SAVI – bia Roma 80 – 09123 Casteddu – difesa.ambiente@pec.regione.sardegna.it

 

 

SERRADA CAMPUSANTU

3 de Martzu de su 2015

 

Gióbia 5 de Martzu 2015 su Campusantu abarrat serrau de is otu de a mengianu (8,00) finas a mesudì (12,00). Salvu imprevistus oberrit in manera regulari a merì.

 

 

AGIUDU TARI – PRÒROGA

3 de Martzu de su 2015

 

Cun determina n°9/E de su 3 de Martzu 2015 est istétiu prorogau su términi po sa presentada de is domandas de agiudu Tari annu 2014.

S'iscadéntzia noba est fissada a su 30 de Abrili 2015.

Is agiudus consistint in unu rimbussu a is intestatàrius de is uténtzias chi faint parti de custus tipus:

  1. nucleus familiaris de 3 pessonas cun ISEE non prus artu de € 6.000,00, rimbussu de € 20,00 apitzus de s'importu totali de pagai
  2. nucleus familiaris de 4 pessonas cun ISEE non prus artu de € 6.000,00, rimbussu de € 30,00 apitzus de s'importu totali de pagai
  3. nucleus familiaris de 5 pessonas cun ISEE non prus artu de € 6.000,00, rimbussu de € 45,00 apitzus de s'importu totali de pagai
  4. nucleus familiaris de 6 o prus pessonas cun ISEE non prus artu de € 6.000,00, rimbussu de € 75,00 apitzus de s'importu totali de pagai.

Si ddoi at economias s'ufíciu providit a pretziri su dinai crescendi is rimbussus; si invécias is risorsas non bastant si donat sa precedéntzia a is nucleus familiaris cun ISEE prus bàsciu.

Is domandas po gosai de is agiudus si depint presentai a s'ufíciu Protocollu de su Comunu opuru si depint mandai po arracumandada o P.E.C., a pena de decadéntzia, aintru de sa una (13,00) de su 30 de Abrili 2015. Is domandas depint essi cumpiladas in is mollus disponíbbilis puru in s'ufíciu intradas de su Comunu ( po is comunicatzionis mandadas po arracumandada fait fedi su timbru postali). A sa domanda  si depit allegai in manera obbligatória su certificau ISEE calculau in basi a su DPCM 5 de Meseidas 2013 n°159 e sa cópia de unu documentu de identidadi in cursu de balididadi.

Si non si presentat su certificau ISEE calculau in basi a su DPCM 5 de Meseidas 2013 n°159 e/o su pagamentu de s'importu totali aintru de su 2 de Martzu de su 2015 ( primu dì de trabballu imbenienti a s'iscadéntzia de su 28 de Friaxu 2015) cumportat s'esclusioni automàtica de sa domanda.

 

Documentatzioni disponíbbili

mollu de domanda

bandu agiudus

 

Notas Legalis

Delibberatzioni de su Consillu Comunali n°59 de su 28 de Donniasantu 2014

 

Determinatzioni n°25/Intradas de su 24 de Meseidas 2014 (chi retíficat sa determinatzioni n°23/Intradas de su 18 de Meseidas 2014)

 

DPCM 5 de Meseidas 2013 n°159

 

LEI 162/98  - PRÒROGA

27 de Friaxu de su 2015

 

Sa Regioni Sardigna, po non interrumpi is interventus ativaus e assigurai sighidura a is pianus personalizaus relativus a sa Lei 162/98, at autorizau (Del. n° (8/9  de su 24 de Friaxu de su 2015) sa  sighidura de is Pianus personalizaus in favori de is personas cun disabbilidadi gravi, ex Lei 162/98, po is mesis de Martzu, Abrili, Maju e Làmparas de su 2015, segundu is importus arreconnotus  po sa mesada de s'annualidadi 2014.

Po sa presentada de is Pianus nous de fai in su 2015, is términis ddus individuat sa Giunta regionali cun delibberatzioni ispecífica  apustis de s'aprovu de su Bilànciu regionali 2015.

 

“SPORTELLO ENERGIA”

26 de Friaxu de su 2015

 

Est prevídiu po sàbudu 28 de Friaxu 2015, a is dexi de a mengianu (10,00) in "Le Case a Corte in terra cruda" (Is Domus a corti in làrdiri), bia Caprera 23 in Gùspini unu seminàriu intitulau "Le case in Terra Cruda, patrimonio culturale e risorsa per uno sviluppo economico sostenibile: l'Itinerario tutistico culturale delle città della Terra Cruda" (Is Domus in Làrdiri, patrimóniu culturali e risorsa po un'isvilupu económicu susteníbbili: camminu turísticu culturali de is Citadis de su làrdiri).

PROGRAMMA

-        Presentada de Enrica Olla – Assessora a is Políticas Energéticas de su Comunu de Gùspini;

-        Camminu Turísticu culturali "Le città della Terra" – a incuru de Enrico Pusceddu – Presidenti de " Associazione Internazionale Città della Terra Cruda";

-        "Il patrimonio delle case in terra" (Su patrimóniu de is domus in làrdiri) – a incuru de Francesco Forte – Ingegnere;

-        Presentada de su líbburu " Questa è la mia terra. Immagini e racconti delle case di terra in Italia" – pubblicatzioni a incuru de Marco Alberto Desogus, Giovanni Sacchetti e Maria Chiara Esposito;

-        Proietzioni de su filmixeddu de su progetu Archíviu audiu-visivu Terra cruda#5 Guspini – de Andrea Mura.

 

PRATZAS “WI FI”

26 de Friaxu de su 2015

 

Est istétiu potentziau su servítziu "internet" a indonu de is pratzas "wi fi" chi oi, a parti in pratza Togliatti e Pratza XX Settembre, risultat istérriu puru a is giardinus púbblicus de bia Marconi e a  Pratza IV Novembre.

S'Amministratzioni comunali est arrannéscia a adeguai unu servítziu bessiu oramai indispensàbbili po sa citadinàntzia, cumenti a sa navigatzioni a indonu in "Internet", mantenendi uguali s'ispesa currenti po sa telefonia comunali.

S'operatzioni est istétia possíbbili gratzias a unu trabballu pretzisu (crastapibitziris) de cérrida de is lineas comunali, chi ant fatu is ufícius, chi at portau a un'àtera  smenguadura de is ispesas annualis de telefonia fissa e móbbili.

In custa manera s'est pótziu isterri su servítziu internet a indonu, mantenendi uguali s'ispesa currenti rispetu a s'esercítziu finantziàriu de innantis. Su grandu trabballu fatu, po donai internet a indonu a sa populatzioni in is zonas nevràlgicas de sa bidda, cumpletat un'òpera prus manna asuba de is políticas de s'informatzioni incumentzada cun s'interventu po fai is infrastruturas po su sinnali internet in su PIP de Gùspini e cumpletada cun s'ismenguadura de is ispesas currentis asuba de is tennologias de sa comunicatzioni, puntendi  asuba de is investimentus asuba de sa fibra ótica. Po un'àteru passu s'abetat immui de connosci is arresurtaus de sa graduatória de is progetus po acedi a is finantziamentus po sa posta in òpera de arretzas po sa videosorvegliantza chi s'Amministratzioni Comunali at presentau cun unu progetu de 120.000,00  (chi si podint finantziai de unu totu) a sa Regioni Sardigna, po custu su Comunu est in positzioni otima in graduatória.

Su progetu previdit,  a cumpletamentu, puru sa  posta in òpera de àterus puntus de acessu a internet a indonu e "totem" informativus postus in puntus diferentis de sa bidda cumpresa sa localidadi Gennas in sa fratzioni de Montibéciu.

A manu dereta, cumenti a aprofundamentu una ghia grutza po s'impreu de su "wi fi" a indonu de is pratzas cobertas de su servítziu.

