SARDITINERA BIDDACIDRU
 
 

UFITZIU DE LINGUA SARDA
Operadora de sportellu: Dotora Annalisa Caboni

Obertura a su pùbblicu: Mércuis

Oràrius: 8.30 – 13.30 / 15.30 - 18.30

Sea de trabballu: Mediateca – Centru All-in

Bia Parrochia n°190 - Comunu de Biddacidru

Tel. 070/9314497

annalisa.caboni@provincia.sudsardegna.gov.it

Copyright Sarditinera


L. 482/99 Annu 2017





L. 482/99 Annu 2016





CALIS ARRISCUS PO “VILLASERVICE” CUN SU PIANU REGIONALI NOU DE S’ÀLIGA?

31 de Meseladàmini de su 2016

Fonti: www.villacidro.info

 

Biddacidru. “Cun su pianu nou po sa gestioni de s’àliga de sa Regioni Sardigna su cuadru chi bessit a pillu est assustradori”  narat Antonio Muscas de “Assemblea Permanente”. S’ex consilleri comunali, in sa videu-interbista, spricat is scenàrius possíbbilis, po su chi  pertocat puru s’ocupatzioni, chi iat a depi afrontai sa “Villaservice”, sociedadi chi gestit su muntronaxu de su cunsórtziu de Biddacidru, in bista de una smenguadura tosta de s’intregadura de s’àliga in is muntronaxus.

 

ABBANOA: “DÓNNIA FAMÍLLIA AT A PAGAI  IN MÉDIA 27 EURUS A SU MESI”

31 de Meseladàmini de su 2016

Fonti:www.villacidro.info

Biddacidru. Funt 4682 is faturas chi ant a lompi in is dís chi benint a is clientis de sa bidda de su Campidanu de Mesu.

In arribbu in is dís chi benint is faturas cun su consumu de sa simada Argiolas – Meseladàmini 2016. Is bulletas – fait sciri s’ufíciu po is giornalis de Abbanoa – funt fatas in basi a sa letura de pagu tempus  de is contadoris, cun costus mesanus po is impitadoris domésticus residentis paris a 110 eurus: in média, duncas, dónnia famíllia residenti pagat po su servítziu integrau de s’àcua 27,61 eurus a su mesi. Sa letura periódica de is contadoris e sa certificatzioni de is datus po médiu de is palmaris eletrónicus – spricant de is Ufícius de V.li Diaz – at permítiu de abasciai meda puru is bulletas cun consumus artus meda. Is operadoris de Abbanoa difatis tenint unu palmari chi permitit su càrrigamentu automàticu de is datus de is contadoris, su logu precisu innui s’agatant e sa fotografia digitali de sa letura chi is umperadoris podint domandai in calisisiat momentu a garantzia de su consumu diaderus faturau. Achirius totus is datus, Abbanoa avisat a innantis is clientis candu su consumu sodigat tres bortas cussu mesanu. Po su prus sa càusa est acapiada a pérditas chi non si bint in is impiantus de is domus: su gallegianti blocau de su serbatóiu domésticu, una pérdita asuta de su pomentu de sa pratza opuru s’àcua de su cómudu. Is datus ammostant chi sa maioria manna de is clientis avisaus at risólviu su problema a s’orígini de is consumus irregularis. A s’acabbu, po su chi pertocat is contadoris chi non si podint castiai de foras, ca funt aintru de is domus, s’est fata una faturatzioni in acontu e su pagamentu de su chi abarrat si fait apustis de àteras averiguaduras.

 

 


MARTA CABRIOLU: “MÀFIA, ÀLIGA E CORRUTZIONI, FUNT FUEDDUS PRUS CHE MAI DE CUSTUS TEMPUS”

30 de Meseladàmini de su 2016

Su Síndigu nou de Biddacidru afrontat s’argumentu tostu de sa corrutzioni e de sa trasparéntzia amministrativa.  Un’argumentu de non tocai in s’ex cabu de logu de su Campidanu de Mesu. Sa domanda est d’óbbligu: sa Giunta Cabriolu nc’at a arrannesci a mandai a innantis su camminu de trasparéntzia e a sumportai is pressionis de foras, pruschetotu cussas políticas, chi in custu camminu de siguru at a atobiai?

 

 

12 MILIONIS DE EURUS EST SU DÉPIDU CHI ABBANOAIAT A TENNI CUN VILLASERVICE

29 de Meselsadàmini de su 2016

 

Fonti: www.villacidro.info

Iat a parri chi Abbanoa depat a sa Villaservice prus o mancu 12 milionis de eurus po su servítziu de limpiadura de s’àcua. “Su cunditzionali est de óbbligu – arraspundit su Síndigu de Biddacidru Marta Cabriolu – ddoi at unu cuntentziosu cun Abbanoa”. Su pagamentu de custu dépidu iat a rendi su benidori de sa Villaservice prus stàbbili.

 

SUSPENSIONI ATIVIDADI DE SA BIBLIOTECA

27 de Meseladàmini de su 2016

 

Si fait sciri chi s'atividadi de sa Biblioteca Comunali est suspéndia de su 27 de Meseladàmini fintzas a data de comunicai po permiti su càmbiu in sa sea noba de bia Regione Sarda.

 

ALBU COMUNALI DE IS ABOGAUS

27 de Meseladàmini de su 2016

 

Si fait sciri a is interessaus chi, cun determinatzioni Reg. Gen. n. 1160 de su 19 de Meseladàmini 2016, est stétiu costituiu s'Albu Comunali de is Abogaus chi punnat a s'intregu eventuali de incàrrigus de patrocíniu legali.

Cumenti prevídiu de s'Avisu Púbblicu, is professionistas funt stétius iscritus in is  setzionis scioberadas segundu s'órdini alfabeticu.

S'Albu si podit castiai “on line”.

A is chi non funt stétius ammítius ant donau comunicatzioni personali po médiu de posta eletrónica certificada.

Po dónnia acraramentu cuntatai s'Ufíciu Contratus e Cuntentziosu a su númunu 070 934 422 12 opuru mandai unu messàgiu de posta eletrónica certificada a s'indiritzu contratti@pec.comune.villacidro.vs.it

 

 

PROGETUS AGIUDU PO S'INCLUSIONI ATIVA

27 de Meseladàmini de su 2016

 

Is Servítzius Socialis ant pubblicau in s'Albu Pretóriu de s'Enti su comunicau apitzus de is progetus agiudu po s'inclusioni ativa chi si podit castiai “on line”.

 

 

SERRADA UFÍCIUS COMUNALIS LUNIS 31 DE MESELADÀMINI

27 de Meseladàmini de su 2016

 

Su Síndigu fait sciri chi cunsiderau sa necessidadi, in su cuntestu de sa smenguadura generali de sa spesa púbblica, de pigai provedimentus chi punnant a su cuntenimentu de is consumus energéticus, de fai in períodus de s'annu particularis caraterizaus de una smenguadura manna de is intradas a is servítzius comunalis de parti  de  is umperadoris e su pagu personali in servítziu  in cumbinatzioni de is férias, est stétia disposta sa serrada de is ufícius comunalis po su 31 de Meseladàmini.

 

PRUMOTZIONI BISÍBBILI DE SA LÍNGUA SARDA

27 de Meseladàmini de su 2016


Sa Província Sud Sardigna, ponendi a dispositzioni su dinai de sa L.R.6/2012 po sa prumotzioni linguística bisíbbili de sa língua sarda, at decídiu cun is comunus alleaus de su progetu, Giauni, Gúspini, Pabillois, Seddori, Serrenti, Biddacidru e Mara Arbarei, de cumbidai totus is operadoris interessaus a ammostai s’acunsentimentu insoru po s’umperu e s’avaloramentu de sa língua sarda in is atividadis diferentis de cumpeténtzia, po fai insinnias, listas (“menù”), cartellinus ed etichetas de merci, e aici sighendi.


Su progetu punnat a fai:
Insínnias in língua sarda de s’atividadi;
Listas (“Menù”) de ristorantis/tzilleris/logus de ristoratzioni e de stràngia ( B&B, locandas, posadas, e aici sighendi) in Sardu, Italianu e Ingresu;
Cartellinus e etichetas de is prodotus in béndita in Língua Sarda.


S’AVISU RIGUARDAT A:
Totus is interessaus chi tenint s’atividadi in is Comunus de Giauni, Gùspini, Pabillois, Seddori, Serrenti, Biddacidru e Mara Arbarei.


TÉRMINIS PO SA PRESENTADA DE SA DOMANDA
Aintru de su 14 de Donniasantu 2016 totus is operadoris interessaus si depint indiritzai a s’Àrea Apaltus, Cuntratus, “Welfare” e Cultura – Ufíicio de Língua Sarda D.ra Alessia Etzi- 0709356356- 3385340472- cultura@provincia.mediocampidano.it; aetzi@provincia.mediocampidano.it; acaboni@provincia.mediocampidano.it


Documentus disponíbbilis
Avisu
Mollu de domanda

FOGU FORA DE BIDDA DE BIDDACIDRU IN LOCALIDADI BINGIOMIGU

26 de Meseladàmini de su 2016

Fonti: www.villacidro.info

At pigau fogu a mericeddu tradu a foras de bidda de Biddacidru, tochendi apenas unas cantu domus in bia Bingiomigu, a is peis de su Cramu.Mannu su spainamentu de fortzas po studai su fogu: in su logu funt interbénnias 3 scuadras de pompieris de Seddori, sa Forestali e sa Protetzioni Civili imparis cun is Barracellus e a is Vígilis. Po fortuna su fogu dd'ant studau a lestru. Non si connoscint calis funt is càusas chi ant fatu partiri su fogu. Su fogu est stétiu studau a is noioras e mesu de a noti (21,30)

 

 

“APUSTIS ANNUS DE GESTIONI PAGU CRARA EUS A FAI BESSIRI SA VILLASERVICE UNU PRIMORI”

25 de Meseladàmini de su 2016

“Ia a bolli fai de sa Villaservice unu primori e nci creu firmamenti”. Sutaliniat su Síndigu de Biddacidru Marta Cabriolu e atzionista de maioria de sa Villaservice, sociedadi chi si ocupat de sa sperdidura de s’àliga. “Est stétia sémpiri bida, segundu su parri cosa mia, in manera unu pagheddu strumentalizada, ma fortzis puru cun unu pagheddu de beridadi”. In sa videu-interbista su Síndigu de Biddacidru fueddat puru de pagu craresa. “Sa sensatzioni chi apu tentu, e no est scéti una sensatzioni, est de pagu craresa de sa Villaservice e s’operau cosa sua faci a foras” Sa diretzioni de sa Giunta noba est sa de fuiri is erroris eventualis de su passau. “Si nc’est sa boluntadi política de andai in un’àtera diretzioni chi est sa de su mellioramentu de s’impiantu, de su mellioramentu de is cunditzionis de trabballu, oi apustis de tantis annus de gestioni pagu crara, de seguru nci bolit tempus e impinníu meda e puru prudéntzia”. Unu citadinu cirdesu, in unu de is tantis atóbius in consillu comunali, innui si chesciànt po is bulletas tropu caras, iat nau, faci a s'ex síndigu Teresa Pani: “Su problema de fundu est, chi medas scint e nemus bolit mai nai chi a dolumannu sa “Villaservice” est simplementi, po custu puru chi fortzis non si arrannescit a ndi benni a cabu de totu is chi funt is spesas, sa “Villaservice” est su feudu de pobiddu cosa sua Siro Marrocu”.

 

ARRAGORTA DIFERENTZIADA, SA SARDIGNA EST INTRA DE IS 9 REGIONIS PRUS VIRTUOSAS DE ITÀLIA

24 de Meseladàmini de su 2016

Fonti: www.villacidro.info

 

Casteddu. Una regioni virtuosa chi in su 2015 at sodigau, 5 annus   innantis, sa tarea UE fissada po su 2020 de su 50%  de inghitzu de su reciclu de s'àliga: sa Sardigna, cumenti at postu in luxi su de 6 Raportus Banca Datus Anci-Conai apitzus de arragorta diferentziada e reciclu de s'àliga presentau oi, si cunfirmat intra de is 9 Regionis prus virtuosas de Itàlia. Cun su 51,58% de inghitzu de su reciclu, sa Sardigna – imparis cun Piemonte, Lombardia, Trentino-Alto Adige, Veneto, Friuli – Venezia Giulia, Emilia-Romagna, Marche e cun s'úrtima intrada Valle d'Aosta – at giai sodigau sa tarea “2020” de sa diretiva europea de su 1998. In créscida puru de su 3,99%  a persona de s'arragorta diferentziada, chi sodigat is 231,54 chilus po abbitanti, unu datu acanta a sa média natzionali de is 253,28 chilus.

Custa est s'Itàlia de is “Circular City” - at spricau Filippo Bernocchi, delegau Anci a Energia e Àliga – unu sistema virtuosu chi in su cuntestu europeu est sémpiri de prus unu mollu de copiai. S'àliga rapresentant s'elementu essentziali in su passàgiu de s'economia liniari a cussa circulari, una tenta innui is Comunus tenint unu ruolu de grandu importu, endi svilupau un'indústria de su reciclu de profetu chi at cambiau s'àliga in un'oportunidadi reali de svilupu po is territórius”.

Satisfada s'Assessora Regionali de sa Difesa de s'Ambienti Donatella Spano: “ Is númunus premiant sa Sardigna e s'impínniu cosa nosta in sa costrutzioni de un'economia circulari alliniada in manera perfeta cun sa normativa europea”, at nau s'assessora Spano. “ S'acórdiu de pagu tempus fait cun su Cunsórtziu Conai s'at a portai unu mellioramentu in prus de is prestatzionis cosa nosta, in términis de cantidadi e de calidadi de s'àliga de imballàgius arragortus in manera diferentziada, e in unu sistema sighiu de averiguada de prus profetu chi torrit craresa a is citadinus”.

 

 

BIDDACIDRU, PRUS O MANCU 600 PERSONAS ANT PIGAU PARTI A SU PRÀNGIU DE   SA GENEROSIDADI

24 de Meseladàmini de su 2016

Fonti: www.villacidro.info

Participatzioni manna po su pràngiu “Paese d'Ombre Solidale”. Genti meda, chi ndi beniat siat de Biddacidru etotu e siat de is biddas lacanantis, ariseru at pigau parti a s'acontéssiu chi punnàt a arragolli dinai po su Comunu de Amatrice, fertu de su terremotu chi at interessau su centru Italia in Austu. Manna sa cifra arragorta, chi at a andai a s'Amministratzioni Comunali de Amatrice e umperada po torrai a fai sa scola sdorrocada de su terremotu.

Luegus apustis de sa Missa, celebrada de Don Franco Tuveri, est stétia inaugurada sa giornada de cumbidu cun sa presentada de sa Banda Musicali “Città di Villacidro”. Est stétia una dí de festa, a parti che de bonucoru, arricada de tanti momentus de stentu cun is “Dj” de “Radio SuperSound”.  Intra de is mesas a unu certu puntu funt bessidas a pillu is telecàmeras e is micrófonus de “Per la Strada” sa trasmissioni fortunada de “Sardegna 1” condúsia de Gennaro Longobardi; is duas puntadas specialis de su pràngiu dd'as faint a biri custas dís  in s'emitenti sarda.

 

 

PRÒROGA SCADÉNTZIA AMMINISTRADORIS DE AGIUDU

21 de Meseladàmini de su 2016

 

Is Comunus de su Distretu PLUS de Gùspini ant decídiu de perlongai a su 31 de Meseladàmini 2016 sa scadéntzia po s'iscritzioni a su cursu de formatzioni a gratis po is Amministradoris de Agiudu.

Documentus disponíbbilis:

Avisu

Bandu  integrali

Allegau A – Mollu de domanda

 

 

Biddacidru, cantieri Abbanoa, istrobbus in bia Leni: “ nisciunu avisu a sa populatzioni”

20 de Meseladàmini de su 2016

Fonti: www.villacidro.info

Citadinus acorraus in domu po nexi de is trabballus a s'arretza de s'àcua fatus, segundu is residentis “chentza de avisu”. Sa bia est blocada de unu totu – narat Marco Rolesu, residenti in sa bia strinta de su bixinau Sant'Antoni – nisciunu s'at avisau de su strobbu e si agataus acorraus in domu e non sciu cumenti andai a trabballai. Po pagu non potzu bessiri  nimmancu a pei po bessiri de su gutureddu”. Is trabballus in cursu  impentzamentant a is residentis, ca nci podint essi perígulus acapiaus a sa seguresa púbblica. “ Non potzu immaginai – acabbat Marco Rolesu – ita iat a essi pótziu acontessi si nci fiat stétiu un'apretu sanitàriu o un'antzianu in dificultadi”.

 

Villaservice”: dèpidus po prus de 5 milionis. Si arriscat su “default” finatziàriu?

20 de meseladàmini de su 2016

Fonti:www.villacidro.info

Biddacidru. Sa “Villaservice”, sociedadi chi amministrat sa sperdidura de s'àliga  in su Campidanu de Mesu tenit unu dépidu de prus de 5 milionis de eurus in is cunfrontu de su Consórtziu Industriali de Biddacidru. “Villaservice” a arriscu “default” finantziàriu? “S'arriscu est seguru” narat Marta Cabriolu, Síndigu de Biddacidru e sóciu de maioria de sa Villaservice S.p.a.. A sa domanda si sa “Villaservice” paghendi su dépidu de prus de 5 milionis de eurus, iat essi sighiu a tenni su bilànciu  sémpiri positivu, su primu citadinu at arraspustu cun unu “no”. Su Síndigu fueddat puru de is dificultadis mannas osservadas po agatai su bilànciu de sa sociedadi. Un'àteru aspetu afrontau in sa videu-intervista est stétiu cussu de sa mancàntzia de unu bilànciu analíticu. Mancàntzia cunfirmada de sa Presidente de sa “Villaservice” Manuela Collu. Abarrat de acrarai cumenti mai sa “Villaservice” apat cumpriu unu dépidu aici mannu in is cunfrontus de su Consórtziu Industriali de Biddacidru. Abarrat una domanda de fundamentu: “Si sa “Villaservice”, a su tempus suu, iat pagau su dépidu, iat a essi stétia in gradu de abarrai in vida?

 

 

In tres annus degumau su patrimóniu de pramas chi nci fiat in bidda

19 de Meseladàmini de su 2016

Fonti: www.villacidro.info

Nisciunu est arrannésciu a firmai su Punteruolu Arrúbiu, su parassitu abramiu de sa prama chi at sderrutu medas de is matas chi nci fiant in Biddacidru.

Su Punteruolu Arrúbiu de is pramas, babballoti de s'Asia meridionali dannosu meda po is pramas, est unu parassitu agressivu meda, in gradu de fai morri in pagu tempus sa mata atacada. S'impestadura at fertu totu sa Sardigna e su babballoti abramiu est lómpiu puru in Biddacidru degumendi is pramas chi nci fiant in su territóriu comunali.

Is privaus funt arrannéscius a cumbati s'impestadura seghendi e sperdendi is pramas malàdias e umperendi mexinas po cussas ancoras bias. Non si podit nai su própiu po is logus púbblicus, innui funt stétius spérdias scéti is matas e is frascas perigulantis mentras unas cantu pramas sicadas funt ancoras in su postu insoru cun is frascas prontas a ndi arrui. In su Parcu Púbblicu n°1 sa situatzioni prus crara cun 11 de is 13 pramas chi nci funt, mortas po nexi de su  Punteruolu Arrúbiu. S'atacu de su parassitu non est stétiu totu in una e, duncas una borta tentus is primu sinnalis si iat a essi dépiu intervenni luegus cun is ainas disponíbbilis oi. In su territóriu de Biddacidru su Punteruolu Arrúbiu no est stétiu ancoras spérdiu e est atachendi is úrtimas matas de prama chi nci funt. Su patrimóniu púbblicu contat oramai scéti 7 matas de prama mannas: duas in su Parcu de bia Repúbblica, duas in sa scola elementari de bia Farina, duas in sa scola de mesania n°1 e una in sa scola po sa pipiesa “Pimpa”.

 

 

EDUCATZIONI ALIMENTARI, PROVÍNCIA SUD SARDIGNA E LAORE PREMIAUS IN ROMA

14 de Meseladàmini de su 2016

Fonti: www.villacidro.info

 

 Sa Província Sud Sardigna e s'Agentzia “Laore Sardegna” arricint un'arremoni speciali in su “Forum Internazionale Acquisti Verdi” in Roma po su progetu mensas scolàsticas:” Po ai afortiau in su tempus atzionis cuncretas apitzus de su restoru scolàsticu e s'educatzioni alimentari po médiu de sa costitutzioni de un'arretza territoriali”. In Roma ant arretirau su prémiu Alessia Etzi po sa Província Sud Sardigna e Francesco Sanna po s'Agentzia “Laore Sardegna”.

 

ISCRITZIONIS SCOLA CÍVICA DE MÚSICA

13 de Meseladàmini de su 2016

 

Funt obertas is iscritzionis a s'annu de scola 2016/2017 a sa Scola Cívica de Música. Iscedas e módulus si podint scarrigai de su giassu.

 

CURSUS PO MANNUS – SCADÉNTZIA 30 DE MESELADÀMINI

13 de Meseladàmini de su 2016

 

Sa sea de is cursus in Biddacidru est sa Biblioteca Comunali in bia Nazionale n.120, sala cunferéntzias I pianu.

Is iscritzionis funt perlongadas fintzas a su 30 de Meseladàmini 2016.

 

Po iscedas càstia sa locandina in su giassu istitutzionali de su CPIA2.

 

GRADUATÓRIAS PROVISÓRIAS – BUSSAS DE STÚDIU

7 de Meseladàmini de su 2016

 

Si comunicat chi in su giassu istitutzionali de su Comunu de Biddacidru funt pubblicadas is graduatórias provisórias de is studiantis beneficiàrius de:

Bussas de stúdiu po is spesas – annu de scola 2014/2015.

Is ricursus depint lompi a su Comunu aintru de su 17 de Meseladàmini 2016.

 

AVISU LEI 162/98 -  2° SES MESIS 2016

7de Meseladàmini de su 2016

 

Si comunica chi est in pubblicatzioni in s'Albu Pretóriu “on-line” s'avisu L. 162/98 – Gestioni 2é ses mesis 2016.

 

REFERENDUM COSTITUTZIONALI DE SU 4 DE DE MESEIDAS

7 de Meseladàmini de su 2016

 

Su Consillu de is Ministrus, apitzus proposta de su Presidenti de su Consillu Matteo Renzi, at cuncordau apitzus de sa data de su 4 de Meseidas 2016 po sa  cunvocatzioni – cun decretu de su Presidenti de sa Repúbblica – de su referendum populari cunfirmadori prevídiu de s'art. 138 de sa Costitutzioni apitzus de sa Lei Costitutzionali, “Dispositzionis po su sodigamentu de su bicameralismu paritàriu, sa smenguadura de su númunu de is parlamentaris, su cuntenimentu de is spesas de funtzionamentu de is istitutzionis, sa suprimidura de su Cnel e sa revisioni de su de 5 Títulus de sa de duas partis de sa Costitutzioni”, aprovau de su Parlamentu e pubblicau in sa “Gazzetta Ufficiale” n. 88 de su 15 de Abrili 2016.

 

Esercítziu scioberu de is eletoris residentis in s'ésteru po esercitai su deretu de votu in Italia

 

Votu de is eletoris chi po su momentu funt in s'ésteru.

CABU FRASCA, DE CRAS SCIOPERU DE SIGHIU CONTRAS A SA BASI NATO

3 de Meseladàmini de su 2016

Fonti:www.villacidro.info

Cras a mengianu unas duxentucincuanta barcas e parantzas si disponint in su tretu de mari innui faint is esercitatzionis militaris in su polígonu de Cabu Frasca.

Cras 4 de Meseladàmini depint incumentzai is “bombardamentus” in su sprigu de mari de s’aristanesu umperau de sémpiri cumenti a polígonu de tiru po is esercitatzionis de sa NATO. Is operadoris de su setori de sa pisca ant procramau su scioperu de sighiu de totu sa marineria de s’aristanesu e a incumentzau própiu de cras, de is seti, po domandai sa serrada de su polígonu NATO de Cabu Frasca e dd’acabbai cun is esercitatzionis militaris.

Is comitaus organizadoris  ant a presidiai dí e noti su ponti de Marceddí, blochendindi is intradas de ambaduus is latus. Is piscadoris, autoris de custa protesta clamorosa, ant a blocai puru is bias de intrada a sa basi, cun presídius fissus, e ant a ocupai totu sa zona militari de mari de su polígonu cun s’umperu de unas duxentucincuanta barcas de mannària diferenti. Sa chistioni iat a podi sighiri fintzas a sémpiri fintzas a candu non s’agatat una solutzioni po sa serrada de su polígonu militari e, luegus, po sa smenguadura de su perímetru de su polígonu e su pagamentu de is dannus económicus partius de is operadoris.

 

SIGHIT SU TRABBALLU PO SA COSTITUTZIONI DE SA CONSULTA DE IS GIÓVUNUS

2 de Meseladàmini de su 2016

Fonti:www.villacidro.info

 

Biddacidru. In programma cuatru atóbius intra de is gióvunus asuta de is trint’annus e s’Assessorau a is Políticas Giovanilis po chistionai de su tempus e de sa manera po costituiri sa consulta.

Sighit s’impignu de s’Amministratzioni Comunali de Biddacidru, chi at cumentzau unu diàlogu fissu e struturau, po prumovi sa participatzioni de is gióvunus a sa vida de sa comunidadi. S’aasessorau a is Políticas Giovanilis, Giovanni Spano, at prumóviu sa costitutzioni de sa Consulta de is Gióvunus de su Comunu po is gióvunus intra deis 15 e is 30 annus, innui si podint cunfrontai intra de issus e cun su mundu de is mannus, aici de ponni imparis is abbisóngius e is interessamentus de is giovunus e totu e prumovi atividadis a issus dedicadas.

In Meseladàmini funt stétias organizadas una filera de atóbius preliminari, cun sa preséntzia de duus facilitadoris, innui chistionai de sa manera po interessai su númunu prus mannu de gióvunus, is cunditzionis, is arregulas de fissai e is argumentus de prus interessamentu de afrontai.

Is atóbius si faint in su “Caffe Letterario” segundu su calendàriu chi sighit:

lunis 3 de Meseladàmini 2016  h. 18,30-20,30 ( de is ses e mesu fintzas a is otu e mesu de a merí);

lunis 10 de Meseladàmini 2016 h. 18,30-20,30 ( de is ses e mesu fintzas a is otu e mesu de a merí);

mércuris 19 de Meseladàmini 2016 h. 18,30-20,30 ( de is ses e mesu fintzas a is otu e mesu de a merí);

lunis 24 de Meseladàmini 2016 h. 18,30-20,30 ( de is ses e mesu fintzas a is otu e mesu de a merí).

 

 INCUMENTZAT IN CASTEDDU SA DE DEXI EDITZIONIS DE SU “KAREL MUSIC EXPO”

4 de Meseladàmini de su 2016

Fonti:villacidro.info

Totu prontu in Casteddu, po su “Karel Music Expo”, su “festival” de is culturas resistentis ideau e organizau de sa Cooperativa “Vox Day”, cust’annu a su traguardu importanti de sa de dexi editzionis.

Un’editzioni chi, asuta de su títulu “ In nómini de su Babbu” (“In nome del Padre”), aberrit unu tríticu de argumentus de sighiri e svilupai in is annus chi benint, a s’insigna de sa música e de s’arti cumenti a ainas po ndi sciusciai is lacanas materialis e immaterialis a sa basi de is certus in is sociedadis e intra de is óminis.

Su cartelloni tipiu tipiu, chi andat fintzas a su 23 de Meseladàmini, cuncentrat intra de custu gióbia (6 de Meseladàmini) e domínigu 9 sa parti  prus corposa, pratzida intra de sa guarnissa sólita de su cuarteri stóricu de su Casteddu, cun centru in su Teatru Cívicu in bia De Càndia, e de su giardinu asuta sa muralla de  viali Regina Elena. Sa parti de su lioni spetat cumenti a sémpiri a sa música, cun grupus e solistas natzionalis e internatzionalis de generis e stilis diferentis, de su cantautoratu modernu a su “indie-rock”, de su “Blues” a s’eletrónica. In arribbu de continenti is “Soviet Soviet”, “Sorge”, “Wrongonyou”, Marco Ferrante, Niccolò Francisci, su duetu “Interiors” cun sa cantanti Serena Fortebraccio; de sa Polonia is “Pola Rise”, de s’Australia Adam Miller, de Malta su duetu “Fuzzhoneys”, de is Stadus Unius is “Ultra Violent Rays”, giogant invécias in domu is sardus: Mario Nardi & Underground Sunshine Drum Ensamble”, Carlo Addaris, “Camera Oscura”, “Trigale” e  mumucs.

Intra de is nóminis de importu, su catautori e ghitarrista de is Stadus Unius Steve Wynn, su scotzesu Stuart Braithwaite, cabu, cantanti e ghitarrista de  “Mogwai, sa cópia eletro-pop svítzera Kiku imparis cun Blixa Bargeld, membru e fundadori de is Einstürzende Neubauten, e cun su produtori MC Black Craker.

 

CON EMILIO - PER LA SARDEGNA NELLA STORIA DI TUTTI

 

Custu líbburu est un’arragorta de iscritus de Joyce Lussu a incuru de Giuseppe Caboni e imprentau de sa CUEC in su 2013. Is  argumentus  afrontaus in custu líbburu funt medas e diferentis: su primu atóbiu de Joyce cun sa Sardigna in su 1944; sa nàscida de su movimentu femmininu in Sardigna e su primu cungressu de is fémminas sardas in su 1952; s’atóbiu e s’acàpiu cun Emilio Lussu; su problema de sa scola; sa gherra e is sardus; s’autonomia e sa cultura de is messajus; su problema curdu; sa batalla contras a s’imperialismu portughesu in Guinea Capo Verde, e aici sighendi.

Is iscritus mancai andint de is annus ’50 fintzas a s’acabbu de is annus ’80 espressant ideas sémpiri atualis e chi, segundu su parri cosa mia, in dì de oi merescint un’atentu particulari giai chi sa política at iscarésciu chi issa depit essi a su servítziu de su pópulu chi ddis donat s’incàrrigu de dd’arrapresentai e no a s’imbressi.

Nd’apu furriau in sardu unus cantu tretus:

De “Donne spaccapietre. Viaggio in Sadegna di Joyce Lussu” ( Fémminas spacaperdas. Biaxi in Sardigna de Joyce Lussu), artículu bessiu in “Noi donne” 1950

Pag.15 -16

Is fémminas sardas si partzint in duas categorias: is mulleris de is póberus e is mulleris de is arricus. Mulleris funt totus, o giai, a mannas, poita sa coja est sa solutzioni femminina de su problema a su pani de dónnia dí. Is mulleris de is arricus funt is mulleris de is propietàrius, de is cummerciantis, de is funtzionàrius de su stadu. Tenint serbidoras de cumandai, duncas non sciacuant s’arrobba, e non coxinant, ma non faint nimmancu àteras cosas, e de su restu non ddas iant sciri fai, ca po su prus non ant imparau a fai nudda, mancai siant stétias in s’universidadi e chistionint cun totus is arregulas de sintassi e si scipiant movi cun gràtzia e disgùgiu. Duncas si arroscint fatuvatu, e circant de nci passai su tempus ciaciarrendi cun is amigas de cosas de pagu contu, o certendi a is tzeracas, o comporendi bistiris e ornamentus, o andendi a crésia o a calincunu spetàculu. Is mulleris de is póberus funt is mulleris de is messajeddus e de is pastoris, de is giorronaderis, de is minadoris, de is piscadoris, de is artesanus. Funt meda de prus de is àteras. Trabballant e iscint fai medas cosas. Scint ciuexi su pani, sciacuai is pannus, salai su porcu, filai e tessi s’orbaxi e cardai su linu, arragolli figumorisca cun is cannugas, portai pesus grais meda de fascinas o de màrigas prenas de àcua, e fatuvatu marrai puru, trabballai in is minieras o spacai perdas. Tenint ogus bellus meda e a bint’annus funt artas e deretas e portant cun orgólliu sa conca e scint arriri in manera fiera e trassera, ma giai a trint’annus funt sfroridas e inghitzant a perdi is dentis po su fàmini, po sa strachesa manna de dónnia dí, po is medas fillus chi non podint curai e bistiri cumenti iant a bolli, e fatuvatu s’ammalaidant e morint prus che in is àterus logus. Is domus de is póberus, in is biddas, funt barracas de perda o de làdiri, non ddoi at àcua currenti e medas bortas non nc’est sa luxi e non si scit ita siant is imbirdis in is fentanas. S’àcua po bufai tocat andai a dda pigai cun is màrigas, acanta o atesu, e po sciacuai is pannus tocat a calai a su frúmini; si coxinat totu in sa forredda, ma is póberus de minestras non ndi faint medas e po su prus papant pani sciustu o pani cun casu; is gióvunus dormint bistius in is stojas acantu a sa forredda e is pipius dormint cun is babbus e is mammas e candu funt piticus pisciant su letu.

Su pentzamentu fissu de is fémminas est cumenti ndi tirai su fàmini a is óminis e a is pipius cosa insoru, e is fémminas de is messajus e de is pastoris póberus mirant su celu e si domandant scéti si s’annada at a essi bona, si su cuintali de trigu seminau at a fai assummancu duus cuintalis, si is pagus brabeis e crabas chi tenit ant a scendiai. 

Is fémminas de is minadoris e de is giorronaderis bivint is sa timoria de sa disocupatzioni, poita is licentziamentus in is minieras funt unu avatu de s’àteru e is giorronaderis non agatant trabballu o candu puru dd’agatant durat otanta o centu giorronadas pagadas a 250, 300 francus. E cumenti boleis chi una mamma de famíllia cun custu boghit su fàmini a is óminis e a is pipius? E  sa paga puru de unu minadori, binti o bintiduamilla francus a su mesi, cumenti podit bastai po ses, seti, otu personas?

Intzaras is fémminas circant trabballu, e is prus assortadas agatant unu trabballu stagionali in is sartus a 150-200 francus a giorronada, o a is gríllias de is minieras a pratziri is arrogus de perda de is arrogus de carboni, o portant sa giarra e su matoni po is minadoris, o faint is spacaperdas.

Chi non at mai biu a una de custas fémminas arrogadas, sudadas e pruinosas, bécias e scorantadas prima de s’ora, spacai su granitu sardu tostau cun unu marteddu grusseri, sa cara e is ogus disamparaus, apatadas in s’oru de sa bia, non connoscit sa mesura prena de sa miséria e de s’ingiustítzia brutali de sa sociedadi cosa nosta. E si ddis chistionais de sindacaus e de deretus de su trabballu, si mirant atzicadas: scéti a nomenai sa Camera de su Trabballu bolit nai provocai su licentziamentu prontu de parti de s’arrendadori, bolit nai arrenunciai a cussu chilu de faa sicada chi is pipius a merí abetant cun is ogus luxentis de disígiu, aici mannus in is carixeddas grogas e tiradas.

Ma in is fémminas sardas si ndi torrat a scidai sa cusciéntzia chi su bonucoru  intra de totus is trabballadoris e is trabballadoras est una fortza chi non si podit firmai; incumentzant a sodigai cussu santidu antigu meda de arresignu chi fadiat in manera , mancai connoscendi su fundu de sa miséria e de s’ingiustítzia, de ddas fai intendi impotentis a gherrai, a cambiai e a furriai a fundu in susu sa cunditzioni cosa insoru. “Ita podit fai una pòbera fémmina” si intendiant torrai a nai.” …

De “Mimose sui Quattro Mori” (Mimosas apitzus de is Cuatru Morus) artículu béssiu in “Noi donne” 1952.

Pag. 37

Giai de un’ora innantis de s’inghitzu su teatru mannu fiat prenu de fémminas. Arribbant delegatzionis de dónnia parti de sa Sardigna, de su Sulcis e de su Gocèanu, de sa Brabaxa e de s’Aristanesu, de su Gerrei e de su Marghine, de su Sarrabus e de su Logudoru. Is fémminas de Ulíana, de Tortolí, de Pauli bistiant is costumus spantosus de sa festa. Intrànt puru, acanta de is giorronaderas de sa Trexenta o a is operajas de Macumere, tzias elegantis, e costau costau setziant fémminas cun su distintivu de sa C.G.I.L. e is fémminas cun cussu de s’Atzioni Católica. Diaderus totus is fémminas de Sardigna, de dónnia classi e proveniéntzia, de dónnia bidda prus atesu, fiant arrapresentadas in sa platea e in is tribbunas prenas prenas. Mancai is autoridadis iant fatu de totu po impediri s’arribbu a su Cungressu. Su Presidenti de su guvernu regionali democristianu iat decrarau a sa Professora Aida Cardia Tore, Presidentissa de su comitau de proposta, chi cun unu grupu de tzias fiat andada a pediri s’acunsentimentu cosa sua, chi non biat cun simpatia su Cungressu, poita a parri cosa sua is fémminas depint abarrai in domu a cosiri e coxinai. Su prefetu de Casteddu iat denegau a s’úrtimu momentu s’autorizatzioni po totus is càmion e is postalis. Su cuestori iat mobbilitau sa Celere, chi si atrupàt ainnantis de su teatru e curriàt sa citadi de pitzus a bàsciu cun is giponis. Su giornali de sa Cúria iat pubblicau sa dí innantis un’artículu violentu contras a is fémminas chi si atobiant po chistionai de is problemas de sa vida terrena cosa insoru, poita,  naràt, is fémminas podint abarrai chentza de pani, ma non chentza de Deus; is giornalis fiant spartzinaus a gratis in is citadis e in is biddas, mentras is predis predicant de is  tronas chi pigai parti a su cungressu fiat pecau gravi meda … Candu sa Presidentissa Aida Cardia Tore iat incumentzau sa relata, s’aspetu de su teatru fiat imponenti. Prus de tres milla fémminas ascurtànt, chentza de si movi e cun atentu, is documentus spantosus apitzus de is cunditzionis de sa pipiesa sarda, de is famíllias sardas, de is domus, de is scolas, de is òperas necessàrias a sa vida civili, de s’assisténtzia sanitària”. …

De “La Scuola” (Sa scola) artículu bessiu in  su númunu de“Ponte” de Meseladàmini de su 1951 dedicau a sa Sardigna.