 

Nati per leggere

26 de Friaxu de su 2015

“Leggimi subito, leggimi forte,
Dimmi ogni nome che apre le porte
Chiama ogni cosa, così come il mondo viene
Leggimi tutto, leggimi bene
Dimmi la rosa, dammi la rima
Leggimi in prosa, leggimi prima”

Bruno Tognolini

Ligimì luegus, ligimì a forti
Naramì dónnia nómini chi oberrit is portas
Tzérria dónnia cosa, aici cumenti benit su mundu
Ligimì totu, ligimì beni
Naramì s'arrosa, donamì sa cruba
Ligimì in prosa, ligimì prima.

“ Stimai sa letura po mesu de unu gestu de amori: unu mannu chi ligit un'istória. Dónnia pipiu tenit deretu de essi amparau no iscéti de is maladias e de sa violéntzia ma tenit deretu puru a tenni ocasionis adeguadas chi permitant s'isvilupu de is afetus e de sa connoscéntzia. Custu est s'iscopu de “Nati per Leggere”. Su comunu de Gùspini at abbratzau su progetu chi proponit sa letura a boxi arta a is pipius de zeru mesis fintzas a ses annus.

Circas scientíficas de pagu tempus fait ammostant cumenti su ligi a boxi arta a is pipius, chi depint ancoras brintai a iscóla, téngiat efetus positivus po su chi pertocat s'isvilupu de is tratamentus e de sa connoscéntzia . “Nati per Leggere” nascit de s'acórdiu intra de is bibbliotecàrius e is pediatras po mesu de is assótzius “ Associazione Culturale Pediatri”,“Associazione Italiana Biblioteche” e su “Centro per la Salute del bambino- Onlus”.

“Nati per Leggere” est ativu in totu su territóriu natzionali cun prus o mancu 400 progetus localis innói pigant parti 1195 comunus italianus.

Su progetu de su Comunu de Gùspini est indiritzau a is famíglias de is pipius nàscius in su 2014.

Po mesu de custu progetu s'Amministratzioni promovit is servítzius spartzius de sa bibblioteca comunali, chi po s'ocasioni riservat un'ispàtziu apósitu po is pipieddus piticus. Sa proposta “nati per Leggere” donat a is famíglias s'ocasioni po cumprendiri ancoras mellus chi su líbburu est un'aina bàlida e un'agiudu po s'isvilupu de su pipius, favoressendi s'abbitudini a ligi giai de piticheddus cun s'isperàntzia chi sigant candu funt mannus puru.

ATÓBIU 

3 de Martzu de su 2015 a is cuatru de a mericeddu (16,00) me in “Case a Corte” in bia Caprera in Gùspini.

Proietzioni de unu filmixeddu imparadori

Animatzioni a sa letura: a cura de su personali bibbliotecàriu de su comunu.

Su Síndigu arregallat unu líbbureddu a is pipius nàscius in su 2014 residentis in Gùspini.

 

SERRADA UFÍCIUS COMUNALIS

23 de Friaxu de su 2015

 

Po nexi de s'interrutzioni de sa currenti elétrica chi s'Enel at programmau po martis 24 de Friaxu 2015 de is otu e mesu de a mengianu finas a is cuatru de a merì ( 8,30 – 16,00) su comunu de Gùspini abarrat serrau poita est impossibbilitau  a fai calisisiat servítziu informatizau in sa sea de bia Don Minzoni, in sa de bia Torino e in ufícius de bia Gramsci.

 

Càstia s'Ordinàntzia n° 33 de su 23 de Friaxu 2015

 

APRICU MICROCHIP- FRIAXU 2015

23 de Friaxu de su 2015

 

Cenàbara 27 de Friaxu de su 2015, de is otu e mesu finas a is dexi (8,30 – 10,00), in s'ex ambulatóriu comunali in bia Don Minzoni n°109, su Servítziu Veterinàriu de sa ASL n°6 de Gùspini, ponit su "microchip" identificativu a is canis de propriedadi.
Su "microchip" permitit s'arriconnoscimentu de su cani chi si perdit e s'iscritzioni in s'anagrafi de is canis.
S'apricu de su "microchip" e s'iscritzioni in s'anagrafi de is canis funt un'óbbligu de Lei.
Su servítziu est a in donu.
Is interessaus podint prenotai s'apricu de su "microchip", cumpilendi sa domanda aposita aintru de su 25 de Friaxu de su 2015 (martis), iscriendi is datus de su proprietàriu de su cani, in s'Ufíciu Politzia Locali de su Comunu de Gùspini
bia Torino (asuba de sa posta)
de is dexi e mesu finas a mesudì e mesu (10,30 – 12,30)
opuru telefonendi a su númunu 070 976 03 14

 

INTERRUTZIONI DE ENERGIA ELÉTRICA

20 de Friaxu de su 2015

 

S'ENEL at comunicau chi martis 24 de Friaxu de su 2015, po nexi de trabballus chi depit fai a is impiantus, est prevídia s'interrutzioni de sa currenti elétrica de is otu e mesu de a mengianu finas a is cuatru de a merì (8,30 – 16,00).

S'interrutzioni interessat unas cantu domus in is bias chi sighint:

bia Manno; arburada Libertà; gúturu I Manno; gúturu II Manno; bia Gramsci; bia Garibaldi; bia Manzoni; bia Sa Tella; bia Torino; galleria Fanni; bia Buozzi; gúturu Garibaldi; bia Labriola; bia Santa Maria; bia Pio Piras; gúturu I Pio Piras; bia Dante; bia Petrarca; bia Matteotti; bia Don Minzoni.

Is cívicus ispecíficus interessaus de s'interrutzioni si podint castiai in su documentu allegau.

Giai chi s'interrutzioni de s'energia elétrica interessat puru is ufícius comunalis,  podint acontessi istrobbus in s'ispartzidura de is servítzius.

In s'interis de is trabballus podint torrai a ativai sa currenti, duncas s'ENEL arracumandat de donai atentzioni e de no umperai is ascensoris.

Po iscedas o po sinnalai guastus si podit cuntatai su Númunu Birdi  803.500 (iscera1), sinnalendi su códixi POD, chi ddoi at in bulleta, po s'impitu cosa sua.

 


CARNEVALI 2015 – INTREGADURA POSTUS BÉNDITA E CAMMINU DE S'ISFILADA SÀBUDU 21 DE FRIAXU

 

20 de Friaxu de su 2015

 

Pubblicada sa graduatória de is chi tenint deretu a s'intregadura de unu postu de béndita in logu púbblicu iscobertu in ocasioni de s'isfilada de Carnevali  de sàbudu 21 de Friaxu de su 2015, in arburada DI Vittorio e Cursu Marat (Asse Mediano).

Pubblicadas is Ordinàntzias n° 27 chi arregulat sa béndita e bogadura de bibitas e àteru materiali de ofesa e n°28 po s'arregulamentatzioni de su tràficu in ocasioni de s'isfilada de sàbudu 21 de Friaxu 2015.

Is documentus si podint castiai in is aprofundamentus.

 

Documentus disponíbbilis:

Graduatória e intregadura

 

Planimetria postus Cursu Marat (Asse Mediano)

 

Planimetria postus Arburada Di Vittorio (Bia Bersani).

 

 

ORÀRIU NOU PO SU SERVÍTZIU SOCIALI PROFESSIONALI

17 de Friaxu de su 2015

A incumentzai de su 23 de Friaxu, e finas a dispositzionis nobas, s'Ufíciu de su CESIL est obertu a su púbblicu in s'oràriu chi sighit:

su lunis e sa gióbia
10,30 – 13,00 ( de is dexi e mesu de a mengianu finas a sa una);

su martis, su mércuis e sa cenàbara
arricit po apuntamentu de fissai telefonendi a su númunu 070 976 03 10.