Pag. 25

“Ia a bolli torrai a portai innói s’immagini de calincuna scola intra de is tantis chi apu bisitau in Sardigna. Sa primu chi apu biu fiat in Perdasdefogu, una bidda spérdia in una giara sica arrubiasta, in sa làcana intra de is províncias de Casteddu e de Núgoro. Non naru is cunditzionis generalis de miséria brutali. … In Perdasdefogu, si fiant acostaus pipius stasius e mesus spollincus, mamas

grogas cun fillus grogus apenas nàscius in bratzus. Fiat bénnia sa levadora e mi iat contau chi is  criaturas moriant, intra de is àteras cosas, poita in bidda no esistiant pannitzus: pigant infiammatzionis, infetzionis e moriant. Fiat bénniu su Síndigu, e mi iat contau de pipius chi moriant de fàmini: non scéti po is maladias pinnicadas po nexi de s’indebbilitamentu sighiu de sa stasidura; ma simplementi, literalmenti, po mancàntzia de cosa de papai”.

Pag. 26

“Fiat lómpia sa maistedda e mi iat pregau de bisitai sa scola. Fiat unu bellu fàbbricu, costruiu in su tempus de su fascismu, chi scit mai poita in Perdasdefogu. Fia brintada in sa tertza e ia biu, in s’àula decorosa, bangus sculaus e pipius scurtzus o losingiosus, scrabionaus, cun ogus mannus mannus: totus maschiteddus. Ia pregontau poita non ddoi iat femmineddas, e sa maistedda iat arraspustu chi ddas teniant in un’àula a parti, po motivus de decéntzia; fiant giai spollincas e incumentzànt a essi matucheddas. Fia andada a ddas biri. Fiant in un’àula piticheddedda, doxi o cuindixi pipias. Portant apitzus tzàpulus losingiosus, e intra de is scórrius bessiant a pillu is piturras marridas, is brentixeddas unfradas, is còscias. Fiant allirgas e iant arrisu candu fia intrada, intra de is ciufus de pilus chi calànt in manera aresti apitzus de is carixeddas. De cuadernus, apitzus de is bangus, non ddoi iat arrastu.

Téngiu ainnantis de is ogus puru  una scola de su Sulcis, in sa poberesa de sa zona minerària, in unu furriadroxu de una biddixedda pòbera pòbera. Si naràt scola ma fiat una domu de sa palla, cun su pomentu de terra pistada, disaguali e pruinosu; sa crabetura de cannas fiat totu sculau, e is cannas sciustas e nieddas pendiant innòi e ingudenis, fadendi passai is ràgius de soli chi abbruxànt. Is pagus pipius fiant sétzius in su pruini, pinnicaus o cun is cambas ingruxadas; unus cantu giogànt a bicus, àterus ascurtànt su maistu, chi passillàt apitzus e a bàsciu, cun sa camisa tzapulada e a braba manna, e una cara trista meda. Mi iat nau chi iat dépiu gherrai meda po tenni cussa domu de sa palla ma chi su propietàriu boliat a si dda torrai, ca non sciat innui ponni sa palla po is animalis. Su síndigu donàt arraxoni a su propietàriu”. …

“Apustis apu biu medas àteras scolas. Staddas, sgabutzinus, magasinus chentza fentanas tzerriadas scolas. Àulas e localis de dónnia genia tipius cun sessanta alunnus, innui mudànt a turnu cuatru, cincu fintzas a ses turnus de un’ora donniunu. Studiantis chentza unu cuadernu, unu líbburu, unu lapis”. …

“Is datus chi donat, apitzus de sa scola elementari in Sardigna, s’Ufíciu Statísticu, funt bécius e inadeguaus. Unu sfortzu sériu po tenni una bisioni orgànica de sa situatzioni de su momentu dd’at fatu “L’Unione per la lotta contro l’Analfabetismo” ghiada de sa Professora Anna Lorenzetti”. …

Pag.27

“ Is arresurtaus de sa circa ddus ant presentaus a su Guvernu Internatzionali apitzus de is problemas de sa pipiesa in Sardigna, fatu in Casteddu in su maju de su ‘50”…

“Custu atóbiu, innui ant pigau parti pedagogistas connotus, meigus e psichiatras italianus e stràngius, iat postu in luxi unus cantu aspetus de fundamentu de is cunditzionis de sa pipiesa in Sardigna”…

“Situatzioni educativa: apitzus de una populatzioni de 1.099.000 abbitantis su 65% de is piciocheddus (in edadi de s’óbrigu) non trastigiant sa scola. Su 15,31% de is pipius chi trastigiant tenit su tracoma. In is biddas si riscontrat un’insuficiéntzia gravi de is fàbbricus scolàsticus”. …

Pag.28

“Sa percentuali de dispersioni: 68,17%. Sa percentuali de dispersioni est dépia pruschetotu a su trabballu. Sa miséria de is famíllias óbrigat is pipius a trabballai mancai siant ancoras piticheddus. Innui sa pastoria est prus spartzinada, sa dispersioni est prus manna. In calincuna bidda sodigat unu màssimu de 83,27%”. …

Pag.30

“ Benit de arriri cun amargura ligendi, in sa grandu circa de su ministeru po s’arreforma de sa Scola, is propostas chi faint personàgius uficialis po cumbati “s’asséntzia de cusciéntzia scolàsticas” de is famíllias chi non mandant is pipius a scola. Si proponint cuntraventzionis, privatzionis de deretus civilis, carabbineris a domu e fintzas su presoni. Calincunu at propostu timi timi,  intamis, de donai trabballu e pani ma parrit non siat stétiu ténniu in grandu contu”. …

“ Sa pipiesa sarda est sa prus stasida de Itàlia”. …

“ Sa stasidura portat maladias: tracoma (11.210 tracomatosus intra de is pipius chi trastigiant cuntrollaus. E intra de is chi non trastigiant o chi non funt cuntrollaus?), tubercolosi, tíngia, arrúngia, maladias de is istintinas, reumatísimus, anemia, linfatísimu. E cumenti curai is maladias? A chi mancat su pani, fueddai de curas e mexinas est una befa. De su restu, apitzus de 320 Comunus sardus, 187 non tenint sa potecaria; 142 non tenint nimmancu s’armàdiu de is mexinas; in 95 Comunus s’ambulatóriu non funtzionat po nudda e in tantis àterus funtzionat mali meda; su dispensàriu esistit scéti in 26 Comunus”.

De “Ad Armungia i problemi del nostro tempo” (In Armungia is problemas de su tempus cosa nosta) interventu a su cunvénniu “Dalla storia al progetto” fatu in Armungia in su 1985.

Pag. 115

“Deu seu de acórdiu meda cun chini immui pagora at nau “Innòi su meri aundi est? … su meri est in Chirra! Su meri beru, su chi depeus cumbati est in sa basi militari”. Est ingunis, difatis, chi si resumit s’acentramentu de su poderi económicu, políticu, militari chi est ancoras su sinnu bincidori de custu momentu stóricu, e est contras a cussu chi si depeus proponni.”…

Pag.120

“Intzaras cali est su problema oi? Su recuperu de parti de sa maioria de unu poderi decisionali apitzus de custus fatoris meda determinantis po sa vida de sa sociedadi. Poita ia a nai chi su poderi militari, s’assétiu de difesa, is indústrias de gherra, is basis militaris stràngias non funt problemas piticheddus po sa comunidadi natzionali. E pruscatotu po sa comunidadi sarda chi ndi est ferta in manera particulari. Própiu su fatu de essi postus a una parti innòi bolit nai chi, cun tranchillidadi, prenint sa Sardigna de basis militaris, cumenti de indústrias de genia colonialista, is sólitas catedralis in su desertu. Poita, mi domandu ita nci fait una rafineria de petrólliu in Casteddu! Candu intra de is tantis benis mineràrius chi tenit sa Sardigna, chi funt su 80% de is arresorsas mineràrias esistentis in totu s’Itàlia, s’únicu chi non nc’est est su petrólliu. Intzaras su petrólliu benit de foras, ddu trabballant ténnicus stràngius (poita nci funt 80 sardus a is trabballus de manovalàntzia e pulitzia) e apustis si ndi torrat a foras. A is sardus abarrat scéti s’alluamentu. E totu custu non est fatu cun su dinai de is multinatzionalis, ma de sa Regioni Sarda! Opuru naru. Otzana.

Bosàterus ddu scieis chi sa fibra acrílica tenit unu mercau sémpiri prus piticu, mentras crescit su de sa lana, chi est crésciu in úrtimus dex’annus de su 35% in su mundu. S’est scobertu chi sa fibra acrílica fait dannus a sa saludi, intamis sa lana no. Duncas aumentant is brabeis in dónnia logu. Nosu teneus scéti unu logu in Itàlia chi diaderus si dedicat a sa pastoria de is brabeis, mancai sa lana non siat de calidadi: sa Brabaxa. Intzaras cambiaus cuss’indústria de fibras acrílicas, chi costat meda, pentzai a su trasportu de Otzana a su mari.

Sa speculatzioni acontessit in su momentu de sa costrutzioni, ca is miliardus si faint candu si faint is impiantus, e funt miliardus chi andant in is manus de is speculadoris, a foras de sa Sardigna. Fatu s’impiantu non ndi ddis importat prus nudda si funtziona, si tenit una bessida.” …

Pag.121

Si is partidus fadiant su chi depint fai, nosu iaus a podi nai puru: delegaus. Ma cumenti si fait a delegai? Si non pigaus is cosas in manu nosu, si faint de custas brullas. De innòi, sa marolla assoluta de unu recuperu reali chi si podit atuai scéti  po médiu de una capacidadi costrutiva, ca su recuperu de su poderi decisionali non podit essi scéti una cosa a fueddus e culturali. Depit essi una capacidadi produtiva, depit essi una capacidadi de creai benis, de firmai su sperdítziu.” …

De “Autonomia e cultura contadina” (Autonomia e cultura de is messajus)

Pag.127

Sa civilidadi de sa s'indústria manna, de is metrópolis, de is arsenalis mannus de gherra dominada de minorias de imprendidoris ( fueddai de imprenditoria de Stadu o de imprenditoria privada non fait una grandu diferéntzia), costruida  tirendi ammuntonadura e imbistimentus de sa produtzioni agrícola ma cancellendi is esperiéntzias e sa cultura de su mundu de is messajus e de is artesanus, donat un'arraspusta bastanti a is abbisóngius de sa vida de s'ómini de oi? O no abarrat mutilada de datus essentzialis si non si acapiat a su trabballu de mill'annus e de s'inginnu de chi at cambiau s'ambienti e sa matéria po fai bessiri su mundu abbitàbbili e sa natura frunidora de benis essentzialis a sa vida? S'arrelata ómini – logu aici tanti trascurada in manera perígulosa in su svilupu de is citadis … no andat pigada in cunsideru po fuiri de costruiri una sociedadis de nevróticus e de robbotizaus?

S'arrelata intra de s'ómini e su matedu est essentziali po sa vida cosa nosta, de s'ossígenu chi si donant is matas a su nutrimentu de su corpus; e su matedu óbbligat a sa cura fitiana de su regimi de is àcuas e sa biatzesa de sa terra. Ita ndi podit isciri de totu custu sa cultura de s'imprendidori e s'operaju chi at indiritzau s'analisi e sa connosciéntzia in tot'àteras diretzionis? De innui at a bogai is datus conoscitivus candu at a tenni s'abbisóngiu de si ndi ocupai po firmai is efetus de is alluamentus e de sa arruinadura de elementus vitalis? Ant a bastai is datus sintéticus

Pag. 128

e is ischemas de is códixi scientíficus, o at a serbiri puru a preguntai s'esperiéntzia fata, arrica de imprevistus e de is adatamentus a dónnia dí, de chi at costruiu e presidiau deretu peri is mill'annus sa  bivibbilidadi de su territóriu e s'umperu raxonàbbili de is arrisorsas materialis? No iat a essi prus sàbiu interessai puru su mundu de is sartus in is progetus d'industrializatzioni, ponendi in chistioni is mollus de sboddicu chi nci funt oi” ...

CUNSÓRTZIU INDUSTRIALI, MUSCAS: “NC’EST SA PANTÀSIMA DE SU COMMISSARIAMENTU”

30 de Cabudanni de su 2016

Fonti:www.villacidro.info

 

BIDDACIDRU. “No apenas su CDA de su cunsórtziu at a essi difiniu, deu ddu speru meda, poita, puru, nc’est sa pantàsima de su commisariamentu, e est una cosa probbabbili meda, ca sa política, po  nci fai andai una persona, fatuvatu fait gioghitus po chi sa persona abarrit a una parti e deu a una parti no abarru, poita apa a essi ingunis po castiai e apa essi ingunis puru po guvernai e iscioberai is  mellus istrategias de ponni in campu cun s’Amministratzioni”. Fueddus tostus cussus de Adriano Muscas, consilleri comunali e delegau de su Síndigu in su Consillu de Amministratzioni de su Cunsórtziu Industriali de su Campidanu de Mesu. No est unu mistériu chi Muscas si siat impignendi po sodigai s’incàrrigu de Presidenti. Sa tarea perou no est scontada. Abarrat sémpiri sa pregonta “calis funt is políticus chi funt esercitendi su poderi insoru po pigai su cuntrollu de su Cunsórtziu?”

Fatuvatu is políticus ant trabballau in manera esclusiva po amparai su “sistema”, creau in annus de políticas clientelaris, innui is interessamentus de pagus ant bintu apitzus de su benéssiri de sa comunidadi.

Su commissariamentu de su Cunsórtziu Industriali, aici cumenti timit su Consilleri Muscas, iat a permiti chi su cuntrollu e su poderi ddus apoderint sémpiris is sólitus. Is scioberus benidoris chi pertocant su Cunsórtziu e sa “Villaservice” funt determinantis po cumprendir si sa classi política noba bolit atuai progetus de svilupu nous e abbistus o si invécias sighit a fai cumenti at fatu fintzas a immui.

“Villacidro.info” in un’artículu de su 23 de Làmparas 2016, ipotizàt su commissariamentu de su Cunsórtziu Industriali de Biddacidru, ligei poita.

 

CUNSÓRTZIU INDUSTRIALI A ARRISCU

COMMISSARIAMENTU?

23 de Làmparas de su 2016

BIDDACIDRU. Is dimissionis de Giogio Danza de s’incàrrigu de Presidenti de su Cunsórtziu Industriali de Biddacidru arribbant in unu momentu dilicau meda in sa stória de s’Enti e de s’economia de su territóriu de su Campidanu de Mesu. Lunis a mengianu s’ex Síndigu de Biddacidru, in cumpangia de su deputau de su PD Siro Marroccu, s’est presentau de sei e totu in is ufícius de s’ingegneri Giorgio Sanna, amministradori straordinàriu de sa Província noba Sud Sardigna, po annunciai is dimissionis cosa sua: “ apu comunicau s’acabbu de su mandau cosa mia e apu domandau a is duus sócius de providiri cantu prima a sa nómina de is cumponentis nous de s’Assemblea Generali po incumentzai su rennovu de de is organus de s’Enti”.

Is dimissionis de Danza oberrint scenàrius innui si podint fai scéti ipotesi. Sa primu, sa prus acreditada, est chi béngiat “azerau” de unu totu su CDA de su Cunsórtziu Industriali. Un’àteru scenàriu puru si bit de tesu apustis sa nómina de su diretori nou de su Cunsórtziu Industriali Marcello Siddu, chi iat a podi apricai in Biddacidru su matessi progetu portau a innantis in su Cunsórtziu Industriali de Aristanis e incumentzai s’iter po torrai a portai sa “Villaservice” aintru de su Cunsórtziu Industriali de Biddacidru.

Ipótesi chi s’ex presidenti de su Cunsórtziu Giorgio Danza non cummentat e apustis seti annus de mandau preferrit torrai gràtzias: “Apu donau tanti e apu arriciu ateretanti e po custu non potzu chi torrai gràtzias a totus is chi, in custus annus, ant trabballau imparis po su funtzionamentu de s’Enti. Seu cumbintu, in prus, chi su Cunsórtziu podit smasciai una funtzioni determinanti po sa ripresa e su svilupu de su territóriu, puru in cunsighéntzia de su protocollu de acórdiu sutascritu de pagu cun sa Regioni Sardigna (ndr un’acórdiu chi non vinculat is partis) chi oberrit scenàrius nous in sa programmatzioni territóriali”. Aintru de duus mesis de sa firma “is partis si impignant – si ligit in su documentu – a ponni in éssiri totus is proceduras necessàrias a rendi operativu su documentu”. Sa campàngia eletorali est serrada giai de unu mesi, ma sa “batalla a sa conchista” de su territóriu parrit decisamenti in fermentu.

 

 

ATÓBIU PÚBBLICU  APITZUS DE “SU DE 3 MÓDULUS DE SU MUNTRONAXU”

22 de Cabudanni de su 2016

 

Si fait sciri chi lunis 26 de Cabudanni 2016, a is cincu  de a merí (17,00) in sa sala de su Consillu ddoi at un'atóbiu púbblicu innui sa comunidadi e su territóriu podint espressai su parri cosa insoru apitzus de sa chistioni “ Costrutzioni de su de 3 mollus de su muntronaxu” e “Strategias nobas po su tratamentu e sa sperdidura de s'àliga”.

 

Si domandat sa partecipatzioni prus manna.

 

 

 

 

BIDDACIDRU. SARMED, AGATAU S'ACÓRDIU: SALVUS 80 POSTUS DE TRABBALLU

28 de Cabudanni de su 2016

Fonti:www.villacidro.info

 

 Biddacidru. Salvus is 80 postus de trabballu de sa SARMED de Biddacidru. S'imprassidu in s'aula de su Consillu Comunali intra de s'imprendidori Giovanni Muscas, patronu de su Grupu ISA e propietàriu de s'immóbbili chi istràngiat s'azienda, e Luciano Fecondini, propietàriu de sa Sarmed, ponit fini a unu negótziu fadiosu apitzus de s'afitu chi fadiat arriscai su postu a 80 trabballadoris. Intra de pagu tempus s'at a depi firmai unu cuntratu de afitu nou de sa durada de 12 annus ( 6 cun rennovu eventuali de àterus ses annus, chentza de aumentus) po 130 milla eurus a s'annu." Mi depu cunsiderai satisfada de su chi est acontéssiu custu merí – narat su Síndigu de Biddacidru Marta Cabriolu - . Apustis de is negótzius fatus in is atóbius diferentis cun Giovanni Muscas e sa Sarmed, est stétiu possíbbili lompi a su de custu merí ananti de totus is trabballadoris".

"Seu prexada de ai agiudau cumenti a mediadora – sighit su Síndigu – a unu cunfrontu sériu e echilibrau, innui at bintu s'interessamentu po s'amparu de is postus de trabballu, in unu momentu de crisi aici drammàticu po su territóriu cosa nosta. Torru gràtzias a totus is atoris chi funt intervénnius in is úrtimas cidas, Regioni e Sindacaus".

 

 

ATÓBIU DE FOGU PO S'AMMANNIAMENTU DE SU MUNTRONAXU

27 de Cabudanni de su 2016

Fonti:www.villacidro.info

 

S'aula de su Consillu at istrangiau un'atóbiu púbblicu, organizau de s'Amministratzioni Comunali, po chistionai apitzus de sa costrutzioni de su de 3 módulus de su muntronaxu de su cunsórtziu, amministrau de sa "Villaservice". Non funt mancaus is corpus de scena e su Síndigu, in prus ocasionis, at dépiu torrai a tzerriai a s'órdini po circai de calmai is ànimus.

 

PRÉMIU DESSÍ: BINCINT FRANZOSINI PO SA NARRATIVA E DE ANGELIS PO SA POESIA

25 de Cabudanni de su 2016

Fonti:www.villacidro.info

 

 Prémiu speciali de sa giuria a Salvatore Settis. A su "Coru de Neoneli" e a Giacomo Mameli andat su Prémiu Speciali "Fondazione di Sardegna".

Est acabbada custu merí, cun sa proclamatzioni e premiatzioni de is bincidoris, sa de 31 Editzionis de su Prémiu Literàriu Giuseppe Dessí. Sa cirimónia de acabbu, trasmítia in direta de Videolina, dd'at condúsia sa giornalista Natasha Lusenti. Po sa setzioni Narrativa bincit Edgardo Franzosini cun "Questa vita tuttavia mi pesa molto" (Adelphi), su segundu postu po Emanuela E. Abbadessa cun"Fiammetta" (Rizzoli) e su de tres classificaus su romanzu "Maria di Isili" (Giunti) de Cristian Mannu. Po sa Poesia bincit, invécias, Milo de Angelis cun "Incontri e agguati" (Mondadori), su de duus e su de tres piatzamentu, in órdini: Vivian Lamarque cun "Madre d'inverno" (Mondadori) e Franco Marcoaldi cun " Il mondo sia lodato" "Einaudi.

Su Prémiu Speciali "Fondazione di Sardegna", cumenti giai nau, andat a unu de is intelletualis prus impignaus de su panorama culturali italianu: s'archeòlogu e istóricu de s'arti Salvatore Settis.

Novidadi de cust'annu su Prémiu Speciali "Fondazione di Sardegna" intregau a su giornalista sardu, Giacomo Mameli e a su Coru de Neoneli.

Cumenti a dónnia annu nc'est stétiu spàtziu po sa música cun intermesus musicalis chi ant biu protagonistas is Sikitikis, grupu de "alternative – rock" casteddàiu chi, in custa ocasioni particulari, si est ammostau in una versioni in  parti acústica. De importu puru is intermesus a incuru de sa catautora Chiara Effe.

 

 

“VILLACIDRESE CALCIO” E “AVIS” IMPARIS PO SA DONATZIONI DE SU SÀNGUNI

 

23 de Cabudanni de su 2016

Fonti:www.villacidro.info

 

"Attraverso il calcio, un giusto "Passaggio" per donare il sangue". Custa est s'espressioni pubblicitària, po sensibbilizai una giornada in favori de sa donatzioni de su sànguni. S'acontéssiu, frutu de su trabballu fatu imparis de sa"Villacidrese Calcio" e de "Avis", est su 3 de Meseladàmini de is otu e mesu de a mengianu fintzas a mesudí (8,30 – 12,00) in sa sea de s'AVIS ande sa "Casa della Salute" in bia Guido Rossa. In s'interis de sa giornada sa "Villacidrese Calcio" pigat parti cun is tesseraus cosa sua, giogadoris, allenadoris e dirigentis e imparis ant cuntribbuiri, cun s'ingestu generosu cosa insoru, a donai allébiu a medas personas chi sunfrint de patologias gravis.

 

 

 

FUNT  CUMENTZADAS  IS ISCRITZIONIS A SU CURSU DE LÍNGUA SARDA

21 de Cabudanni de su 2016

Fonti:www.villacidro.info

 

Biddacidru. In sa Mediateca-Centro @ll-in a cumentzai de su 28 de Cabudanni, nc’est su cursu elementari de língua sarda de sa durada de 15 oras.

Si fait in Biddacidru su cursu elementari de sardu de 15 oras, rivólgiu a is dipendentis, a is amminuistradoris e obertu puru a is citadinus mancai non residentis. Su cursu si fait su mércuris, de is tres e mesu a is ses e mesu (15,30-18,30) in is aposentus de sa Mediateca – Centro -@ll in a cumentzai de su 28 de Cabudanni.

Su cursu organizau de  Sa Provincia Sud Sardigna cun s'agiudu de su Comunu  de Biddacidru, cunformas a sa L. 482/99 “Normas in matéria de  amparu de is minorias linguísticas istóricas”, est de badas.  Is mollus de iscritzioni ddus agatais ande s’Ufíciu de Língua sarda, chi oberrit in Mediateca –Centro @ll in su lunis e su mércuris de is otu e mesu de a mengianu fintzas a sa una (8,30-13,00) e is is tres e mesu fintzas a is ses e mesu (15,30-18,30), opuru mandendi una “e-mail” a acaboni@provincia.mediocampidano.it.

Sa Provìncia Sud Sardigna imparis cun is Comunus alleaus, chi ant abbratzau su Progetu cosa sua, at organizau puru is cursus in is Comunus de: Gùspini, Giauni, Mara Arbarei e Pabillois, Serrenti e Seddori, cust'ùrtimus duus funt ancora de calendarixai..

De sighiu su calendàriu de is cursus chi incumentzant in Cabudanni:

COMUNU DE BIDDACIDRU

In Mediateca - Centru @ll in

Insennianti: Dot.ra Annalisa Caboni

Po iscedas/iscritzionis: acaboni@provincia.mediocampidano.it

 

mércuris 28 de Cabudanni     15,30 - 18,30

mércuris 5 de Meseladàmini   15,30 -18,30

mércuris 12 de Meseladàmini  15,30 -18,30

mércuris 19 de Meseladàmini  15,30 -18,30

mércuris 26 de Meseladàmini  15,30 -18,30

 

COMUNU DE GÚSPINI

In sa Sala de su Consillu de su Comunu

Insennianti: Dot.ra Annalisa Caboni

Po iscedas/iscritzionis: acaboni@provincia.mediocampidano.it

 

martis 27 de Cabudanni    15,30 - 18,30

martis 4 de Meseladàmini  15,30 - 18,30

martis 11 de Meseladàmini 15,30 - 18,30

martis 18 de Meseladàmini 15,30 - 18,30

martis 25 de Meseladàmini 15,30 - 18,30

 

COMUNU DE MARA ARBAREI

In sa Domu Maiorchina

Insennianti: Dot.ra Veronica Atzei

Po iscedas/iscritzionis : vatzei@provincia.mediocampidano.it

 

mércuris 28 de Cabudanni      16,00 - 19,00

mércuris 5 de Meseladàmini    16,00 - 19,00

mércuris 12 de Meseladàmini  16,00 - 19,00

mércuris 19 de Meseladàmini  16,00 - 19,00

mércuris 26 de Meseladàmini  16,00 - 19,00

COMUNU DE PABILLOIS

In su Centru de Agregatzioni Sociali

Insennianti: Dot.ra Annalisa Caboni

Po iscedas/iscritzionis: acaboni@provincia.mediocampidano.it

 

cenàbara  30 de Cabudanni      15,30 – 18,30

cenàbara  7   de Meseladàmini 15,30 – 18,30

cenàbara  14 de Meseladàmini 15,30 – 18,30

cenàbara  21 de Meseladàmini 15,30 – 18,30

cenàbara  28 de Meseladàmini  15,30 – 18,30

 

COMUNU DE GIAUNI

In su Centru de Agregatzioni Sociali

Insennianti: Dot.ra Veronica Atzei

Po iscedas/iscritzionis: vatzei@provincia.mediocampidano.it

 

lunis  26  de Cabudanni     16,00 – 19,00

lunis   3  de Meseladàmini  16,00 – 19,00

lunis  10 de Meseladàmini  16,00 – 19,00

lunis  17 de Meseladàmini   16,00 – 19,00

lunis  24 de Meseladàmini   16,00 – 19,00

 

 

CUARTA DÍ DE SU PRÉMIU DESSÍ CRAS IN BIDDACIDRU

21 de Cabudanni de su 2016

Fonti:www.villacidro.info

 

 Mentras su mengianu sighit, a is dexi (10,00) in su Molino Cadoni, su labboratóriu po is itudiantis de is scolas cun s'autori, cumponidori e espertu de scritura creativa e teatru po pipius David Conati, su merí incumentzat cun duus atóbius leteràrius in Pratza Zampillo.

Su primu est a is ses de a merí (18,00), cun Filippo La Porta. S'autori e críticu literàriu presentat "Indaffarati" (Bompiani), sàgiu de atualidadi apitzus de is úrtimas  generatzionis  chi ligint pagu, parrint chentza memória, faint tropu cosas in su matessi momentu e funt prus pagu abbilis a manixai sa língua, ma domandant a is bideas de si incarnai in pràtigas de vida. E assumancu in is minorias prus ativas s'ética bívia bincit apitzus de su "culturalismu" e apitzus de sa sabiduruia de is líbburus, s'umanidadi chi si podit tocai apitzus de un'umanésimu disincarnau, s'esémpiu cuncretu apitzus de is bideas astratas.

A sighiri a is seti de a merí (19,00) Marco Bocci, atori de teatru e connotu de su púbblicu de sa televisioni cumenti su commissàriu Nicola Scajola in sa série "Romanzo Criminale" pigada de su líbburu cun su matessi  títulu de Giancarlo De Cataldo, presentat su romanzu de inghitzu "A Tor Bella Monaca non piove mai": contus de arràbiu e de vida ambientaus in is casermonis de sa periferia prus aspra e degradada de Roma. Ghiat s'atóbiu un'àteru atori custu puru sardu Giacomo Casti.

A is noioras e mesu de a noti (21,00) in sa pratza de  sa Domu de su Generali ( Casa Dessí) música e poesia marcant s'acabbu de sa serada. Innui est protagonista torra Andrea Chimenti. Apustis de si essi contau a su púbblicu de sa cida cirdesa in s'atóbiu de mércuris, su cantautori custa borta si  ammostat a sa boxi e a su pianuforti, acumpangiau de Francesco Chimenti (  su fillu) a sa ghitarra e a su violoncellu, in "Il porto sepolto", unu cuncertu/letura de líricas de Ungaretti trasportadas in forma de cantzoni in un'unioni arrannéscia giai intregada a  s'album chi portat su matessi títulu de su 2002. A is poesias cantadas ,su duetu acumpangiant sa letura de passus pigaus de "La Confessione" de Lev Tolstoj, de "Il Libro" de Giovanni Pascoli e de "Il deserto dei Tartari" de Dino Buzzatti.

 

 

 

INCUMENTZAUS IS TRABBALLUS IN SA ROTATÓRIA IN PRATZA SU RONDÒ

 

15 de Cabudanni de su 2016

Fonti:www.villacidro.info

 

Biddacidru. Apustis prus de duus annus de sperimentatzioni cun sa rotatória provisória, custa cida funt inghitzaus is trabballus po fai fai sa difinitiva in s’ingruxadura intra de bia Parrocchia, bia Dessì e bia Giovanni XXIII. S’intersetzioni, guvernada in passau de unu semàforu a innantis e da un’ingruxadura a rasu  agoa, dd’at studiada su C.I.R.E.M. (Centru Interuniversitàriu circas económicas e de mobbilidadi) de Casteddu chi at difiniu una sistematzioni cun circulatzioni ritatória a sa francesa po smenguai a su mínimu su certu intra de is màchinas. De custu stúdiu nde bessida sa sperimentatzioni e, apustis, su progetu esecutivu. Progetu bófiu a forti de sa Giunta Pani, chi at aprovau is fasi diferentis de su progetu, at fatu sa gara de apaltu e, a s’acabbu, intregau is trabballus.

Sa Dita chi est fadendi su trabballu ddu depit acabbai aintru de 120 dís de s’intregadura. Costu totali de su trabballu prus o mancu 130 milla eurus, finantziaus de unu totu cun dinai de su comunu vinculau e dedicau a sa viabbilidadi e a sa seguresa stradali.

 

 

 

AMMANIADURA MUNTRONAXU, UN’ATÓBIU PO NDI CHISTIONAI CUN IS CITADINUS

15 de Cabudanni de su 2016

Fonti:www.villacidro.info

Biddacidru. S’Amministratzioni Comunali at organizau un’atóbiu cun is citadinus po cumpartziri e afrontai sa chistioni spinosa de sa cumpridura de su de tres módulus de su muntronaxu in localidadi su Tàsuru.

Sa Regioni Sardigna, su 6 de Cabudanni passau, at delibberau su parri favorevoli asuba de sa cumpatibbilidadi ambientali de s’interventu de cumpridura de su de 3 módulus de muntronaxu a servítziu de sa piataforma de tratamentu e sperdidura de Biddacidru. S’Amministratzioni Comunali, in s’ótica de una participatzioni e de una cumpartzidura  prus manna cun is citadinus de un’argumentu aici dilicau, at donau sa disponibbilidadi cosa sua a su cunfrontu cun atoris  e comitaus diferentis chi ant domandau de si podi espressai in méritu.  Unus cantu is atóbius innui at a essi presenti s’Amministratzioni. Gióbia 15 de Cabudanni primu atóbiu cun su “Comitau Rifiuti Zero”. Sàbudu 17 de Cabudanni a is ses de a merí (18,00), s’Amministratzioni at a essi presenti in s’atóbiu púbblicu, chi nc’est in sa palestra de bia Farina, organizada de is comitaus firmatàrius de s’apellu contras a s’ammanniadura de su muntronaxu. Lunis 26 de Cabudanni s’Amministratzioni Comunali at  tzerriau un’assemblea púbblica innui sa comunidadi podit espressai su parri cosa sua apitzus de s’argumentu “Costrutzioni de su de tres módulus muntronaxu” e “ Strategias nobas po su tratamentu e sa sperdidura de s’àliga”. S’atóbiu est a is cincu de a merí (17,00) in s’àula de su Consillu de Biddacidru.

 

SÀBUDU 17 DE CABUDANNI  ATÓBIU PÚBBLICU CONTRAS A SU “MEGA” MUNTRONAXU

14 de Cabudanni de su 2016

Fonti:www.villacidro.info

Sàbudu 17 de Cabudanni, a is ses de a merí (18,00) in Biddacidru, in sa palestra de bia Farina, ddoi est s’Atóbiu Púbblicu informativu e propositivu prumóviu de su “Coordinamentu Comitati Sardi”, asuba sa possibbilidadi  oramai bessida cuncreta, cun su bia líbbera de su Servítziu Regionali SVA e sa Delíbbera de Giunta avatanti, de sa cumpridura de su de tres módulus de su muntronaxu de RSU (arrefudus sólidus urbanus), connota cumenti Villaservice, chi s’agatat in su Cunsórtziu Industriali de Biddacidru.

“ Totu nosu – spricant is organizadoris- teneus ancoras màrgini d’atzioni po evitai chi su muntronaxu in chistioni bessat unu intra de is prus mannus chi ddoi at in Itàlia e in particulari tocat chi si  impigneus totus po cambiai sa diretzioni. Non bastat diferentziai ma tocat puru a castiai, a si informai, pigai parti in manera ativa po lograi is mellus arresurtaus favorevolis a s’ambienti, a s’economia e a sa saludi”.

INDÚSTRIA, MANIFESTATZIONI DE INTERESSAMENTU PO SA KELLER DE BIDDACIDRU

15 de Cabudanni de su 2016

Fonti:www.villacidro.info

Casteddu. Po sa Keller de Biddacidru si iat a podi oberri una fasi noba de rilànciu de sa produtzioni. Est cantu bessiu a pillu de s’atóbiu de oi intra de s’assessora a s’Indústria, Maria Grazia Piras, e is sindacaus de su territóriu de Cgil, Cisl e Uil e is rapresentantis de is RSU.

Un’azienda chi giai òperat in su setori si est proposta difatis de pigai su sítiu industriali de su Campidanu de Mesu cun sa tarea de torrai incumentzai a bellu a bellu is atividadis garantendi de torrai a pigai parti de is trabballadoris. Su programma de ativatzioni noba de sa Keller presentau de s’imbistidori privau previdit una primu fasi de rilànciu e, in prospetiva, sa creatzioni de unu polu regionali altamenti specializau in cuntestu de ferrovias e de tranvis. Sa proposta lassat a biri scenàrius nous in unu momentu incolliosu meda de sa faina chi pertocant sa sorti de su stabbilimentu, immui asuta de curatela faddimentari. A is astas po sa béndita non s’est presentau nemus e su pentzamentu de is sindacaus, cumpartziu puru de s’assessorau, est chi sa fàbbrica potzat essi béndia in lotus, solutzioni chi iat a cumpromiti dónnia possibbilidadi de torrai a fai partiri sa produtzioni.

“ S’impignu de sa Regioni po lompi a una solutzioni positiva – at nau s’assessora Maria Grazia Piras – no est nou. In custus duus annus e mesu, s’atentzioni cosa nosta faci a sa Keller e de is trabballadoris no est mai mancada. Sa possibbilidai de un’interventu de parti de un’imbistidori nou est frutu de trabballu silentziosu, cumenti est giustu chi siat in unus cantu casus, ma forti e spereus de profetu, de parti de s’assessorau. Própiu po custu motivu, cumpartzeus s’augúriu espressau de is trabballadoris po chì  is setoris diferentis d’azienda non siant béndius separaus. Sa ripresa de sa Keller est de importu po duus motivus – at acabbau s’assessora Piras – de una parti si iat a salvai un’arrogu de importu de s’aparatu insustriali cosa nosta, de s’àtera si  iat a assegurai efetus positivus asuba de s’ocupatzioni in unu territóriu fertu a forti de sa crisi”.

Fonti: Regioni Sardigna

 

 

 

BANDU FORMATZIONI PO DEBADAS AMMINISTRADORIS DE AGIUDU

19 de Cabudanni 2016

Scadit su 14 de Meseladàmini su términi po mandai is domandas po pigai parti a su cursu de formatzioni po debadas po “Amministradoris de Agiudu” de su Distretu sóciu-sanitàriu de Gùspini. Su cursu, po debadas de unu totu, est organizau imparis cun su Tribbunali Ordinàriu de Casteddu e previdit s’inserta de 40 participantis. Intra de is iscritus in su Registru su Giugi tutelari podit scioberai sugetus idóneus a coberri s’incàrrigu de Amministradori de Agiudu in is casus de indisponibbilidadi de is familiaris inditaus in su códixi civili.

Is domandas si depint presentai in s’Ufíciu de Pianu de su Comunu de Gùspini aintru su 14 de Meseladàmini 2016 umperendi scéti su Mollu de domanda – (Allegau A). Po àteras iscedas si torrat a mandai a is documentus integralis, po acraramentus eventualis si podit cuntatai is númunus de teléfonu 070 976 03 09 - 976 03 04. Sa proposta dda prumovint totus is Comunus de su Distretu sóciu-sanitàriu de Gùspini (Biddacidru, Arbus, Gonnos, Sàrdara, Sant’Éngiu, Pabillois e Gùspini).

Documentus disponíbbilis

Avisu

Bandu integrali

Allegau A – Mollu de domanda

 

BANDU MESURAS  DE AGIUDU INCLUSIONI ATIVA

19 de Cabudanni de su 2016

 

Si fait sciri chi is citadinus chi tenint is rechisitus podint presentai sa domanda a su Comunu de Biddacidru po intrai a is mesuras de agiudu po s'inclusioni ativa fintzas a su 31 de Meseidas 2016.

 

 

INGHITZAT SU CURSU DE LÍNGUA SARDA

19 de Cabudanni de su 2016

Fonti:www.villacidro.info

 

Si fait sciri chi, a incumentzai de su 28 de Cabudanni, in is localis de sa Mediateca – Centro @ll in ddoi est su cursu  basi de Língua Sarda de sa durada de 15 oras.

Is letzionis si faint su mércuris de is tres e mesu fintzas a is ses e mesu (15,30 – 18,30).

Is mollus po s'iscritzioni s'agatant in s'Ufíciu de Língua Sarda, abertu in Mediateca – Centro @ll in, su lunis e su mércuris de is otu e mesu de de a mengianu fintzas a sa una (8,30-13,00) e de is tres e mesu fintzas a is ses e mesu de a merí (15,30 – 18,30) opuru mandendi una “e-mail” a s'indiritzu acaboni@provincia.mediocampidano.it

 

 

MAURO PILI: GENIS DE IS SARDUS , SPECULATZIONI CHETZA DE PRECEDENTIS, GUADANGIÀUS 60 MILLIONIS DE EURUS IN  DEXI  DÍS

 

19 de Cabudanni de su 2016

Fonti:www.villacidro.info

 

Sa banca datus de is sardus comporada po una miséria frutat una capitalizatzioni in sa Bursa de Londra de un +36,94

 

"S'operatzioni apitzus de su DNA de is sardus est su colpu de su séculu. Unu guadàngiu sicu in Bursa de 60 millionis de eurus. In is dexi dís apustis a sa còmpora de su DNA de is sardus is ingresus de sa "Tiziana Life Sciences" si funt postus in busciaca una somma chi balit 230 bortas su balori de còmpora de sa banca datus genética, difatis iant spéndiu sa limusina de 258.000 eurus. Un'aumentu de su balori de bursa arregistrau giai de sa primu dí e crésciu in manera esponéntziali in una cida de bursa fintzas a su 37% de aumentu arregistrau su 25 de Argiolas.

Sa "Tiziana Life" sa dí innantis de sa còmpora, fiat su 15 de Argiolas, ùrtima dí de serrada ainnantis de sa còmpora, baliat in bursa 162 millionis de eurus, in apenas dexi dís su balori de sa capitalizatzioni sodigat i 222 millionis de eurus sinnendi su guadàngiu spantosu de prus de 60 millionis de eurus.

De 162 millionis de eurus a 222 millionis de eurus, unu colpu chentza de precedentis giogau totu asuba de s'ànima genética de is sardus. Si fueddat de unu datu spantosu si si pentzat chi custa operatzioni est totu finantziària e chi in sa matessi anàlisi acapiada a sa bursa de Londra est imputàbbili de unu totu a sa còmpora de sa banca datus ogiastrina. A distàntzia de 3 mesis de cuss'operatzioni su datu in bursa si est afortiau cunfirmendu su balori clamorosu de sa capitalizatzioni in bursa. Un'operatzioni chi po su momentu si cunfirmat in totu su balori speculativu cosa sua chi ia denunciau fintzas de s'inghitzu. S'annúnciu de sa còmpora dd'iant fatu su 18 de Argiolas. E sa comunicatzioni in bursa fiat crara: "Tiziana Life" at comporau is 13.000  campionis po 258.000 eurus. Apustis  de s'annúnciu is atzionis funt artziadas de su balori ,de su 15 de Argiolas, de 1,72 eurus a 2,36 de su 25 de Argiolas, cun un aumentu de balori de 0,64 eurus po atzioni. "Tiziana Life Sciences" tenit capitali nominali de 94.393.401 atzionis de su balori de 3 pence (0.03 sterlinas) s'una. In pràtiga su balori de sa sociedadi in bursa ("Market Capital de s'Azienda) est passau de: 162 millionis de eurus a 222 millionis de eurus est a nai 60 millionis 820 milla eurus in prus".

Dd'at denunciau immui pagora su deputau de "Unidos" Mauro Pili chi at donau is particularis de sa bursa de Londra esaminaus e aprofundaus de ténnicus de sa "city" londinesa chi apuntu ant postu in luxi sa gravidadi de s'operatzioni cumprida apitzus de sa banca genética sarda.

Pili at torrau a proponni un'interrogatzioni de pressi a su ministru de sa Ricerca e de sa Saludi, de is Ésterus e de sa giustitzia apitzus de custu fatu, própiu po is medas arrescius de tali operatzioni.

"A lograi de s'operatzioni funt pruschetotu is titolaris de is  cuotas chi non funt in béndita  sa "Planwise Group Ltd" cuntrollada de Gabriele Cerrone chi tenit su 60.46%, sa "Nerviano Medical Sciences Srl" cun su 4.58% e "Chris McGuigan" cun su 3.37%. Su chi abarrat est totu  gallegianti in  bursa, su chi at generau cussu guadàngiu spantosu. "Un'operatzioni totu finantziària – at portau a sa sbéndita de su prus mannu patrimóniu genéticu de sa Sardigna. 13.000 refertus genéticus ogiastrinus béndius in Londra cumenti chi nudda.  Totu custu cunfirmat su siléntziu cómplici de istitutzionis e política chi at permítiu su sdorrobbatóriu de parti de unu grupu finantziàriu "biotech" britànnicu, a sa circa de su segretu  de sa vida longa.

Una sbéndita bera e própia chi at generau un'operatzioni speculativa chentza de precedentis gestida apitzus de unu fallimentu non sémpiri liniari, a incumentzai de sa béndita a su grupu de Don Verzè. Totu custu – aciungit su deputau de Unidos – cun su siléntziu de is istitutzionis chi mancai is allarmis torraus a ripiti si funt  disinteressadas de unu totu de su fatu".

" De non podi arriciri sa béndita de cussa banca dati e cumenti apu nau de sa primu dí – at sighiu Pili – is istitutzionis depint impidiri chi su grandu balori de cussu patrimóniu bessat speculatzioni de bursa scéti a sa faci de sa circa e de is sardus e totu chi ant agiudau cun santidu de sacrifíciu a sa costitutzioni de cussa banca datus. A sa luxi de custus datus finàntziarius – acabbat Pili – su sdorrobbu a is dannus de is sardus e de s'ànima genética cosa insoru est ancoras prus gravi e su siléntziu de autoridadis e istitutzionis est oramai de no arriciri.

 

 

 

PILI: “IN CABU FRASCA  ISCARRAXADAS UNAS MILLI BOMBAS”

19 de Cabudanni de su 2016

Fonti:www.villacidro.info

 

De sa bonífica cumentzada apustis de sa bregúngia de su fogu in su polígonu bessint a pillu unas milli bombas cuadas asuta de terra. Su deputau de “Unidos” spartzinat is immàginis de is arrefudus perigilosus agataus in Cabu Frasca.

Unas milli bombas de dónnia genia, chi non si scit su contenutu e su períodu, interradas in is milli ètarus de su polígonu de Cabu Frasca. Lassadas annus a si purdiai chentza mai fai unu mínimu de bonífica e postura in seguresa. Totu custu mancai is fueddus asseliadoris e frassus de is generalis chi iant garantiu sa bonífica fitiana de su sítiu. Immui  unus dexi sacus de bombas funt s’arrapresentatzioni de su chi est acontéssiu aintru de cuss’àrea protégia. Apustis de sa denúncia cosa mia giai de duus annus fait apitzus de su fogu spantosu chi iat  sdorrocau una parti de importu de sa basi militari immui bessit a pillu sa faci bera e scuria de unu Stadu chi at fatu bessiri sa Sardigna unu “mega”muntronaxu de Stadu. Immui in totu pressi, po fuiri puru ogus indiscretus, si circat de sperdi su chi s’est agatau: arrefudus perigulosus narat sa ERRA (R) giganti sinnada in is sacus biancus chi si bint in sa turri de cuntrollu de Cabu Frasca. Una bonífica fata a iscusi. Cun unu capítulu ancoras de acrarai apitzus de is muntonis de terra scorrovonaus, sdorrochendi ambienti e sítius archeológicus. De seguru est bessendi a pillu una bassa bera e própia de armamentus interraus e seminaus in dónnia logu. Una bonífica coberta de su segretu, biu chi est stétia negada  cun trassas sa bísita de sa Commissioni Uràniu Impoberiu prevídia po custas dí e perlongada in totu pressi. Cussu sacus prenus de arrefudus perigulosus funt su símbulu de sa violatzioni prus evidenti de su chi est acontessendi e de cantu est giai acontéssiu in manera illegali aintru de su polígonu. Unu presídiu naturalísticu-ambientali protégiu de acórdius internatzionali e decretau che Sítiu de Importu Comunitàriu. Ministrus, generalis e cant’àterus depint arraspundi a sa giustítzia de ai fatu bessiri unu sítiu protégiu unu muntronaxu de arrefudus perigulosus interrendi de totu.

Ai fatu bessiri Cabu Frasca unu “mega” muntronaxu de arrefudus chi imbrutant, perígulosus e mortalis est unu crímini chi andat persighiu in totu sa línia de cumandu chi at postu in atu custu disastru ambientali beru e própiu. A custu si aciungit sa sdorrocadura de unu sítiu archeológicu cancellau a cropus de ruspa”. Dd’at nau immui pag’ora su deputau de Unidos Mauro Pili spartzinendi is immaginis chi fueddant a solas de  is agataduras de custas dís aintru su polígonu de Cabu Frasca.

Annunciendi un’interrogatzioni parlamentari Pili at tzerriau puru in càusa s’arresponsabbilidadi penali po s’imbrutamentu cun arrefudus perigulosus cuaus aintru de su polígonu.

“Non si podit sighiri a cuai – at nau Pili-. Sa magistradura depit  intervenni apitzus de custu crímini de Stadu e sa Regioni si depit costituiri parti civili. Si tentat cumenti a su sólitu de cuai totu e de non ndi chistionai cun sa tarea sólita de amparai amigus e amighixeddus. Su chi est acontessendi aintru de su polígonu de Cabu Frasca iat a essi abarrau cuau si no ia ammostau is immaginis orrorosas chi testimóngiant su disastru fatu in is annus e su chi  est bessendi a pillu de asutaterra”.

“Sa gravidadi de s’imbrutamentu chi est bessendi a pillu in totu s’àrea costituiscit sa cunfirma de su disastru e de su dannu ambientali, cun sa necessidadi de individuai is arresponsàbbilis e de pagai su dannu materiali, económicu e morali inclúdiu su torrai is logus in is cunditzionis de innantis. Est chistioni de reatus penalis berus e própius”.

“Cabu Frasca est a totus is efetus “abitat aintru de unu sítiu protégiu”, est a nai chi coincidit in totu e po totu a sa fatispécie de s’art. 733 bis c.p.. Po custu motivu nisciunu depit abarrai impuniu. A custu – aciungit Pili – depit sighiri s’obbligatzioni de pagamentu de is dannus a càrrigu de “chinisisiat cumprendi unu fatu illecitu, o lassendi a un’ala atividadis o cumportamentus doverosus, cun violatzioni de lei, de arregulamentu, o de provedimentu amministrativu, cun discóidu, incapacidadi, atrivimentu o violatzioni de normas ténnicas, portit unu dannu a s’ambienti, cambiendiddu, guastendiddu o sdorrochendiddu in totu o in parti”.

“Is Ministerus cumpetentis po s’amparu de su Sítiu de importu Comunitàriu bessiu muntronaxu de arrefudus perigulosus depint individuai totus is arresponsàbbilidadis e apustis pigai is propostas in sea de autotutela e de pagamentu de is dannus causaus. A custu si aciungit chi depint essi individuaus totus is arresponsàbbilis e sa cadena de cumandu chi ant dispostu sa cuadura, interrendiddus, de custus arrefudus perigulosus. Nisciunu – at acabbau Pili – depit abarrai impuniu. Sa Sardigna dd’ant fata bessiri unu muntronaxu a servítziu de unu Stadu marranu chi fait finta de amparai s’ambienti de sa Sardigna cuendi asutaterra arrefudus perigulosus de dónnia genia”.

 

 

KELLER, DUDAS E TIMORIAS DE IS SINDACAUS

17 de Cabudanni de su 2016

Arriceus e pubblicaus.

 

“ Is Segreterias de su territóriu de Fiom, Fms e Uilm e sa RSU de sa “Keller Eletromeccanica”, apustis de s’atóbiu cun s’assessora de s’Indústria, Maria Grazia Piras, chi nci fiat ariseru in sa sea de s’assessorau e totu, funt de su parri chi sa chistioni de sa Keller siat lómpia a unu momentu de grandu importu de su camminu cosa sua, e in su cuadru de is svilupus recentis, creint de importu fundamentali sa proposta, fata de un’azienda chi giai trabballat in su setori ferroviàriu de decénnius, de afitu e de compora fata lompi a is curadoris faddimentaris, po torrai a fai partiri su sítiu industriali. Proposta chi is curadoris etotu ant a esaminai apustis de su 16 de custu mesi candu scadint is términis po sa presentada de is ofertas líbberas. Custa proposta previdit un’inghitzu graduali de s’atividadi e de torrai a pigai parti de is maistàntzias in basi a su càrrigu de trabballu chi at a tenni candu pigat su stabbilimentu. In prus su programma previdit in prospetiva, sa creatzioni de unu polu regionali altamenti specializau in su setori de ferrovias e de tranvis. Su pentzamentu forti de is organizatzionis sindacalis est chi fintzas a oi a is astas po sa béndita no est andau nisciunus e chi , in custa fasi de presentada de ofertas líbberas,  su Giugi e is Curadoris potzant privilegiai s’oferta económica prus bantaxosa chi previdit s’achirimentu de lotus o de parti de is ainas e duncas custu iat a cumpromiti dónnia possibbilidadi de torrai a incumentzai sa produtzioni e iat a sinnai s’acabbu difinitivu de custa realidadi industriali. Totu custu iat a cancellai totu su chi is partis socialis e sa Regioni Sardigna ant fatu  po agatai un’imprendidori sériu interessau a imbistiri in Sardigna, in unu territóriu cumenti su de su Campidanu de Mesu chi s’Istat at certificau cumenti su prus póburu d’Italia.  Is scriventis  si augurant chi is setoris diferentis de s’azienda non siant béndius separaus e chi candu su giugi e is curadoris faddimentaris ant depi apretziai is ofertas lómpias téngiant in grandu cunsideratzioni s’aspetu sociali acapiau a un’obertura noba de sa fàbbrica chi podit donai sperantza a una parti manna de is 400 trabballadoris intra de deretus e de s’indotu, oi chentza trabballu po nexi de sa senténtzia de faddimentu, e de una realidadi industriali stratégica po su territóriu de su Campidanu de Mesu e po totu sa Sardigna. Bista sa disponibbilidadi espressada a is trabballadoris e a is partis socialis, in atóbius diferentis, domandant a is Síndigus de is Comunus de su territóriu de su Campidanu de Mesu chi fatzant intendi sa boxi cosa insoru po agiudai sa scera chi punnat a torrai a fai partiri su stabbilimentu e a su rilànciu de s’ocupatzioni. Is organizatzionis sindacalis, ant a tenni una segreteria unitària lunis 19 de Cabudanni e ant a tzerriai, po cida chi benit, un’assemblea in  su stabbilimentu po apretziai, imparis a is trabballadoris, totus is propostas a agiudu de una produtzioni noba”.

 

BIDDACIDRU E SERRAMANNA, DUUS COMUNUS UNU SEGRETÀRIU SCÉTI

15 de Cabudanni de su 2016

Un’acórdiu intra de is duus Entis at a permiti de acorpai s’Ufíciu de Segreteria comunali produsendi un’arrespàrmiu po is duus comunus.

Is Comunus de Biddacidru e de Serramanna ant aprovau, po médiu de is Consillus cosa insoru, un’acórdiu cun sa tarea de cumpriri in manera coordinada e in forma associada is funtzionis de segreteria comunali, serbendusí de sa professionalidadi de unu Segretàriu Comunali scéti, logrendi diaici un’arrespàrmiu de sa spesa relativa a benefíciu de is Entis associaus. Unu Segretàriu Comunali scéti si depit rendi disponíbbili po is duus entis cunformas a unu calendàriu stabbiliu, est a nai: martis, mércuris e cenàbara at a fai servítziu in Biddacidru mentras lunis e gióbia at a trabballai in Serramanna.

Su Comunu de Bidacidru, cabufila, at a essi s’enti chi at a nominai su Segretàriu e abarrant a càrrigus cosa sua totus is spesas,  salvu a arriciri  dónnia tanti de tempus de su Comunu de Serramanna is arrembursus po is spesas relativas a sa cumpridura de sa funtzioni de Segretàriu Comunali e is spesas de previdéntzia e de assisténtzia in sa mesura de su 42%. S’acórdiu iat a podi bessiri eficaci giai  de cida chi benit mentras po averiguai s’arrespàrmiu efetivu tocat a abetai calincunu mesi.

 

PERLONGU INGHITZU LETZIONIS – SCUOLA PRIMÀRIA DE BIA CAGLIARI

13 de Cabudanni de su 2016

 

Est stétiu dispostu su perlongu de s'inghitzu de s'annu de scola 2016/2017 a su 19 de Cabudanni scéti po sa Scola Primària de bia Cagliari,  poita nci funt stétius  interventus de manutentzioni straordinària apenas acabbaus e duncas nc'est de acabbai sa pulitzia de is aposentus.

 

 

PORCUS IN SU PARCU DE CASTÀNGIAS, INTERVENIT SA POLITZIA LOCALI: IDENTIFICAU SU PROPIETÀRIU.

12 de Cabudanni de su 2016

Fonti:www.villacidro.info

Biddacidru.  Una patúglia de sa politzia Locali est intervénnia in localidadi Castàngias apustis de una sinnalatzioni de unus cantu citadinus chi iant osservau una mardi chi arrolliàt in manera perigulosa cun is porceddeddus avatu in su piatzali ananti de s’intrada de su parcu. Apustis unas cantu circas, duradas prus de un’ora, de sa mardi non ddoi iat arrastu. Cun probbabbilidadi si nc’est stichida in su padenti innui iat essi stétiu dificili a dd’agatai.

Is agentis ant identificau su propietàriu de s’animali chi cun probbabbilidadi est fuiu a su custódia de su meri. No est perou fuiu a is óminis de sa Politzia Locali unu tubu po piscai àcua de s’acuedotu e, duncas, cun probbabbilidadi ant a sighiri averiguadas po sciri si esistit o no s’autorizatzioni po pigai àcua de sa strutura comunali.

 

 

 

ERBAS INFESTANTIS, OPERAJUS A TRABBALLAI APUSTIS DE S’ARTÍCULU IN VILLACIDRO.INFO

10 de Cabudanni de su 2016

Biddacidru. Calincuna dí fait, apustis de ai arriciu unas cantu sinnalatzionis de is letoris cosa nosta, iaus denunciau, po médiu de custu artículu, sa trascuradesa chi caraterizàt is bias de sa bidda de Biddacidru, cun is marciapeis e is cunetas prenas de erbas malas. Custu mengianu una scuadra de operajus de su comunu fiat a s’òpera po messai s’erba e torrai a puliri is cunetas e marciapeis, cun s’agiudu puru de sa dita chi gestiscit s’arragota de s’àliga. Su tempismu particulari de s’interventu fai pen chi s’artículu pubblicau martis 6 de Cabudanni apat procurau un’arresurtau positivu. Giustu in tempus po s’obertura de unu momentu a s’àteru de is iscolas e s’apuntamentu annuali de su “Prémiu Dessí” chi, po calincuna dí, fait bessiri Biddacidru capitali  natzionali de sa literadura.

 

BIDDACIDRU, DOMANDAU UN’ATÓBIU TÉNNICU PO SA COSTRUTZIONI DE SU DE TRES MÓDULUS DE SU MUNTRONAXU

10 de Cabudanni de su 2016

Fonti:www.villacidro.info

A sa  Sindighessa, a sa Giunta Comunali e a is Consilleris de Biddacidru, a is Síndigus, a is Giuntas e a is Consilleris de Arbus, de Gonnos, Gùspini e Seddori, sócius de “Villaservice Spa”, a su Síndigu, a sa Giunta e a is Consilleris de Sant’Éngiu, a su Cda  e a sa Presindentessa de “Villaservice” a  su Presidenti de su Cunsórtziu Industriali de Biddacidru, a s’Amministradori Straordinàriu de sa Província Sud Sardigna Giorgio Sanna, a is Consilleris regionalis de su Campidanu de Mesu Rosella Pinna e Alessandro Collu, a su Consilleri regionali de Biddacidru Emilio Usula, Médicu ISDE, a su Deputau Siro Marroccu, a s’Assessori a sa Sanidadi de sa Regioni Autónoma de sa Sardigna Luigi Arru, a s’Assessori a sa Difesa de s’Ambienti de sa Regioni Autónoma de sa Sardigna Donatella Spano, e po connosciéntzia a su Commissàriu Straordinàriu de sa ASL 6 de Seddori Maddalena Giua, a is organizatzionis sindacalis CGIL, CISL, UIL, CSS, USB, a is assótzius de categoria CIA, Coldiretti, Confagricoltura, Cospargi, a is médicus de basi de Biddacidru e Sant’Éngiu, a is assótzius ambientalistas, a totus is giornalis.

DISCÀRRIGA REGIONALI DE BIDDACIDRU E COSTRUTZIONI DE SU DE TRES MÓDULUS DE SA MUNTRONAXU

Cun sa tarea se sutaponni a s’Atentzioni cosa de Bosàterus is arriscus gravis po sa saludi, certificaus de su ISDE Itàlia ( Sociedadi Internatzionali de Médicus po s’Ambienti), mandaus a is destinatàrius arremonaus s’estratu de su documentu “Sa gestioni susteníbbili de is arrefudus sólidus urbanus” (“Position Paper ISDE Italia – 12 de Austu 2015) chi su scritu integrali s’agatat a s’indiritzu: http://www.isde.it/wp-content/uploads/2014/02/2015 -08-12- Position Paper- RIFIUTI – finale.pdf

In su capítulu, chi apustis  torraus a portai de unu totu, is autoris, Agostino Di Ciaula, Patrizia Gentilini, Ferdinando Laghi e Vincenzo Migaleddu, personalidadis de importu mannu in campu médicu, analizant cun rigori scientíficu, is cunsighéntzias sanitàrias apitzus de sa saludi procuradas de is muntronaxus de s’àliga.

In is moras de s’imbiu de is Osservatzionis cosa nosta a su servítziu SVA – Assessorau Regionali Difesa de s’Ambienti – in arraspusta a is integratzionis de su Consórtziu pubblicadas in su giassu de sa Regioni e chi pertocant su de tres módulus de su muntronaxu de Biddacidru – chi iat a bessiri, cun is àterus 1.500.000 mc cosa sua de capiéntzia, de aciungi a is 1.500.000 mc de is duus módulus giai esistentis, sa prus manna d’Itàlia

DOMANDAUS

 a  is autoridadis cumpetentis de pigai ananti a is citadinus de su territóriu s’arresponsàbbilidadi de nai pubblicamenti chi is tantis suferéntzias procuradas de is medas maladias chi interessant is famíllias cosa nosta non funt puru una cunsighéntzia dereta  de sa preséntzia de su muntronaxu/discàrriga de su cunsórtziu e de escludi sa possibbilidadi de una créscida  cosa insoru in raxoni de s’ammanniamentu smisurau cosa sua.

DOMANDAUS

Chi sa classi política e totu sa comunidadi téngiant una positzioni firma po blocai sa costrutzioni de su de tre módulus e po umperai is arrisorsas finantziàrias disponíbbilis po portai a cumprimentu is impiantus de tratamentu de is fratzionis  de avalorai (imbirdi, plàstica, paperi, cartóciu, e aici sighendi) e de su sicu  de avantzu. Sa strategia Arrefudus Zeru, fata cosa sua de sa Giunta Pigliaru e annunciada in su programma de s’Amministratzioni bécia e noba de Biddacidru, previdit difatis s’umperu de impiantus giai in parti amministraus de sa sociedadi  “Villaservice Spa”, e iat a permiti de apoderai totus is dipendentis atualis de sa “Villaservice Spa”, e in prus de donai possibbilidadi de pigadas a trabballai nobas  e de dura  e de intradas prus mannas.

Sa letura de custu istúdiu non podit e non depit lassai indiferentis: iat a essi cumenti a si ammanciai de unu crímini difícili de spricai a sa Comunidadi.

DOMANDAUS

Chi fatzant bessiri púbblicus is datus uficialis chi pertocant is càusas de morti e is patologias de su territóriu, is datus de su controllu sighiu de is matricis ambientalis pruscatou in arrelatu a is territórius de Biddacidru e Sant’Éngiu, cun atentzioni particulari po su cuntestu innui s’agatat su Muntronaxu/Discàrriga e is pertinéntzias cosas suas  prus acanta. Talis datus, in parti  giai connotus gràtzias a unus cantu médicus coragiosus de su territóriu, denunciant unu raportu chentza duda de causalidadi intra de maladias/mortis e preséntzia de su muntronaxu/discàrriga de Biddacidru. Totu su personali médicu est allarmau e cun motivu apustis de ai biu su documentu de sa ASL n° 6 “Càusas de morti 2012-14” po su Campidanu de Mesu.

DOMANDAUS

De cumpriri luegus is propostas progetualis e operativas po chi incumentzit luegus sa strategia “ARREFUDUS ZERU”, propostas aprontadas própiu po sa zona industriali de Biddacidru. Su costu de su de tres módulus, arragodeusiddu, est apretziau prus o mancu in € 15.000.000; un’impiantu de tratamentu e arrecúperu ndi iat a costai prus pagu de sa mitadi, cun efetus positivus apitzus de s’ambienti, arrecúperu de matérias útilis  e cun una torrada económica e ocupatzionali.

DOMANDAUS

Un’atóbiu ténnicu  po si podi cunfrontai Amministradoris e Comunidadis apitzus de tali proposta, cun sa tarea de incumentzai unu camminu virtuosu chi portit a un’economia circulari, escludat sa cumpridura de un’àteru módulu de muntronaxu/discàrriga, e previdat sa bonífica de su territóriu imbrutau.

Non podeus torrai a mandai prus a longu decisionis chi si domandant puru is diretivas europeas e chi si sutaponint a proceduras de infratzioni cun costus mannus meda a càrrigu de sa comunidadi.

Non boleus essi testimóngius passivus de s’arruina ambientali e de sa bocidura lenta tramada a dannu de citadinus inniorantis.

Non depeus  essi cómplicis citius de su massacru de unu Territóriu chi stimaus e chi boleus amparai cun totus is fortzas cosa nosta.

“COORDINAMENTO COMITATI SARDI”

 

BIDDACIDRU, CANI IMPICAU A S’INTRADA DE UNU MADAU

10 de Cabudanni de su 2016

Fonti:www.villacidro.info

 

Biddacidru. Custu mengianu est stétiu agatau unu cani impicau in una mata in s’intrada de unu madau in localidadi Castàngias. A fai sa scoberta orrorosa iant essi stétius unus cantu citadinus chi passillànt in sa bia chi portat in localidadi Coxinas. Su propietàriu de su madau, Pietro Deidda, non nci podit crei e non cuat chi cust’atzioni “podit tenni a che fai cun calincunu problema nàsciu po sa gestioni de su corratzu de is porcus in localidadi Cracuris”. Apitzus de su fatu scrucullat sa Politzia Locali de Biddacidru.

 

 

 

“VILLACIDRESE CALCIO”, APUSTIS DE 8 ANNUS INCUMENTZAT A PAGAI 50.000 EURUS DE DÉPIDUS A SU COMUNU

10 de Cabudanni de su 2016

Fonti:www.villacidro.info

Cumenti mai, mancai is medas richestas de is ufícius de su Comunu non funt mai stétias fatas atzioni de amparu de s’Enti? Nisciunu cummentu de s’ex Assessori a s’Isport Luca Garau. Si esponit e si difendit invécias s’ex primu citadinu Teresa Pani, mulleri de Siro Marroccu, deputau e ex presidenti de sa “Villacidrese Calcio”.

Biddacidru. S’Amministratzioni Comunali ponit unu frenu a is assótzius isportivus morosus. De is ufícius de Pratza Municípiu, in su cursu de cust’úrtimus annus, funt stétias mandadas a is esponentis de sa Giunta precedenti ghiada de Teresa Pani, unas cantu comunicatzionis innui si ponit in luxi su dépidu pregressu de is assótzius isportivus in is cunfrontus de su Comunu. Non iant a essi serbidas a nudda is apretus a s’ex Síndigu e a s’ex Assessori a s’Isport Luca Garau. Sa responsàbbili de su servítziu, Graziella Pisci, poniat in luxi in una nota de su 11 de friaxu 2015, cumenti fiat stétiu cumbidau debadas s’assesssori comunali cun unas cantu notas – cunformas a su regulamentu comunali – a non intregai is istruturas a is sociedadis morosas, a su scopu de fuiri unu dannu erariali”, e duncas una cundanna possíbbili de sa Corti de is Contis. In sa matessi nota si precisàt:” Si bolit fai presenti s’espositzioni depidória gravi de sa sociedadi “Villacidrese Calcio” chi at presentau unu pianu po torrai su dépidu. A tali pianu no est stétia donada nisciuna esecutzioni, stanti su siléntziu de sa sociedadi”. Sa “Villacidrese Calcio” fintzas a intzaras iat cumpriu unu dépidu de 50.000 eurus in otu annus. Apitzus de sa chistioni intervenit s’Assessori a s’Isport de immui Marco Erbì:” Apenas aposentaus eus postu luegus manu a is morosidadis pregressas de is assótzius isportivus in manera de garantiri in su matessi momentu s’arrecúperu de is créditus e s’inghitzu de sa stagioni calcística e scéti a acabbu de austu est stétiu in manera difinitiva acordau unu pianu de torrada a sa “Villacidrese Calcio”. E s’assessori precisat:” Po cust’amministratzioni s’isport tenit unu caràtiri sociali de importu mannu meda. In un’atóbiu de pagu tempus fait funt stétias tzerriadas totus is sociedadis isportivas e totus is morosas ant pagau su dépidu”.

Abarrat duncas sa pregunta: Cumenti mai, mancai is medas richestas de is ufícius de su Comunu non funt mai stétias fatas atzioni de amparu de s’Enti? Nisciunu cummentu de s’ex Assessori a s’Isport Luca Garau. Si esponit e si difendit s’ex primu citadinu Teresa Pani, mulleri de Siro Marroccu, deputau e ex presidenti de sa “Villacidrese Calcio”. “ Non ddoi iat motivu de dennegai sa possibbilidadi a 150 piciocus iscritus in sa “Villacidrese Calcio” de umperai is campus – sutaliniat Teresa Pani- Poita, puru, su camminu incumentzau de sa sociedadi fiat giustu: est paghendi e at arrenunciau annus e annus a calisisiat cuntribbutu. S’amministratzioni at sémpiri apretziau su grandu balori  de s’isport cumenti irrenunciàbbili. Creu, iat a essi stètiu fintzas illegitimu”.

 

 

ABBANOA, INCUMENTZADA  SA CAMPÀNGIA “CONSUMUS SEGURUS” IN SU CAMPIDANU DE MESU

8 de Cabudanni de su 2016

Fonti:www.villacidro.info

 

Deximilla leturas in su mesi de Cabudanni. Interessaus is Comunus de Biddacidru, Seddori, Tuili, Siddi e Turri

Funt prus o mancu 10milla is clientis de su Campidanu de Mesu interessaus de sa campàngia Consumus Segurus in cursu in su mesi de cabudanni. Giai de s’annu passau Abbanoa at afortiau su servítziu de relevadura de is leturas, aumentendi is subralogus e duncas sa faturatzioni de is consumus relevaus. “Is clientis – spricat sa sociedadi in unu comunicau po is giornalis – in custa manera funt prus informaus apitzus de s’andamentu de is consumus cosa insoru e de is costus relativus”.  “Apustis de ai bogau is bulletas in acontu ( a parti is casus de cuntadoris de aintru e chi non si nci podit arribbai) cun sa sterrida de sa letura certificada de is contadoris po médiu de palmaris eletrónicus, a incumentzai de s’istadi passada, est partida una rivolutzioni noba po is bulletas de su servítziu de s’àcua integrau”.

Po su chi pertocat is biddas interessadas de sa campàngia programmada po custu mesi, is leturas ddas faint dónnia tres mesis in is biddas prus mannas  cumenti a Biddacidru (5.107 clientis) e Seddori (3.568). In is àteras biddas is leturas ddas faint dónnia cuatru mesis.

A s’insinna de sa trasparéntzia màssima, in su giassu aziendali si podit castiai su caledàriu innui funt inditaus, comunu po comunu, is mesis chi is ténnicus de Abbanoa faint is leturas de is contadoris e is mesis chi mandant sa bulleta.

 

916 MILA EURUS DE INDENNIZUS PO IS DANNUS FAUS DE IS ANIMALIS ARESTIS A SA  MESSARÍTZIA

 

7 de Cabudanni de su 2016

Fonti:www.villacidro.info

 

 

916 Milla eurus po is dannus causaus de is animalis arestis a is produtzionis de pisci e a cussas agrícolas. Asuba de sa proposta de s'Assessora de sa Difesa de s'Ambienti, Donatella Spano, sa Giunta, a séguitu de sa organizatzioni noba de is autonomias de su logu, at aprovau ariseru sa spartzidura de is indennizus 2016. Prus de sa mitadi de su dinai  nci at a bessiri po is indennizus chi ant causau is animalis arestis a is produtzionis de sa messarítzia e de s'allevamentu, e at a essi pratziu intra de is Amministratzionis de is províncias de Casteddu, Sud Sardigna, Aristanis, Nùgoro e Tàtari, cunformas a is critérius chi sa matessi Giunta iat istabbiliu a innantis. Su dinai chi abarrat at a serbiri po is dannus chi ant procurau is crobus de mari (ndt. "cormorani) a is produtzionis de pisci,  e andat pratziu intra de is Províncias de Aristanis, Casteddu, Sud Sardigna (ex Província de Carbònia-Igresias), Nùgoro (ex Província de s'Ogiastra) e Tàtari (ex Província de Tàtari e ex Província de  Terranoa – Témpiu).

S'Esecutivu in prus at aprovau sa pratzidura de 400milla eurus destinaus a s'agiudu e a su recuperu de is animalis  arestis terrestris e marinus ferius o in dificultadi. Sa cifra stabbilida andat po 240 milla eurus a is Províncias. A Casteddu arribbant 34.285,72 eurus. Sa matessi cifra andat a Tàtari -Terranoa e su Sud Sardigna (Biddacidru e Bidda Mratzàxia): 68.571,42 eurus. Nùgoro (Tortolì) e Aristanis ant a arriciri cadauna 34.285,72 eurus. Is 160 milla eurus chi abarrant ant a andai, in seti partis agualis (22.857,14 eurus) a is sugetus de sa  "Rete"Arretza Regionali po sa cunservatzioni de sa fàuna marina.  Formant sa "Rete" is cincu Àreas Marinas Amparadas: Ísula de s'Asinara, Cabu Cassa- Ísula Piana, Cabu Crabonaxa, Taulara -  Punta Coda Cavallo (Punta Coa de Caddu?), Penísula de su Sinis – Ísula de Maluentu, Parcu Natzionali Sa Maddalena e su Comunu de Pula po is operatzionis de agiudu, recúperu e libberatzioni de is animalis marinus prevídias de su protocollu de intendida arremonau.

 

BIDDACIDRU, ERBA INFESTANTI IN DÓNNIA LOGU

6 de Cabudanni de su 2016

 Fonti:www.villacidro.info

Degradu in bidda, is erbas malas infestant is cunetas e is marciapeis de su centru urbanu.

Parrit custa sa cartolina de bísita chi donat Biddacidru. Torraus in bidda, apustis de ai passau, mancai, calincuna dí de pàsiu in una biddixedda turística o in calisisiat àtera bidda costera de sa Sardigna,  sa cilla de degradu e de sbandonu brincat luegus a is ogus. Non si cumprendit a chi  spetat su cómpitu de ndi bogai s’erba infestanti chi crescit aundisisiat in bidda, pruscatotu innui ddoi at domus disàbbitadas, edifícius púbblicus o bias atesu. A castiai is operajus comunalis trabballendi parrit chi si interessant scéti de atendi is giardinus púbblicus mentras sa dita de arragorta de s’aliga, chi tenit su cómpitu de sciovai is bias, allichidit scèti is bias principalis chentza pero de ndi bogai s’erba. Scéti calincunu citadinu, chi tenit ancoras unu pagheddu de santidu cívicu, pulit  cuneta e marciapei ananti de domu cun sa scova cosa sua. Po su restu erba in dónnia logu, chi si fichit intra de asfaltu e cordonadas, fadendi, cun su passai de su tempus, dannus a ambaduus. Po su chi pertocat s’estética, sa galleria de fotografias innò asuta arresumit beni su chi est nau in pitzus.

 

 

BISURA  NOBA PO PRATZA "MARTIRI DE BUGGERRU"

6 de Cabudanni de su 2016

Fonti:www.villacidro. info

 

BIDDACIDRU. Non prus unu muntonàrgiu a celu obertu, ma unu parcu innui passai calincuna ora e fai giogai is pipius. In Pratza "Martiri di Buggerru" su Comunu, apustis de ndi ai tirau totu s'erba mala, at postu puru giogus po pipius, una santzianedda e unu líscinu.

Is citadinus  de annus pediant a su comunu de sistemai sa pratza e scéti apustis de  su subralogu de duus assessoris, Giuseppe Ecca e Marco Erbí, e su cabucantieri de su Comunu, funt inghitzaus is trabballus po donai vida noba a su chi oramai fiat bessiu unu campu sbandonau. Is operàjus de su Comunu in pagus dís ant donau una vida a sa pratza noba.

"Bollu torrai gràtzias a sa Giunta – decrarat Alberto Onnis – po sa tenta, ddi nau diaici fintzas a candu no at a essi acabbau, de cambiai sa chi fiat una discàrriga a celu obertu in unu puntu birdi in su centru de Biddacidru". S'Assessori a s'Ambienti, Marco Erbí impromitit s'acabbu de is trabballus in tempus crutzus e annúnciat :" Apustis p ddu preneus a pradu birdi e nci lompeus s'àcua".