 ISTAGIONI  DE CASSA 2014/2015

16 de Friaxu de su 2015

 

S'acostat s'iscadéntzia po s'intregadura de su fólliu de cassa originali 2014/2015, su términi ùrtimu po s'intregadura est fissau su 1° de Martzu 2015. Su fólliu tocat a ddu torrai a donai a su Comandu de Politzia Locali in is oràrius de obertura a su púbblicu ( a mengianu: de lunis a cenàbara 10,30 – 13,00. A  merì: martis e gióbia 16,30 – 17,30).

Si non si torrat a intregai su fólliu o sa trascritzioni de is datus no est  cumpleta, si aplicat una smenda de 101,00 segundu s'art.74, comma 5 de sa L.R. 23/98.

Si su cassadori arratirat su fólliu e no andat a cassa est cumentisisiat obbligau a ddu torrai a su Comunu aintru de sa data inditada asuba (sinnendu is duas pàginas de su fólliu cun una linia de tressu)

po àteras iscedas si podint castiai is documentus presentis in is aprofundamentus a su costau innòi asuba.

 


SA DE 25 EDITZIONIS “CAMBAS DE LINNA”

15 de Friaxu de su 2015

 

Carnevali de su connotu guspinesu

A s'iscoberta torra de su connotu.

Cun su passai de is annus su Comunu e sa Pro Loco de Gùspini ant torrau a avalorai su carnevali de su connotu guspinesu "Cambas de Linna".

De prus de 20 annus oberrint is isfiladas de is carrus is trampolieris de Gùspini, chi funt su símbulu de su carnevali de su connotu guspinesu  "Cambas de Linna, a arragodu de is annus Cincuanta candu is guspinesus andant in giru po is bias de sa bidda asuba de tràmpulus bistius cun bistiris bécius e cun sa cara coberta cun una màscara de linna sa garota, pedendi tzípulas e binu.

 

Programma 2015

12 de Friaxu 2015 Gióbia Carnevali de is pipius

Sa serada dedicada a is pipius dd'animat su "Gruppo Teatro e Magia" chi proponit tres istruturas  unfràbbilis: unu líscinu e duas istruturas po brincai innói is pipius podint giogai. In prus ddoi at unu pintadori po pipius, unu trampolieri cun animatzioni, un'ispetàculu de baddus po pipius, giogus de fogu e spudafogu e animatzioni musicali e si unfrant palloncinus de formas diferentis e palloncinus coloraus cun astixedda, e un'ispetàculu cun giogus de prestígiu cun s'interessamentu de is pipius. In s'interis de sa serada donant chentza limitis tzúcuru filau e "pop corn".  In prus, a incuru de sa Pro Loco, donant is tzípulas.

 

17 de Friaxu 2015 martis de carnevali

sa de 25 editzionis de su Carnevali Citadi de Gùspini "Cambas de Linna".

S'isfilada dda oberrint is Cambas de Linna de Gùspini, ddus sighint is carrus allegóricus, grupus a tema e màscaras isoladas po is bias de sa bidda. Pigant parti 3 grupus de Gùspini: Is Casermetas, "La Trombetta" e  "La Pernacchia". In Pratza XX Settembre a su passàggiu de is carrus donant is tzípulas.

 

21 de Friaxu 2015 sàbudu

Su de 15 radunu de zona "Carnevalinas – Cambas de Linna"

A is cuatru de a merì (16,00) s'isfilada dda oberrint is Cambas de Linnas de Gùspini, ddus sighint is Cogas de Prociris de Tuili e is tamburrus de sa Ratantina de Casteddu, grupus a tema e màscaras isoladas. Sighint is carrus allegóricus de Gùspini e is chi benint de is biddas  de aroru e de prus atesu: Samassi, Sant'Éngiu, Terraba, , Marrubiu, e àterus. A s'acabbu de s'isfilada, in s'Assi Medianu abbruxant su mustajoni Gambetta, chi rapresentat s'acabbu de su Carnevali. Po Carnevalinas si premiant  cun ceràmicas is primu tres carrus de sa graduatória, chi fait una una giuria apósita, is àterus cun un'arragodu in ceràmica.

Acabbat sa serada sa premiatzioni de is carrus allegóricus cun serada musicali chi dd'organizant is grupus carnevalescus de Gùspini. Is tzípulas distribbuidas siat sa gióbia siat su martis de carnevali ddas preparant unu grupu sintzillu de signoras chi s'est costituiu po s'ocasioni; a issas andat su ringratziamentu de sa Pro Loco po s'agiudu pretziosu.

Su percussu de sa primu isfilada torrat a su traciau béciu parténtzia e arribu in Pratza Oristanu cun duus passàgius in bia Matteotti, su primu girat in bia Gramsci su segundu passàgiu girat in bia Santa Maria.

17 de Friaxu 2015 martis de carnevali – parténtzia de Pratza Oristano a in cincu de a merì (17,00) e arribbu sémpiri in Pratza Oristano apustis de essi passau in bia Nuoro, bia Cagliari, bia Roma, bia Matteotti; bia Gramsci, bia Roma, bia Matteotti, bia Santa Maria, Arburada Libertà, bia Cagliari, bia Sassari, Pratza Oristano.

21 de Friaxu 2015  sàbudu – parténtzia a is cuatru de a merì (16,00) de bia Anna Frank, bia Mattattoio, bia Gramsci, bia Santa Maria, Arburada Libertà, bia Roma, Arburada Di Vittorio cun arribbu facioras a is otus e mesu de a merì (20,30) in s'Assi medianu.

Sa Pro Loco cumbidat totus is citadinus e is babbus e mammas de is piciocheddus a donai una manu in s'organizatzioni de su controllu de is isfiladas. Po donai sa disponibbilidadi  tocat a andai in sa sea de sa Pro Loco in bia San Nicolò, 17 in Gùspini.

 

(Fonti www.prolocoguspini.it)

 

CARNEVALI 2015. INTREGADURA POSTUS DE BÉNDITA E CAMMINU DE S'ISFILADA

13 de Friaxu de su 2015

 

Pubblicada sa graduatória de is chi tenint deretu a s'assignadura de unu postu po sa béndita in logu púbblicu iscobertu in ocasioni de s'isfilada de Carnevali de martis 17 de Friaxu 2015, in Pratza Oristano.
Pubblicada s'ordinàntzia n°25 e n°26 po sa regulamentatzioni de su tràficu in ocasioni de s'isfilada de martis de carnevali. Is documentus ddus podeis castiai de is aprofundimentus.

 

HOME CARE PREMIUM

12  de Friaxu de su 2015

 

De oi si podint mandai a s'INPS is domandas po su progetu "Home Care Premium": su progetu de assisténtzia e agiudu po is personas chi non funt autusuficiéntis, familiaris de dipendentis/pensionaus púbblicus. Su progetu ddu promovit sa setzioni INPS de gestioni de is dipendentis púbblicus (ex Inpdap) e si collocat in su cuntestu de is Atividadis Socialis po is famíglias.

Sa presentada de is domandas est a càrrigu iscéti de s'impitadori, chi ddas podit insertai in manera direta in su giassu "web" istitutzionali de s'INPS de mesudì (12,00) de su 2 de Friaxu finas a  mesudì de su 27 de Friaxu de su 2015.

A custu iscopu podint essi útilis unas cantu iscedas:

Riguardu a su Progetu Home care Premium 2014 po donai a lestru su códixi PIN chi serbit po s'acessu a is Servítzius telemàticus de s'INPS, si podit andai de persona in sa sea INPS de apartenéntzia cun unu documentu de identidadi e delega eventuali, chi si podint iscarrigai de sa setzioni “Modulística” in su giassu www.inps.it.

In prus po s'inserta in sa banca datus, is interessaus podint fai s'iscritzioni cumpilendi su mollu “Iscrizione in banca dati” chi si podit iscarrigai de sa setzioni “Modulística” in su giassu www.inps.it.