 

IPSIA GÚSPINI, CLASSIS A ARRISCU SERRADA: STUDIANTIS IN RIVOLTA

6 de Cabudanni de su 2016

 Fonti:www.villacidro.info

 

GÙSPINI. In una lítera mandada a sa redatzioni cosa nosta; is studiantis espressant totu sa contrariedadi cosa insoru apitzus de sa decisioni chi at pigau su Proveditorau.

“Seus is studiantis de sa classi 3^A de su Tsss (Ténnicu, servítzius sóciu sanitàrius) serali de s’Istitutu professionali “Alessandro Volta” de Gùspini. Iaus a bolli espressai su disprexeri cosa nosta po sa decisioni, pigada de su Proveditorau, de serrai su cursu de stúdiu cosa nosta po nexi de unu númunu bàsciu de iscritzionis. Nosu seus is pagus chi ndi pagaus is cunsighéntzias apustis duus annus de impignu mannu po sodigai sa tarea cosa nosta, chi est sa de arrannesci a lograi s’arrogu de paperi  de scola superiori de segundu gradu.
Su ténnicu de is servítzius sóciu sanitàrius fiat s’única scola serali chi ancoras esistiat in sa zona e eus scioberau de dda trastigiai credendi chi a s’acabbu de is stúdius iaus pótziu brintai in su mundu de su trabballu in unu setori chi si praxit diaderus opuru brintai a s’Universidadi. Giai chi est una scola serali seus studiantis chi in s’interis de sa vida no ant pótziu sighiri a studiai de piciocheddus ma chi, cun totu custu, ant tentu s’atrivimentu de si torrai a ponni in giogu e chi trabballant  cun impignu e cusciéntzia, mancai totus is dificultadis e is impignus chi podeus tenni cumenti a trabballu,  famíllia, dificultadi económicas. Donniunu de nosu cumenti a individuu tenit is problemas cosa sua. Nosu scieus chi su podi tenni un’istrutzioni est unu deretu de totus e chi su Stadu si depit donai is benis necessàrius po podi campai un’esisténtzia dinnidosa. S’istrutzioni est de grandu importu po nosu e ddu iat depi essi in sa vida de totus e chi est prus in artu de nosu s’iat a depi donai garantzias e non istrobbai is progetus e is ambitzionis cosa nosta. Sa serrada de su Tsss serali de Gùspini cumportat s’impidimentu de lograi unu arrogu de paperi ca non ddoi at àteras scolas seralis si non in Casteddu; is costus de su biaxi po podi trastigiai in una scola diaici atesu funt mannus meda po totu nosu;  non podeus nimmancu biaxai cun is mezus púbblicus ca s’úrtima curriera est a is otu e mesu de a merí (20,30) e s’úrtimu trenu est a is noioras e mesu de a noti (21,30) e is cursus seralis fatuvatu acabbant a mesunoti (24,00). Po problemas de trabballu e de famíllia non si podeus nimmancu iscriri a mengianu. Abbisóngiat a nai puru chi in sa matessi scola ant serrau puru sa tertza de su mengianu e immui is piciocheddas si agatant cunfúndias. Totu custu cumportat una sperdidura scolàstica lestra. A s’acabbu naraus: studiai est unu deretu e nosu non si arrendeus!!!
Arreconnoscentis de s’atentzioni garbosa de bosàterus, giaus is saludus coralis cosa nosta.

 

MORTU SALVATORE USALA, HA GHERRAU PO IS DERETUS DE IS MALÀDIUS DE SLA

6 de Cabudanni de su 2016

Fonti: www.villacidro.info

Casteddu. Est mortu custu merí, a s’edadi de 63 annus, su cabu stóricu de is malàdius de SLA chi in custus annus at portau a innantis medas batallas po melliorai is cunditzionis de vida de is malàdius gravis no autosuficientis. Arrecoverau de mitadi Austu in su Spidali Marino de Casteddu, Usala fiat malàdiu de tempus de SLA ma is cunditzionis cosa sua non ddi impidiant de portai a innantis is batallas cosa sua po s’arreconoscimentu de is deretus po is malàdius gravis. Medas, in custus annus, is isciòperus de su fàmini e is suspensionis de is curas salvavida. Usala fiat su fondadori de su “Comitato 16 Novembre Onlus” chi si ocupat de is deretus de is malàdius cun patologias gravis.

Adriano Muscas in crisi cun sa Giunta noba?

4 de Cabudanni de su 2016

Fonti:www.villacidro.info

 

Biddacidru. Discútiu, stimau, criticau e votau. Si iat a podi arresúmini in cuatru fueddus su profilu políticu de Adriano Muscas. Po sa de tres bortas de sighiu arrannescit a conchistai una cadira aintru de su Consillu Comunali de Biddacidru. In s'úrtima torrada eletorali est arrannésciu a si fai donai fidúcia de is citadinus cosa sua cun 500 preferéntzias. Sa candidadura cun sa lista “Alternativa Civica” fiat parta luegus atrivida: si ponni imparis cun chini dd'at cumbàtiu de is bangus de s'opositzioni  cincu annus, iat fatu nasci calincuna duda puru aintru de su grupu. Non sémpiri at cumpartziu is órdinis arricius de is partidus e custu dd'at fatu bessiri unu “cani scapu” de sa política cirdesa, tanti de si depi dimiti, a unu certu puntu, de su Partidu Democràticu. Scera chi ddi fiat costada sa cadira de assessori in sa Giunta Pani. Parrit chi is raportus cun sa Giunta noba, ghiada de Marta Cabriolu, siant guastendusí po nexi de cussu individualismu chi de sémpiri dd'at contraddistintu.  Sa “Villaservice” e su  “Consorzio Industriale” fiant is postus prus disigiaus de ex assessori. Apustis de ai biu  sparessi sa possibbilidadi de presidiri sa Villaservice, e apustis de ai arrefudau un'assessorau, sa scera est arruta  po fortza asuba de su “Consorzio Industriale”, mancai cun sa tenta de pigai su postu de Giorgio Danza in sa cadira  presidentziali.  Po immui s'at a depi acuntentai de sa càrriga de consilleri aintru de su diretivu de su Consorzio, chentza  scaresci chi sa sua est una délega fiduciària e in custu períodu parrit non ndi siat logrendi meda! Apustis prus de unu mesi de intervistas tentadas e domandas de acraramentus apitzus de su ruolu nou aintru de su “Consorzio Industriale”, no at ancoras  fatu nisciuna decraratzioni. Scéti in un'ocasioni dd'eus nau ainnantis is contenutus de s'intervista. Ddi iaus ai bófiu pregontai calis funt is progetus chi est portendi a innantis po afortiai su Consorzio Industriale, cali est su stadu de saludi de s'enti e si apat mai fatu un'intrada a is atus po ddu averiguai. S'arraspusta cosa sua est stétia disarmanti. “ Deu non seu un'inchisidori”. Po unu chi fait parti de unu grupu políticu chi porta su nómini de Giovanni Falcone (Comitato Possibile “Giovanni Falcone” Biddacidru), su magistrau chi at pagau cun sa vida sa gherra contras a sa màfia,  un'intrada a is atus iat a depi essi su mínimu po garantiri sa condota bona de unu enti diaici stratégicu po su tessutu sóciu-económicu de su Campidanu de Mesu. Ddi iaus  ai bófiu pregontai po cali motivu apat fatu bísita a is impiantus de sa “Villaservice”,  e cun chi apat cuncordau sa bísita. E  po su chi pertocat su ruolu passau  de Assessori a s'Ambienti in sa Giunta Pani, ddi iaus ai bófiu pregontai cumenti est possíbbili chi 4 allevadoris de procus téngiant sa mellus apitzus de ténnicus, Fortzas  de s'Órdini, políticus de  sa Asl e poita custu bubboni no est stétiu bogau in su nasci candu Fusteti fiat Assessori? Bai sciri ita iat a nai Giovanni Falcone!

 

Disterraus, apróliu nou in su Portu Canali de Casteddu

2 de Cabudanni de su 2016

Fonti: www.villacidro.info

Custu mengianu est lómpia in su Portu Canali sa navi Dattilo de sa Guàrdia Costera cun 931 disterraus.

Est cumentzada custu mengianu s’operatzioni de sbarcu de is 931 disterraus sarvaus in is dís passadas in su largu de is costeras líbbicas. Funt 931 is personis lómpias custu mengianu apitzus de sa navi Dattilo de sa Guardia Costera, de custas 213 funt minoreddus. Apitzus puru tres mortus. S’operatzioni dd’at coordinada sa Capitaneria de Portu. In sa banchina de su portu cummerciali est stétia apariciada una “màchina” de s’arricidura imponenti, cun Protetzioni Civili, ASL, Croce Rossa e mediadoris culturalis, innui si donant is primu curas a is malàdius e a is ferius, cun sa aprontadura de su “iter” po s’identificatzioni. Is disterraus ant a essi cambiaus oi e totu in is struturas diferentis agatadas de sa Prefetura in is 4 províncias stóricas sardas.

 

Intra de tres cidas cumentzat su “Prémiu Literàriu Giuseppe Dessí”

1 de Cabudanni de su 2016

Fonti: www.villacidro.info

Cenàbara 2 de Cabudanni in Casteddu nc’est sa presentada de su de 31 Prémius Literàrius Giuseppe Dessí in programma in Biddacidru de su 19 fintzas a su 25 de Cabudanni.

De su 19 fintzas a su 25 de Cabudanni si rennovat s’apuntamentu annuali in Biddacidru: is atóbius cun autoris, is presentadas de s’imprenta, is labboratórius didàticus,  is  leturas e is arrécitas musicalis funt is ingredientis de una cida culturali tipida tipida chi cumenti a sèmpiri acumpàngiat su Prémiu Dessí e chi culminat domínigu 25 de Cabudanni cun sa cirimónia de procramatzioni e premiatzioni de is bincidoris de is duas setzionis literàrias de su cuncursu: narrativa e poesia. Sa serada de acabbu incoronat puru is bincidoris de àterus duus arreconnoscimentus: su “Prémiu Speciali de sa Giuria” e su prémiu speciali “Fondazione di Sardegna” donau de sa “Fondazione Dessí”  imparis a sa fundatzioni bancària. Mannu meda, cust’ànnu puru, su livellu de acunsentimentu a su cuncursu cirdesu de parti de is  domus imprentadoras natzionalis, cun 345 volúminis (212 po sa setzioni narrativa, 123 po sa poesia) lómpius a sa segreteria de su Prémiu aintru de sa scadéntzia de su bandu, su 20 de Làmparas passau.
In nóminis de is ternas de finalistas e de is bincidoris de is prémius specialis, imparis a su programma de sa cida culturali cirdesa, ddus annunciant in s’interis de una cunferéntzia po is giornalis in programma cenàbara 2 de Cabudanni in Casteddu, in sa sea de sa “Fondazione di Sardegna”, in bia San Salvatore da Horta n.2. In s’atóbiu cun is giornalistas, a is dexi e mesu de a mengianu (10,00), intervenint su Síndigu de Biddacidru Marta Cabriolu, Graziano Milia, arresponsàbbili de is relatus esternus de sa “Fondazione di Sardegna”, su Presidenti de sa “Fondazione Dessí” Paolo Lusci e Duilio Caocci in arrapresentàntzia de sa giuria de su Prémiu.

 

 

 

 

Is operas bincidoras de su Prémiu Marchionni in ammosta in Bologna

1 de Cabudanni de su 2016

Fonti:www.villacidro.info

Is òperas bincidoras de su Prémiu Marchionni lompint a “Ca’ la Ghironda ModernArtMuseum”, su spàtziu museali a pagus chilometrus de su centru de Bologna.

Bologna. Domínigu 4 de Cabudanni a is cincu de a merí (17,00) in sa “Sala delle Colonne” de su cumplessu museali s’inaugurat sa primu tapa de is ammostas  chi girant in is biddas chi ant a fai a connosci in Itàlia is trabballus de is 30 bincidori de su cuncursu natzionali d’arti cuntemporànea prumóviu de su Museu “Magmma” de Biddacidru.

Unu cuncursu ideau de su diretori artísticu de su “Magmma” Walter Marchionni, po arragordai Dino Marchionni, incisori spantosu de Urbino chi arribbau in Biddacidru in su 1954, iat scioberau de passai innòi s’arrestu de sa vida cosa sua. Fintzas a su 18 de Cabudanni funt espostus non scéti is trabballus de Juan Eugenio Ochoa e de Francesco Altomare, is duus bincidoris unu po sa setzioni Pintura s’àterus po sa Gràfica, ma cussus de is àterus artistas puru – in totu 15 po dónnia setzioni – scioberaus de una giuria de calidadi intra de  is 900 lómpius de totu su mundu.
Prumóviu in Meseidas 2015 su Prémiu Marchionni at atirau un’interessamentu forti de parti de artistas de totu su mundu, cumenti dimostrat su númunu mannu de òperas lómpias. Intra de is prémius intregaus fiat previdia puru un’ammosta chi girat peri is biddas de is primu 30 classificaus: apustis de sa primu tapa in su Museu “Ca’ La Ghironda” de Bologna, is àteras ant a essi sa de “Palazzo Collegio Raffaello” de Urbino e s’Archíviu “Galleria Lazzaro” de Milano.

 

 

Torrat a oberri su “Hotel Esit”, Pili: “ In custu cantieri arruina ant portau 20 disterraus”

1 de Cabudanni de su 2016-11-12 Fonti: www.villacidro.info

Biddacidru. Torrat a oberri su “Hotel Esit” in su coru de sa noti, ma est po strangiai 20 de is 617 disterraus africanus  aproillaus ariseru a mengianu in is costeras de Casteddu, cun una navi de sa marina mercantili irlandesa. Po su deputau de “Unidos” Mauro Pili ddoi at calincuna cosa chi no andat in custa decisioni e púbblica in su profilu “Facebook” cosa sua una denúncia contras a sa pràtiga adotada po agiudai is disterraus. Su sfogu de su políticu sardu est acumpangiau de unas cantu fotografias chi ammostant su stadu de arruina de sa strutura chi s’agatat giai a s’acabbu de su centru abbitau de Biddacidru. Labai “ S’albergu béciu de s’Esit in sa Spéndula in Biddacidru – narat Mauro Pili de sa pàgini “Facebook” cosa sua – immui pagora in custa arruina cantieri funt stétius portaus 20 de is 600 disterraus. Si cumprendit chi sa prefetura est umperendi arruinas in dónnia logu, chentza de arrespetu nimmancu po is arregulas prus elementaris. Totu custu mancai si circhit de cuai sa beridadi de is fatus”. Su “Hotel Esit” est in cunditzioni de sbandonu totali de prus de 10 annus. Nàsciu cumenti a elementu de punta de is potentzialidadis turísticas cirdesas, est passau de manu in manu ainnantis de essi scarésciu de unu totu e torrau a bogai a pillu in custas úrtimas oras po su “afàriu” de sa strangia de is disterraus.

Pili: “disterraus strangiaus in una strutura chi est arruendindi e chentza nisciuna autorizatzioni”.

 

 

 

NOI   NON    SAPEVAMO

Lingua – Turismo –Industria -  Basi militari - Ambiente

Su líbburu de Bachisio Bandinu, cumenti si podit a biri de sa coberta de ananti e de palas, est iscritu in duas línguas: italianu e sardu o a s’imbressi.

Sa parti in italianu  scrita de unu totu de Bandinu dda furriant in sardu autoris diferentis segundu sa varianti linguística cosa insoru e no ammancat, cumenti eus a biri, unu capítulu in LSC (Limba Sarda Comuna). Su primu capítulu intitulau “La lingua” ddu furriat in sardu de mesania Mario Puddu. Su de duus  intitulau “Il turismo”  Battista Orecchioni in gadduresu. Su de tres “L’industria” sémpiri Mario Puddu ma custa borta in logudoresu. Sa giradura de su de cuatru, intitulau “Le basi militari”, dda fait Paolo Zedda in campidanesu. Su de cincu “L’ambiente” ddu furriat Maria Giuseppa Cossu in LSC, est a nai un’ammesturítziu de variantis scumpensau faci a su logudoresu, chi iat depi, segundu calincunu, bessiri sa língua bandera de is sardus. S’úrtimu capítulu, “Oggi noi sappiamo?” ddu furriat invécias Bandinu etotu in bitichesu. 

A dónnia manera su líbburu mi agradat meda non scéti ca manixat  argumentus chi oindí funt de grandu interessamentu po sa genti ma poita apu agatau puru spantosa  s’idea de sa giradura in variantis e sutavariantis de su sardu. Est unu líbburu, a parri cosa mia, chi narat cosas de importu ma in manera ligera chentza scrocorigai su ciorbeddu.

Apu furriau in sardu campidanesu unus cantu tretus de su  1°capítulu:

Pag. 7

“Nosu non ddu sciaus chi sa língua cosa nosta fiat bella e arrica, capassa de contai su mundu. Eus crétiu chi fiat póbura e grussera, un’impedimentu po su svilupu. Si iant nau chi po imparai s’italianu tocàt a nci scavulai su sardu. E nosu dd’eus crétiu e custu precetu macu dd'eus fatu nostu”. ...

Pag.9

“ Is cuindixi annus de su 1950  a su 1965 funt de importu mannu po cumprendi su scontru intra de is duas línguas, sa sarda e s’italiana. Fiant nascendi in totus is biddas de s'Ísula is scolas de mesania e fiat inghitzendi s’alfabbetizatzioni de massa cun sa televisioni. Totus is cosas chi si produsiant in manera indústriali si presentant cumenti  a sinnus, sa merci fiat portadora de messàgius. Sa televisioni a bellu a bellu bessit sa mitza de is fueddus e de is iscedas. Su sistema nou de is ogetus, in su cummérciu spainau de su consumu, imbentat nóminis nous. Totu sa comunicatzioni de sa tennologia, de su cummérciu, de sa scola, de sa burocratzia est in italianu. Música, isport e tempus de discansu spainant una pedagogia fitiana de spratzinadura de s'italiano. Su sardu benit postu a una parti, disterrau a s'umperu privau. Custu processu fortzau de adeguamentu a sa cultura escludiat in manera rigorosa s'umperu de sa língua sarda. Sa cosa parriat naturali e non poniat nisciunu problema, cumenti si siat stétia una procedura crara e motivada. E invécias fiat contras a dónnia princípiu pedagógicu, contras a dónnia lógica linguística, contras a calisisiat progetu antropológicu e políticu”. …

Pag.11

“Ma candu una língua bessit dominadora a dannu de un'àtera, non baliat sa paridadi e  andat a innantis po càmbiu, sbisuriadura, sperdidura”. …

Pag. 12,13.

“S'ant nau: “sa língua cosa de bosàterus non si serbit prus, non tenit prus una funtzioni in su mundu modernu”. Nosu dd'eus pigau po beridadi, credendi in sa teoria funtzionalista de sa língua chi bolit cust'ùrtima cumenti a un'aina chi serbit scéti po sa funtzioni pràtiga de nai e tzerriai is cosas, is cosas impónnias de is àterus.

Nosu non sciaus chi totu custu non fiat berus, chi fadiat parti de un'ideologia dominadora. Non sciaus chi in Sardigna fiat cumprendusí un'assetiamentu ideológicu cun sistemas de significaus nous e chi in s'Ísula cosa nosta  fiat impónniu unu mollu de regioni de foras imbistida de unu capitali económicu e culturali de sfrutamentu chi escludiat o disterrat  língua e cultura sarda in cuntestus/furrungonis sémpiri prus strintus.

 Própiu in cussus annus, in Sardigna,  si fiant ponendi in atu progetus e programmas chi iant a essi decidiu su svilupu e is indirítzus de política económica e culturali: industrializatzioni, turismu, cultura de massa. Progetus e programmas chi no eus fueddau/arraxonau in sa língua cosa nosta e chi, po is maneras chi funt cumprius, non currispundiant a s'identidadi de sa cultura nosta, a s'apretu de is abbisóngius nostus e a sa lógica de is interessamentus cosa nosta. Antzis s'indústria petrolchímica fiat nàscia, in Otzana, cun sa tarea precisa de ndi bogai de fundu de arraíxini s'antropologia de sa pastoria, e po àteru versu su turismu de is imbistimentus continentalis e esterus  fadiat cumentzai sa speculatzioni de sa terra e  de is fàbbricus e  s'arruina de sa fasca costera marina. Nosu non si ndi seus acataus chi is cosas programmadas, fatas e fueddadas de is àterus, non podiant torrai a bantaxi cosa nosta.

No eus cumpréndiu s'imboddicu cando si narànt chi non fiat prus tempus de fueddai su sardu, e chi sa pérdida de sa língua de bratzolu non si podiat fuiri ca nci fiat  s'apretu de is tempus, sa necessidadi de is tempus nous”.

Pag.14

“ Nosu non sciaus chi custu si ddu narant is meris de su tempus, est a nai de cussas fortzas económicas e sóciu-culturalis chi faint passai cumenti a apretu de custus tempus is interessamentus  mercantilis  e su domíniu económicu e culturali cosa insoru..

No est stétiu apretziau su dannu incalculàbbili de sa sperdidura linguística e de sa paràlisi culturali de cussus cuindixi annus e prus, non ddus ant postus in contu is costus  umanus  sentimentalis e intelletivus pagaus, su sacrifíciu de sa fortza creativa de sa língua de bratzolu chi at struturau s'imaginàriu, is afetus, is santidus e is arraxonis de s'esperiéntzia comunitària .

Non si fiaus acataus, in is annu '60, chi imparis a sa língua inghitzàt a morri puru sa cultura cosa nosta e duncas puru totus is linguàgius non verbalis: su baddu, su cantu, is cumpeténtzias de is artigianus, is ritus e is costumus,  sa bistimenta e sa cosa de papai. Diaici is mundus bius de su logu intrant in crisi o intrant in sa spetacularizatzioni de su folclori, in su sensu de strambecu e de pintorescu. Bastanti chitzi eus imparau chi perdi sa língua cosa nosta boliat nai perdi un'universu de su nai, de su fai e de su comunicai. Difatis totus is esperiéntzias non verbalis, cumportamentus, arrelatus socialis, ritus e baloris funt insertaus in unu cuntestu a primatzia linguística: “su verbali e su non verbali òperant in un'arretza dinàmica de totu su sciri”.

Sa cultura dominanti noba non at dépiu sprecai nimmancu tantis energias po ndi bogai  língua e cultura de su logu, at in manera simpli fatu una classífica: s'italiano est modernu, de su tempus nostu e arricu, cunformas a is abbisóngius e a is necessidadis de su tempus, est sa língua de su svilupu e de su sciri nou; sa língua sarda est arretrada, póbura, grussera, no est bona a donai arraspustas a s'apretu de su tempus.” ...

Incastrau de unu videu: 600 eurus de multa po ai sbandonau s’aliga peri bia

31 de Austu de su 2016

Fonti: www.villacidro.info

Biddacidru. Crediat de dda ai fata franca, mancai su rimproveru arriciu de un’operaju forestali in servítziu, chi si fiat acatau de intentzionis malas cosa sua. In s’interis su merí de su 15 de Austu passau, un’ómini de sessant’annus at parchegiau sa màchina cosa sua a su costau de sa strutura polifuntzionali connota cumenti “ex Casermetas” in bia Parrocchia, e at tirau a foras de su còfanu una sachita niedda de àliga. In cuss’arrenconi de strada si fiat formendi, cun s’andai de su tempus, unu muntonàrgiu abbusivu. S’antzianu at postu s’àliga cosa sua imparis a s’àtera chi giai nci fiat. In cussu momentu, Marco Deidda, consilleri comunali e dipendenti de s’Agéntzia Forestas (ex Enti Forestas) in servítziu contras a su fogu in su campu sportivu, at tentau de ddi fai cambiai idea. A is fueddus “Ita est fadendi? Non ddu scit chi non podit sbandonai s’àliga peri bia?”. S’ómini parit chi apat fatu finta de nudda,   portendi a términi su propósitu cosa sua. In su matessi momentu sa scena est stétia immortalada in unu videu, chi sa cópia originali dd’at achirida su comandanti de sa Politzia Locali, Paola Campesi chi est arrannéscia a identificai su fartau de su sbandonu de s’àliga. Sa personi est stétia tzerriada, duncas, a su cumandu de Politzia Locali innui at arriciu una multa de 600 eurus. S’assessori a s’Ambienti Marco Erbí non bolit a fueddai de línia tosta ma de torrada a sa legalidadi. “ Est sa línia chi seus adotendi faci a totus is frontis: arrespetu de is arregulas, chi no arrespetat sa lei est giustu chi paghit, non nci ant a ai prus citadinus de série A e citadinus de série B. Deretus e doveris agualis po totus”.

BIDDACIDRU, ABBANOA:MESU MILLIONI PO TORRAI A FAI S’ARRETZA DE S’ÀCUA

30 de Austu de su 2016

Fonti: www.villacidro.info

Is bias interessadas funt: bia Nuoro, bia Tempio, bia Pascoli, bia Pavese, bia Foscolo, bia Verga, bia Satta, bia Farina, bia Fogazzaro, bia Mazzini e bia Deledda.

Adiosu  a is cundutas bécias totus stampadas in Biddacidru. Abbanoa est imbistendi mesu millioni de eurus po càmbiai is arretzas de s’àcua in medas bias de su centru abbitau. Is risorsas ddas ant recuperadas gràtzias a is finantziamentus de su mutuu regionali destinau a su pianu de is infrastruturas. Is bias interessadas funt bia Nuoro, bia Tempio, bia Pascoli, bia Pavese, bia Foscolo, bia Verga, bia Satta, bia Farina, bia Fogazzaro, bia Mazzini e bia Deledda. In cust’úrtima bia cras si fait su collegamentu de is cundutas nobas apenas acabbadas. Po fai s’interventu, a incumentzai de is 8 ddoi podit ai calus de pressioni in s’arretza de s’àcua in  sa zona intra de bia Regione Sarda e sa parti bàscia de sa bidda. “ Is cundutas bécias de s’arretza comunali – fait sciri Abbanoa – fiant oramai guastas de unu totu e no adatas a garantiri su servítziu. In su cursu de is annus nci fiant stétias tantis arrogaduras de depi fai medas interventus po ddas arrangiai. Po custu motivu Abbanoa at insertau su càmbiu totali cosa insoru intra de is interventus finantziaus de su mutuu regionali. Po fai s’arretza noba funt umperendi tubus in ghisa sferoidali, materiali chi apoderat de prus, e piatzendi vàlvulas de sperradura chi ant a permiti de podi otimizai sa spartzidura de s’àcua in is zonas diferentis de su centru abbitau”.

 

PILI: “RACKET O ESTORSIONI A PALAS DE IS FOGUS A IS AZIENDAS    AGRÍCOLAS”

30 de Austu de su 2016

Fonti: www.villacidro.info

Su deputau de Unidos, Mauro Pili, lànciat s’allarmi contras a is fogus chi in s’úrtimu mesi at fertu medas aziendas agrícolas sardas. Segundu su políticu sardu a palas de custus acontéssius, de seguru de orígini dolosa, si iant a cuai tentas de “matrici unitària” acapiaus a “ fenòmenus de “racket” opuru unu pianu speculativu acapiau a  tretus mannus de terra paris”. Is aziendas fertas funt totus cuncentradas in zonas paris de sa Sardigna meridionali. Seus chistionendi de aziendas mannas meda, chi tenint, a bortas, prus de 300 ètarus. “ Totus is aziendas – denúnciat su deputau sardu – funt stétias fertas in manera precisa a su coru produtivu:domus de palla e machinàrius indispensàbbilis po sa condutzioni de sa messarítzia”. A palas de custa chi est stétia difinida cumenti a una “escalation” criminali bera e própia, ddoi iat a essi  una costumàntzia, medas bortas impreada in su territóriu sardu, chi punnat a ndi pinnicai is cuntribbutus púbblicus cun sa scusa de creai postus de trabballu o torrendi a pagai cun is finiallas su pópulu sardu. “ Difatis – precisat Mauro Pili –  no est unu segretu chi sociedadis prus o mancu a sa luxi de su soli funt ponendi asuta de atacu sa Sardigna po su chi pertocat progetus speculativus acapiaus a is intzidus energéticus.
E nimmancu est unu segretu chi, po sa matessi ammissioni de custus faineris, si circant terrenus agrícolus paris e de grandu mannària ca costant prus pagu de is chi funt in is zonas industrialis”. S’apellu de su políticu sardu est rivólgiu a su Ministeru de s’Ambienti chi “ depit luegus ativai totus is atzionis necessàrias po chi custus atentaus sighius non scéti bengiant firmaus ma si pongiant in éssiri totus is propostas útilis a stabbiliri sa matrici de custus gestus criminalis”.
Pili at denunciau sa presentada de un’interrogatzioni parlamentari po totus is atentaus ponifogu chi ant fertu unas cantu aziendas in is sartus de Ortacesus, Biddesorris, Santu ‘Éngiu, e cussas ogetu de sa speculatzioni energética in is sartus intra de Gùspini e Gonnos. “Serbit un’atentu particulari – acabbat Pili – poita medas elementus funt simbillis e no est pentzàbbili no aberri unu fronti unitàriu de scrucullu po cumprendi si ddoi at o no calincunu fenomenu criminali chi est atentendi a sa messarítzia sarda”.

UNU CUNCORDU DE NO CONTRAS A SA SPECULATZIONI ENERGÉTICA DE SU TERRITÓRIU

29 de Austu de su 2016

Fonti: www.villacidro.info

Is Comitaus de su territóriu: “No Megacentrale” (Gùspini), “Terra che ci appartiene” (Gonnos), “Associazione Progetto Comune (Biddacidru), “Sa Nuxedda Free” (Biddaramosa), “Terrasana” (Deximuputzu), “Basso Medio Campidano: aria, terra, acqua” (Biddesorris), “No Al Termodinamico” (Cossoine). “No Megadiscarica” (Biddacidru) e “Associazione Italia Nostra Sardegnasàbudu  3 de Cabudanni a is dexi de a mengianu (10,00), in su Centru Anàlisi (zona artigianali PIP) de Gonnos, ant organizau un’atóbiu generali contras a sa speculatzioni energética in Sardigna. Is comitaus e is assótzius cumbidant a is citadinus, a is amministratzionis de su logu, a is assótzius de categoria de  cuntestu agrícolu, ambientali e culturali, a is fortzas políticas a pigai parti po fai fronti a s’apretu – si ligit in su comunicau – chi s’est creau apustis de is propostas de ponni in  terra sarda  medas mega-impiantus industrialis termodinàmicus solarisdannosus e invasivus, de collocai in terrenus agrícolus, de custus progetus  duus funt abetendi in is mesas de   Roma unu bia líbbera de genia política e non ténnica”. S’assótziu “Associazione Progetto Comune” pregontat, pruschetotu a totus is Cirdesus de agiudai s’initziativa” e arragodant puru chi “ su territóriu cosa nosta puru est interessau de su progetuImpiantu solari termodinàmicu de sa poténtzia lorda de 55 MWe narau “Gonnosfanadiga e opere connesse” (custu su ligóngiu a su progetu).  Is chi in su progetu funt naradas “opere connesse” immui pertocant puru su comunu de Biddacidru. Su territóriu cosa nosta, difatis, iat a strangiai su passàgiu de is cavus chi portant s’energia prodúsia de sa centrali finas a s’impiantu de spartzinadura, chi est previdiu aintru de s’àrea industriali esistenti”.

 

TERMODINÀMICU IN SU CAMPIDANU DE MESU, MAURO PILI: “UN’IMBODDICU, MANDU TOTU A SA PROCURA”

27 de Austu de su 2016

Fonti:www.villacidro.info

Gonnos.  Custu mengianu, una delegatzioni de imprendidoris agrícolus e de allevadoris at atobiau su deputau de “Unidos”, Mauro Pili, portaboxi de sa gherra cosa insoru contras a un’azienda chi iat a bolli stallai apitzus de is terrenus cosa insoru un’impiantu termodinàmicu chi iat a frutai prus o mancu 2 miliardus de eurus. Is agricoltoris e is allevadoris ant acetau is cunditzionis de sa dita e timint s’esprópiu de is terrenus cosa insoru. Is imprendidoris chi iant a bolli imbistiri in is terras de su Campidanu de Mesu, difatis, a fronti de una batalla cumentzada in su 2013 chi no est arrannéscia a piegai sa resisténtzia de is messajus ant ameletzau sa possibbilidadi de recurri a su deretu de esprópiu de is terrenus po sa costrutzioni de un’impiantu chi iat a portai benefícius po totu sa comunidadi. Segundu sa dita, in prus, is terrenus no ancoras achirius iant a essi chentza de trabballai e sbandonaus de unu totu. Mauro Pili est lómpiu in is terrenus in chistioni, inditendiddus cumenti a produtivus siat de su puntu de bista agrícolu chi de su de s’allevamentu. Su deputau at denunciau una “tenta de  imboddicu” de parti de is imprendidoris chi iant a bolli paperi biancu apitzus de is terrenus de is messajus.

Custus imboddicheris – narat Mauro Pili – ant delegau unu faineri chi si narat Luciano Lussorio Virdis, chi cun cuntratus at circau de cumbinci is propietàrius de is terrenus a ddus donai po sa cifra de 1.200 eurus a ètaru a s’annu po 30 annus”. “Custa personi iat a guadangiai, si arrannescit in sa tenta cosa sua, prus o mancu 1 millioni de eurus, mentras si si faint is impiantus termodinàmicus sa dita arresponsàbbili de su progetu iat a lograi prus o mancu 2 miliardus de eurus addebbitaus in  is bulletas de sa currenti de is sardus e de is italianus, a fronti de una spesa de scéti 18 millionis de eurus”. “Custas personis – sighit Pili – funt acapiadas a strintu a su guvernu centrali ghiau de Matteo Renzi e funt portaboxi de una strategia chi bolit assugetai e colonizai su pópulu sardu, pretendendi chi siat dipendenti in totu e po totu de foras chentza sa possibbilidadi de produsi su chi serbit po bivi cun dinnidadi”.

S’impiantu termodinàmicu iat depi tenni una cobertura totali de 500 ètarus e unus cantu propietàrius de sa zona iant ai giai firmau s’acórdiu, prexaus de is cifras propostas po sa cessioni de is terrenus, ma chentza sa firma de is propietàrius chi abarrant s’impiantu non si podit fai. “Sa famíllia cosa mia trabballat e bivit in custas terras de unus centu annus – narat Sandro Putzolu, propietàriu de una azienda agrícola chi at arrefudau su cuntratu de cessioni – non eua a acetai mai de essi bogaus de speculadoris chi si bolint scéti preni is busciacas cosa insoru de dinai e si lassai is arruinas cumenti a arregalu”.

 

BANDUS PROGETUS LEI 162/1998 – PRÓROGA

23 de Austu de su 2016

Si fait sciri a totus is interessaus chi sa scadéntzia de su “Bandu progetus individualizaus cunformas a sa L.162/98 – Annu gestioni 2016” funt stétius prorogau finas a su 5 de Cabudanni 2016.

ISCRITZIONIS MENSA SCOLÀSTICA – ANNU 2016/2017

23 de Austu de su 2016

Funt obertus is términis po mandai is domandas chi punnant a domandai su servíu de mensa scolàstica po is studiantis de is iscolas de sa pipiesa, elementaris e de mesania, po s’annu de iscola 2016/2017.

In su ligóngiu de susu nc’est s’Avisu e su mollu de domanda. PRESENTADA LÍBBURU “DI ALLEGORICO MIELE”

23 de Austu de su 2016

In su cuntestu de s’Istadi Cirdesa “Di suoni e di parole” (“De sonus e de fueddus”), su Comunu de Biddacidru presentat su líbburu de poesias “DI allegorico miele – Rapsodie sarde” de Ugo Magnanti.

S’atóbiu est sàbudu 27 de Austu, a is cuatru e mesu, in su molinu Cadoni.

Est presenti s’autori.

CUMMÉDIA “POBURU GIAI, MA DISONESTU MAI!”

19 de Austu de su 2016

In su cuntestu de s’Estadi Cirdesa “Di suoni e di parole”, su Comunu de Biddacidru, imparis cun sa Cumpangia teatrali “Sa Spendula”, presentat sa cummédia in língua sarda “Poberu giai, ma disonestu mai!” de Silvano Loru.

Su spetàculu est domínigu 21 de Austu, a is noioras e mesu (21,30), in s’anfiteatru de su Parcu Púbblicu de bia Repúbblica.

 

BLITZ DE IS CARABBINERIS IN “VILLASERVICE”: ACHIRIUS IS DOCUMENTUS DE SU CUNCURSU

19 de Austu de su 2016

Fonti: www.villacidro.info

 

Biddacidru. Custu mengianu is Carabbineris de sa statzioni de Biddacidru e de su Núcleu Operativu Radiumóbbili, cun dèlega de su magistrau Gian Giacomo Pilia, ant achiriu in is ufícius de sa “Villaservice” totu sa documentatzioni chi pertocat su cuncursu, po pigai a trabballai 16 incarrigaus, acontéssiu in Meseladàmini de s’annu passau. Is  circas, partidas apustis de sa denúncia de unu piciocu esclúdiu de su cuncursu, depint averiguai si ddoi at irregularidadi in su scioberu e in s’assuntzioni de su personali. Sa “Villaservice”, sociedadi chi si ócupat de sa gestioni de su muntronaxu de su cunsórtziu, de unu totu participada de is comunus de Biddacidru, Gùspini, Seddori, Gonnos e arbus, est de unus cantu annus in su centru de sa buriana. Investigadoris e inchisidoris po immui mantenint s’arriservadesa prus totali.

 

“Assuntzioni in “Villaservice” de G. … (…) Ita ndi scis?”

26 de Argiolas  de su 2016

Fonti: Villacidro.info

“Assuntzioni in Villaservice de G. …(…) Ita ndi scis?” Custu est su contenutu de unu “sms” pigau de su telefoneddu de unu políticu e mandau a unu sindacalista. Su políticu arraspundit: “Nudda! Non sciu chi siat! Nci fia immui e non m’ant nau nudda”. Is domandas nascint de sei. Partendi de su presupostu chi unu políticu no iat a depi arriciri domandas de acraramentu apitzus de is assuntzionis de un’azienda de unu totu partecipada de su púbblicu, iat a essi interessanti cumprendi cumenti mai issu arraspundat: “Nci fia immui e non m’ant nau nudda”. Ma poita calincunu de sa “Villaservice” torrat contus a unu políticu apitzus de is assuntzionis? Iat a essi puru de profetu cumprendi poita unu sindacalista s’interessat de s’assuntzioni de custa persona. Su nómini e su sangunau de sa persona interessada funt istétius cuaus, ma arrisurtant in s’orgànicu de is presonas impreadas po sa “Villaservice”. Su contenutu de custu messàgiu est istétiu intregau a su Procuradori de sa Repúbblica Mauro Mura. De scoviadas bessit a pillu chi unus cantu consilleris comunalis de Biddacidru is Carabbineris ddus ant inténdius própiu in arrelatu a sa “Villaservice, impossíbbili conosci su motivu de sa tzerriada.