Apustis de dd' ai cumpilau su mollu si podit mandai, po mesu de s'indiritzu de posta eletrónica cosa nostra, a s'indiritzu:mariano.pilloni@inps.it  e  rita.cao@inps.it  .

 

 

Documentus disponíbbilis

Bandu

Allegau 2 – ischeda de valutatzioni

Elencu  cuntestus Home Care Premium

Impostatzionis de su PC po sa cumpiladura de is domandas – Probblemas comunus e solutzionis

 

PROGETU SHERDEN

11 de Friaxu de su 2015

 

S'Amministratzioni Comunali cumbidat is imprendidoris aposentaus in sa zona industriali PIP de Gùspini a sa presentada de su Progetu Sherden, chi punnat a costruiri e a gestiri s'arretza canalizada de su gasu e sa béndita de gasu in su territóriu de su Campidanu de Mesu ("Bacino 24" chi si cumponit de is comunus de Biddacidru, Pabillois, Gùspini, Gonnos, Frúmini Majori e Bugerru), in atuatzioni a su Pianu Energéticu Ambientali Regionali e a su programma de metanizatzioni de sa Sardigna.

 

Duranti s'atóbiu s'aprofundant is argumentus chi sighint:

-        connosci sa sociedadi Sherden

-        aspetus económicus e profetus de su servítziu a arretza

-        cumenti fai s'allàciu a s'arretza de distributzioni

S'atóbiu est su 26 de Friaxu 2015 a is ses de a merì (18,00) in sa sala de su consillu de su Comunu de Gùspini.

Funt presentis is responsàbbilis de su Progetu Sherden e is rapresentantis de is Istitutzionis.

Data s'importàntzia de is argumentus trataus s'Amministratzioni Comunali cunfidat in sa preséntzia manna de is rapresentantis aziendalis.

 

 

BANDU DE ISCIOBERU PÚBBLICU A TEMPUS DETERMINAU

10 de Friaxu de su 2015

 

Pubblicau su Bandu de Iscioberu Púbblicu po títulus e collóchius po pigai  a trabballai a tempus prenu e determinau un'Istrutori Amministrativu/Ténnicu de “Marketing” Turísticu – Comunicatzioni – Isvilupu Locali, Categoria Giurídica “C” - Positzioni Económica “C1” (ex 6°c.), cun esperiéntzia professionali de assumancu 12 (doxi) mesis in positzionis de trabballu chi previdint su cumprimentu de atividadis simbilis a cussas relativas a su tipu de positzioni po chi si cuncurrit.

Po totus is rechisitus si mandat a su bandu integrali de iscioberu púbblicu.

Is domandas de participatzioni tocat a ddas mandai a su Comunu de Gùspini in is términis firmus chi andant de su 11 finas a su 25 de Friaxu 2015.

Su logu, sa data e s'ora de su collóchiu  e is cambiamentus eventualis, si faint iscì luegus a is participantis po mesu de avisu pubblicau in s'Albu Pretóriu “on line” e in  su giassu internet de su Comunu de Gùspini www.comune.guspini.vs.it – Pàgina de intrada “Amministrazione Trasparente” - setzioni “Bandi di Concorso” - sutasetzioni “Bandi di Concorso”, cun valori de comunicatzioni e de notífica a totus is efetus de lei.

Su Bandu de Iscioberu e sa domanda de participatzioni s'agatant in su giassu internet de su Comunu a s'indiritzu:http://www.comune.guspini.vs.it,  Pàgina de intrada “Amministrazione Trasparente” - setzioni “Bandi di Concorso” - sutasetzioni “Bandi di Concorso”.

 

Po àteras iscedas:

Servítziu de su Personali de su Comunu de Gùspini

070 976 02 08  976 02 39

e-mail: settore.personale@comune.guspini.vs.it

 

 

Documentus disponíbbilis:

Bandu

Domanda

 

Notas Legalis:

Determinatzioni n°20/P de su 5 de Friaxu 2015 (Registru Generali n°93).

 

CONSILLU COMUNALI

10 de Friaxu de su 2015

 

Est istétia cunvocada po cenàbara 13 de friaxu de su 2015, a is cincu de a merì (17,00), in sa sala de su Consillu, una sétzida Istraordinària de su Consillu Comunali po chistionai de is argumentus chi sighint:

 

-        Aprovu verbalis sétzidas de su Consillu comunali;

-        Interrogatzionis e interpellàntzias;

-        Órdini de sa dì contras a su depósitu de scórias  nuclearis in totu su territóriu de sa Sardigna;

-        Sostitutzioni consilleri dimissionàriu Porceddu Edmondo e cumbalida de su consilleri elígiu.

 

 

ISPARTZIDURA DE S'ÀCUA

10 de Friaxu de su 2015

 

Abbanoa fait iscì chi gióbia 12 de Friaxu 2015 de is otu e mesu de a mengianu (8,30), po trabballus de fai in s'arretza de s'àcua de Arburada Di Vittorio,  non donant àcua in totu su bixinau de IS BOINÀRGIUS finas a s'acabbada de is trabballus prevista faci a sa una (13,00) de sa matessi dì.

 

INTREGADURA CAMPUS DE TENNIS

6 de Friaxu de su 2015

 

Si reunit su 12 de Friaxu a is noioras e mesu de a mengianu (9,00)  in sa Sala de su Consillu de su Comunu de Gùspini, sa commissioni chi depit valutai is propostas relativas a sa procedura a evidéntzia púbblica po s'intregadura in cuncessioni de sa gestioni de is Campus de Tennis chi ddoi at in Gùspini in localidadi sa Tella.

S'iscioberu punnat a individuai unu sugetu in gradu de garantiri un'impreu primorosu de s'impiantu e su cumprimentu de is atividadis inditadas in su Regulamentu Comunali po sa Gestioni de is impiantus isportivus.

S'intregadura in cuncessioni de s'impiantu durat cuíndixi annus.

 

CUNCURSU PÚBBLICU ISTRUTORI  DIRETIVU ASSISTENTI SOCIALI

4 de Friaxu de su 2015

 

Est istétiu aprovau s'elencu de is ammítius, de is ammítius cun riserva e de is esclúdius de su Cuncursu Púbblicu po títulus e esàminis po sa cobertura a tempus prenu e a tempus indeterminau de n°1 postu de Istrutori Diretivu Assistenti Sociali – Categoria Giurídica D (ex 7° c.f.) prima de totu riservau a is voluntàrius de is Fortzas Armadas ex artt. 1014 e 678 de su D.Lgs. 15 de Martzu 2010 n°66.

Is candidaus ammítius cun riserva depint providiri sa dì e totu de sa primu prova a sanai is irregularidadis de forma apuradas in fasi de istrutória in sa domanda de participatzioni a su cuncursu.

Cópia de s'elencu s'agatat in s'Albu Pretóriu "on line" e in su giassu istitutzionali de s'Enti – pàgina de intrada  "Amministrazione Trasparente", setzioni "bandi di Concorso", sutasetzioni "Bandi di Concorso".

Cun una comunicatzioni imbenienti si fait a connosci su diàriu de is provas de esàmini.

Non si mandat nisciuna comunicatzioni personali a is candidaus síngulus ammítius, ammítius cun riserva e esclúdius. Chini non si presentat po fai is provas d'esàmini, est cunsiderau in manera automàtica rinunciatàriu a su Cuncursu.

Is candidaus si depint presentai cun unu documentu de identidadi in cursu de balididadi bàsciu sa pena de esclusioni de is provas e totu.

 

Custa informativa sostituiscit de unu totu, aici cumenti ddu previdit su Bandu de Cuncursu, dónnia àtera comunicatzioni iscrita individuali in is cunfrontus de is candidaus ammítius a is provas.

 

Po àteras iscedas:

Servítziu Personali de su Comunu de Gùspini

tel. 070 976 02 08 – 976 02 39

"e-mail": settore.personale@comune.guspini.vs.it

 

Documentus disponíbbilis

Elencu ammítius, ammítius cun riserva e esclúdius

 

 

Notas Legalis

Determinatzioni n°18/P de su 3 de Friaxu 2015 de su Responsàbbili de su Personali

 

COSTRUTZIONI NÍCIUS IN CAMPUSANTU

2 de Friaxu de su 2015

 

Apustis de s'obertura de is ofertas po s'intregadura de is trabballus de costrutzioni e manutentzioni de nícius in campusantu fata su 14 de Donniasantu 2014, su 16 de Meseidas 2014 e su 9 de Gennàrgiu 2015, sa dita agiudicatària est sa A.T.I. IMAG S.R.L. E CO.ED. S.R.L., localidadi "Pill'e Mata" sn – 09044 Quartucciu (CA).

Sa Dita s'est agiudicada sa gara cun sa percentuali de iscontu de su 23,286% asuba de s'importu sugetu a ribbàsciu de 173.473,00.

Su costu de is trabballus duncas est paris a complessivus 167.605,08 pretzius diaici: 133.078, 2.500,00 cumenti a òneris po sa cumpridura de su pianu de siguresa (non sugetus a ribbàsciu), 32.027,00 cumenti a costu de su personali (non sugetu a ribbàsciu),.

S'aprovu de su verbali de gara e duncas s'agiudicatzioni definitiva, no ancoras eficaci, est acontéssia cun determinatzioni n°2/OP de su 14 de Gennàrgiu 2015.

 

 

ORÀRIU NOU PO SU SERVÍTZIU SOCIALI PROFESSIONALI

2 de Friaxu de su 2015

 

A incumentzai de su 2 de Friaxu, e finas a dispositzioni noba, su Servítziu Sociali Professionali osservat custu oràriu de arricidura de su púbblicu:

 

Lunis 10,30 – 13,00 ( de is dexi e mesu de a mengianu finas a sa una )

 

Martis 16,30 – 17,30 ( de is cuatru e mesu finas a is cincu e mesu de a merì)

 

Cenàbara 10,30 – 13,00 (de is dexi e mesu de a mengianu finas a sa una)

 

In is àteras dìs is Assistentis Socialis arricint is impitadoris iscéti po apuntamentu (tel. 070 976 03 08 – 976 03 11 -  976 03 04).

 

TELÉFONUS ISOLAUS

2 de Friaxu de su 2015

 

Fortzis po nexi de su tempus malu, sa centrali telefónica Comunali po su momentu  est foras servítziu. Po immui duncas non si podint cuntatai po telefonu is ufícius comunalis.

Abarrant ativas,invécias, is àteras formas de comunicatzioni: "e-mail", PEC, Skype (candu est prevista).

IMU 2014 ASUBA DE IS TERRENUS AGRÍCOLUS

7 de Gennàrgiu de su 2015

 

Su Decretu Lei n° 4/2015 at torrau a ponni s'esentzioni de s'imposta po is terrenus agrícolus e po is non coltivaus chi funt in is comunus classificaus montanus de unu totu, cumenti torrat a portai s'elencu de is comunu italianus chi at fatu s'Istat.

Essendi su comunu de Gùspini insertau in s'elencu subranadu cumenti a Comunu Montanu de unu totu, is terrenus non funt sugetus a s'IMU.

Is citadinus interessaus non depint pagai

 

Notas legalis

Su decretu lei dd'ant pubblicau in sa “Gazzetta Ufficiale” n° 19 de su 24 de Gennàrgiu de su 2015.

 

ABBATIMENTU  BARRIERAS ARCHITETÓNICAS

27 de Gennàrgiu de su 2015

 

Iscadint su 1° de Martzu de su 2015 is términis po sa presentada de is domandas po sa cuncessioni de is contribbutus de non torrai po s'abbatimentu de barrieras architetónicas in fàbbricus privaud, innói bivit genti chi tenit impedimentus físicus fissus chi ndi limitant sa funtzionalidadi, segundu sa Lei n° 13/89.

Is domandas depint essi i ndiritzadas a su Síndigu e ddas depit presentai su portadori de handicap o chi ndi esercitat s'amparu o sa potestadi po s'immobbili innói issu tenit sa residéntzia abituali e depit cuntenni sa descritzioni de is trabballus chi punnant a ndi bogai is istrobbus a sa mobbilidadi sua cun s'inditu de s'ispesa totali de fai.

Is domandas ddas podint presentai puru àterus sugetus: su proprietàriu de su fàbbricu o s'amministradori de su condomíniu chi, fadendi s'ispesa, podint essi titolaris de su deretu a is contribbutus (segundu su comma 3° de s'art. 9 de sa L.13/1989).

 

  1. Beneficiàrius de su contribbutu

Segundu s'art.9 – comma 1 de sa Lei 13 de su 1989, tenint deretu a is contribbutus is chi tenint istrupiaduras o limitatzionis funtzionalis fissas, tzurpimini cumpresu, est a nai is chi pertocant sa camminada e sa mobbilidadi, is chi tenit a càrrigu is sugetus subranaus segundu s'art. 12 de su Decretu de su Presidenti de sa Repúbblica n°917 de 22  de Meseidas 1986, e puru is condominus innói risiedint is categorias de beneficiàrius subranadas.

2.      Rechisitus

3. Non si ammitint a su contribbutu:

  1. Documentus:

Apustis a sa trasmissioni de sa domanda, s'Ufíciu Ténnicu de su comunu averiguat chi, in sa data de presentada de sa domanda, is trabballus non siant giai fatus o siant fadendidus.

 

S'elencu de is domandas si fait segundu is critérius chi sighint:

  1. Términis po sa presentada de is domandas:

Is domandas depint lompi  a su Protocollu Generali de su Comunu de Gùspini in bia Don Minzoni n°10, in is dìs e in s'oràriu de obertura a su púbblicu ( de su lunis finas a sa cenàbara 10,30/13,00 e su martis e sa gióbia 16,30/17,30) aintru e non prus a tradu de su 1° de Martzu de su 2015.

 

  1. Ésitu de su procedimentu

Is chi ant mandau sa domanda de contribbutu funt informaus de s'ésitu de su procedimentu iscéti po mesu de noba ispecífica  pubblicada in su giassu istitutzionali de su Comunu de Gùspini in sa primu cida de Abrili 2015.

Su mollu de domanda si podit arretirai puru in s'Ufíciu Urbanística e Edilítzia Privada – bia Don Minzoni 10 – in is oràrius de obertura a su púbblicu ( de su lunis finas a sa cenàbara 10,30/13,00 e su martis e sa gióbia 16,30/17,30).

 

DÍ DE SA MEMÓRIA

27 de Gennàrgiu de su 2015

 

Consillu Comunali de su 26 de Gennàrgiu de su 2015

 

Órdini de sa dì

“Giornata della Memoria, per non dimenticare” / Dì de sa Memória, po no iscaresci

 

Funt 70 annus de cussu 27 de Gennàrgiu 1945 candu funt istétius obertus is canceddus de Auschwitz po ammostai a su mundu interu s'orrori chi ant cumbinau is nazifascistas, una data símbulu chi, po no iscaresci, s'Itàlia at bòfiu celebrai dónnia annu sa Di de sa Memória in arragodu de s'isperdimenta e de is persecutzionis de su pópulu ebràicu, de personas cun impedimentus, rom, mascuvémina e de is deportaus militaris e políticus (lei 20 de Argiolas 2000).

 

Su Consillu Comunali de Gùspini

Cunsiderau chi

  1. sa memória individuali e colletiva chi ndi contat funt arraixinis e esperiéntzias de fundamentu po s'identidadi de unu pópulu.