 

 

OBERTURA/SERRADA DE SU CAMPUSANTU

12 de Austu de su 2016

Su 13 de Austu su Campusantu abarrat obertu de is 8,00 (otu de a mengianu) fintzas a is 19,00 (seti de a merí). Abarrat invécias serrau  su 14, 15 e 16 de Austu.

 

SERRADA UFÍCIUS COMUNALIS – 16 DE AUSTU

12 de Austu de su 2016

Si fait sciri chi su 16 de Austu is Ufícius Comunalis abarrant serraus po totu sa dì.

 

 

Pigat forma su de 31 Prémius “Giuseppe Dessí”

13 de Austu de su 2016

www.villacidro.info

Intra de is ospitis de custa editzioni giai cunfirmada sa preséntzia, intra de is àteras, de Cristiano De Andrè, Alessandro Bergonzoni, Carlo Lucarelli e Andrea Chimenti.

Pigat forma sa de 31 editzionis de su Prémiu “Giuseppe Dessí”, su cuncursu literàriu intitulau a su scritori sardu, in programma de su 19 fintzas a su 25 de Cabudanni in Biddacidru. Biddacidru strangiat sa cida culturali costumada chi fait de guarnissa a su prémiu prumóviu de sa “Fondazione Dessí” e de su Comunu, e chi in s’úrtima serada culminat cun sa procramatzioni e sa premiatzioni de is bincidoris.  A si cuntendi sa vitória funt is tres finalistas de donniuna de is duas setzionis de su pérmiu, scioberaus intra de is autoris de is 345 òperas, 212 de narrativa e 133 de poesia, chi funt lómpias a sa segreteria de su cuncursu aintru de su términi úrtimu de su 20 de Argiolas passau. Su cómpitu de cerri is scritus e scerai is duas ternas finalistas spetat immui a sa giuria de espertus ghiada de Anna Dolfi. Cust’annu puru, in pàliu po is bincidoris de is setzionis relativas, narrativa e poesia, ddoi at cincumilla eurus (5.000€) mentras a dónnia finalista andat unu prémiu de 1.500 €. A is duas setzionis  literàrias in sensu strintu de su cuncursu, si acostat ancoras una borta su “Prémiu Speciali de sa Giuria” ( custu puru de sa cifra de cincumilla eurus): un’arreconnoscimentu de intregai a una figura de importu de sa cultura, de sa sociedadi o de sa política italiana, e chi in is editzionis passadas est andau a pesonalidadis de su càlibru de Luigi Pintor, Sergio Zavoli, Alberto Bevilaqua, Arnoldo Foà, Francesco Cossiga, Marco Pannella, Piero Angela, Ascanio Celestini, Mogol, Philippe Daverio, Toni Servillo e Piera Degli Esposti. A incumentzai de lunis 19 de Cabudanni, unu cartelloni tipiu tipiu de acontéssius at a acumpangiai su cuncursu faci a sa serada de acabbu de domínigu 25 e sa cirimónia de premiatzioni de is bincidoris: ammostas, atóbius literàrius, labboratórius didàticus, leturas e récitas musicalis, propostus in logus diferentis de Biddacidru, cun epicentru in sa domu chi est stétia de sa famíllia de Giuseppe Dessí e innui oi tenit sa sea sa fundatzioni a issu intitulada chi, a parti s’organizatzioni de su prémiu, curat sa cunservatzioni e s’avaloramentu de s’òpera de su scritori. Intra de is ospitis giai cunfirmaus, s’atori e scritori Alessandro Bergonzoni, is cantautoris Andrea Chimenti e Cristiano De Andrè, is scritoris Clara Sanchez e Carlo Lucarelli, s’illustradori Roberto Innocenti.

 

PÀGINA “FACEBOOK” DE SU COMUNU IN SA STRACIA

7 de Austu de su 2016

www.villacidro.info

Pàgina istitutzionali de su Comunu in “Facebook” a apannàgiu de s’amministratzioni? “iat a depi essi super partes”. Su consilleri de minoria Stefano Mais denúnciat un’istraviamentu de arregulas in sa gestioni de unu servítziu propostu a is citadinus in is pàginas de su “social network” famau. “ S’immagini de crobeca est aguali a sa de sa lista política Alternativa Civica e non si cumprendit cali servítziu aintru de su Comunu siat incarrigau de dda amministrai e a cali títulu”. S’Assessori Giovanni Spano si assumit sa paternidadi de s’initziativa spieghendi chi “ est in preparatzioni un’arregulamentu, chi sa consillera Sara Loru, incarrigada, e àterus membrus de su Consillu funt preparendi, chi at a serbiri a amministrai is contenutus istitutzionalis de ponni in is “social network”. Segundu s’assessori s’arregulamentu “ at a essi presentau in consillu po modíficas eventualis e po s’aprovu”. Sa gestioni at a essi intregada a is “servítzius informativus ancoras de isvilupai in cantu ddoi at un’istadu de farta”. Sa procedura iscioberada de s’amministratzioni non satisfat su consilleri Stefano Mais chi iat ai agatau prus lógicu “ ainnantis isvilupai un’arregulamentu e apustis isperimentai s’ispratzidura de su servítziu”.

 

“ISTADI CIRDESA 2016” CHENTZA DE CÍNEMA A S’OBERTU

3 de Austu de su 2016

Fonti: www.villacidro.info

Mai cumenti a ocannu is acontéssius de s’Istadi Cirdesa (“Estate Villacidrese”), organizada de su Comunu, funt smenguaus a s’ossu. Funt atesu is annus candu fiant programmaus prus de 15 “films”, intra de cínema cummerciali e de autori, e su campu de su Parcu n°2 “Le Casermette” si preniat de non crei. In s’interis in su Parcu de bia Repubblica andàt a ammachiadura su “Splashball”. Su campu sportivu istrangiàt invécias una série de grandus acontéssius musicalis cun nóminis de su càlibru de “Litfiba”, “Nomadi”, “Negrita”, “Pooh”, e aici sighendi. Non ammancànt is seradas dedicadas a su baddu o a is torneus de pallacanestru e calcetu. Totu custu in is annus est andau smenguendi fintzas a s’editzioni 2016 innói in programma ddoi at tres cuncertus, un’arrapresentatzioni teatrali e sa presentada de unu líbburu. Eus inténdiu s’assessori a sa Cultura e a is Políticas Giovanilis, Giovanni Spano, e dd’eus pregontau cumenti mai su programma est diaici redúsiu e at nau chi “Non fai cínema est iscéti una scera, s’est decidiu po una programmatzioni de custu generi, po una série de arraxonis, prima intra de totus s’inadeguadesa de is istruturas e de is atretzaduras in possessu de su Comunu. Sa cifra impignada est modesta po spetàculus chi circant de benni incontru a is abbisóngius e a is gustus de totus. Nudda de trascendentali: in cunformas cun sa política nosta de is “cosa piticas, fatas beni e fatas po interu”. Intanti, própiu oi, nc’est su primu cuncertu de custa “Istadi Cirdesa” (Estate Villacidrese) formau ligeru, cun su triu “The lawyers” chi si fait a biri in Pratza Lavatoio a is dexi de a noti (10,00). Is àterus spetàculus funt: “Sonetàula” a incuru de s’Assótziu “Tra parole e musica”, su 10 de Austu in su Lavatoio e su cuncertu de is “Almamediterranea” in programma su 16 de Austu, sémpiri in Pratza Lavatoio. Su 21 de Austu spàtziu a sa cummédia teatrali a incuru de sa cumpangia teatrali “Sa Spendula” chi apariciat su palcu in s’anfiteatru de bia Repubblica. A s’acabbu su de cincu acontéssius est sa presentada de su líbburu de poesias de Ugo Magnanti, in programma su 27 de Austu in su Mulino Cadoni.

 

SARMED, ARRIBBAT SU SFRATU DE SU TRIBBUNALI: SERRADA AINTRU DE S’ANNU

3 de Austu de su 2016

Fonti: www.villacidro.info

Sa serrada de su stabbilimentu de sa “SARMED” de Biddacidru aintru de su 31 de Meseidas 2016. Custa borta a ddu decidi cun un’ordinàntzia de sfratu est istétiu su Tribbunali de Casteddu po sa “sa contrapositzionispricant is sindacaus – intra de s’azienda e sa propiedadi de s’immóbbili po su rennovu de su cuntratu de afitu”. A sa basi nci iat a essi s’acórdiu mancau po su rennovu de su cuntratu de afitu cun sa sociedadi IGM srl., propietària de s’immóbbili, chi fait cabu a su Grupu ISA spa, “leader”regionali de sa spratzidura alimentari e Euromix spa, de propiedadi de Giovanni Muscas e Maria Usai. “Aparit craru – si ligit in su comunicau de is sindacaus – chi s’esecutividadi de tali provedimentu cumportat s’acabbu lestru de s’atividadi cun efetus mannus asuba de s’ocupatzioni de is trabballadoris e iat a ponni su fueddu acabbu a su giassu produtivu de Biddacidru”. De scoviadas iat a parri chi a sa basi de s’acórdiu mancau nci siat s’aumentu de su cànoni de afitu de prus o mancu deximilla eurus a s’annu (€10.000).

 

BIAXI DE SA GENEROSIDADI: DE BIDDACIDRU A ARDAULE CUN UNU CÀRRIGU DE FENU

2 de Austu de su 2016

Fonti: www.villacidro.info

Biddacidru in primu línia in sa gara de generosidadi, apustis chi unu fogu disastrosu, in sa noti de su 22 de Argiolas, at postu in genugu su sartu de Ardaule, lompendi giai in bidda. Custu mengianu unu TIR, postu a dispositzioni de sa Dita “Pilleri Movimento Terra” e unu autocarru de sa Carpenteria metàllica Gigi Atzei, ambaduas de Biddacidru, ant pigau sa bia po su Comunu de Ardaule, innói ant intregau 34 rotoballas de fenu destinadas a is allevadoris dannegiaus de su fogu. Unu de is allevadoris chi at a gosai de sa gara de generosidadi, at pérdiu mitadi de is brabeis mentras s’àtera mitadi est ingota in manera gravi. Custas is aziendas chi ant pigau parti a sa gara de generosidadi:

Azienda Agricola Piras Gianni (Biddacidru)

Az.Agr.Sogus Antioco e Luigi (Gonnos)

Az..Agr. Piras Salvatore e Piras Vincenzo (Biddacidru)

Az.Agr. Cidronuovo (Biddacidru).

Su contribbutu in dinai po s’arrifornimentu de is mezus dd’ant donau unus cantu citadinus cirdesus. Is conducentis de is mezus funt ambaduus voluntàrius e ddus ant acumpangiaus unus cantu sustenidoris de s’initziativa. A s’arribbu in su Comunu de Ardaule, unu messàgiu de generosidadi, firmau de su Síndigu de Biddacidru, Marta Cabriolu, est istétiu intregau a su Síndigu de Ardaule Roberto Putzolu.

 

SONETÀULA

9 de Austu de su 2016

“La Casa di suoni e Racconti”stràngia de sa programmatzioni culturali de s’Istadi Cirdesa cun unu spetàculu dedicau a Sonetàula de Giuseppe Fiori. Atóbiu po Mércuris 10 de Austu 2016 a is dexi de a noti (22,00). In scena Camilla Soru e Andrea Congia.

Sighit sa série de atóbius istadialis cun sa Literadura Sarda de “La Casa di Suoni e Racconti”. Mércuris 10 de Austu 2016 a is dexi de a noti (22,00) su sfundu eciseri de s’Otuxentus de su Lavatoio de Biddacidru (Pratza Lavatoio), est su scenàriu de sa letura musicali pigada de “Sonetàula” de Giuseppe Fiori. Su spetàculu est parti de sa Rassínnia de Spetàculu “Significante 2016” – BANDIDUS ocannu dedicada a s’argumentu de su Banditismu, a s’orizonti de is segretus, de sa separatzioni e de su cuau in sa Sardigna de is úrtimus tres séculus. Su programma apena arremonau, apariciau e organizau de s’Assótziu Culturali “Tra parole e Musica” – “Casa di Suoni e Racconti”, imparis cun su “Circolo dei Lettori Miele Amaro” e s’assótziu “Presidi del Libro” est insertau aintru de sa programmatzioni culturali stadiali organizada de s’Amministratzioni Comunali de Biddacidru. Sa boxi de s’atora Soru e is cordas de sa ghitarra  de Andrea Congia ant a ghiai su púbblicu in una Sardigna suspéndia intra de is duas Gherras po contai una stória de Vengàntzia, sa stória de unu gióvunu oramai ómini, Zuanni Malune, bandidu, custrintu a sa solidadi po nexi de unu crímini mai cummítiu.

Literadura Sarda in Tour – Progetai e prumovi s’Arti e sa Cultura, privilegiéndi is formas espressivas de su Fueddu e de sa Música, est sa tarea principali de  “La Casa di Suoni e Racconti”. Po médiu de su spetàculu “dal vivo”, s’assótziu dédica in manera principali sa proposta artística cosa sua a sa Rassinnia de Spetàculu “Significante”, oramai lómpia a sa 9 editzionis cosa sua, spratzinendi in su territóriu sa Literadura Sarda de ariseru e de oi tradúsia in òperas músicu-teatrali.

 

“SHARDANA” IN SU PALCU PO AFESTAI PRUS DE 50 ANNUS DE MÚSICA

9 de Austu de su 2016

Fonti:www.villacidro.info

Su grupu “rock” stóricu de Biddacidru torra in su palcu cun Benitu Urgu e “Francesco Saiu Quartet”, po unu cuncertu únicu.

Biddacidru. S’assótziu “Arte Ambiente” at organizau po cenàbara 2 de Cabudanni unu cuncertu po afestai is prus de 50 annus de carriera de su grupu “rock” sardu fundau de is fradis Angelo e Gianni Saiu: is “Shardana”, chi in is annus nc’est arrannésciu a tenni unu postu de onori intra de is grupus nàscius intra de is annus  ‘60 e ‘70. Su cuncertu si fait in su campu comunali de bia Stazione e si intrat a gratis. Po s’ocasioni artziat in su palcu puru su cómicu Benito Urgu, chi arremonat sa carriera cosa sua, torrendi a proponni unus cantu de is personàgius cosa sua prus connotus. A oberri sa serada est su grupu “jazz” “Francesco Saiu Quartet” formau, a parti chi de su ghitarrista cirdesu Francesco Saiu, de Achille Succi a su clarinetu bàsciu e sax artu, de Matteo Muntoni a su cuntrabassu e de Alessandro Garau a sa bateria. Sa formatzioni  de immui de is “Shardana” est invécias formada de Angelo Saiu a sa ghitarra e boxi, Gianni Saiu a sa ghitarra solista, Gianni Mereu a su bassu, Massimo Pancotto a sa tastiera e Maurizio Palla a sa bateria.

 

IN BIDDACIDRU INAUGURATZIONI DE S’ARRETZA  DE SU GASU

8 de Austu de su 2016

Fonti: www.villacidro.info

 Custu merí a is seti e mesu (19,00) in su parcu comunali de bia Repúbblica nc’est s’inauguratzioni, a sa preséntzia de su Síndigu, de is rapresentantis de s’amministratzioni púbblica e de is arresponsàbbilis de su progetu “Sherden”, de s’arretza de su gasu.

Sa prufessionalidadi de is impresas fichidas in is trabballus at portau a s’avantzamentu atuali de is trabballus, arrannescendi a inaugurai s’arretza prima meda de is previsionis. Su bacinu 24 est cumpostu de is comunus de Bugerru, Frúmini Majori, Gonnos, Gùspini, Pabillois e Biddacidru cumenti a cabufila, po unu totali de 12.442 umperadoris e 156.305 metrus de tubu. S’imbistimentu afrontau est istétiu de 24.696.548 eurus, de custus 7.974.109 eurus de finantziamentu RAS (Regioni Autónoma de Sardigna) e 16.722.439 eurus de imbistimentu privau de “Sherden Gas”.

In su setori béndita “Sherden” si serbit in su momentu de 8 collabboradoris. Cust’arretza e sa bixinàntzia in su territóriu at fatu in modu chi si siat sodigau, prus de su chi si crediat, s’arresurtau de prus de 4.000 pre-cuntratus po su gasu. “ Seus satisfaus meda de su Progetu “Sherden” – at nau Gianluca Ghelli presidenti de “Sherden Energia” – po s’ispratzinadura de su gasu po médiu de s’arretza canalizada ca arrapresentat po “Coseam Italia” prima de totu e po “Sherden Energia” un’interventu chi s’at permítiu de cuntribbuiri, in is Comunus interesaus, a fai bessiri sa frunidura de gasu unu servítziu “púbblicu” a su paris de su de s’àcua, gràtzias a s’intrada fitiana e, in su matessi momentu boghendindi su problema de s’istugiadura poita su gasu de oi no at a mancai mai in is domus de totus is citadinus”

“Po su progetu “Sherden”, oi est sa dí de is promissas manténnias: apustis de un’annu e mesu, is abbitantis de custa parti de sa Sardigna tenint s’aretza de ispratzidura cosa insoru. Nosu de “Sherden” – narat Lorenzo Pasteini, diretori cummerciali de “SGR Società Gas Rimini” e consilleri delegau de “Sherden Energia” – seus is primus a essi prexaus, ca custu est unu sucessu cosa nosta ma de su territóriu puru. Funt istétias is aziendas de su logu, chi ant pigau parti a is trabballus, fadendi cun cusciéntzia su trabballu insoru, a creai is presupostus po s’arrannéscida de su progetu. Podeus sutalineai chi cun s’arretza is umperadoris tenint una série de bantaxis de importu. Primu de totus su de sa seguresa, ca is impiantus acumprius mandant is su solàiu su sistema béciu de sa bòmbola. Sa sighidura del su servítziu e su cuntrollu momentu po momentu de s’arretza de parti de is espertus  24 oras a sa dí e 365 dís a s’annu cumpletant is bantaxis po is umperadoris

 

INAUGURATZIONI DE S’ARRETZA DE SU GASU  DE BIDDA

5 de Austu de su 2016

Lunis 8 de Austu, a is seti de a merí (19,00), in su parcu comunali de bia Repúbblica, nc’est s’inauguratzioni de s’arretza de su gasu de bidda, cun s’agiudu de is Comunus de su bacinu 24, in preséntzia de su Síndigu, de is arrapresentantis de s’amministratzioni púbblica e de is arresponsàbbilis de su progetu Sherden.Su bacinu 24 est formau de is Comunus de Bugerru, Frúmini Majori, Gonnos, Gùspini, Pabillois e Biddacidru, po unu totali de 12.442 umperadoris e 156.305 metrus de tubus.

AVISU – ALBU COMUNALI DE IS ABOGAUS

4 de Austu de su 2016

Est in pubblicatzioni s’avisu púbblicu po sa costitutzioni de s’Albu Comunali de is Abogaus chi tenit sa tarea de integrai incàrrigus eventualis de patrocíniu legali. Is domandas de iscritzioni a s’Albu si podint presentai finas a mesudí (12,00) de su 5 de Cabudanni 2016, segundu is maneras specificadas in s’avisu.

Càstia in su ligóngiu de susu po sa Documentatzioni:

·        Avisu púbblicu –Pdf

·        Domanda de iscritzioni – Rtf

Càstia sa pubblicatzioni in s’Albo Pretóriu -in su ligóngiu de susu.

 

40 ANNUS FAIT MORIAT IN UNU FOGU S’OPERAJU FORESTALI NINO MUNTONI

2 de Austu de su 2016

Fonti:www.villacidro.info

Sa data símbulu po sa manifestatzioni est sa de su 6 de Austu 2016, su de coranta (40°) anniversàrius de sa morti de s’operaju forestali Giuseppe Muntoni, connotu cumenti a Nino, mortu in su 1976 in s’interis de sa studadura de unu fogu mannu meda pigau in is montis aroru de Biddacidru in localidadi “Tuviois”.

 S’Assótziu “Progetto Comune” prumovit s’acontéssiu “Per non dimenticare” (Po no iscaresci), una dí de reflessioni apitzus de is fogus cun arrelatu particulari a su perígulu chi benit de is fogus de padenti. Sa data símbulu scioberada po sa manifestatzioni est sa de su 6 de Austu 2016, su de coranta anniversàrius de sa morti de s’operaju forestali Giuseppe Muntoni, connotu cumenti a Nino, mortu in su 1976 in s’interis de sa studadura de unu fogu mannu meda, scapau a tenni in is montis aroru de Biddacidru in localidadi “Tuviois”, innói fiant abbruxaus 400 etarus de padenti. Sa noba iat tentu arretronu a livellu natzionali. “ Su poberitu – scrit “L’Unità” de su 8 Austu 1976 – imparis a àterus operajus de sa forestali fiat trabballendi cun is scuadras antincéndiu po domai is fiammas partidas in unu padenti tipiu tipiu in localidadi “Cudioris” candu s’est biu totu in una ingiriau de su fogu. Mentras is àterus óminis funt arranéscius a lompi in unu logu a su seguru de su fogu, Sisinnio Muntoni est abarrau cassau intra de is fiammas e is tentas cosa sua de si salvai funt istétias inútilis”. A s’operaju forestali est istétia dedicada una losa in su logu innói at pérdiu sa vida e unu castiadroxu antincéndiu in su cúcuru de su monti Cucurdoni Mannu chi est istétia tzerriada “Rifugio Muntoni”.

Su Prefetu duus annus apustis sa morti tràgica iat intregau a sa famíllia una medàllia de oru a su balori civili. Sa proposta non bolit essi iscéti un’arremoni doverosu ma pigai unu significau profundu, bessendi  motivu de reflessioni e spratzidura de sa cultura de s’arrespetu de s’ambienti, chentza de si scarésci mai chini po custa càusa at sacrificau sa vida cosa sua. Sa tarea est cussa puru de tenni artu su livellu de sensibbilizatzioni, serbendusí puru de is testimóngius passaus, po fuiri dannus ambientalis e tragédias umànas causadas de is fogus. Su 6 de Austu, a is dexi de a mengianu (10,00) nc’est sa Santa Missa in sa  crésia de Santa Brabara in arragodu de s’operaju mortu in manera tràgica. A is úndixi (11,00) s’inàugurat s’ammosta “Incendi e dintorni”, a incuru de sa “Agenzia Forestas”, “Franca e Fabio Fotografi” e su giornali “online” “Villacidro.info”, in s’ex Molino Cadoni innói, a sighiri, ddoi at un’atóbiu púbblicu apitzus de is fogus de padenti. A s’atóbiu intervenint: Marta Cabriolu, Síndigu de Biddacidru, Massimiliano Pilia, Presidenti ASS.FOR.,Franco Saba, ex dirigenti de su CFVA de sa Regioni Sardigna, Giuseppe Mariano Delogu, dirigenti de su CFVA de sa Regioni Sardigna, Giuseppe Pulina, Amministradori Únicu Agenzia Forestas, Antonio Casula, Diretori generali Agenzia Forestas e Donatella Spano, Assessora regionali a sa Difesa de s’Ambienti.

 

 

TZERRIADA CONSILLU COMUNALI – 4 DE AUSTU

2 de Austu de su 2016

Su Consillu Comunali est tzerriau in sa Sala de su Consillu, in Municípiu, su 4 de Austu 2016, a is noioras de a mengianu (9,00) po chistionai de is argumentus chi sighint:

1.      Sostitutzioni Consillera Comunali dimissionària Manuela Collu.

2.      Iscola Cívica de Música. Arricida domanda de acunsentimentu de su Comunu de Segariu.

3.      Nómina arrapresentantis de su consillu in su C.D.A. (Consillu de Amministratzioni) de s’Istitutzioni Iscola Cívica de Música Biddacidru – Gonnos – Forru – Biddanoa Franca – Futei.

4.      Progetu operativu R.D.A.D.S. – Registru Distretuali Amministradoris de Susténniu.

5.      Aprovu Determinatzioni po s’annu 2016 de su prétziu de sa cessioni de is àreas po s’edilítzia residentziali púbblica – art. 172  c. 1 lit. c de su D.Lgs. 267/2000.

6.      Tarifas de sa TARI (tassa àliga) po su 2016. Cunfirma de is tarifas bàlidas po su 2015 e determinatzioni de is agiudus e scadéntzias de pagamentu.

7.      Tassa Servítzius Individualis (TASI) – Annu 2016: cunfirma de is alícuotas aprovadas po su 2015.

8.      Imposta Municipali Própia (IMU) – Annu 2016: cunfirma alicuotas e detraidura aprovadas po su 2015.

9.      Aprovu programma triennali de is Óperas Púbblicas 2016/2018 e elencu annuali.

10.  Aprovu Documentu Únicu de Programmatzioni (DUP) po su períodu 2016/2018

11.  Aprovu Bilànciu de previsioni 2016/2018 – Apricu avantzu 2015.

S’órdini de sa dí apustis est stétiu integrau de su puntu chi sighit:

1.      Nómina arrapresentantis consiliàris in su Comitau Diretivu de sa Fundatzioni “Giuseppe Dessì”.

 

8 DE AUSTU -  SERRADA UFÍCIUS COMUNALIS

2 de Austu de su 2016

Si fait sciri a sa citadinàntzia chi su 8 de Austu is ufícius comunalis – a parti s’Ufíciu Protocollu e de is servítzius essentzialis e de reperíbbilidadi pronta de su stadu civili – abarrant serraus, in coincidéntzia de sa festa de Santu Sisinni.

 

AVISU GRADUATÓRIA SERVÍTZIU CÍVICU

2 de Austu de su 2016

Su Responsàbbili de su Servítziu Sóciu-Assistentziali fait sciri chi:

1.      Sa graduatória difinitiva “Atzionis de cuntrastu contras a sa poburesa – Servítziu Cívicu – annualidadi 2015” at a essi pubblicada in s’Albo Pretóriu de s’Enti su 2 de Cabudanni.

2.      Is bísitas medicas de idoneidadi de is 42 citadinus beneficiàrius s’ant a fai in su mesi de Cabidanni e apustis si at a cumentzai a aprontai is propostas progetualis de inserta in is atividadis diferentis ( in aziendas/entis esternus o in su Comunu de Biddacidru).

3.      Si previdit s’inghitzu de is atividadis in su Meseladàmini.

 

CÀMBIU BANDU PROGETUS LEI 162/1998

2 de Austu de su 2016

Su Responsàbbili de su Servítziu Sóciu-Assistentziali fait sciri a totus is interessaus a su “Progetus individualizaus cunformas a sa L.162/98 – Annu de gestioni 2016 chi sa Regioni Autònoma de Sardigna, Diretzioni Generali de is Políticas Socialis, at precisau, curregendi su chi at comunicau a innantis, cun is notas Prot. n. 10920 de su 21 de Argiolas 2016 e Prot. n.11081 de su 26 de Argiolas “ chi podint essi ativaus is pianus scéti a is personas chi tenint is certificaus de disabbilidadi, segundu s’art. 3, comma 3, L.n. 104/1992, arreconnota aintru e non prus a tradu de su 31 de Meseidas de su 2015.

A simbillàntzia a su chi est torrau a portai in s’allegau A de sa Delib. G.R. n. 9/5 de su 12 de Friaxu 2013, si ritennit de depi pigai in cunsideru puru is domandas de is chi ant fatu sa bísita aintru de su 31 de Meseidas 2015 chi sa certificatzioni difinitiva dd’ant donada scéti apustis a tali data.

Po tanti si cambiat su bandu a su n.1. verbali difinitivu chi atestat su stadu de disabbilidadi cunformas a sa L. 104/92 art.3, c.3 e chi sa bísita po s’arreconnoscimentu siat stétia fata aintru de su 31 de Meseidas 2015”.

Po àteras scedas tocat a chistionai cun su Servítziu Sóciu-Assistentziali.

 

GIORNADA “PER NON DIMENTICARE”.

2 de Austu de su 2016

S’assótziu “progetto Comune”, in ocasioni de su de 40 anniversàrius de sa morti de s’operàju forestali  Giuseppe Muntoni, organizat s’acontéssiu “per non dimenticare” (Po non scaresci): una giornada de arraxonamentu apitzus de is fogus.

 

TZERRIADA CONSILLU COMUNALI – 4 DE AUSTU

2 de Austu de su 2016

Su Consillu Comunali est tzerriau in sa Sala de su Consillu, in Municípiu, su 4 de Austu 2016, a is noioras de a mengianu (9,00) po chistionai de is argumentus chi sighint:

1.      Sostitutzioni Consillera Comunali dimissionària Manuela Collu.

2.      Iscola Cívica de Música. Arricida domanda de acunsentimentu de su Comunu de Segariu.

3.      Nómina arrapresentantis de su consillu in su C.D.A. (Consillu de Amministratzioni) de s’Istitutzioni Iscola Cívica de Música Biddacidru – Gonnos – Forru – Biddanoa Franca – Futei.

4.      Progetu operativu R.D.A.D.S. – Registru Distretuali Amministradoris de Susténniu.

 

 

“NO A S’ISLAM IN BIDDACIDRU”: INCHIETADURA PO SU GRUPU CREAU IN “FACEBOOK”

27 de Argiolas de su 2016

www.villacidro.info

“No all’Islam a Villacidro” (No a s’Islam in Biddacidru) custu est su nómini de unu grupu “Facebook” cumpartu de pagu in is pàginas de su “Social Network” famau de Palo Alto. Apustis de unas cantu dís de sa cumparta, peri is bias de sa bidda, de manifestus contras a sa preséntzia de extracomunitàrius de colori in bidda, immui arribbat una pàgina chi non fait arrelatu a s’etnia de is istràngius chi benint de natzionis in gherra, ma a una islamizatzioni presunta de s’Europa, e duncas de sa Sardigna e de Biddacidru puru. Is nobas chi ndi lompint de is médius de comunicatzioni de massa natzionalis faint a timi sémpiri de prus sa populatzioni de su logu, chi sumportat unu bombardamentu mediàticu  diferenti meda, innói fueddus cumenti a religioni, terrorismu, crisi, provilégius e bonucoru ant creau cricas sémpiri prus arrannegadas intra de issas. Sa preséntzia de disterraus e extracomunitàrius peri is bias de sa bidda fait atzicai partis sémpiri prus mannas de sa populatzioni. Sa nàscida de su grupu “No all’Islam a Villacidro” podit essi interpretada cumenti a una reatzioni a una política de su guvernu inténdia cumenti atesu de is abbisóngius de is comunidadis localis. Custu po nexi puru de s’ispratzidura de nobas chi contant de tratamentus privilegiaus presuntus in is cunfrontus de is disterraus, in unu períodu chi sa populatzioni de su logu si intendit in manera particulari sbandonada de is istitutzionis. Su grupu “Facebook” nàsciu de pagu contat una bintina de iscritus, po su prus gióvunus. Is “post” chi nci funt aintru de sa pàgina ammostant s’avolotu creau de su bombardamentu mediàticu  sumportau de sa populatzioni, vítima, fortzis de un’istrategia po fai a timi organizada beni.

 

 

BIDDACIDRU, SU FOGU DISTRUIT SU PADENTI SECULARI DE BIDDASCEMA

19 de Argiolas 2016

Fonti:www.villacidro.info

Unu fogu cun probbabbilidadi de orígini dolosa at distrúgiu prus de 80 ètarus de padenti in sa baddi de Biddascema, connota po sa produtzioni de cerésia. S’allarmi dd’ant donau faci a mesudí e cuartu (12,15) unus cantu propietàrius chi tenint is aziendas agrícolas in sa zona. Lestru s’interventu de is scuadras a terra, cun pompieris, voluntàrius e operajus de su “Ente Foreste”. Is operatzionis de istudadura ddas ant cordinadas is óminis de sa Forestali, lómpius de Casteddu puru cun sa scuadra ispeciali de su GAUF, dirígia de s’ispetori Ettore Diana.

Unu dannu chi non si podit carculai su chi genti disgratziada at causau custu merí.

 

KELLER SA FÀULA CHENTZA DE FINI

 

30 de Làmparas de su 2016

www.villacidro.info

Sa Keller est cumenti a sa cometa de Halley, dónnia tanti torrat a passai in su celu nostu. Puntuali e fieli a su camminu cosa sua, su mesi passau apustis una scarescidura cósmica s’est bénniu a isciri chi, fortzis, esistit sa possibbilidadi de torrai a biri oberta sa fàbbrica de trenus, o cantumancu de dda bendi.

Custa iat a essi naturalmenti una noba bona, sa mellus chi si potzat donai in unu territóriu famiu de trabballu. In su momentu perou s’agataus in sa positzioni de un’astrónomu chi càstiat una galàssia, ma non nci podit artziai asuba. Podeus fai totus is càlculus chi boleus, podeus arraxonai apitzus de su poita no arrannescieus a nci lompi, ma est unu datu físicu: non teneus is médius po dda sodigai. In sa matessi manera, est inútili si contai  fàulas apitzus de sa Keller. Sa fàbbrica est serrada giai de unus cantu annus e, cumenti totus is cosas firmas, imbéciat ancoras prus a lestru.  Mancai si agatit unu compradori sériu, e de su setori, ainnantis de dda torrai a biri in funtzioni iat a passai àteru tempus.

In s’interis, perou, ddoi at una pariga de cosas siguras: s’istabilimentu trabbalàt a s’acónciu de is vagonis e a sa costrutzioni de carrotzas nobas. Pecau chi in s’interis no esistat prus su traghetu chi de Golfu Aranci portàt is trenus in continenti e chi siat afundada puru sa proposta de atretzai su portu industriali de Aristanis, o su de Posthudorra, po fai lompi is vagonis de Biddacidru cun sa ferrovia aroru de mari. Sa Keller oramai at falliu e benit giai gana de donai arraxoni a chini narat su chi non si podit nai, chi is únicus postus de trabballu garantius funt is cadiras de is políticus e de is sindacalistas. Cumprendeusí, ainnanti chi calincunu s’intendat tocau, fatzat unu brinchidu in sa cadira, arruat e s’ingollat diaderus: is carrieras políticas e sindacalis si faint, praxat o non praxat, puru apitzus de is disgratzias de is trabballadoris, ca a bortas nimmancu is de is pianus artus podint fai nudda in períodus de grandu crisi.

Ma torrendi a s’atualidadi, abarrat su fatu chi sa sorti tribbulliada de sa “Keller Eletromeccanica” prus chi in unu binàriu mortu parrit andai ainnantis in una pista a ostàculus. In s’interis de s’úrtimu Consillu Comunali de sa Giunta Pani, giustu unu mesi fait, est istétia aprovada sa bogada de su regimi demaniali de unu lotu de sa matessi fàbbrica, , sighendi s’unda de s’emotzioni de béndita possíbbili de su stabbilimentu:”  Segundu cantu iant nau su síndigu e is arrapresentanti de is trabballadori, custu passu fiat necessàriu po podi fai torrai a partí sa Keller, essendinci duas sociedadis interessadas a s’achirimentu”, at nau Giancarlo Carboni , de “Assemblea Permanente”, de is bangus de s’opositzioni in Comunu lunis passau.

E diaici  puru sa minorias de intzaras, mancai non nci fiat su caràtiri de pressi previdiu de sa lei po s’aprovu de custa delíbbera, iat votau a favori de sa bogadura de is usus cívicus po cussa parti de terrenu. Ma pagus dís fait “Su Guvernu at impugnau sa lei regionali chi disponiat sa bogada de su regimi demaniali de àreas nobas, suspendendi de fatu puru sa delíbbera de su Comunu de Biddacidru”, acrarat Carboni. Po custu s’arrapresentanti de sa minoria atuali at domandau a su Síndigu de tzerriai una sétzida apósita de su Consillu  oberta a is ex trabballadoris de sa Keller, a is sindacaus, a sa Regioni e a is cummissàrius fallimentaris: “Boleus chi custus úrtimus, documentus a sa manu, acrarint su stadu de s’arti de su processu de béndita de is stabbilimentus Keller e is prospetivas realis de torrai a oberri e torrai a pigai a trabballai su personali chi immui est in mobbilidadi.

Su primu citadinu puru Marta Cabriolu si narat favorevoli a aprofundai sa chistioni: “Non seu pessimista po scera arriguardu a su benidori de sa Keller. Est s’istória de custus úrtimus annus a ammostai chi, fintzas a immui, dónnia sfortzu non at prodúsiu nisciunu arresurtau apretziàbbili. Custu non bolit nai chi deu non sia disposta a apretziai calisisiat initziativa chi potzat portai in manera reali a torrai a fai oberri sa fàbbrica cosa nosta, antzis ndi apa a essi prexada. Seus a s’òpera de pagus dís, una borta arrisólviu su problema principali chi teneus intra de is manus, su Bilànciu Comunali, eus a tzerriai s’Assemblea”.

 

 

SARMED A ARRISCU  TRAFERIMENTU: MOBBILITATZIONI IN SU TERRITÓRIU

1°de Abrili de su 2016

Fonti: www.villacidro.info

 

 

Su problema iat a nasci puru de sa voluntadi de aumentai su cànoni de afitu de parti de sa IGM srl, sociedadi chi fait cabu a su Grupu ISA spa, “leader”regionali de sa spratzidura alimentari e Euromix spa, de propiedadi de Giovanni Muscas e Maria Usai.