Pigau atu chi

  1. S'Europa intra de is duas guerras dd'at atraversada s'idea de costruiri unu “órdini europeu nou” chi at portau a matanza de sa Sgundu Guerra Mondiali e chi at tentu in sa Germània Nazista s'artéfici principali de tali disegnu políticu chi s'est cuncretizau in s'isperdimenta de totus is “diversus”: su Reich boliat eliminai sa “diverdidadi” de s'Europa, agatendi po cust'iscopu sustenidoris cuidadosus e collabboradoris intra de óminis e de fémminas de isciéntzia iscraus de s'ideologia nazista;
  2. Is massacrus non fiant abarraus confinaus iscéti a su territóriu de sa Germània: chi, cun s'ammanniai de sa guerra s'isperdimenta de is “diversus” no iat arrisparmiau is istadus ocupau, cun acontéssius drammàticus in Itàlia puru;
  3. Is Leis ratzialis  chi su Fascismu at pregonau, fiant una bregúngia e un'infàmia po s'Istadu nostru, ca iant portau a sa morti de millas e millas de ebreus residentis in Itàlia e iant provocau suferéntzia, timoria, pentzamentu e miséria intra de sa populatzioni italiana;

Siant duncas de avertimentu a totus is fueddus de sa poesia chi at iscritu su predi luteranu Martin Niemoller asuba de su siléntziu de is intelletualis tedescus in is primus annus de artziada a su poderi de is nazistas:

 “ Candu funt bénnius a ndi pigai is ebreus seu abarrau in siléntziu ca non fia ebreu

candu funt bénnius a ndi pigai is mascuvéminas seu abarrau in siléntziu ca non fia mascuvémina candu funt bénnius a ndi pigai is comunistas seu abarrau in siléntziu ca non fia comunista

candu funt bénnius a ndi pigai is zingarus seu abarrau in siléntziu ca non fia zingaru

candu funt bénnius a ndi pigai a mimi, non nnci fiat prus nisciunu chi podiat chistionai po mi defendi”.

Espressat

Dispexei a sa noba chi unus cantu istadus europeus, intra de custus s'Itàlia, ant decídiu de non contribbuiri a su “Fondo Perpetuo”indispensàbbili a apoderai biu s'arragodu de su campu de isperdimenta nazista prus malifamau, su de Auschwitz.

Cunsiderau chi

In su 2009 est istétiu creau unu fundu po s'arragota de 120 milionis de eurus necessàrius a evitai sa serrada ameletzada de su distretu de Cracóvia innói ddoi at Auschwitz e Birchenau, cumplessu de 155 fàbbricus e 300 arruinas in un'istérrida de 200 etarus in su Sud de sa Polónia. Su fundu, dd'ant finantziau iscéti 31 istadus e at arragotu 102 millionis de eurus e chi, po arraxonis istóricas craras, su contribbuenti prus mannu est sa Germània cun 60 millionis de eurus, sa mitadi de cantu domandau. S'Unioni Europea at agiudau cun 4 millionis e sa citadi de Parigi cun 310.000 eurus. S'Itàlia e s'Ispagna funt intra de is grandus assentis de custa initziativa.

SU COMUNU DE GÙSPINI SI IMPEGNAT

-in is limitis de is possibbilidadis económicas suas a contribbuiri a “títulu simbólicu” a su mantenimentu de custa initziativa. Fadendi presenti chi sensibbilidadi, atentzioni e arragodu non funt costumus ma benis moralis de passai a chi cussus annus non ddus at bívius.

-        A creai, in su giassu istitutzionali de su comunu de Gùspini, una setzioni dedicada a totus cussus momentus chi serbint a arragodai chi seus una comunidadi locali parti de unu cuntestu prus generali innói is valoris de sa democratzia non funt achirius po sémpiri, ma tocat a ddus  fai a connosci, a ddus amparai, a ddus agiudai e ddus alimentai de cussus idealis de cundivisioni, legalidadi, uguagliantza e chi, s'arragodu de is isperdimentas, de calisisiat genia, funt sa colla chi aunit is pópulus po no iscaresci chi seus óminis.

 

CONTRIBBUTUS ATIVIDADIS ISPORTIVAS AGONÍSTICAS 2014

27 de Gennàrgiu de su 2015

 

S'Amministratzioni Comunali bolit procedi a s'intregadura de contribbutus po atividadis isportivas agonísticas fatas in s'annu 2014, segundu su Regulamentu Comunali po s'intregadura de finantziamentus, contribbutus e bantaxus económicus a favori de s'Isport;

Destinatàrius:

Sociedadis e assótzius isportivus:

  1. chi tenint sea legali, sociali, organizativa in Gùspini;
  2. chi faint s'atividadi pruscatotu in su territóriu comunali guspinesu;
  3. chi iscrint scuadras e atletas a torneus chi is federatzionis isportivas  o is entis de promotzioni isportivas arreconnoscint.

Iscadéntzia domandas: 28 de Friaxu 2015

Is critérius de intregadura de is contribbutus, sa manera de presentada de is domandas, is maneras de intregadura de is contribbutus, is càusas de esclusioni, a parti totus is iscedas chi riguardant is proceduras, funt inditaus  a sa minuda in su Bandu.

 

Documentus disponíbbilis

Regulamentu comunali po s'intregadura de finantziamentus, contribbutus e bantaxus económicus a favori de s'Isport

 

Bandu

 

Domanda de participatzioni

 

Allegau A – Rendicontu

 

Allegau B – Atletas tesseraus

 

Allegau C – Consuntivu finantziàriu

 

Allegau D – Ritenutas

 

 

Notas Legalis

Provedimentu de su Responsàbbili de su setori n.4/SC de su 27.01.2015 (Reg. Gen. 46)

 

Regulamentu aprovau cun Delibberatzioni de su Consillu Comunali n. 27/2014

 

CONSILLU COMUNALI

22 de Gennàrgiu de su 2015

 

Est istétia cunvocada po lunis 26 de Gennàrgiu de su 2015, a is cuatru e mesu de a merì (16,30), in sa sala de su Consillu , una sétzida istraordinària e urgenti de su consillu Comunali po chistionai de s’órdini de sa dì chi sighit:

  1. Aprovu verbalis de sétzida de su Consillu Comunali chi riguardant su 2014;
  2. Interrogatzionis e interpellàntzias;
  3. Aprovu Pianu de Atzioni po Energia Susteníbbili (PAES) de su Comunu de Gùspini;
  4. Integratzioni a su “Regulamentu nou integrau po s’intregadura de is àreas e is volúmini de propriedadi comunali aprovau cun delíbbera de su Consillu Comunali n°75 de su 13 de Donniasantu 2002;
  5. Adotzioni varianti a is Normas Ténnicas de Atuatzioni de su Pianu Urbanísticu Comunali;
  6. Órdini de sa dì asuba de sa Dì de sa Memória, po no iscaresci.
  7. Istitutzioni de sa Consulta de is Fratzionis.

 

ASSISTÉNTZIA IN DOMU

22 de Gennàrgiu de su 2015

 

Pubblicau s’avisu de Agiudicatzioni Provisória chi pertocat su bandu de gara po s’intregadura, po mesu de procedura oberta, de sa gestioni de su progetu nomenau Servítziu de Assisténtzia in Domu Distretuali.

S’apaltu est istétiu agiudicau a sa Dita ATI “La Clessidra – Nuove Frontiere.

Po àterus minus si mandat a s’Avisu de agiudicatzioni provisória.

 

Documentus disponíbbilis

 

Avisu de agiudicatzioni provisória

 

Notas legalis

CIG:603250656E

Cun determinatzioni de su Responsàbbili de su Setori n°4/SSP de su 21 de Gennàrgiu de su 2015 Reg.Gen. n°35 de su 21 de Gennàrgiu de su 2015.

 

 

DÍ DE SA MEMÓRIA

21 de Gennàrgiu de su 2015

 

In su 2015 puru, in ocasioni de sa Dì de sa Memória, in sa bibblioteca comunali “Sergio Atzeni” in bia San Nicolò n°9 in Gùspini, ddoi at un’ammosta de líbburus chi pertocant s’Olocàustu (sperdimenta). Funt postus in evidéntzia is líbburus ispecíficus asuba de s’argumentu.