Biddacidru. A arriscu sa preséntzia de sa SarMed in sa zona industriali. Ddu denunciant is sindacaus de categoria unius chi tzerriant un’assemblea, previdia po cras 2 de Abrili a is dexi de a mengianu (10,00), in is aposentus de su Cunsórtziu Industriali Cirdesu. A sa basi de sa decisioni eventuali de spostai sa  fàbbrica, chi si ocupat de prodotus biomedicalis, nci iat a essi puru su rennovu mancau de su cuntratu de afitu cun sa IGM srl, propietària de su stàbbili innói òperat sa SarMed. Su problema iat a nasci puru de sa voluntadi de aumentai su cànoni de afitu de parti de sa IGM srl, sociedadi chi fait cabu a su Grupu ISA spa, “leader”regionali de sa spratzidura alimentari e Euromix spa, de propiedadi de Giovanni Muscas e Maria Usai. Is sindacaus ant atobiau, su 17 de Friaxu passau, Luciano Fecondini, amministradori delegau SarMed, chi at comunicau su stadu bonu de saludi de sa fàbbrica, chi est abetendi un’órdini de 8.000.000 de eurus de unu clienti americanu. Si perou non si lompit a un’acórdiu cun su locatàriu de su stàbbili cirdesu, s’azienda iat a essi obbligada a arrenúnciai a sa órdini e a trasférriri sa manudòpera in sa zona industriali de Igrésias, innói ddoi at giai un’àtera sea de s’industria de dispositivus médicus. Su spostamentu possíbbili de sa fàbbrica impentzamentat is sindacaus giai chi iat a arrapresentai un’àtera emorragia de postus de trabballu in s’area giai deprímia de su campidanu de mesu.

 

 

TOPOLOGIE POSTCOLONIALI

INNOVAZIONE E MODERNIZZAZIONE IN SARDEGNA

 

Su 3 de Austu fia passendi in Pratza Zampillo in Biddacidru, po andai in libreria, candu apu biu una meca de cadiras, càscias altoparlantis e unu bangu cun líbburus. Apu domandau a  genti chi fiat ingunis  cali acontéssiu nci fiat e m’ant arraspustu: “sa presentada de líbburu Topologie Postcoloniali de Alessandro Mongili organizada de “Assemblea Permanente”, m’est partu interessanti e mi seu stentada a ascurtai. Beh! Morali de su contu in libreria non nci seu lómpia ma apu passau unu merí praxili e de profetu.  Apu lígiu su líbburu e m’est bénnia s’idea de furriai in sardu calincuna pàgina.

 

Su líbburu de  Alessandro Mongili  partit de unus cantus casus de innovatzioni in unu logu  cunsiderau“arretrau” che sa Sardigna e analizendiddus sighendi is Istúdius Postcolonialis,  ponit in luxi cumenti non sémpiri s'innovatzioni apat prodúsiu inclusioni  ma a  bortas esclusioni. Custu fatu  at contribbuiu a apoderai un’istadu de subbalternidadi. Segundu s’autori, non balit a ispiegai is processus sa cuntrapositzioni modernidadi/costumu e nimmancu una  preténdia  “identidadi sarda chi a bortas est idealizada e àteras est cunsiderada s’arraíxini de dónnia mali”. Po ispiegai custus processus Prof. Mongili ispostat s’atentzioni de su chi est cunsiderau su caràtiri/naturali de is sardus, segundu sa cultura dominanti, a  su problema de su domíniu e de su podériu, meda bortas de genia coloniali.

Sa letura de su líbburu, mancai siat trabballosa, podit essi de profetu po totus, giai chi donat sa possibbilidadi de apretziai asuta de una luxi diferenti totu una série de problemas chi in Sardigna istentant a agatai solutzioni.

Apu furriau in sardu unus cantu passus de su de 3 capítulus chi s’intitulat “ Postcolonial Sardinia”

Pag. 77 -78

“Unu terrenu de atóbiu intra de is STS (Science and Technology Studies) e is Istudius Postcolonialis est arrapresentau de sa bisioni comuna de sa tecnosciéntzia cumenti unu congiuntu de processus collocaus e non neutralis. S’agiudu chi is Istúdius Postcolonialis podint donai a is STS  cunsistit in su sutalineai cumenti sa tecnosciéntzia si siat fundada apitzus de una série de cuntrapositzionis prodúsias in is cunditzionis de colonialismu e apat tentu unu ruolu  sémpiri prus mannu in su fruniri materiali e giustificatzionis po su mantenimentu cosa sua. Sa tecnosciéntzia, difatis, e in particulari is processus etichetaus cumenti “innovadoris” e is pràtigas naradas de “innovatzioni” non si podint cumprendi si no aintru de unu cuadru pratziu in manera cuntraposta innui su pillu generali e globbali est separau de su locali, e duncas particulari. Su Mundu isboddicau, sa Terramanna, est su logu nadiu de s’innovatzioni, su Tertziu Mundu, is Sardignas o is Bengalas, funt logus invécias innui si depint “apricai”, adotai o copiai is innovatzionis. Siat in is Terramannas o in is Sardignas de su mundu, su chi est Ocidentali est “modernu”, e su chi est “nadiu de su logu” est traditzionali. Aroru a custas divisionis si funt isboddicadas is políticas de isboddicu  dirígias a is istadus/logus torraus a nomenai “sutasvilupaus”, asuta de sa ghia de is “élites” ocidentalis bonas a gestiri tecnologias cumplicadas, cumenti a su nucleari, cunformas a mollus organizativus de s’isciéntzia, e bonas duncas a produsi teoria arrispetu a is grupus subbalternus, innui si podint incluiri is “élites” de su logu generadas de sa colonizatzioni, chi non funt bonas a organizai e duncas inniorantis de tecnologias cumplessas, e non  capassas de isboddicu teóricu, útilis iscéti cumenti a serbidoris de labboratóriu o collabboradoris de gradu inferiori. …

Pag. 81

In efeti cun su fueddu “postcoloniali” si fait arrelatu a is efetus e a su legau de is istruturas imperialis chi ant caraterizau su colonialismu clàssicu e a is arrelatas de isfrutamentu neo-colonialis. …

“In prus,  un’aspetu de importu mannu de custa giuntura (intra de is STS Science and Technology Studies  e is Istúdius Postcolonialis) at arriguardau s’impellida a donai boxi a àterus costumus tennoscientíficus e a su fallimentu de su “isboddicu” de genia ocidentali”.

Pag.82

“Lassendi a parti sa giuntura cun is “Science and Technology Studies”, is Istúdius Postcolonialis ddus podeus fai currispundi a una traditzioni precisa de istúdius. Chentza duda su clàssicu de Edward Said “Orientalism” (1978, ed. it. 1991) sinnat su puntu de parténtzia de custa currenti de istúdius, mancai in medas arreconnósciant in su Franz Fanon de Peau noire, masques blancs (Peddi niedda, màscaras biancas) (1952, ed.it.1996) e Les damnés de la terre (Is dannaus de sa terra) (1961, ed.it. 1964) unu de is primus de grandu importu, giai chi at descritu s’interiorizatzioni de parti de is colonizaus de is identidadis subbalternas e tristas prodúsias in issus de is dispositivus de su domíniu coloniali” …

“Una letzioni, sa de Fanon, torrada a pigai de pagu de s’etnopsichiatria francesa. S’anàlisi chi Fanon iat fatu de su disàgiu psichicu e psicológicu de is colonizaus e de is subbalternus, cun totu custu, torrat a mandai  a s’istrutura sociali de is logus de sa subbalternidadi. Cumenti in s’Algeria, innui issu iat trabballau, issa est ostili a calisisiat tenta de torrai a portai s’individuu a su mundu de apartenéntzia innui bivit e innui totu, de su nómini de is bias a sa língua chi est bona educatzioni umperai in púbblicu, torrat a mandai a sa própia cunditzioni de subbalternidadi, e a su domíniu coloniali currispundenti. In custa manera si provocat un’istrangiamentu arrispetu a su própiu pópulu, e duncas, a nosu e totu, giai osservau de Gramsci, chi dd’iat descritu narendi “ s’elementu intelletuali de su logu est prus istràngiu de is istràngius ananti a su pópulu cosa sua”. …

Pag. 84

“Apustis de Said is Istúdius Postcolonialis ant passau is làcanas de s’anàlisi de is literaduras e de is discursus po afrontai pillus d’esperiéntzia diferentis, intra de custus de certu sa tecnosciéntzia, e in Chakrabarty, s’impiantu storiogràficu. In generali s’argumentu centrali chi custus afrontant est su processu de creatzioni de su “Essi àteru”, est a nai de produtzioni de is personas chi faint parti de ispàtzius e logus postcolonialis, cumenti a “Àterus”  (process of Othering). Funt processus, de fundamentu in is tempus de oi, po médiu de custus is atoris e is istitutzionis terramannesas  de sighiu faint e apoderant is barrieras intra de is culturas insoru e is culturas chi funt inditadas cumenti a “diferentis”, àteras o in manera prus crara “inferioris”. …

Pag.86 - 87

“In su pillu istitutzionali, sa Sardigna non est mai istétia una colónia. … Ma chi sa Sardigna siat istétia tratada cumenti a una colónia fiat sa cunvintzioni de Gramsci,  cumenti de tanti àterus. Issu iat iscritu, arraxonendi de is ischilíbrius de sa costrutzioni natzionali italiana, chi issa fuit a s’ischema arregionalísticu e chi, cumenti in su casu de àterus territórius chi iat tzerriau “Is Irlandas italianas”, s’impoberimentu suu no est certu imputàbbili a una “arretradesa” nadia, cumenti in su discursu dominanti, ma a sa política económica chi at caraterizau su “blocu de podériu” … arrispetu a custu sa Sardigna fiat esclúdia, cumenti  est, in misura manna, oi puru. Una política chi at in manera sistemàtica istrobbau s'sboddicu de su logu, si non ghiau de àterus o funtzionali a interessamentus  de s’àtera parti de su Tirrenu. … Unu territóriu non podit essi cunsiderau in basi a sa positzioni cosa sua aintru de un’ischema amministrativu guvernativu o costitutzionali. Aici cumenti a s’Algeria fiat cunsiderada parti de sa Frància, o sa Palestina de sa terra de Israele, sa Sardigna puru est parti de s’Itàlia, in su pillu formali. Epuru, po arremonai a Gramsci, est “tratada peus de una colónia” po su chi pertocat is cunditzionis cosa sua chi funt s’imbistimentu mancau in infrastruturas e in s'isboddicu de su territóriu, s’ocupatzioni militari, s’industrializatzioni fortzada,  s’ostilidadi a s’economia de su logu (s’antipastoralismu pruscatotu), sa proibbitzioni de umperai sa língua cosa sua e s’isperdimenta sua, s’isdorrocadura de sa memória istórica cosa sua e su disterru prus o mancu obligau de is abbitantis cosa sua, sa formatzioni de un’immàgini prus o mancu originali e cun istesiaduras ratzistas fitianas in is cunfronas de is abbitantis suus e de sa cultura cosa insoru”. …

“S’arrapresentatzioni prus recurrenti in is isciéntzias socialis académicas sardas non pigat mai in cunsideru sa cunditzioni de subbalternidadi de sa Sardigna si no aintru de un’arrelata intra de s’arretradesa de su logu o “identidària” e una modernidadi ghiada de àterus.  Si imputat sa generalidadi de is problemas esistentis a sa vocatzioni naturali o istórica de s’Ísula a s’arretradesa, a s’isulamentu, a su cunservatorismu, chentza donai atentzioni a is arrelatas de podériu de aintru e a cussas de dipendéntzia faci a foras”. …

Pag. 93

“ In s’ótica de is isciéntzias socialis académicas sardas, no esistit esclusioni, ma iscéti “progressu” chi, cumenti eus biu, podit benni iscéti de sa Terramanna”.

Pag. 94 -95

“In Sardigna su discursu dominanti si articolat pruscatotu segundu duas diretzionis, acapiadas intra de issas. Sa primu aponit a sa Sardigna un’identidadi particulari, chi in su pillu antropológicu, si iat a oponni a s’isboddicu, e sa segunda aponit invécias a sa Sardigna is caràtiris de s’arretradesa, chi iat a essi s’arraxoni principali de  sa disabbilidadi cosa sua a sa modernidadi. S’idea chi sa Sardigna téngiat un’identidadi cosa sua est un’idea moderna, acapiada a sa necessidadi de dda dominai e de dda distinghi, ma puru de portai a  su livellu discursivu sa subbalternidadi cosa sua. Su mitu dd’ant aprontau po medas tempus a incumentzai de sa sderruta de sa Rivolutzioni Sarda (1794-1796) e in s’interis de totu su séculu 19 is “élites” modernizadoras sardas chi si funt acodadas a sa Restauratzioni feliciana, in generi reatzionàrias e collabboratzionistas: is matessi chi si funt arricadas cun s’abbolitzioni de su feudalésimu, sa serrada de is terras comunas e is carrieras políticas” …

Pag.96

“S’identidadi est fata coincidi, in su discursu prevalenti in Sardigna, cun una calidadi comuna e personali, chi òperat cumenti una genia de fatoris esistentis de s’antigóriu e chi ghiat cumportamentus de immui”. …

Pag.97

“Sa segunda diretzioni chi pigat su discursu dominanti  pertocat a sa “arretradesa  de sa Sardigna cumenti a caràtiri costanti de s’istória sua. De pagu est istétiu osservau chi s’arretradesa at giustificau is interventus de domíniu, is ispeculatzionis e s’iscardancamentu de is economias de su logu chentza donai alternativas a is comunidadis sardas. Custus interventus funt cumentzaus, no a casu, cun sa costrutzioni de s’immàgini arretrada de sa Sardigna in s’interis de su de 18 séculus, in currispundéntzia cun sa costitutzioni in Torino de unu Ministeru po is Afàrius Sardus (1759), s’isterrida po decretu de sa língua italiana (1760) e cun s’arreforma piemontesa de is Universidadis (a cumentzai de su 1737), chi currispundit cun s’imbiu de su Continenti de is insenniantis, segundu una pràtiga de dipendéntzia de is universidadis sardas chi non parrit morta nimmancu oi. In Sardigna, cumenti in totus is colónias, est istétia prodúsia un’immàgini de arretradesa cumenti a calidadi nadia de is logus innui apitzus si boliat ispratzinai su domíniu. … In manera non diferenti si fiat cumportau su Piemonte e, apustis, s’Itàlia”.

Pag. 98 -99

“ Is tapas de sa sutamissioni de s’Ísula funt aici connotas chi in custa sea, in manera simpli, dd’as arremonu iscéti. Apustis de sa sderruta de sa Rivolutzioni Sarda (1794-1796) e de su càmbiu de sa corti sabàuda in Casteddu (1799-1814), si fiat creada sa basi locali necessària a dónnia òpera de colonizatzioni, est a nai un’“élite” modernizadora de su logu. Fiat istétiu custu grupu de sardus, saldau aroru a Carlo Felice de Savoia e formau de s’aristocratzia bécia, de sa nobbilesa noba de toga (de funtzioni) e de sa burghesia, a donai is armas e s’agiudu locali a sa colonizatzioni, est a nai chi fiant istétias is “élites” sardas a dda incarnai, agiudendi e aprofitendi de sa privatizatzioni de is terras comunas (Editu de is tancaduras, 1820) e de totus is interventus fatus apustis in custa diretzioni fintzas a s’abbolitzioni difinitiva de is ademprívius”. 

“Fiant istétias is “élites” localis a passai prus a tradu a su fascismu e a costituiri puru su fenomenu particulari de su sardufascismu in càmbiu de sa Lei de su Miliardu pregonada de Mussolini, e fiant istétias ancoras is “élites” localis a acotzai su “Pianu de Rinascita” (1962), s’industrializatzioni petrolchímica, s’isboddicu de is servitudis militaris (ancoras oi su 66% de totus is servitudis militaris italianas pesant apitzus de sa Sardigna) e unu mollu turísticu cussu puru dirígiu de àterus. Fiant istétias custa “élites” a cumpartziri sa criminalizatzioni de cussa cunditzioni sóciu-culturali particulari chi est su pastoralismu sardu, acotzendi dónnia idea de Lombroso a sa Commissioni Medici, chi biat in is pastoris e in is classis popularis brabaxinas unu grupu “delincuenti po nàscida”, e duncas a si ponni sa tarea de isdorrocai sa pastoria, po fortuna no arrannéscia. Podeus nai chi is grupus dirigentis de sa manca sarda, fuendi dónnia anàlisi de is cunditzionis particularis de sa Sardigna, si funt integradas in prenu in cust’eréntzia isconcada de is cetus dirigentis chi durat ancoras oi. Cumenti su mecanísmu de sa sutamissioni siat intramassau cun sa costrutzioni de s’immàgini de arretradesa (e sa proietzioni asuba de sa “natura de sa Sardigna”) est unu processu chi podit essi osservau de puntus de bista diferentis”. …

“Innòi est interessanti sutalineai cumenti una cunditzioni chi is formas de domíniu de foras ant creau de pagu siat istétia cambiada in unu caràtiri nadiu de sa Sardigna e apat giustificau interventus de “modernizatzioni” e de” isboddicu” de foras chi, cumenti in unu ciclu infernali, produsint un’arretradesa ancoras prus manna. S’idea-càrdini  de custu ciclu infernali est “Sa Sardigna a sola non nci dda podit fai”. …

Pag. 100

“ A manera particulari, si fait passai cumenti caràtiri/naturali nadiu de sa Sardigna su chi invécias est dépiu a s’istória de su domíniu e de sa sutamissioni cosa sua, est a nai de s’esisténtzia de dispositivus de produtzioni sighida de subbalternidadi”. …

 “E s’istória de sa Sardigna in su períodu italianu e, ancoras ainnantis, piemontesa, s’ammostat una matrici  de produtzioni sighida, in dónnia generatzioni, de raportus de dipendéntzia, chi est difícili negai poita puru, in medas puntus, sa matrici est símbilli a sa chi esistit in is colónias. Nau custu, in su pillu formali, sa Sardigna non est mai istétia una colónia, po su pagu chi balit  su pillu formali”. …

“ Su mecanismu est su de torrai a condusi is diferéntzias esistentis intra de civilidadis e pópulus a su “essi àteru” in manera radicali intra de is pópulus “modernus” e pópulus “arretraus”, chi non funt bonus a castiai a issus e totu poita ghiaus de unu totu de su costumu immutàbbili e disaprovau cosa sua”. …

 

 

 

 

NO A S’ISLAM IN BIDDACIDRU”: INCHIETADURA PO SU GRUPU CREAU IN “FACEBOOK”

27 de Argiolas de su 2016

Fonti: www.Villacidro.info

No all’Islam a Villacidro” (No a s’Islam in Biddacidru) custu est su nómini de unu grupu “Facebook” cumpartu de pagu in is pàginas de su “Social Network” famau de Palo Alto. Apustis de unas cantu dís de sa cumparta, peri is bias de sa bidda, de manifestus contras a sa preséntzia de extracomunitàrius de colori in bidda, immui arribbat una pàgina chi non fait arrelatu a s’etnia de is istràngius chi benint de natzionis in gherra, ma a una islamizatzioni presunta de s’Europa, e duncas de sa Sardigna e de Biddacidru puru. Is nobas chi ndi lompint de is médius de comunicatzioni de massa natzionalis faint a timi sémpiri de prus sa populatzioni de su logu, chi sumportat unu bombardamentu mediàticu diferenti meda, innói fueddus cumenti a religioni, terrorismu, crisi, provilégius e bonucoru ant creau cricas sémpiri prus arrannegadas intra de issas. Sa preséntzia de disterraus e extracomunitàrius peri is bias de sa bidda fait atzicai partis sémpiri prus mannas de sa populatzioni. Sa nàscida de su grupu “No all’Islam a Villacidro” podit essi interpretada cumenti a una reatzioni a una política de su guvernu inténdia cumenti atesu de is abbisóngius de is comunidadis localis. Custu po nexi puru de s’ispratzidura de nobas chi contant de tratamentus privilegiaus presuntus in is cunfrontus de is disterraus, in unu períodu chi sa populatzioni de su logu si intendit in manera particulari sbandonada de is istitutzionis. Su grupu “Facebook” nàsciu de pagu contat una bintina de iscritus, po su prus gióvunus. Is “post” chi nci funt aintru de sa pàgina ammostant s’avolotu creau de su bombardamentu mediàticu sumportau de sa populatzioni, vítima, fortzis de un’istrategia po fai a timi organizada beni.



AVISU A IS AZIENDAS – PROGETUS DE SERVÍTZIU CÍVICU

26 de Argiolas de su 2016

Funt obertus is términis po sa presentada de sa manifestatzioni de interessamentu chi interessat aziendas e istitutzionis privadas po pigai parti a su Progetu “Azioni di contrasto alla povertà – Annualità 2015” (Atzionis decuntrastu a sa poburesa – Annualidadi 2015). Su Progetu tenit sa de tarea de cumpriri su “Programma di contrasto delle povertà estreme – Servizio Civico” (Programma de cuntrastu a sa poburesa estrema –

Càsta totu is documentus in s’acàpiu de susu.


KELLER – PERLONGADA SA TZERRIADA DE SU CONSILLU

25 de Argiolas de su 2016


Sa sétzida de su Consillu fissada po custu merí po chistionai de sa situatzioni de sa “Keller Elettrmeccanica S.p.a.” est istétia perlongada a data de istabbiliri po permiti a totus is partis socialis de pigai parti.



PERLONGAU SU CONSILLU COMUNALI PO CHISTIONAI DE SU BENIDORI DE SA KELLER

25 de Argiolas de su 2016

Fonti: www.Villacidro.info (artículu de Simone Nonnis)



Biddacidru. Sa Sétzida fissada po oi 25 de Argiolas 2016 in s’Aula de su Consillu de su Municípiu a is ses de a merí (18,00) de est istétia perlongada.

Sa sétzida tzerriada de su Síndigu chi at arriciu sa motzioni de su Consilleri de minoria Giancarlo Carboni (Assemblea Permanente) chi domandàt un’atóbiu obertu puru a is ex trabballadoris de sa Keller, a is arrapresentantis socialis, a sa Regioni, e a is Commissàrius Fallimentaris, po chistionai de is prospetivas realis de torrai a oberri sa fàbbrica de vagonis ferroviàrius e de torrai a pigai a trabballai is trabballadoris chi immui fun in mobbilidadi, est istétia perlongada a data de istabbiliri po permiti a totus is partis socialis de pigai parti a su dibbàtidu.


PRESENTADA DOMANDAS LEI 162/98

25 de Argiolas de su 2016


Su Comunu de Biddacidru fait isciri a is citadinus interessaus chi a partí de su 7 de Argiolas 2016 fintzas a su 26 de Austu 2016, (términi perentóriu) funt obertus is términis po sa presentada de is domandas po preparai is progetus individualizaus cunformas a sa L.162/98 po is chi si agatant in stadu de “handicap” gravi e tenint s’arreconnoscimentu difinitivu cun is certificaus relativus segundu sa L. 104/92, art. 3, comma 3, a su 31 de Meseidas 2015.


KELLER – CONSILLU COMUNALI OBERTU

25 de Argiolas de su 2016

Custu merí, a is ses (18,00), in sa sala de su Consillu de su Municípiu, ddoi at una sétzida oberta de su Consillu Comunali po chistionai de sa situatzioni de sa “Keller Eletromeccanica S.p.a”. e de possibbilidadis eventualis de torrai a oberri.





21 DE ARGIOLAS- MANCAT S’ÀCUA

20 de Argiolas de su 2016


Abbanoa S.p.a. fait isciri chi su 21 de Argiolas 2016 po permiti s’inserta de saracinescas noba in sa condota de s’àcua de bia Casteddu mancat s’àcua in unus cantu tretus de sa bidda e, in particulari in bia Cagliari e traversas, in bia Sassari e in bia Roma.

S’ispartzidura a is umperadoris acabbat a is noioras de a mengianu fintzas a s’acabbu de is trabballus si si previdit po is cuatru de a merí (16,00).






BIDDACIDRU, SU FOGU DISTRUIT SU PADENTI SECULARI DE BIDDASCEMA

19 de Argiolas 2016

Fonti: www.Villacidro.info


Unu fogu cun probbabbilidadi de orígini dolosa at distrúgiu prus de 80 ètarus de padenti in sa baddi de Biddascema, connota po sa produtzioni de cerésia. S’allarmi dd’ant donau faci a mesudí e cuartu (12,15) unus cantu propietàrius chi tenint is aziendas agrícolas in sa zona. Lestru s’interventu de is scuadras a terra, cun pompieris, voluntàrius e operajus de su “Ente Foreste”. Is operatzionis de istudadura ddas ant cordinadas is óminis de sa Forestali, lómpius de Casteddu puru cun sa scuadra ispeciali de su GAUF, dirígia de s’ispetori Ettore Diana.

Unu dannu chi non si podit carculai su chi genti disgratziada at causau custu merí.


In su giassu Villacidro.info, de innói ndi apu pigau s’artículu chi apu furriau in sardu, nci funt àteras fotografias chi arriguardant custu fatu.


AVISU PRESENTADA PROGETUS ISPORT TERAPIA

14 de Argiolas de su 2016


Su Comunu de Seddori, Enti Cabufila de su cuntestu PLUS de Seddori, fait isciri chi funt obertus is términis po sa presentada de progetus po sa prumotzioni e s’ispartzidura de s’isport in favori de is sugetus àbbilis in manera diferenti, chi interessat a su territóriu de is cuntestus PLUS de su Distretu de Seddori e de su Distretu de Gùspini.

Is Assótzius interessaus depint presentai domanda de finantziamentu in su cuntestu Plus de Seddori, Enti cabufila Comunu de Seddori, segundu is maneras e umperendi is mollus de sa documentatzioni torrada a portai asuta.


Documentus disponíbbilis

Avisu púbblicu – pdf

Mollu de domanda – word

Allegau 1 – scheda progetu – word

Allegau 2 – arrisorsas finantziàrius – word


Si precisat chi custa pubblicatzioni non tenit balori legali ma iscéti de pubblicidadi- isceda e chi is interessaus depint averiguai sa documentatzioni chi pertocat s’avisu e càmbius eventualis de sa matessi in su giassu istitutzionali de s’Enti chi at pregonau su bandu.



AVISU ARRISCU ARTU DE FOGUS

14 de Argiolas de su 2016


Su Síndigu, biu su Bulletinu de Previsioni de Perígulu de Fogus, emítiu e pubblicau de sa Diretzioni Generali de sa Protetzioni Civili de sa Regioni Sardigna po oi gióbia 14 de Argiolas, chi inditat po su territóriu de Biddacidru unu livellu de perigulosidadi arta/estrema, cunfirmat po oi su stadu de pre-allarmi e cumbidat totu sa citadinàntzia a si cunformai a is pràtigas bonas de cumportamentu e de auto-amparu e in particulari a arremonai chi si si bit fogu:

  • De averiguai de essi in unu logu de seguresa e tzerriai su 1515 donendi cantu prus iscedas possíbbilis. Non pentzai chi àterus apant giai donau s’allarmi;

  • De no si firmai in is logus subrastantis su fogu o in logus faci innói andat su fumu;

  • De non parchegiai aroru de is bias interessadas de su fumu o de sa pampa;

  • De agiudai s’interventu de is mezus de sucursu libberendi is bias e non aressendiddas cun sa màchina.

  • Po calisisiat necessidadi e isceda is citadinus podint tzerriai:

de is noioras de a mengianu fintzas a is duas (9,00-14,00) su númunu 366 5819996 e apustis de is duas (14,00) su númunu 366 5819981.


AVISU PO IS ISCOLAS

7 de Argiolas de su 2016


Sa Regioni Sardigna fait isciri a totus is Iscolas de sa Sardigna, incluidas is de sa pipiesa, chi si podint cumentzai a presentai is propostas po s’insignamentu e s’umperu veicolari de sa Língua Sarda in oràriu curriculari.

Castia mellus in su giassu de sa RAS.



SERRADA UFÍCIUS COMUNALIS – 7 DE ARGIOLAS

7 de Argiolas de su 2016


Si fait isciri chi su 7 de Argiolas is ufícius abarrant serraus a su púbblicu poita su personali depit fai is provas previdias de su Pianu comunali de emergéntzia e sfollamentu.


KELLER SA FÀULA CHENTZA DE FINI

30 de Làmparas de su 2016

Fonti:www.Villacidro.info


Sa Keller est cumenti a sa cometa de Halley, dónnia tanti torrat a passai in su celu nostu. Puntuali e fieli a su camminu cosa sua, su mesi passau apustis una scarescidura cósmica s’est bénniu a isciri chi, fortzis, esistit sa possibbilidadi de torrai a biri oberta sa fàbbrica de trenus, o cantumancu de dda bendi.

Custa iat a essi naturalmenti una noba bona, sa mellus chi si potzat donai in unu territóriu famiu de trabballu. In su momentu perou s’agataus in sa positzioni de un’astrónomu chi càstiat una galàssia, ma non nci podit artziai asuba. Podeus fai totus is càlculus chi boleus, podeus arraxonai apitzus de su poita no arrannescieus a nci lompi, ma est unu datu físicu: non teneus is médius po dda sodigai. In sa matessi manera, est inútili si contai fàulas apitzus de sa Keller. Sa fàbbrica est serrada giai de unus cantu annus e, cumenti totus is cosas firmas, imbéciat ancoras prus a lestru. Mancai si agatit unu compradori sériu, e de su setori, ainnantis de dda torrai a biri in funtzioni iat a passai àteru tempus.

In s’interis, perou, ddoi at una pariga de cosas siguras: s’istabilimentu trabbalàt a s’acónciu de is vagonis e a sa costrutzioni de carrotzas nobas. Pecau chi in s’interis no esistat prus su traghetu chi de Golfu Aranci portàt is trenus in continenti e chi siat afundada puru sa proposta de atretzai su portu industriali de Aristanis, o su de Posthudorra, po fai lompi is vagonis de Biddacidru cun sa ferrovia aroru de mari. Sa Keller oramai at falliu e benit giai gana de donai arraxoni a chini narat su chi non si podit nai, chi is únicus postus de trabballu garantius funt is cadiras de is políticus e de is sindacalistas. Cumprendeusí, ainnanti chi calincunu s’intendat tocau, fatzat unu brinchidu in sa cadira, arruat e s’ingollat diaderus: is carrieras políticas e sindacalis si faint, praxat o non praxat, puru apitzus de is disgratzias de is trabballadoris, ca a bortas nimmancu is de is pianus artus podint fai nudda in períodus de grandu crisi.

Ma torrendi a s’atualidadi, abarrat su fatu chi sa sorti tribbulliada de sa “Keller Eletromeccanica” prus chi in unu binàriu mortu parrit andai ainnantis in una pista a ostàculus. In s’interis de s’úrtimu Consillu Comunali de sa Giunta Pani, giustu unu mesi fait, est istétia aprovada sa bogada de su regimi demaniali de unu lotu de sa matessi fàbbrica, , sighendi s’unda de s’emotzioni de béndita possíbbili de su stabbilimentu:” Segundu cantu iant nau su síndigu e is arrapresentanti de is trabballadori, custu passu fiat necessàriu po podi fai torrai a partí sa Keller, essendinci duas sociedadis interessadas a s’achirimentu”, at nau Giancarlo Carboni , de “Assemblea Permanente”, de is bangus de s’opositzioni in Comunu lunis passau.

E diaici puru sa minorias de intzaras, mancai non nci fiat su caràtiri de pressi previdiu de sa lei po s’aprovu de custa delíbbera, iat votau a favori de sa bogadura de is usus cívicus po cussa parti de terrenu. Ma pagus dís fait “Su Guvernu at impugnau sa lei regionali chi disponiat sa bogada de su regimi demaniali de àreas nobas, suspendendi de fatu puru sa delíbbera de su Comunu de Biddacidru”, acrarat Carboni. Po custu s’arrapresentanti de sa minoria atuali at domandau a su Síndigu de tzerriai una sétzida apósita de su Consillu oberta a is ex trabballadoris de sa Keller, a is sindacaus, a sa Regioni e a is cummissàrius fallimentaris: “Boleus chi custus úrtimus, documentus a sa manu, acrarint su stadu de s’arti de su processu de béndita de is stabbilimentus Keller e is prospetivas realis de torrai a oberri e torrai a pigai a trabballai su personali chi immui est in mobbilidadi.

Su primu citadinu puru Marta Cabriolu si narat favorevoli a aprofundai sa chistioni: “Non seu pessimista po scera arriguardu a su benidori de sa Keller. Est s’istória de custus úrtimus annus a ammostai chi, fintzas a immui, dónnia sfortzu non at prodúsiu nisciunu arresurtau apretziàbbili. Custu non bolit nai chi deu non sia disposta a apretziai calisisiat initziativa chi potzat portai in manera reali a torrai a fai oberri sa fàbbrica cosa nosta, antzis ndi apa a essi prexada. Seus a s’òpera de pagus dís, una borta arrisólviu su problema principali chi teneus intra de is manus, su Bilànciu Comunali, eus a tzerriai s’Assemblea”.


SA DENÚNCIA DE PILI:”IN S’EX SCAINI MERDEFERRU E SDORROCADURA DE S’AMBIENTI”

20 de Gennaxu de su 2015.

Fonti: www.Villacidro.info

Su parlamentari de Unidos Mauro Pili in su profilu “facebook” cosa sua at ispratzinau immui pagora is imàginis orrorosas de su stragu ambientali in sa fàbbrica de baterias sbandonada.

Seus brintaus innói totu est cuau, de sa merdeferru a sa sdorrocadura ambientali – iscrit Pili – merdeferru de dónnia genia, de is àcidus a s’eternit, una citadi industriali bera morta e interrada, dinai furau a totus is sardus po fàbbricas de imbrutamentu e disocupatzioni”. In aciunta a su “post” de su deputau de Unidos una série de imàginis, fatas bessiri a iscusi de aintru de s’istabbilimentu Ex Scaini de Biddacidru, chi testimóngiant su sbandonu e s’imbrutamentu in sa fàbbrica de baterias serradas de decénnius. “ Su nùcleu Operativu Ecológicu de Casteddu est s’únicu a essi brintau aintru de custa catedrali de sbansonu e imbrutamentu – iscrit ancoras su deputau- ma totu est abarrau cumenti fiat, mancai sa comunicatzioni uficiali de su Noe a totus is sugetus arresponsàbbilis de custu misfatu. Istitutzionis chi si ndi isciacuant sa cusciéntzia cun ordinàntzias chi abarrant, cumenti a sémpiri, inapricadas”.

E no est unu casu – sighit Pili – chi s’amministradori de custu patrimóniu costruiu e sdorrocau cun dinai púbblicu est in Frància. In Parigi, in su coru de Parigi, Rue Gulleminot n°5, innói chentza dannu si ndi afutit de Biddacidru, de s’imbrutamentu e de is ordinàntzias”. Mauro Pili at presentau custu mengianu in Parlamentu un’interrogatzioni apitzus de sa bregúngia de sa ex Scaini.

In su giassu Villacidro.info, de innói nd’apu pigau cust’artículu chi apu furriai in sardu, nci funt is imàgini chi arriguardant s’ex Scaini.




ISTITUTZIONI DE SA CONSULTA DE IS GIÓVUNUS DE BIDDACIDRU

29 de Làmparas de su 2016

 

1° de Argiolas 2016, a is ses e mesu de a merí (18,30), in s’Aula de su Consillu de su Comunu.

S’Amministratzioni Comunali, s’Assessorau a is Políticas giovanilis e is gióvunus cirdesus organizant un’atóbiu preliminari po chistionai de s’istitutzioni de sa Consulta Giovanili de Biddacidru.

Est s’ocasioni po chistionai sa botza de de istatutu e po acurtai totus is domandas chi benint de is gióvunus cirdesus. Funt cumbidaus totus is personas interessadas e in manera particulari is gióvunus de is 15 a is 30 annus chi apustis ant a formai su coru  pulsanti de sa Consulta.

GRADUATÓRIA DIFINITIVA AGIUDUS TARI 2015

29 de Làmparas de su 2016

Est in pubblicatzioni in s’Albu Pretóriu “on line” sa determinatzioni de su Responsàbbili de Servítziu n°176 de su 27 de Làmparas 2016 de aprovu de sa graduatória  provisória  chi pertocat su bandu po s’intregadura de is agiudus po s’imposta de s’àliga (TARI) po su 2015.

Sa determinatzioni de su Responsàbbili de Servítziu e sa graduatória difinitiva si podint castiai puru in sa setzioni IUC – TARI de su giassu de su Comunu.

AVISUS INCÀRRIGUS ISCOLA CÍVICA DE MÚSICA

15 de Làmparas de su 2016

In s’Albu Pretóriu “on line” funt pubblicaus is avisus po s’intregadura de is incàrrigus de Diretori Artísticu-didàticu, Segretàriu e insenniantis de s’Iscola Cívica de Música.

 

Avisu Diretori Artísticu – didàticu – càstia s’acàpiu de susu

Avisu Segretàriu – càstia s’acàpiu de susu

Avisu Insenniantis – càstia s’acàpiu de susu.

SUSPENSIONI AVISU INTREGADURA TERRAS CÍVICAS

10 de Làmparas de su 2016

 

Si fait isciri chi cun atu de su Servítziu Ténnicu Trabballus Púbblicus, Servítzius Tennológicus, Patrimóniu, Políticas Ambientalis e Energéticas e Seguresa in su Trabballu n°669 de su 10 de Làmparas 2016 funt istétius suspéndius is términis de s'avisu pubblicau in s'Albu Pretóriu de su Comunu de Biddacidru in data 6 de Maju 2016 e chi teniat  cumenti ogetu “intregadura terras cívicas” fintzas a data de difiniri e apustis a is indicatzionis prevídias de sa nota sindacali prot. N°2016/10584 de su 9 de Làmparas 2016.

 

COMUNALIS 2016 – PROCLAMATZIONI DE IS  ELÍGIUS

6 de Làmparas de su 2016

 

Si fait isciri chi apustis  de is operatzionis de s'Atóbiu de is Presidentis de is setzionis fata in dí de oi e cunformas a is arresurtaus averiguaus, giai chí at pigau su númunu prus mannu de votus paris a n° 3251, est istétia proclamada elígia a sa càrriga de Síndigu de su Comunu de Biddacidru sa Dot.ra Marta Cabriolu.

Apitzus de sa graduatória de is candidaus a sa càrriga de Consilleri comunali aintru de dónnia lista, in basi a sa cifra individuali torrada a portai de donniunu de issus, funt istétius proclamaus elígius Consilleris Comunalis de su Comunu de Biddacidru :

Lista 2 - “Alternativa Civica”

  1. Pittau Gessica;
  2. Muscas Adriano;
  3. Collu Emanuela;
  4. Spano Giovanni Sebastiano Maria;
  5. Ecca Giuseppe;
  6. Mereu Luca Matteo;
  7. Erbì Marco;
  8. Deidda Daniela;
  9. Loru Sara;
  10. Meloni Andrea
  11. Scanu Andrea.

Lista 4 - “Uniti per Villacidro”

  1. Sollai Federico;
  2. Aru Maura;
  3. Mais Stefano.

Lista 1- “Assemblea Permanente”

  1. Carboni Giancarlo.

Lista 3- “Per Villacidro”

  1. Piras Dario.

 

Fatas salvas is decisionis difinitivas de su Consillu Comunali a norma de s'art. 41, comma 1 de su D.Lgs. 18 de Austu 2000 n°267.

 

PROTOCOLLU DE ACÓRDIU PO SA ZONA INDUSTRIALI

30 de Maju de su 2016

 

Firmau su protocollu de acórdiu intra de Comunu, Regioni e Cunsórtziu Industriali chi punnat a torrai a cualificai sa zona industriali de Biddacidru, po médiu de atzionis operativas chi punnant a agiudai is impresas e, in prus, a su sodigamentu de sa situatzioni económica sfavorèvoli de immui.

Su documentu sutascritu de su Síndigu Teresa Pani, de s'Assessora  Regionali Maria Grazia Piras, de su Presidenti de sa Regioni Francesco Pigliaru e de su presidenti de su Cunsórtziu Industriali Giorgio Danza, previdit is atzionis chi sighint:

Impignus de su Cunsórtziu Industriali

  1. Smenguamentu de su 20% de is costus de is àreas po aposentamentus produtivus e cummercialis chi depint tenni s'àutu  perfetzionau aintru de su 31 de Meseidas de su 2017;
  2. Possibbilidadi de modulai s'arrecuperu de is créditus vantaus in is cunfrontus de is aposentaus po afitus e servítzius, cun pianus de torradura personalizaus;
  3. Agiudu  a is aposentaus e a is chi si depint aposentai po  sa cumpridura de pràtigas burocràticas in is entis prepostus a s'intregadura de autorizatzionis e/o permissus (nullaosta);
  4. Ismesadura de is tempus burocràticus previdius de is arregulamentus de su cunsórtziu po s'intregadura de is àreas e po s'aprovu de is progetus;
  5. Arrenúntzia a is costus de istrutória previdius de su  “Arregulamentu intregadura àreas” aprovau cun delibberatzioni de su CdA n°186/2008;
  6. Arrenúntzia a pigai sa caparra  previdia de su “Arregulamentu intregadura àreas” aprovau cun delibberatzioni de su CdA n°186/2008;
  7. Creai  cunditzionis de favori po s'aposentamentu in istruturas de su cunsórtziu de propostas imprenditorialis nobas.

Impignus de sa Regioni Autónoma de sa Sardigna

  1. Sa Giunta Regionali at a presentai a su Ministeru de s'Isvilupu Económicu sa domanda de arreconnoscimentu de Àreas de crisi po su territóriu de su Campidanu de Mesu;
  2. Po favoressi  su rilànciu económicu e ocupatzionali de su territóriu s'at a apariciai unu programma de interventus chi punnant a afortiai e a modernizai su sistema produtivu locali. Po  lograi s'obbietivu de sa cumbertidura noba de s'Àrea de crisi po médiu de is novidadis e de  sa mellioria  cumpetitiva de is impresas s'ant a umperai is interventus a favori de is impresas piticheddeddas, piticas e de mesania previdius in programmas finantziaus o finantziaus imparis cun resorsas regionalis, in cunformidadi cun is tareas individuadas in su Programma Regionali de Isvilupu (PRS).

Impignus de su Comunu de Biddacidru

  1. Ismesadura de is tempus de intregadura de is autorizatzionis, po su chi ddi cumpetit, relativas a s'aprovu de is progetus de aposentamentu, a s'intregadura de is cuncessionis edilítzias, e aici sighendi;
  2. A s'iscopu de limitai is istrobbus e is stentus in sa difinitzioni de is intregaduras de is lotus a is chi si depint aposentai, su Comunu at providiu a delibberai s'intregadura a gratis a su Cunsórtziu de totu sa viabbilidadi de sartu chi in su catastu esistit ancoras aintru  de s'unioni de cunsórtziu e in dí de oi sostituida de sa viabbilidadi realizada de su Cunsórtziu etotu.
  3.  

CERTIFICAUS PO IS ELETORIS  CUN IMPEDIMENTUS FÍSICUS

30 de Maju de su 2016

 

Eletzionis comunalis de su 5 de Làmparas 2016

 

Si fait isciri chi, Domínigu 5 de Làmparas 2016, su Servítziu de Igieni e Sanidadi Púbblica est presenti, in s'ambulatóriu de Biddacirdu in bia Guido Rossa, po garantiri is certificaus necessàrius a is eletoris chi tenint impedimentus físicus e bolint esercitai su deretu de votu.

SU 30 DE MAJU PROBLEMAS IN S'ARREGOTA DE S'ÀLIGA

24 de Maju de su 2016

 

Po nexi de s'isciòperu natzionali de is aziendas chi trabballant in su setori de igieni ambientali, su 30 de Maju no est assegurau su servítziu de arragota de s'àliga.

 

AVISU IMU E TASI – ANNU 2016

24 de Maju de su 2016

 

S'arradodat chi s'iscadéntzia de sa primu rata TASI-IMU 2016 est fissada a su 16 de Làmparas 2016.

Si fait isciri chi sa Lei n°208 de su 28 de meseidas 2015 escludit de su versamentu de sa TASI po su  2016 is unidadis immobbiliaris  destinadas a abbitatzioni principali de  su possessori, de s'umperadori e de  su nucleu familiari cosa sua,  francu is chi funt classificadas in is categorias catastalis A/1, A/8, e A/9.

Po su 2016 funt cunfirmadas is alicuotas (partis) in vigéntzia in su 2015.

Po su càlculu de is impostas e po àteras iscedas tocat a castiai in sa setzioni IUC de su giassu comunali www.comune.villacidro.vs.it

S'Ufíciu Tribbutus arricit totus is dís:

de su lunis a sa cenàbara: 11,00 -13,00 ( de is úndixi de a mengianu fintzas a sa una)

su martis: 16,00-18,00 (de is cuatru fintzas a is ses de a merí)

AGIUDUS TARI 2015 – GRADUATÓRIA PROVISÓRIA

12 de Maju de su 2016

 

Est in pubblicatzioni in s'Albu Pretóriu “on line” sa determinatzioni de su Responsàbbili de Servítziu n°556 de su 10 de Maju 2016 de aprovu de sa graduatória provisória (Allegau A) chi pertocat su bandu po s'intregadura de is agiudus  po s'imposta apitzus de s'àliga (TARI) 2015.

Sa graduatória is interessaus dda podint castiai puru in s'Ufíciu Tribbutus de su lunis a sa cenàbara de is úndixi de a mengianu fintzas a sa una (11,00-13,00) e su martis de is cuatru fintzas a is ses (16,00-18,00).

Arrecursus eventualis si depint mandai a su Responsàbbili de su Servítziu Económicu-Finantziàriu aintru de 15 dís de sa data de pubblicatzioni in s'Albu Pretóriu.

Sa determinatzioni de su Responsàbbili de Servítziu e sa graduatória provisória si podint castiai puru in sa setzioni IUC -Tari de su giassu comunali.

 

PROGRAMMA CANDIDAUS ELETZIONIS COMUNALIS 2016

10 de Maju de su 2016

 

Si fait isciri chi funt in pubblicatzioni in s'Albu Pretóriu “on-line”, in sa setzioni Avisus Eletoralis, is programmas amministrativus de is 4 cadidaus a sa càrriga de Síndigu po is eletzionis chi nci funt su 5 de Làmparas 2016.

 

INTREGADURA  LOTUS DE TERRA PÚBBLICA

6 de Maju de su 2016

 

Est in pubblicatzioni su bandu po s'intregadura pluriennali de unus cantu lotus de terra cívica.

 

Documentatzioni

 

BANDU INTREGADURA “ NIDU AZIENDALI”

6 de Maju de su 2016

 

Est in pubblicatzioni su bandu po s'intregadura de servítzius a sa pipiesa in s'istrutura “Nido Aziendale”.

 

Documentus

 

GRADUATÓRIA MOBBILIDADI, CAT. C, SERVÍTZIUS AFÀRIUS GENERALIS

3 de Maju de su 2016

 

Su Responsàbbili de su Servítziu Personali fait isciri chi cun Determinatzioni de su Servítziu Personali, Reg. Gen. N°527 de su 3 de Maju 2016, est istétia aprovada sa graduatória difinitiva de s'iscioberu púbblicu po mobbilidadi po n°1 postu de istrutori amministrativu/contàbbili, cat. C1 a tempus indeterminau e a tempus prenu arreservau a is categorias amparadas cunformas a sa L. 68/99 de destinai a su Servítziu Afàrius Generalis.

Sa presenti si fait a connosci a is interessaus po sa propositzioni de atzionis de impugnatzioni eventualis.

 

Avisu - pdf

 

 

 

CONSULTATZIONI POPULARI DE SU 17 DE ABRILI 2016. PAGAMENTU CUMPENSUS.

28 de Abrili de su 2016

 

Si fait sciri chi, in sa Tesoreria comunali gestida de su “Banco di Sardegna”, si podint arretirai is cumpensus po Presidenti, Scrutadori e Segretàriu de ségiu eletorali, relativus a sa Consultatzioni populari (Referendum) de su 17 de Abrili 2016.

VOTU A IS CITADINUS COMUNITÀRIUS RESIDENTIS

19 de Abrili de su 2016

Eletzionis de su Síndigu e de su Consillu Comunali su 5 de Làmparas 2016.

VOTU PO IS ISTRÀNGIUS COMUNITÀRIUS RESIDENTIS IN ITÀLIA

Is istràngius chi benint de istadus de s’Unioni Europea e residentis in Itàlia, chi bolint esercitai su deretu de votu in ocasioni de is eletzionis comunalis, podint domandai a su Comunu de Residéntzia de éssiri iscritus in is listas aciuntas. Custu ddis  donat su deretu de votai po is eletzionis amministrativas comunalis.

Sa domanda depit éssiri presentada a s’Ufíciu Protocollu aintru de su 26 de Abrili 2016. Podit éssiri mandada puru po posta o po “e-mail” a sa casella de posta de su Comunu de Biddacidru: protocollo.villacidro@pec.it

In is casus arremonaus in susu tocat a acapiai a sa domanda fotocópia de su documentu de identidadi.

Podint presentai domanda is citadinus chi faint parti de is istadus chi sighint:Austria, Belgiu, Bulgaria, Croàtzia, Danimarca, Estónia, Finlàndia, Frància, Germània, Grécia, Irlanda, Letónia, Lituània, Lussemburgu, Paesi Bassi, Polónia, Portugallu, Regnu Unidu, República Ceca, República de Cipru, República de Malta, República Slovaca, Romania, Slovénia, Spagna, Svétzia e Ungheria.

A sa domanda, si est mandada po posta, depit éssiri acapiada sa cópia, no autenticada, de unu documentu de identidadi bàlidu.

S’iscritzioni in is listas eletoralis aciuntas permitit a is citadinus de s’Unioni Europea, a parti su deretu de votu, s’elegibbilidadi a Consilleri e sa nómina eventuali cumenti a cumponenti de sa Giunta de su Comunu escludendi perou s’incàrrigu de Síndigu e de vice-Síndigu.

INTREGADURA  CERTIFICAU MÉDICU

12 de Abrili de su 2016

“Consultatzioni populari (Referendum) de su 17 de Abrili 2016 – Istrutzionis votu po chi non camminat e votu agiudau.

Comunu de Biddacidru

Ufíciu Eletorali

Su Responsàbbili

Fait isciri

Chi po podi éssiri ammítia a su votu sa persona disàbbili depit presentai, imparis a su certificau eletorali, unu certificau médicu donada de sa ASL de apartenéntzia.

Is certificaus médicus po is eletoris chi tenint  impedimentus físicus e chi non podint camminai, ddus donant in s’ambulatóriu de Igieni e Sanidadi Púbblica in sa “Casa della Salute” in bia Guido rossa in s’oràriu chi sighit:

Domínigu 17 de abrili 2016, 11,15-13,30 ( de is úndixi e cuartu de a mengianu fintzas a sa una e mesu).

Su Responsàbbili de su Servítziu

Domenico Roberto

 

SUSPENSIONI SPARTZIDURA DE S’ÀCUA – 4 DE ABRILI

1 de Abrili de su 2016

Po permíti is trabballus de acàpiu de sa cundota de bia Ungaretti, su 4 de Abrili, de iso tu de a mengianu finta a s’acabbu de is trabballus, est previdia sa sospensioni de sa spartzidura de s’àcua in is bias: Ungaretti, Pavese, Foscolo, Pascoli e Satta.

 

 

TARIFAS AGIUDADAS

29 de Martzu de su 2016

 

Sa Sociedadi TRENITALIA at a apricai tarifas agiudadas poi s biaxis in ocasioni de sa Consultatzioni Populari (Referendum) de su 17 de Abrili 2016.

S’AMMINISTRATZIONI COMUNALI FAIT IS AUGÚRIUS DE PASCA MANNA

25 de Martzu de su 2016

 

Su Síndigu e s’Amministratzioni Comunali faint is mellus augúrius de Pasca Manna a totus is Citadinus.

ELENCU NÓMINA SCRUTADORIS

24 de Martzu de su 2016

 

Su Síndigu fait iscí chi cun verbali n°10 de su 23 de Martzu 2016 (link) sa Commissioni Eletorali Comunali at nominau is scrutadoris po sa Consultatzioni populari (Referendum) de su 17 de Abrili 2016.

BANDU MOBBILIDADI ISTRUTORI TÉNNICU CAT. D1

22 de Martzu de su 2016

 

Si fait iscí chi cun determinazioni reg.gen. n°338 de su 22 de Martzu 2016 est istétiu fatu unu bandu de mobbilidadi segundu s’art. 30, smi de su D.Lgs 165/2001 po sa cobertura a tempus prenu e indeterminau de n°1 postu de Istrutori Diretivu Ténnicu cat. D1 reservau  scéti a su personali de ruolu de is entis de area manna (províncias e citadis metropolitanas).

Is domandas depint lompi aintru de mesudí (h.12,00) de su 21 de Abrili 2016 e su collóchiu est su 29 de Abrili a is noioras de a mengianu (h.9,00) in s’Aula de su Consillu de su Comunu de Biddacidru.

S’arragodat, puru, chi sa pubblicazioni de is comunicatzionis in su giassu tenit balori de notífica a totus is efetus: is candidaus chi non ant arriciu comunicazioni contrària, si depint presentai, chentza nisciun’àteru preavisu e cun unu documentu de arreconnoscimentu bàlidu, in sa sea d’esàmini inditada  in susu.

S’asséntzia de su candidau  est cunsiderada cumenti a arrenúncia a su scioberu, calisisiat sa càusa.

Bandu e mollu de domanda

MANCAT SA CURRENTI

22 de Martzu de su 2016

 

Gràtzias a s’avisu de “Enel Distribuzione”, si fait iscí chi cras 23 de martzu 2016, de is otu e mesu de a mengianu fintzas a is cuatru de a merí (8,30-16,00), mancat sa currenti po podi fai trabballus de manutenzioni asuba de is impiantus in is bias elencadas asuta, inclúdias is utenza intestadas a nómini de su Comunu torrida a portai in s’elencu chi sighit:

bia Libertà de 2 a 10, de 14 a 16, de 20 a 24, 28, 34,42, de 46 a 52, 13,17, 21, de 27 a 31, 37,43, de 47 a 63, 67, de 71 a 71°, 75, de 81 a 83,87,sn.

bia Scuole de 16 a 20, 28,32, de 38 a 40, de 46 a 48, de 17 a 21, de 25 a 33, de 41 a 47, de 59 a 61, 65, 73, de 83 a 85,91, de 97 a 99,103,sn.

bia Convento 4, 8, 14, 20, 1, 15, 21, de 27 a 29, de 35 a 37, sn.

bia Gennargentu 32, de 21 a 23, 67, 71, 77, sn

bia Garibaldi 2, 6, de 10 a 12, de 1 a 7

bia Cuccureddu 2, de 6 a 10, 18, de 5 a 7

bia Municipio 4, 14, de 20 a 24, 30,9, sn

bia Montegrappa de 50 a 56, 62,66

pratza Marconi 2, de 1 a 3, uc sn

bia Carmine 2, 5, de 9 a 15, sn

gúturu 1° Convento de 5 a 7, sn

bia Roma de 24 a 28, 38,sn

bia Ponti su Vicàriu sn

pratza Municipio 4,sn

artziada Frontera 8.

 

IMPRENTA NOBA DE TÈSSERAS ELETORALIS

22 de Martzu de su 2016

 

S’Amministratzioni Comunali in ocasioni de sa Consultatzioni Populari (referendum) de su 17 de Abrili 2016, cumbidat is elettori chi ant pérdiu , arrogau o acabbau su logu po ponni su timbru  in sa tèssera eletorali , a providiri a fai sa domanda a s’Ufíciu Eletorali po si ndi fai intregai una noba.

Is tesseras eletoralis torradas  a imprentai ddas depint arretirai is deretus interessaus o, si impossibbilitaus, personas chi tenint sa délega e cópia de su documentu de identidadi de s’intestatàriu de sa tèssera.

Si contzillat de umperai sa modulística scarrigàbbili de su “link” de susu.

 

Po àteras iscedas tocat a si rivolgi a s’Ufíciu Eletorali:

obertu a su púbblicu totus is dís de is noioras de a mengianu fintzas a mesudí ( 9,00-12,00) e su Martis a merí de is cuatru fintzas a is ses de a merí.

 

In prus si fait iscí chi su 15 e su 16 Abrili 2016 s’Ufíciu Eletorali abarrat obertu de sighiu de is noioras de a mengianu fintzas a is ses de a merí ( 9,00-18,00)

Su 17 de Abrili de is seti de a mengianu fintzas a is úndixi de a noti (7,00-23,00).

Is elettori chi domandant una tèssera eletorali noba, depint portai unu documentu de identidadi bàlidu e, si non domandada po pérdita, sa tèssera eletorali bécia.

MOBBILIDADI VOLUNTÀRIA N°2  ISTRUTORIS AMMINISTRATIVUS CONTÀBBILIS

18 de Martzu de su 2016

 

Si fait iscí chi cun determinazioni de su Responsàbbili de su Servítziu Personali n°331, de su 18 de Martzu 2016, est istétiu fatu e aprovau su bandu de mobbilidadi voluntària ex art. 30 de su D.Lgs. n° 165/2001 po sa cobertura a tempus indeterminau de n°2 postus de istrutori Amministrativu/Contàbbili Cat. C. reservau a is categorias  amparadas ex art. 3 Lei 68/99. Sa domanda de ammissioni depit essi trasmítia aintru de mesudì (12,00) de su 18 de Abrili 2016 segundu is maneras  previdias in su bandu. Su collóchiu est a is noioras de a mengianu (9,00) de su 27 de Abrili 2016 in s’Aula de su Consillu de su Comunu de Biddacidru, fatus salvus càmbius eventualis po motivus imprevedíbbilis chi ant a essi comunicaus luegus po médiu de avisu in s’Albu Pretóriu “on-line” e in su giassu “internet” de su Comunu www.comune.villacidro.vs.it cun balori de notífica a totus is efetus. Si disponit chi sa pubblicazioni de su bandu siat fata, a parti chi in s’avisu presenti, in su giassu internet de su Comunu de Biddacidru www.comune.villacidro.vs.it

Bandu e mollu de domanda

 

 

SUSPENSIONI SPARTZIDURA DE S’ÀCUA

16 de Martzu de su 2016

 

Su 17 de Martzu, de is otu e mesu de a mengianu  (8,30) fintzas  a s’acabbu de is trabballus de acàpiu de is arretzas nobas, mancat s’àcua in is bias chi sighint:

bia Todde; bia Gramsci; bia Dei Mille; bia Cervi; bia Dettori.

GRADUATÓRIA DIFINITIVA ISTRUTORI TIBBUTUS

8 de Martzu de su 2016

 

Su Responsàbbili de su Servítziu Personali fait iscí chi cun determinazioni reg. gen. N°237 de su 2 de Martzu 2016 est istétia aprovada sa graduatória definitiva de s’iscioberu púbblicu po pigai a traballai a tempus determinau po 1 postu de Istrutori Ténnicu cat. C de destinai a s’Ufíciu Tribbutus.

Sa presenti si portat a connoscéntzia de is interessaus po sa proposizioni de azioni impugnativas eventualis.

Avisu

ATÓBIU PÚBBLICU “Gal Linas”

3 de Martzu de su 2016

 

Su 3 de martzu 2016, a is ses de a merí (h.18,00), in s’Auditorium Santa Barbara, ddoi at un’atóbiu púbblicu “Nuove opportunità di finantziamento per il territorio”  (Oportunidadis nobas de agiudu po su territóriu)

Locandina- pdf

 

SU DE 8 CUNVEGNUS “BERNARDU DE LINAS”

3 de Martzu de su 2016

 

Sàbudu 5 de Martzu 2016 in Biddacidru ddoi at “Su de 8 Cunvegnus bernardo de Linas”

 

Locandina-pdf

 

 APLICATZIONI “MUNICIPIUM APP”

2 de martzu de su 2016

 

Su Comunu de Biddacidru si acostat a is citadinus e iscioberat de comunicai cun una aplicatzioni po smartphone; est “Municipium app”, giai ativa cun sucessu in dexinas de comunus italianus. Sa “app” donat sa possibbilidadi a su Comunu de mandai a is citadinus inceda subitaneas – gràtzias a  su sistema eficaci de notíficas “push” – de sinnalai is  avenimentus presentis in su territóriu e donat, in prus, una variedadi manna de servítzius po s’aragota diferentziada porta a porta, cumenti su calendàriu digitali po s’aragota de s’àliga cun su promemória, is inceda apitzus de s’eco-centru comunali móbbili, s’arretiru arrefudus ingombrantis e unu fueddàriu po diferentziai in manera currégia is arrefudus. Is avenimentus e is nobas comunalis  ddas podint  cundividi is citadinus po médiu de “sms”, “Watsapp” e is “social network” principalis – cumenti a “Face book” e “Twitter”- deretu de  sa “app” . In prus in is  iscedas útilis ddoi at una setzioni dedicada a sa  Protetzioni Civili chi permitit de tenni is inceda útilis e is númunus de emergéntzia de umperai in casu de arriscu de fogus e de arriscu idrogiológicu po franas e inundatzionis.

Sémpiri gràtzias a “Municipium App”, disponíbbili a gratis siat poi s teléfonus “Android” siat poi s “Samsung”, is citadinus tenint unu strumentu po mandai sinnalatzionis cumenti is de sa viabbilidadi, apitzus de s’àliga e apitzus de su birdi púbblicu, in prus tenint un’intrada fàcili a is mapas de is puntus de interessamentu de su Comunu de Biddacidru, agiornaus fativatu cun is inceda de cuntatu.  Sa “Municipim App” cun sa facili dadi de umperu, siat po su citadinu chi po s’Amministratzioni, garantiscit  cumpletesa de is funtzionalidadis, arrespàrmiu, permítiu de sa comunicazioni digitali, e inceda subitaneas po sa citadinàntzia cun garantzia tennológica manna.

Cun sa “App Municipium” s’Amministratzioni de Biddacidru si oberrit sémpiri de prus  po ascurtai is citadinus, ancoras prus atenta a is abbisóngius cosa insoru, e permitit de otimizai e rendi prus eficentis is servítzius ofertus a is umperadoris. Sa “app Municipium” arrapresentat unìàtera manera subitanea e parallela a su giassu “web”, “newsletter” e “sms”, po fai isciri inceda, avenimentus e nobas de emergéntzia, facilitenti su cuntatu cun sa citadinàntzia, permitendiddi de pigai parti in manera attiva a sa vida de su comunu. A crutzu at a essi ativada una setzioni chi permitit de proponni averiguamentus a sa citadinàntzia asuba de argumentus de grandu importantzia po totu sa comimi.

Sa presentada de sa “App” noba at a acontessi a crutzu.

Si podit scarrigai sa “App” noba in is giassus chi sighint

 

“Play” store

http://play.google.com/store /app/details?id=com.municipiumapp.municipium

App.store

http://itunes.apple.com/it/app/ municipium/id720127067

 

 

 

 

 

 

 

 





L. 482/99 Annu 2015



CONSILLU  COMUNALI – 12 DE AUSTU 2015

11 de Austu de su 2015

Su Consillu Comunali est tzerriau in sétzida ordinària, in s’Aula de su Consillu de su Palatzu Municipali, su 12 de Austu a is cincu de a merì, po chistionai de s’órdini de sa dì chi sighit:

1.      Comunicatzionis de su Sìndigu;

2.      Aprovu Programma triennali de is Òperas Púbblicas 2015/2017 e elencu annuali;

3.      Determinatzioni po su 2015 de su prétziu de cessioni de is areas po s’edilítzia agiudada – art.172, comma 1, lit.c de su Decretu Legislativu n° 267/2000;

4.      Aprovu Bilànciu de Previsioni po su 2015 e Bilàciu Pluriennali po su períodu 2015-2017 ex D.P.R. n° 194/1996, Bilànciu de Previsioni Finantziàriu 2015-2017 ex Decretu Leislativu n° 118/2011, Relata de Previsioni e Programmàtica po su períodu 2015-2017;

5.      Aprovu Pianu Operativu de ratzionalizatzioni de is sociedadis partecipadas e de is partecipatzionis societàrias segundu s’art. 1, comma 611 e avatantis de sa L. 190/2014;

6.      Aprovu Bilànciu annuali de previsioni annu 2015 e Bilànciu Pluriennali de previsioni 2015/2016/2017. Istitutzioni Iscola Cívica de Música.

7.      Càmbiu cumponenti dimissionàriu Commissioni Agricoltura e Ambienti;

8.      Costrutzioni Centru polivalenti po su ministeru pastorali de Santa Bàrbara tzerriau “ L’Albero della Vita” de fai in bia Aldo Moro, e chi arruit in zona S servítzius púbblicus de su cuntestu 16 de su P.U.C. in vigéntzia: parri favorevoli a donai su permissu de costrutzioni in deroga.

OBERTURA ISCRITZIONIS SERVÍTZIU MENSA ISCOLÀSTICA

11 de Austu de su 2015

Funt obertus is términis po mandai is domandas de iscritzioni a su servítziu de mensa iscolàstica po is discentis de is iscolas de sa pipiesa, elementaris e de mesania po s’annu de iscola 2015/2016.

Is módulus funt disponíbbilis in sa Setzioni Albo Pretóriu, e in is ufícius comunalis Protocollu e Istrutzioni in is oràrius de obertura a su púbblicu.

Is tarifas de su servítziu, chi at istabbiliu sa Giunta Comunali cun delibberatzioni n° 90 de su 21 de Argiolas 2015, ant a essi istabbilidas tenendu contu de certificau  ISEE de sa famíglia relativu a su 2014, chi depit essi acapiau a sa domanda de iscritzioni a su servítziu.

SERRADA ISTADIALI  “INFORMAGIOVANI”

11 de Austu de su 2015

Si fait isciri a sa populatzioni chi s’ Informagiovani abarrat serrau de lunis 10 finas a cenàbara 21 de Austu po su pàsiu istadiali.

Is atividadis de su centru torrant a incumentzai in manera regulari de lunis 24 de Austu, segundu s’oràriu sólitu de obertura:

-         Lunis 10,30 – 12,45 (de is dexi e mesu de a mengianu finas a mesudì mancu cuartu)

-         Martis e mércuis 10,00- 13,30 / 15,30-18,45 (de is dexi de a mengianu finas a sa una e mesu / de is tres e mesu finas a is seti mancu cuartu;

-         Gióbia 10,00 – 13,30 ( de is dexi e mesu de a mengianu finas a sa una e mesu);

-         Cenàbara 10,00-12,45 ( de is dexi de a mengianu finas a sa una mancu cuartu).

S’arragodat, in prus, chi de su 1° de Cabudanni intrat in vigéntzia s’oràriu de ierru e sa serrada de a merì est anticipada a is ses e cuartu (18,15).

CINEMA SOTTO LE STELLE”

6 de Austu de su 2015

De su 6 de Austu finas a su 2 de Cabudanni, in sa Domu Dessì, nc’est sa rassigna, organizada de su Comunu de Biddacidru, Assessorau a s’Ispetàculu e Políticas de is Gióvunus, impari cun sa Fondatzioni Giuseppe Dessì.

Custu su programma de sa manifestatzioni:

6 de Austu, noioras de a noti (21,00) – Pride

10 de Austu, noioras de a noti (21,00) – Diaz

13 de Austu,  noioras de a noti (21,00) – Due giorni e una notte

19 de Austu, noioras de a noti (21,00) - Arrietty

23 de Austu, noioras de a noti (21,00) – Il giovane favoloso

25 de Austu, noioras de a noti (21,00) – Vado a scuola

28 de Austu, noioras de a noti (21,00) – Su Re

2 de Cabudanni, noioras de a noti (21,00) – Still life

Iscarriga sa locandina n su ligóngiu de susu.

 

 

SERRADA UFÍCIUS COMUNALIS PO SANTU SISINNI- 3 DE AUSTU

30 de Argiolas de su 2015

 

Si fait isciri a sa populatzioni chi su 3 de Austu chi benit is ufícius comunalis abarrant serraus in ocasioni de sa festa de Santu Sisinni.

 

BUSSAS DE ISTÚDIU, RIMBUSSU DE BIAXI, CONTRIBBUTUS LÍBBURUS DE ISCOLA

23 de Argiolas de su 2015

Su Responsàbbili de su Servítziu Afàrius Generalis fait isciri chi funt in cursu de licuidatzioni is Bussas de Istúdiu po méritu annu de iscola 2013/2014.

Is interessaus podint andai a ndi arretirai sa somma de sa Bussa, ande sa Tesoreria Comunali, Banco di Sardegna bia Regione sarda – Biddacidru, cun unu documentu de identidadi balidu.

Cun s'ocasioni s'arragodat chi funt didponíbbilis puru is contribbutus po comporai is líbburus de iscola  a.s. 2014/2015 e rimbussu ispesas de biaxi a.s. 2013/2014.

Avisu

 

BANDU PROGETUS L.162/98 – GESTIONI 2015

17 de Argiolas de su 2015

Su Responsàbbili de su Servítziu Sóciu Assistentziali fait isciri a is citadinus interessaus, chi de su 9 finas a su 31 de Argiolas 2015 si podint presentai is domandas po is progetus individualizaus de sa L. 162/98 – annu de gestioni 2015.

 

Càstia in su ligóngiu de susu po is documentus

 

BANDU PO AZIENDAS – ATZIONIS DE CUNTRASTU A SA POBURESA 2014

17 de Argiolas de su 2015

Su Responsàbbili de su Servítziu Sóciu Asistentziali de Biddacidru comunicat, chi a incumentzai de su 15 de Argiolas 2015 funt obertus is términis po sa presentada de sa manifestatzioni de interessamentu po sa partecipatzioni a su progetu “Bando per le Aziende- Atzioni di contrasto alla povertà – annualità 2014”.

Càstia in susu po is documentus allegaus.

 

INTERRUTZIONI ISPARTZIDURA DE S'ÀCUA – 14 DE ARGIOLAS

14 de Argiolas de su 2015

Si fait isciri a sa populatzioni chi, po permítiri de fai is trabballus urgentis in s'arretza de s'àcua, in dì de oi non donant àcua in unus cantu tretus de sa bidda e pruscatotu in is bias chi sighint:

bia Ungaretti; bia Satta; bia Foscolo; bia Pascoli, bia Pavese.

S'ispartzidura a is impitadoris acabbat a is noioras e cuartu (9,15) e torrat a incumentzai apustis de s'acabbu de is trabballus a sa una (13,00).

 

SERRADA UFÍCIUS COMUNALIS – 16 DE ARGIOLAS

10 de Argiolas de su 2015

Si fait isciri chi su 16 de Argiolas is ufícius comunalis abarrant serraus a su púbblicu, ca su personali depit fai is provas previstas de su Pianu comunali de emergéntzia e isfollamentu.

 

PROGETU GIÓVUNUS – ATÓBIU CUN IS PICIOCHEDDUS

10 de Argiolas de su 2015

Su Comunu de Biddacidru, “Progetto Giovani”, “Plus” distretu Sóciu Sanitàriu de Gùspini imparis cun su consultóriu de Biddacidru, organizat un'atóbiu cun is piciocheddus de is catórdixi finas a is dexiot'annus (14-18) de edadi, chi ddoi at martis 14 de Argiolas a is cincu e mesu de a merì 817,30), in s'ex Maceddu Comunali de Biddacidru, po chistionai de giovunesa,  afetividadi e sessualidadi.

 

Càstia in susu po sa locandina

“INFORMAGIOVANI” AGIUDU PO S’ISCRITZIONI “ON LINE” ERSU E UNIVERSIDADI

29 de Làmparas de su 2015

In vista de sa pubblicatzioni de su bandu ERSU e de su Manifestu de is Istúdius, s’Informagiovani ativat de su 1° de Argiolas su servítziu de agiudu a s’imbiu “on line” de sa domanda po sa bussa de istúdiu e/o domu, e de iscritzioni a sa prova de iscioberu o de averiguada de sa preparatzioni de cumintzu.

Po gosai de sa consuléntzia a indonu de is operadoras, is umperadoris interessaus depint tenni is credentzialis de intrada a su giassu UNICA (si ddu tenint giai), códixi fiscali e indiritzu de posta eletrónica.

Po totus is istudiantis chi bolint fai de sei e totu, funt a dispositzioni (a indonu) in is aposentus de s’Informagiovani de Biddacidru (Pratza Dessì n°12), cuatru computer cun collegamentu a “internet” in s oràrius de obertura chi sighit:

Lunis 10,30 – 12,45 ( de is dexi e mesu de a mengianu finas a sa una mancu cuartu)

Martis e Mércuis 10,00 – 13,30 (de is dexi de a mengianu finas a sa una e mesu), 15,30-18,45 ( de is tres e mesu finas a is seti mancu cuartu)

Gióbia 10,00-13,30 ( de is dexi de a mengianu finas a sa una e mesu)

Cenàbara 10,00 -12,45 ( de is dexi e mesu de a mengianu finas a sa una mancu cuartu).

 CAMMINU TURÍSTICU CULTURALI “LE CITTÀ DELLA TERRA”

26 de Làmparas de su 2015

 

Martis 30 de Làmparas 2015, de is cincu e mesu de a merì  (17,30) in su “Caffè Letterario”,  ddoi at un’atóbiu púbblicu po presentai su progetu de su camminu turísticu culturali “Le città della Terra” ( Is biddas de sa Terra).

Programma:

17,30 (cincu e mesu de a merì) – Obertura de s’ammosta fotogràfica “Ambiente, paesaggio e ospitalità nelle case di terra”;

18,00 (sesi de a merì) – Federico Sollai, Assessori a s’Urbanística de su Comunu de Biddacidru; Enrico Pusceddu, Presidenti “Città della Terra Cruda”;

18,20 (sesi e binti de a merì) – Sergio Mocci, Collabboradori Ténnicu; Circa asuba de su patrimóniu de is domus in làdiri de Biddacidru; Marco Floris, Coordinadori de su progetu “L’itinerario turistico culturale “Le Città della Terra” ( Camminu turísticu culturali “Is biddas de sa Terra”)

20,00 (otu de a merì) – Proietzioni cortometràgius: “Sa domu nostra” de Francesca Pittau (2’36’’)

“Visioni dal futuro” (bisionis de su benidori) de Federico Rescaldani (5’27’’)

“Làdiri” de Andrea Mura (8’05’’)

Iscedas 328 838 42 01  “e-mail” info@terracruda.org

In susu ligóngiu de susu podeis iscarrigai su Pdf de sa locandina

 

PULITZIA IN S’ARRETZA DE S’ÀCUA 1 – 8- 15 – 22 DE ARGIOLAS 2015

25 de Làmparas de su 2015

Si fait isciri a sa populatzioni chi su 1 – 8 – 15 – 22 de Argiolas 2015, in su territóriu comunali de Biddacidru, nci podit ai istrobbus in sìispartzidura de s’àcua, ca Abbanoa depit fai sa pulitzia de s’arretza de s’àcua. Is trabballus preventivus e periódicus funt necessàrius e indispensàbbilis po chi s’arretza de s’àcua funtzionit beni e po garantiri sa calidada de s’àcua donada a is umperadoris.


18 DE LÀMPARAS- SUSPENSIONI ISPARTZIDURA DE S’ÀCUA. GUASTU IN S’ARRETZA

18 de Làmparas de su 2015

Si fait isciri a is citadinus chi oi 18 de Làmparas de is úndixi (11,00) finas a merì, in totu sa parti bàscia de sa bidda mancat s’àcua po nexi de unu guastu acidentali in s’arretza de s’àcua in localidadi Santa Maria. S’ispartzidura torrat a cumentzai apustis chi acabbant is trabballus est a nai faxi a merì.

 

SUSPENSIONI ISPARTZIDURA DE S'ÀCUA – 17 DE LÀMPARAS

16 de Làmparas de su 2015

 

Si fait isciri a sa populatzioni chi, po fai is trabballus in s' arretza de s'àcua, cras 17 de Làmparas non donant àcua in unus cantu tretus de sa bidda e pruscatotu in is bias chi sighint:

bia Lanusei; bia Domusnovas; parti de bia Iglesias; tretu de bia Nazionale (de bia Cagliari finas a bia Roma).

Non donant àcua a is impitadoris de is otu de a mengianu (8,00) finas a merì candu acabbant is trabballus.

Si fait isciri a sa populatzioni chi, po fai is trabballus in s' arretza de s'àcua, cras 17 de Làmparas non donant àcua in unus cantu tretus de sa bidda e pruscatotu in is bias chi sighint:
bia Lanusei;
bia Domusnovas;
parti de bia Iglesias;
tretu de bia Nazionale (de bia Cagliari finas a bia Roma).

Non donant àcua a is impitadoris de is otu de a mengianu (8,00) finas a merì candu acabbant is trabballus.