S’ammosta abarrat oberta de su 27 de Gennàrgiu a su 27 de Friaxu in s’oràriu normali de obertura a su púbblicu.

 

ATÓBIU

20 de Gennàrgiu de su 2015

 

Is comitaus cívicus “No Megacentrale” e “Terra che ci appartiene” organizant su 23 de Gennàrgiu a is cincu e mesu de a merì(17,30) in sa sala de su Consillu de su Comunu de Gùspini un’assemblea-dibbatu, po chistionai de is argumentus chi pertocant is Mega-Centralis.

Ant a fai relatas  ténnicus, referentis de is comitaus e de is assótzius ambientalistas. Su coordinadore de is trabballus est Giuseppe Corato.

Is organizadoris cumbidant is Comitaus e is Assótzius de s’Arretza Regionali, is Assótzius Ambientalistas, s’Assótziu de is gióvunus “2.0”, is proprietàrius terrierus, is fortzas políticas localis, is Amministradoris e is citadinus, garantendi tempus meda po su dibbatu.

 

CUNCURSU  PÚBBLICU

20 de Gennàrgiu de su 2015

 

Pubblicau su bandu po su Cuncursu púbblicu po títulus e esàminis po sa cobertura a tempus prenu e indeterminau de n° 1 postu de Istrutori Amministativu – Categoria Giurídica C (ex 6°(q.f). Positzioni Económica C1, riservau de unu totu a is sugetus disàbbilis iscritus in s’elencu de is categorias amparadas ex art. 1de sa L.68/1999.

Su términi po sa presentada de is domandas de ammissioni a su Cuncursu incumentzat de su 21 de Gennàrgiu de su 2015 finas a su 19 de Friaxu de su 2015.

Su bandu de cuncursu púbblicu est istétiu pubblicau in sa Gazzetta Ufficiale, 4^ série ispeciali “ Concorsi ed Esami” númunu 5 de su 20 de Gennàrgiu de su 2015.

Cópia de su bandu de cuncursu si podit agatai in su giassu istitutzionali de s’Enti: http://www.comune.guspini.vs.it – in “Amministratzioni Trasparente”, setzioni “Bandi di Concorso” sutasetzioni “Bandi di Concorso”.

Po àteras iscedas:

Servítziu Personali de su Comunu de Gùspini

Tel. 070 976 02 08 – 976 02 39

e-mail: settore.personale@comune.guspini.vs.it

 

Documentus disponíbbilis:

Bandu de cuncursu

Domanda de participatzioni

 

Notas Legalis

In esecutzioni de sa determinatzioni de su Responsàbbili de su Settori cumpetenti po su Servítziu de su personali n°143/P de su 30 de Meseidas de su 2014.

 

 

CANTIERIS COMUNALIS DE FORESTADURA

20 de Gennàrgiu de su 2015

 

Pubblicada sa graduatória finali de is candidaus idoneus e non idoneus a is Cantieris Comunalis de Forestadura.

N.B. (de allegau a sa delibberatzioni G.R.33/19 de su 8 de Austu de su 2013):

Si is personas incarreradas a s’iscioberu, chentza motivu giustificau:

  1. Non si presentant a is provas de idoneidadi, apustis de sa decraratzioni de idoneidadi chi faint is Amministratzionis Púbblicas,  renuntziant a s’oportunidadi de trabballu.

 

Intzaras:

 

A – non podint participai in is ses mesis chi sighint, a sa tzerriada a s’iscioberu in sa Regioni intera, puru apustis su càmbiu de su domiciliu e de sa residéntzia.

 

B – perdint s’istadu de disocupatzioni e non podint fai una decraratzioni noba chi atestat sa disponibbilidadi pronta a fai s’atividadi de trabballu in is Centrus po s’impreu de sa Regioni po unu períodu de tres mesis.

 

Costituiscit motivu giustificau, a is finis e a is efetus immui de importu, sa mancàntzia de arrespetu, de parti de is Amministratzionis Púbblicas, de is términis de comunicatzioni e de cumpridura de is provas de idoneidadi, e sa cumpridura trigadia de is provas e totu, e puru is motivus de saludi chi depint essi cumprovaus cun certificatzioni médica idonea.

 

Documentus disponíbbilis

Graduatória

 

“WELFARE DELLO STUDENTE” E “RIMBORSO SPESE VIAGGIO” ANNU DE ISCOLA 2013/2014

 

19 de Gennàrgiu de su 2015

 

Pubblicadas is graduatórias difinitivas relativas a is bandus "Welfare dello Studente " e "Rimborso spese viaggio" ("Welfare" de s'istudianti  e Rimbussu ispesas de biaxi)  in favori de is istudiantis pendolaris de is iscolas superioris, ambaduas riguardant s'annu de iscola 2013/2014.

 

Sa pubblicatzioni de is datus chi riguardant is nóminis de is istudiantis beneficiàrius est omítia, s'inditat iscéti su códixi identifícativu intregau in su momentu de sa presentada de sa domanda e chi ddoi at in sa matrici de sa matessi domanda (D.Lgs de su 14 de Martzu de su 2013, n°33, art. 26 comma 4).

Po castiai is graduatórias e averiguai sa positzioni chi si tenit, is impitadoris depint duncas individuai su códixi identificativu insoru (inditau in sa matrici de sa domanda chi ant fatu) e  e iscurri is graduatórias de su númunu de códixi prus piticu a su prus mannu po averiguai sa somma atribuida.

 

Àteras iscedas si podint domandai a:

Ufíciu Istrutzioni Púbblica,

bia Don Minzoni n°10

de su lunis a sa cenàbara

de is dexi e mesu de a mengianu finas a sa una (10,30 – 13,00).

su martis e sa gióbia

de is cuatru e mesu finas a is cincu e mesu de a merì (16,30 – 17,30)

tel. 070 976 02 33 – 976 02 48 – 976 02 51.

 

Documentus disponíbbilis

 

Graduatória difinitiva "Welfare dello studente"

 

Graduatória difinitiva  "Rimborso spese viaggi"

 

 

 

METANIZATZIONI

19 de Gennàrgiu de su 2015

 

Su Comunu de Gùspini est insertau in su progetu de metanizatzioni e fait parti, imparis a àterus Comunus, de su Bacinu 24.

 

S'azienda chi s'est agiudicada is trabballus bolit presentai a is imprendidoris de sa Zona artigianali PIP, su prpgetu e is initziativas acapiadas a custu.

A custu iscopu, mércuis 21 de Gennàrgiu a is ses e mesu de a merì (18,30), in s'aula de su Consillu de su Comunu de Gùspini, ddoi at un'atóbiu chi bit sa preséntzia de is responsàbbilis de Sherden Energia, chi funt a dispositzioni po ammostai is atzionis e is propostas riservadas a is aziendas.

 

AGIUDICATZIONI

16 de Gennàrgiu de su 2015

 

Pubblicau s'avisu de agiudicatzioni relativu a su bandu de gara po s'intregadura, po mesu de procedura oberta, de sa gestioni de su progetu nomenau "Accessibilità ed Equità dei Servizi – Fondo per la non autosufficienza – Potenziamento PUA e UVT" (Acessibbilidadi e Ecuidadi de is Servítzius – Fundu po sa non autossuficiéntzia – Afortiadura PUA e UVT).

S'apaltu est istétiu agiudicau a sa "Ditta Consorzio Territoriale Network Etico Italia Soc. Coop. Sociale Consortile" segundu is normas in vigéntzia.

 

Po àteras iscedas tocat  a casitiai s'Avisu de agiudicatzioni.

 

Documentus disponíbbilis

Avisu de agiudicatzioni

 

PIANUS DE GESTIONI SIC E ZPS

14 de Gennàrgiu de su 2015

 

Su Pianu de Gestioni de su Logu de Interessamentu Comunitàriu ITB030032  "Staiini de Corru s'Itiri" e su Pianu de Gestioni de sa Zona de Amparu Ispeciali ITB034004 "Corru d'Itiri, Staini de San Giovanni e Marceddi" funt depositaus insu Comunu de Gùspini finas a su 9 de Martzu 2015 e si podint castiai in manera líbbera.

Cinisisiat tenit interessamentu, po s'amparu puru de is interessamentus difusus, podit presentai osservatzionis, consillus e propostas, donendi elementus conoscitivus e valutativus nous.

Is osservatzionis depint essi presentadas a su Comunu de Terraba, bia Baccelli n°1, 09098 Terraba e a sa R.A.S., Assessorato della Difesa dell'Ambiente, Servizio SAVI, bia Roma n°80, 09123 Casteddu, aintru de su 9 de Martzu 2015.

 

Documentus disponíbbilis

 

Avisu de depositu de su Pianu de Gestioni de su Logu de Interessamentu Comunitàriu ITB030032  "Staini de Corru s'Itiri";

Avisu de depositu de su Pianu de Gestion de sa Zona de Amparu Ispeciali ITB034004 "Corru s'Itiri, Staini de San Giovanni e de Marceddi";

BURAS n°2 de su 8 de Gennàrgiu de su 2015 – parti III;

Pianu de Gestioni de su Logu de Interessamentu Comunitàriu ITB030032 " Staini de Corru s'Itiri";

Pianu de Gestioni de sa Zona de Amparu Ispeciali ITB034004 " Corru s'Itiri, staini de San Giovanni e Marceddi".

 

ANTICORRUTZIONI E TRASPARÉNTZIA

13 de Gennàrgiu de su 2015

 

Su Comunu de Gùspini ponit a dispositzioni po ddu castiai su Pianu triennali de preventzioni de sa corrutzioni 2015 – 2017 (P.T.P.C.) e su Programma triennali de sa Trasparéntzia 2015 – 2017 (P.T.T.I.).

 

Custus funt duus documentus chi totus is comunus italianus depint preparai po lei po ponni a puntu unu pianu anticorrutzioni eficaci.

Su pianu natzionali anticorrutzioni previdit puru chi is Amministratzionis localis depant cumpriri formas de consultatzioni cun s'interessamentu de is citadinus e de is organizatzionis portadoras de interessamentus colletivus ( Organizatzionis Sindacalis, Assótzius de categoria, e aici sighendi ...) in ocasioni de sa preparatzioni e de agiornamentu de pianu anticorrutzioni suu.

Po custu totus is assótzius e is citadinus funt cumbidaus a presentai propostas e osservatzionis. Is propostas depint lompi aintru de su 23 de Gennàrgiu 2015, in una de is maneras chi sighint:

  1. po mesu de P.E:C. ( Posta Eletrónica Certificada) a s'indiritzu: protocollo@pec.comune.guspini.vs.it;
  2. po intregadura direta a s'Ufíciu Protocollu de su Comunu de Gùspini;
  3. po mesu de su Servítziu Postali.

Po permiti mellus s'aportu de contribbutus miraus, in su giassu istitutzionali de s'Enti, in "Amministrazione Trasparente" funt disponíbbilis:

  1. in sa setzioni "Altri contenuti" sutasetzioni "responsabile della prevenzione della corruzione", su P.T.P.C. - 2016;
  2. in sa setzioni "Disposizioni generali" sutasetzioni "Programma per la Trasparenza e l'Integrità", su P.T.T.I.

 

Documentus disponíbbilis:

Avisu Púbblicu

 

RINNOVU R.S.U CUMPARTU REGIONIS E ENTIS LOCALIS

10 de Gennàrgiu de su 2015

 

In is dìs 3,4, e 5 de Martzu de su 2015 ddoi funt is eletzionis po su rinnovu de is Rapresentàntzias Sindacalis Unitàrias (R.S.U.) po su personali non dirigenti in is cumpartus de is Amministratzionis Púbblicas, intra de custas su Cumpartu puru de su personali de is Entis Localis.

Custu su calendàriu de is proceduras eletoralis trasmítiu cun protocollu ARAN 28 de Meseladàmini de su 2014:

13 de Gennàrgiu 2015, annúnciu de is eletzionis chi ant fatu is assótzius sindacalis e in su matessi tempus inghitzu de sa procedura eletorali;

14 de Gennàrgiu 2015,  is Amministratzionis ponint a dispositzioni s'elencu generali alfabéticu de is eletoris e intregadura de sa cópia relativa a totus is organizatzionis sindacalis chi ndi faint domanda – in su matessi tempus is organizatzionis sindacalis incumentzant a arragolli firmas po sa presentada de is listas;

23 de Gennàrgiu 2015, primu términi po s'aposentamentu de sa Commissioni Eletorali;

28 de Gennàrgiu 2015, ùrtimu términi po sa costitutzioni formali de sa Commissioni Eletorali;

6 de Friaxu 2015, términi po sa presentada de is listas eletoralis;

19 de Friaxu 2015, sa Commissioni apicat is listas eletoralis;

3, 4, 5 de Martzu 2015, votatzioni;

6 de Martzu 2015, iscrutíniu;

6 – 12 de Martzu 2015, sa Commissioni comunicat is risurtaus eletoralis;

13 – 23 de Martzu de su 2015, is Amministratzionis mandant su verbali eletorali finali a s'ARAN po mesu de sa piataforma apósita chi ddoi at in su giassu de s'Agentzia.

 

 

"CASTING"

10 de Gennàrgiu de su 2015

 

Po su "Film" televisivu nou de Lucio Pellegrini "Limbo" chi ant girant intra de su 12 e su 19 de Friaxu, sa "FandangoTV" circat cumparsas mascus e féminas de is 8 finas a is 75 annus (pruscatotu pipius e antzianus).

Si circant caraterísticas de su corpus mesuorientalis o àrabas ( peddi iscura e braba po is óminis, cun istrutura física marrida) giai chi is iscenas de su film in chistioni funt ambientadas in Afghanistan.

Custu non impidit sa candidadura de Sardus chi si arreconnoscint in is bisuras subraindicadas.

Su "casting" est martis 13 de Gennàrgiu de is tres de a merì (15,00) finas a is seti de a merì (19,00) in su Centru Culturali "Case a Corte" – bia Caprera n°23 – Gùspini.

Si podint presentai a su provinu iscéti is chi portant una fotocópia de unu documentu de identidadi e su códixi fiscali.

Is minoris ddus depint acumpangiai su babbu o sa mamma.

Po àteras iscedas: vagonata@gmail.com – 347 4454880.

 

 

PLUS – OBERTURA OFERTAS ECONÓMICAS

9 de Gennàrgiu de su 2015

 

Est prevista po custu mengianu 9 de Gennàrgiu, in s'aula de su Consillu a sa una (13,00), s'obertura de is bustas chi cuntenint is ofertas económicas relativas a sa procedura oberta po s'afidamentu in gestioni de su progetu nomenau "Servizio di Assistenza Domiciliare Distrettuale". A sa una e mesu (13,30) si oberrint invécias is ofertas económicas relativas a sa procedura oberta po s'afidamentu in gestioni de su progetu nomenau "Servizio Educativo Territoriale Distrettuale".

 

LEI 162/98 PRÒROGA

 5 de Gennàrgiu de su 2015

 

Sa Regioni Sardigna, po non interrumpi is interventus ativaus e assigurai sighidura a is pianus personalizaus relativus a sa Lei 162/98, at autorizau sa  sighidura de is pianus ativaus aintru de su 31 de Meseidas 2014 po is mesis de Gennàrgiu e de Friaxu de su 2015, segundu is importus arriconnotus po sa mesada de s'annualidadi 2014.