 

 

TZERRIADA CONSILLU COMUNALI – 19 DE LÀMPARAS 2015

6 de Làmparas de su 2015

 

Su Consillu Comunali est tzerriau a sa sétzida chi nc'est in s'Aula de su Consillu  cenàbara 19 de Làmparas 2015 a is cincu e mesu (17,30) po chistionai de s'órdini de sa dì chi sighit:

  1. Comunicatzioni de su Síndigu;
  2. Fissatzioni indiritzus e critérius po su càmbiu de su regimi giurídicu in is Pianus de Edilítzia Económica e populari de deretu de superfici in deretu de propriedadi – Cancellatzioni de su regimi vinculísticu – Atuatzioni de is dispositzionis de is commas 45, 50 de s'art.31 de sa L. 448/98 e ss.mm.ii;
  3. Varianti non sustantzialis a su Pianu de Zona n°1 – cumpartu H e determinatzioni de su prétziu de lassa (cessioni) in deretu de propriedadi de is 16 lotus residentzialis po privadus previstus in su cumpartu H segundu s'art.14 de su D.L. 28 de Friaxu 1983, n°55, cunvértiu de sa lei 26 Abrili 1983, n°131 e ss.mm.ii.;
  4. Aprovu Rendicontu de sa Gestioni annu 2014;
  5. Aprovu difinitivu de sa varianti a su Pianu de Sanamentu Urbanísticu Sant'Antonio – àmbitu 11 po s'iscioberu de is àreas necessàrias po fai duas cabinas elétricas.
  6. Aprovu de sa varianti non sustantziali a su Pianu de Lotizatzioni “Giardino Blu” po sa modífica de sa mannària de s'àrea de pertinéntzia de sa cabina elétrica de trasformatzioni;
  7. Aprovu Regulamentu po sa disciplina de sa videosorvegliantza in su territóriu comunali.

 


BANDU INCUILINUS  MOROSUS CHENTZA DE CURPA – PRÒROGA

4 de Làmparas de su 2015

 

Su Comunu de Biddacidru fait isciri chi est  disposta sa pròroga de is términis po participai a su bandu po s'intregadura de cuntribbutus destinaus a incuilinus morosus chentza de curpa, annualidadi 2014.

Is citadinus interessaus podint presentai domanda aintru e non prus a tradu de su 17 de Argiolas 2015.

Is módulus s'agatant in:Uficiu Servítziu Sóciu-Assistentziali, in is dìs e in is oràrius chi sighint:martis de is cuatru a is ses (16,00-18,00), cenàbara de is dexi finas a sa una (10,00-13,00);Informagiòvanus, in Pratza Dessì 12, in is dìs e in is oràrius chi sighint: lunis de is dexi e mesu finas a mesudìe mesu (10,00 – 12,30), martis e mércuis de is dexi finas a sa una e mesu (10,00-13,30) e de is tres e mesu finas a is ses de a merì (15,30 -18,00), gióbia e cenàbara de is dexi finas a mesudì e mesu (10,00-12,30).

Is domandas tocat a ddas presentai a s'Ufíciu Protocollu de su Comunu, obertu in is dìs e in is oràrius chi sighint:

lunis, mércuis, gióbia e cenàbara de is dexi finas a sa una (10,00-13,00);

martis de is cuatru finas a is ses de a merì (16,00-18,00).

Po iscarrigai su bandu e totus is allegaus pubblicaus in s'Albu Pretóriu craca in  susu.

 

 

IN BIDDACIDRU  FAIT  TAPA  SU “SOCIAL BUS”

4 de Làmparas de su 2015

 

Su 5 de Làmparas, de is dexi finas a sa una (10,00 – 13,00), in Pratza Sardegna, si format su “Social bus”.

S'ufíciu multimediali chi biaxat donat iscedas e materiali asuba chi arriguardant is progetus chi at cumpridu sa Regioni cun is finantziamentus europeus de su Por Fse 2007/2013, in matéria de trabballu, formatzioni, istrutzioni e inclusioni sociali.

Si chistionat puru de su Programma operativu e de is bandus ativus, in arrelata a políticas ativas, “flexicurity” e programmatzioni regionali noba Fse 2014/2020.

 

GIÓVUNUS PROTAGONISTAS IN SA COMUNIDADI – PRÓROGA

29 de maju de su 2015

Si fait isciri chi est istétiu prorogau finas a su 15 de Làmparas su términi po pigai parti a su Cuncursu de ideas po sa cumpridura de Progetus chi ant  ideau e elabborau  is gióvunus de is Comunus de : Biddacidru, Arbus, Gùspini e Sant’Éngiu e gestidu imparis cun is Cooperativas “La Clessidra”, “Koinos”, e “Sinergie”.

S’iscopu de s’initziativa est su de promovi Progetus, po agiudai sa creatividadi e su protagonismu de is gióvunus e favoressi puru sa partecipatzioni ativa a sa vida sociali, económica, culturali e de assótziu de sa comunidadi.

Po iscarrigai su bandu e totus is allegaus pubblicaus in s’Albu Pretóriu craca in su ligóngiu de susu.

SERRADA UFÍCIUS COMUNALIS – 1° DE LÀMPARAS 2015

28 de Maju de su 2015

Su Síndigu fait isciri a totu sa populatzioni chi, cun deretu n°5 de su 27 de Maju 2015, est istétia disposta sa serrada de is ufícius comunalis po su 1° de Làmparas 2015.

Is motivus de s’iscioberu si fundant asuba de s’oportunidadi de massimizai is rispàrmius de gestioni de s’enti, cumenti sa normativa natzionali e su cuntestu económicu imponint, in cantu a is consumus.

LABBORATÓRIUS DE LÍNGUA SARDA “IS PREGADORIAS ANTIGAS”

27 de Maju de su 2015

Su Comunu de Biddacidru imparis cun sa Provínvia de su Campidanu de Mesu e cun s’assótziu “Sarditinera”, in su cuntestu de su progetu 482/99 – annualidadi 2011 – Sighidura de s’isperimentatzioni linguística de sa Provincia de su Campidanu de Mesu”, organizat duus labboratórius culturalis “Is Pregadorias Antigas” riservada a is mannus e a is pipius de su Comunu de Biddacidru.

 Is labboratórius funt a indonu.

1)      Labboratóriu “Is Pregadorias Antigas” po pipius

Su labboratóriu est riservau a 30 pipius de is ses finas a is dexi annus residentis in su Comunu de Biddacidru e previdit ses atóbius de tres oras donniunu, chi si faint dónnia lunis segundu su calendàriu chi sighit:

8 – 15 – 22 – 29  de Làmparas de is noioras finas a mesudí (9,00 – 12,00) in sa Mediateca – Centro @ll.in, in bia Parrocchia 190, in Biddacidru,

6 – 13 de Argiolas de is noioras finas a mesudí (9,00 – 12,00) in sa Mediateca – Centro @ll.in, in bia Parrocchia 190, in Biddacidru.

2)      Labboratóriu “Is Pregadorias Antigas” po mannus

Su labboratóriu est riservau a piciocus e mannus residentis in su Comunu de Biddacidru e previdit cincu atóbiu de tres oras donniunu, chi si faint dónnia lunis segundu su calendàriu chi sighit:

13 – 20 – 27  de is cuatru finas a is seti de a merí (16,00 – 19,00) de Argiolas in sa Mediateca – Centro @ll.in, in bia Parrocchia 190, in Biddacidru.

3 -24 de Austu de is cuatru finas a is seti de a merí (16,00 – 19,00) de Argiolas in sa Mediateca – Centro @ll.in, in bia Parrocchia 190, in Biddacidru.

Is módulus po s’iscritzioni a is labboratórius ddus agatais in s’Ufíciu de Língua Sarda in sa Mediateca-Centro @ll.in in servítziu su lunis e su mércuis de is otu e binti de a mengianu finas a sa una e binti (8,20 – 13,20), in su giassu de su Comunu de Biddacidru opuru iscriendi a:acaboni@provincia.mediocampidano.it.

Is módulus de iscritzioni andant intregaus a sa Mediateca de su Comunu de Biddacidru, bia Parroccchia 190.

Módulu de iscritzioni labboratóriu po pipius – ligóngiu de susu

Módulu de iscritzioni labboratóriu po mannus – ligóngiu de susu

 

ALICUOTA TASI – ANNU 2015

 26 de Maju de su 2015

Si fait isciri a is contribbuentis chi is alícuotas de aplicai po su càlculu de sa TASI po su 2015 – cun iscadéntzia de pagamentu in acontu su 16 de Làmparas e saldu su 16 de Meseidas – funt:

·         1 po milli po is immóbbilis diferentis de sa primu domu;

·         1 po milli po is immóbbilis umperaus cumenti a  primu domu e pertinéntzias relativas;

·         1 po milli po is areas fabbricàbbilis;

·         0,5 po milli po is fàbbricus de sartu umperaus po s’atividadi agricola ( in categoria D/10 opuru classificaus in àteras categorias catastalis cun annotatzioni de sartu).

·         Po su càlculu tocat a castiai in sa setzioni IUC (calculadori IMU TASI) – ligóngiu de susu.

·         PULITZIA  DE S’ARRETZA DE S’ÀCUA – ISTROBBUS POSSÍBBILIS

·         26 de Maju de su 2015

·         Si fait isciri a totu sa populatzioni chi in is dìs 3 – 10 – 17 – 24 de Làmparas 2015, in su territóriu comunali de Biddacidru, ddoi podit ai  istrobbus in s’ispartzidura, in sa cantidadi e in sa calidadi de s’àcua, ca Abbanoa depit puliri s’arretza ídrica. Is trabballus preventivus e periódicus funt necessàrius e indispensàbbilis po su funtzionamentu bonu de s’arretza e po garantiri sa calidadi de s’àcua donada a is umperadoris.

APROVU AVISU PÚBBLICU E DOMANDA PO SA FRUNIDURA DE COMPOSTIERAS DOMÉSTICAS

20 de Maju de su 2015

Si fait iscri chi, cun delibberatzioni de sa Giunta Comunali n°52 de su 28 de Abrili 2015, est istétiu aprovau s’avisu e su módulu de domanda po sa frunidura, in comodatu d’usu a is famíglias, de 150 compostieras. Su Vademecum (manuali), is maneras de intregadura e su módulu de autocertificatzioni,  si podint iscarrigai de is ligóngius de susu.

Documentus disponíbbilis –

-          Vademecum

-          Progetu po su compostàgiu domésticu – Allegau 1

-          Maneras de intregadura de is compostieras – Allegau 2

-          Módulu de domanda  po sa compostiera – Allegau 3

“INFORMAGIOVANI” DE BIDDACIDRU:  PARTIT S’INITZIATIVA “FORME D’ARTE A VILLACIDRO”

12 de Maju de su 2015

Su “Informagiovani” de Biddacidru, po promovi is formas artísticas diferentis de is gióvunus cirdesus e favoressi s’espressioni culturali de sa comunidadi, donat su via a s’initziativa “Forme d’Arte a Villacidro”.

Sa sea de Pratza Dessì n°12 istrangiat, unu mesi intreu, is òperas de is gióvunus cirdesus chi bolint ammostai is creatzionis insoru.

A oberri s’initziativa Anna Steri, musicista e iscritora, chi at decídiu de esponni is cincu romanzus suus “ L’ultima estate”, “L’incontro”, “Danny Arnott il sopravvissuto”, “Terra madre” e “Dulcis Jesu” e su primu CD cosa sua “Figlia di un Do maggiore”.

IMPARIS PO NO ISCARESCI

8 de Maju de su 2015

Sàbudu 9 de Maju a is ses e mesu de a merì (18,30), in sa palestra de s’iscola de mesania “Satta” in Biddacidru, s’assótziu “Cittadini nel mondo onlus”, imparis a su Comunu de Biddacidru, organizat s’acontéssiu “Insieme per non dimenticare” (Imparis po no iscaresci).

Po arregordai su de 70 anniversariu de  sa resa de Berlino e de s’acabbu de sa II Guerra Mondiali in Europa, arribbant de sa Bielorussia, is artistas de su “Complesso Emerito di Stato”, po unu cuncertu  arremonadori.

Unu momentu musicali po arremonai custu grandu acontéssiu e afortiai s’acàpiu chi de tempus ddoi at intra de sa comunidadi cirdesa e su pópulu bielorussu.

“PROGETTO GIOVANI”, PROTAGONISTAS IN SA COMUNIDADI

6 de Maju de su 2015

Gióbia 7 de Maju a is ses e mesu de a merì (18,30), in su “centro Giovani” (ex- maceddu), ddoi est s’acontéssiu “Aperitivo chiaccherato”, cun sa presentada de su “Progetto Giovani”, cuncursu de ideas e cuncursu símbolu.

Funt cumbidaus a pigai parti totus is piciocus e piciocheddus intra de is 14 e is 30 annus.

Comunu de Biddacidru – Plus Gùspini – Servítziu educativu Territoriali

ATI La Clessidra Cooperativa Sociale – Koinos Coop Sociale – Sinergie Plus.

 

 

 

 

“VILLACIDRO BOOKCROSSING” LÍBBURUS IN LIBBERTADI

30 de Abrili de su 2015

 

Is líbburus de sa libbreria nostra domandant de bessì e de viagiai, oberreus is portas de domu nostra e duus fatzaus partiri po unu viàgiu chi acabbat iscéti candu ant a ai ispaciau sa capacidadi de fai nasci bisus e fantasias”.

S'initziativa #villacidrobookcrossing – Libri in libertà!, cundividia de sa Bibblioteca !A. Gramsci e de sa Mediateca “F. De André”, pigat spuntu de s'idea chi at propostu su CIF de Biddacidru e cunsistit in su ponni in unus cantu logus de prus importu de sa bidda nostra libbrerias piticheddas #bookshelters, chi istrangiant líbburus e giornalis de sa comunidadi.

Un'azienda de artesanus cirdesus at a donai a sa comunidadi is primu cuatru libbrerias chi ant a essi collocadas in is pratzas e in is parcus chi sighint:

  1. Pratza Zampillu
  2. Parcu Dessì
  3. Parcu Marchionni
  4. Parcu de bia Farina

Is artesanus podint, cun su matessi ispiritu, fai àterus “ #bookshelters”, sighendi is pagus indicatzionis necessàrias:

  1. Is “#shelters” funt cobertus in sa parti de asuba, po amparai is líbburus de su tempus malu.
  2. In dónnia “#shelters” benit postu su nómini de s'artesanu o de s'artista artefici, acantu a s'iscrita  “#Villacidrobookcrossing – Libri in libertà!”.
  3. Dónnia cuntenidori est pretziu in duas partis, una dedicada a is líbburus po piciocheddus e s'àtera po is mannus

S'iscopu de s'initziativa, chi bolit fichiri iscolas, libbràius, assótzius e citadinus privaus, est su de sensibbilizai sa populatzioni a sa letura, cun unu sistema basau asuba de su sentidu cívicu, de s'iscàmbiu, s'ispàssiu e de sa cundivisioni aintru de totu sa comunidadi.

Is líbburus in parti ddus at a ponni s'Amministratzioni e donaus a totus is chi s'ant a intendi parti ativa de su progetu e chi bolint trasmiti cultura, in sintnia cun s'initziativa. Dónnia citadinu podit contribbuiri a sa manifestatzioni cun sa donatzioni de líbburus o giornalis, chi ant a bessiri patrimóniu de sa comunidadi!

S'inauguratzioni de “#Villacidrobookcrossing – Libri in libertà!” est prevista po su 16 de Maju 2015 in Pratza Zampillu a is cincu de a merì (17,00).

Chinisisiat est cumbidau a participai e chi bolit podit ligi calincunu passu pigau de su líbburu chi est po cundividi.

Letoris e letoras de totus is edadis, mancant apena duas cidas a sa parténtzia, fadeisì a innantis.

Siais partecipis e generosus!

Is régulas funt pagus e s'ispassiu meda:

  1. Su líbburu una borta lígiu, si depit lassai in unu de is #bookshelters”.
  2. Chi pigat unu líbburu ndi ponit a dispositzioni un'àteru, po non lassai is #bookshelters” buidus.
  3. Est prevista e incoragiada sa donatzioni de is giornalis. Una borta lígius, is #bookshelters” ant a bessiri  aprigu po issus puru, in manera tali chi totu sa comunidadi potzat essi agiornada dónnia dì.
  4. Su líbburu siat un'ocasioni de atóbiu e de iscàmbiu.

 

Chi su #Villacidrobookcrossing cumentzit!

 

“MONUMENTI APERTI” EDITZIONI 2015

30 de Abrili de su 2015

 

Sàbudu 16 de Maju e domigu 17 de Maju torrat “monumenti Aperti”.

Po duas dìs Biddacidru oberrit is portas de is monumentus principalis cosa sua e ponit in mostra is bellesas naturalis suas.

Ddoi at acontéssius culturalis numerosus.

Is monumentus si podint bisitai a gratis:

16 de Maju- sàbudu- de is cuatru e mesu finas a is otu de a merì (16,30 – 20,00)

17 de Maju – domigu – noioras de a mengianu finas a sa una (9,00- 13,00) e de is cuatru finas a is otu de a merì (16,00 – 20,00).

Puntu de informu/ Arricida in Pratza Lavatóiu e in Pratza Zampillu a incuru de grupu Scout “Madonna del Rosario”, “andalas” e “Oltre il sogno”.

Is bísitas funt suspéndias in is interis de sa missa. Est poderi de is responsàbbilis de sa manifestatzioni limitai o suspendi in calisiasiat momentu, po sa siguresa de is bisitadoris e de is benis, is bísitas a is is monumentus. In unus cantu giassus sa bísita podit essi partziali po arraxonis organizativas e de acudimentu.

 

Monumeti Aperti 2015 – programma cumpletu in su ligóngiu de susu

 

LUTU CITADINU PO SA TRAGÉDIA DE IS MIGRANTIS

21 de Abrili de su 2015

 

Sa Giunta Comunali at delibberau su lutu citadinu po sa dì de oi po sa tragédia de is migrantis acontéssia in su Canali de Sicília innói funt mortus prus de 700 prófugus.

 

ASSEMBREA ASUBA DE SA CENTRALI SOLARI TERMODINÀMICA

17 de Abrili de su 2015

 

Su 18 de Abrili a is ses de a merì (18,00), in s'Aula de su Consillu de su Municípiu, ddoi at un'assembrea informativa asuba de su progetu de cumpridura de sa mega centrali solari termodinàmica tzerriada “Gonnosfanadiga” chi interessat puru is territórius de is Comunus de Biddacidru e Gùspini:

Intervenint:

Laura Cadeddu – Geóloga

Gianni Mandis – Geólogu

Rosanna Foddi – Agrònoma

Graziano Bullegas – Italia Nostra

Mauro Gargiulo – WWF

 

Iscàrriga in susu sa locandina Pdf

 

ATÓBIU PÚBBLICU ASUBA DE SU COMPOSTÀGIU DOMÉSTICU

15 de Abrili de su 2015

 

In su cuntestu de s'apaltu de is servítzius de pulitzia urbana, s'Amministratzioni Comunali, Assessorau a s'Ambienti, bolit promovi su compostàgiu domésticu in un'atóbiu púbblicu chi ddoi at martis 21 de Abrili 2015, a is cincu de a merì (17,00), in s'aula de su Consillu de su Municípiu.

Totus is interessaus funt cumbidaus a participai.

Funt presentis:

  1. Su Síndigu – Teresa Pani
  2. S'Assessori a s'Ambienti – Adriano Muscas
  3. Is incarrigaus de sa dita chi gestiscit su servítziu de pulitzia urbana – Alessio fontana e Ing. Giulio Gardu
  4. Su Responsàbbili de su Servítziu Ténnicu de su comunu – Ing. Severino Porcedda

 

 


AUGÚRIUS DE PASCA  MANNA

2 de Abrili de su 2015

 

S'Amministratzioni Comunali de Biddacidru fait is mellus augúrius de Pasca Manna a totus is citadinus.

ISTROBBUS  POSSÍBBILIS IN S’ISPARTZIDURA DE S’ÀCUA POTÀBBILI

25 de Martzu de su 2015

 

Si fait isciri a sa populatzioni chi in is dìs 1 – 8 – 15 – 22 de Abrili 2015, in su territóriu comunali de Biddacidru, nci at a ai istrobbus in s’ispartzidura, in sa cantidadi e in sa calidadi de s’àcua, ca Abbanoa depit fai trabballus de pulitzia in s’arretza de s’àcua.

Is operatzionis preventivas e periódicas arremonadas funt necessàrias e indispensàbbilis po s’impreu giustu de is arretzas e po garantiri sa calidadi de s’àcua ispartzida a is impitadoris.

REPÚBBLICAS  PARTIGIANAS E ZONAS  LÍBBERAS CUN NUNZIA AUGERI

25 de Martzu de su 2015

 

Cenàbara 27 de Mrtzu a is ses de a merì (18,00) in sa sala cunvegnus intitulada a Antonio Gramsci in sa Bibblioteca Comunali, in bia Nazionale in Biddacidru, ddoi at un’acontéssiu chi pertocat is Repúbblicas partigianas e is zonas libberadas de su 1944 finas a su 1945.

S’atóbiu ddu organizat su Comunu de Biddacidru imparis  cun sa “Biblioteca Gramsciana ONLUS”, chi tenit cumenti a reladora Nunzia Augeri, autora de “L’estate della libertà. Republiche partigiane e zone libere” (S’istadi de sa libbertadi. Repúbblicas partigianas e zonas líbberas). Sa Augeri chistionat cun Luigi Manias e Daniele Sanna.

 

AVISU A IS FAMÍGLIAS – MENSA ISCOLÀSTICA

24 de Martzu de su 2015

 

In arricidura de is domandas chi ant presentau medas babbus e mammas e a s’iscopu de permitiri sa regularizatzioni de su pagamentu de sa mensa iscolàstica, si fait iscì chi s’incumentzu de su servítziu de prenotatzioni  pastus po médiu de sa tèssera magnetica previstu po su 23 de Martzu 2015, est crastnau a su 13 de Abrili 2015.

 

 

COMUNU DE BIDDACIDRU

PROVÍNTZIA DE SU CAMPIDANU DE MESU

ISTATUTU DE SU COMUNU DE BIDDACIDRU

(TESTU APROVAU CUN DELIBBERATZIONI DE SU CONSILLU COMUNALI N°50 DE SU 3 DE DONNIASANTU DE SU 2005)

 

Cabu I

IS PRINTZÍPIUS DE FUNDAMENTU

Art. 1

Su Comunu de Biddacidru

 

1.               Su Comunu de Biddacidru est un'enti locali autònomu, rapresentat sa comunidadi cosa sua, ndi curat is interessamentus e ndi promovit s'isvilupu, in s'arrispetu de sa Costitutzioni.

2.               Su Comunu tenit autonomia istatutària, normativa, organizativa e amministrativa, e puru autonomia impositiva e finantziària in su cuntestu de custu Istatutu, de is regulamentus e de is leis de coordinamentu de sa finàntzia púbblica.

3.               Su Comunu est titulari de funtzionis suas e de is chi ddi cunferrint is leis de s'Istadu e de sa Regioni, segundu su printzípiu de sussidiaredadi.

4.               Su Comunu cumprit is funtzionis suas po mesu puru de atividadis chi s'initziativa autònoma de is tzitadinus e is formatzionis sotzialis insoru podint esertzitai in manera adeguada.

 

Art.2

Su territóriu, sa sea, s'istemma

1. Su territóriu de su Comunu de Biddacidru s'isterrit po 183,55 km cuadraus e allacanat:

a) a Nord cun su Comunu de Sant'Éngiu;

b) a Sud cun is Comunus de Biddesorris, Biddaramosa e Igrésias;

c) a Est cun is Comunus de Serramanna e Seddori;

d) a Ovest cun is Comunus de Domusnoas e Gonnos;

2. Su territóriu est individuau in sa planimetria allegada.

3. Su Comunu s'impignat a apoderai sa toponomàstica de is logus chi arresurtat de sa traditzioni orali e iscrita.

4. Sa sea legali de su Comunu est istabbilida in su palatzu comunali in pratza Municípiu. In sa sea si reunint sa Giunta, su Consillu e is cumissionis, francu abbisóngius particularis e istraordinàrius.

5. Su Comunu tenit unu gonfaloni suu e un'istemma suu chi funt is chi s'impreant istoricamenti e chi funt determinaus cun decretu de su Presidenti de su Consillu de is Ministrus de su 15.05.1963, registrau in sa “Corte dei Conti” su 11.06.1963, Reg.n°3, Pres.tzia fog. N°230.

6. Descritzioni de s'istemma: “ Semitruncau pretziu: su primu de asullu a is arrocas a su naturali cimadas de birdi, carrigadas in su centru de una ispenduledda de prata rigada de asullu; su de duus de arrúbiu a su cabriolu de prata chi currit e atravessat su truncu de un'opinu a su naturali nudriau asuba campàngia de birdi; su de tres de prata a sa mata de agrúmini tirada de fundu de arreíxini, frutau de arrúbiu e grogu (7,7).  Ornamentus de foras de Comunu”.

7.  S'istemma afiancat sémpiri su nómini de su Comunu in is iscrituras intestadas, in su gonfaloni, in sa sea comunali tzentrali e in is ufítzius istacaus. S'impreu e sa riprodutzioni ddus disciplinat unu regulamentu apósitu.

8. Descritzioni de su gonfaloni: “Drapu biancu ornau in manera arrica de ricamus de prata e carrigau de s'istemma, descritu asuba, cun s'iscritzioni tzentrada in prata: Comunu de Biddacidru. Is partis in metallu e is cordonis funt a colori de prata. S'asta verticali est coberta de belludu biancu cun tatziteddas de prata postas a ispirali. In sa frécia est rapresentau s'istemma de su Comunu e in su cambu est intzídiu su nómini. Corbata e fetas cun su tricolori natzionali cun is fràngias de prata”.

9. In is tzerimónias e in àteras manifestatzionis púbblicas, in cumpangia de su Síndigu o de unu delegau suu, si podit ammostai su gonfaloni in su tràgiu autorizau cun su decretu arremonau asuba.

Art. 3

S'Albu Pretóriu

1.                  Su Síndigu, ascurtau su Segretàriu Generali, iscioberat in su palatzu tzívicu unu logu apósitu de destinai a albu pretóriu, po sa pubblicatzioni de is atus e de is avisus chi previdint sa lei, s'istatutu e is regulamentus.

2.                  Cun sa matessi protzedura s'iscioberant puru logus aintru de sa bidda po sa pubblicatzioni de is cunvocatzionis de su Consillu Comunali, de is delibberatzionis de su Consillu, de is regulamentus e de is ainas urbanísticas.

3.                  Sa pubblicatzioni depit garantiri s'atzessibbilidadi, sa cumpletesa e sa fatzilidadi de letura a totus is tzidadinus.

4.                  Serbendusì de unu missu comunali, su Segretàriu curat s'afisciadura de is atus arremonaus in  su comma 1° e ndi tzertíficat sa pubblicatzioni.

 

Art. 4

Is printzípius de atzioni, de libbertadi, de paridadi,

de solidariedadi, de giustítzia,

de assótziu

1.                  Su Comunu fundat s'atzioni sua asuba printzípius de libbertadi, de paridadi, de solidariedadi chi índicat sa Costitutzioni e cuncurrit a ndi tirai is istrobbus de órdini económicu e sotziali chi ndi limitant sa cumpridura.

  1. Trabballat po lograi s'isvilupu prenu e sa promotzioni de sa pessoni umana e sa cumpridura de sa famíglia, po médiu de sa participatzioni efetíva de totus is tzitadinus a s'organizatzioni política, económica, sotziali e culturali de sa Bidda e a s'atuatzioni cuncreta de sa paridadi de oportunidadis intra de ómini e fémmina.
  2. Agiudat s'assótziu líbberu de is tzitadinus e favoressit sa collabboratzioni e sa cooperatzioni cun totus is sugetus púbblicus e privaus; promovit sa partitzipatzioni de totus is fortzas sotzialis, económicas, e sindacalis a s'amministratzioni de sa bidda cun s'istitutzioni de consultas apósitas.
  3. Ispirat s'atzioni sua a is critérius e a is printzípius chi sighint:

a) promotzioni de sa funtzioni sotziali de s'initziativa económica, púbblica e privada, po médiu puru de s'isvilupu de formas de assótziu e de cooperatzioni;

b) agiudu a sa cumpridura de unu sistema globali e integrau de siguresa sotziali e de amparu ativu de sa pessoni,  cun is atividadis puru de is organizatzionis de voluntariau;

c) amparu e isvilupu de is risorsas naturalis, ambientalis, istóricas, archeológicas, culturalis, de is traditzionis popularis, de su patrimóniu linguísticu e de sa toponomàstica traditzionali chi ddoi funt in su territóriu, po garantiri a totus una mellus calidadi de sa vida;

d) inserta e integratzioni de is tzitadinus istràngius residentis mancai in manera temporanea  in su territóriu de su Comunu.

e) amparu e salvaguardia de sa saludi de is tzitadinus.

  1.  Su Comunu garantiscit a sa língua sarda sa matessi dignidadi prevista po sa língua italiana. In is riunionis de su Consillu Comunali, de sa Giunta e de is commissionis est garantiu s'impreu líbberu de sa língua sarda. Est obbligatóriu po chi s'espressat in língua sarda, furriai in língua italiana,   mancai in sintesi, candu si ddu domandat unu bastat chi siat de is cumponentis de s'assembrea.
  2. Òperat in su cuadru de s'amparu e de s'avaloramentu de s'autonomia de sa Sardigna e in sa prospetiva de s'unidadi de is pópulus d'Europa.
  3. In su cuntestu de is cumpeténtzias chi ddi assignant is leis istatalis e regionalis e is normas comunitàrias, su Comunu circat, pruscatotu, sa collabboratzioni e sa cooperatzioni cun is àterus entis púbblicus e privaus chi òperant in su territóriu.

 

Art. 5

Sa vocatzioni internatzionali

 

1.                  Su Comunu trabballat po lograi is finis e is printzípius de sa Carta Europea de is Libbertadis Localis, chi su Consillu de is Comunus d'Europa e sa Carta Europea de is Autonomias Localis ant aprovau in Versailles in su 1953 e chi su Consillu d'Europa at adotau in su 1985.

2.                  Su Comunu partitzipat a sa formatzioni de una cultura europeista chi agiudat, po médiu puru de sa collabboratzioni intra de is comunidadis localis, a cumpriri s'Europa de is pópulus.

3.                  A cust'iscopu òperat po favoressi is protzessus de integratzioni políticu-istitutzionali de sa Comunidadi Europea, po médiu puru de formas de cooperatzioni, de iscàmbiu e de gemellàgiu (goparàgiu) cun àterus entis territórialis e istitutzionalis, in is maneras chi istabbiliscit unu regulamentu apósitu.

  1. Su Comunu, in prus, promovit e favoressit initziativas de connoscéntzia, cooperatzioni, iscàmbiu e gemellàgiu (goparàgiu), puru cun istitutzionis e entis localis de Istadus extra-comunitàrius, in is maneras chi istabbiliscitt unu regulamentu apósitu.

 

Art. 6

Su Consillu de is piciocheddus

1.                  Su Comunu, a s'iscopu de favoressi sa partitzipatzioni de is piciocheddus a sa vida comuna, podit promovi s'eletzioni de su Consillu Comunali de is piciocheddus.

2.                  Su Consillu Comunali de is piciocheddus tenit su cómpitu de delibberai, in manera consultiva, in is matérias chi sighint: política ambientali, isport, tempus líbberu, giogus, raportus cun is assótzius, cultura e ispetàculu, istrutzioni púbblica, assisténtzia a is gióvunus e a is antzianus, raportus cun s'UNICEF.

3.                  Is maneras de eletzioni e su funtzionamentu de su Consillu Comunali de is piciocheddus funt istabbilidas cun regulamentu apósitu.

 

CABU 2

Is funtzionis, is cómpitus e sa programmatzioni

 

Art. 7

Is funtzionis de su Comunu

 

1.                 Ispetant a su Comunu totus is funtzionis amministrativas chi riguardant sa populatzioni e su territóriu comunali, pruscatotu in is setoris orgànicus de is servítzius sotzialis, de s'assentu e umperu de su territóriu e de s'isvilupu económicu, salvu su chi sa lei istatali o regionali  atribbuit in manera crara a àterus sugetus, segundu is cumpeténtzias de donniunu.

2.                 Su Comunu, po s'esertzítziu de is funtzionis in cuntestus territorialis adeguaus, atuat formas de cooperatzioni cun àterus Comunus, cun sa Comunidadi Montana, cun sa Províntzia e cun àterus entis istrumentalis.

3.                 In particulari, su Comunu cumprit is funtzionis amministrativas chi sighint:

a)  pianificatzioni territoriali de s'area comunali;

b) viabbilidadi, tràficu e trasportus;

c) amparu e avaloramentu de is benis culturalis, de s'ambienti e de su patrimóniu comunali;

d) defensa de sa terra, amparu idrogeológicu, amparu e avaloramentu de is risorsas idricas, isperdidura de s'àliga;

e) arragota e ispartzidura de s àcua e avaloramentu de is fontis energéticas;

f) servítzius po s'isvilupu económicu e s'ispartzidura cummertziali;

g) servítzius in su setori sotziali, in sa sanidadi, in s'iscola, in sa formatzioni professionali e àterus servítzius urbanus;

h) àterus servítzius chi riguardant sa cura de is interessamentus de sa comunidadi  e s'isvilupu económicu e tzivili;

i) politzia amministrativa po totus is funtzionis de cumpeténtzia comunali.

4.                 A su Comunu cumpetint is pagamentas, is impostas, is tarifas e is contribbutus asuba de is servítzius  chi ddi funt atribbuius.

 

Art. 8

Is servítzius púbblicus localis

1.                  Su Comunu in su cuntestu de is cumpeténtzias suas providit a sa gestioni de is servítzius púbblicus localis, chi tenint po ogetu sa produtzioni de benis e atividadis chi punnant a cumpriri iscopus sotzialis e a promovi s'isvilupu económicu e tzivili de sa comunidadi locali.

2.                  Su Comunu gestiscit is servítzius púbblicus localis in is formas giurídicas difinidas: in economia; in cuntzessioni a tertzus; po médiu de aziendas ispetzialis; po médiu de istitutzionis; po médiu de sotziedadis po atzionis cun capitali púbblicu pruscatotu locali; po médiu de cooperativas e sotziedadis de cunsórtzius; po médiu de àteras  tipologias chi sa lei determinat.

 

Art. 9

Is cómpitus de su Comunu po is servítziu de cumpeténtzia istatali

  1. Su Comunu gestiscit is servítzius eletoralis, de anàgrafi, de istadu tzivili, de istatística e de leva militari.
  2. A  custus cómpitus subraintendit su Síndigu cumenti a ufitziali de guvernu.
  3. Su Comunu fait àteras funtzionis amministrativas po  servítzius de cumpeténtzia istatali si casu mai si ddas intregant cun lei chi regulat puru is raportus finantzàrius, assigurendi is risorsas netzessàrias.
  4. Cumpetint a su Comunu puru cómpitus de politzia giuditziària e de siguresa púbblica, chi funt cumprius in manera organizada po médiu de personali ispetzializau. A custus cómpitus subraintendit su Síndigu.

 

Art. 10

Sa programmatzioni

1.                  Su Comunu assumit sa política de programmatzioni coordinada cun sa Regioni, cun sa Províntzia, cun is àterus entis territorialis cumenti a métodu ordinadori de s'atividadi sua; cumprit su programma de isvilupu económicu e is pianus de interventu de setori in su territóriu suu.

2.                  Cuncurrit a sa determinatzioni de is obbietivus  cunténnius in is pianus e in is programmas de is entis chi índicat su primu comma, e providit, po cantu est de cumpeténtzia sua, a sa pretzisada e a sa cumpridura insoru.

3.                  Realizat sa programmatzioni cun sa partitzipatzioni democràtica de is tzitadinus, de is assótzius e de is organizatzionis sindacalis de is trabballadoris e de is datoris de trabballu.

4.                 Su Comunu òperat cun sa política de su bilantzu e cun is risorsas finantziàrias in modu de aplicai is printzípius e is arregulas de sa programmatzioni.

 

CABU 3

Is formas de partetzipatzioni populari

 

Art. 11

S'avaloramentu e sa promotzioni de sa partetzipatzioni

1.                  Su Comunu favoressit sa partetzipatzioni de is tzitadinus a sa vida política e amministrativa locali po mesu de formas assotziativas líbberas chi punnant a iscopus sotzialis, culturalis, isportivus o, cumentisisiat, de interessamentu colletivu. Su Comunu istituit un'Albu innói sipodint iscrì is assótzius a is calis podit intregai cómpitus de interessamentu púbblicu.

2.                  S'avaloramentu de is formas assotziativas líbberas si podit fai po médiu de sa cuntzessioni de contribbutus finalizaus, sa cuntzessioni in usu, in is formas de Lei, de localis e de terrenus de propriedadi de su Comunu e ispartzinendi servítzius, chi punnant a favoressi s'isvilupu sotziali, económicu, políticu e culturali de sa comunidadi.

3.                  S'amparu e s'isvilupu de su patrimóniu linguísticu sardu ddu sustenit su Comunu cun agiudus e contribbutus finantziàrius a favori de is assótzius chi faint atividadis chi punnant a custu iscopu.

4.                  Is assótzius líbberus, po podi gosai de s'agiudu de su Comunu, depint fai rechesta presentendi, a parti sa domanda, s'istatutu e s'atu costitutivu puru, in is formas e in is maneras chi istabbilit su regulamentu apósitu.

5.                  Sa Giunta munitzipali determinat s'agiudu de cuntzediri in  basi a is indirítzus generalis chi istabbilit su Consillu.

 

Art. 12

Is organismus de sa partetzipatzioni

1.                  Su Comunu pigat initziativas autònomas chi punnant a promovi organismus de partetzipatzioni de is tzitadinus, cumenti a consultas, comitatus e forum po sa gestioni de una série de probblemas chi unu regulamentu apósitu determina e elencat  in manera categórica.

2.                  Talis organismus benint formaus pighendi cumenti a basi s'interessamentu diretu de is professionis, de is artis e de is mestieris, de is assótzius, de is sindacaus de is trabballadoris e de is datoris de trabballu  mentras is comitatus de bixinau eventualis  si costituiscint cumenti a assótzius sintzillus e voluntàrius de tzitadinus acapiaus de is matessis interessamentus de bixinau.

3.                  Totus is organismus de partetzipatzioni populari esertzitant funtzionis consultivas e propositivas asuba de chistionis de grandu interessamentu generali.

4.                  Totus custus organismus  donant su parri insoru po iscritu e aintru de is términis chi fissat su regulamentu apósitu.

 

Art. 13

S'amparu de situatzionis giurídicas sugetivas

  1. Su Responsàbbili de su Protzedimentu relativu a s'adotzioni de atus chi cunditzionant sitatzionis giurídicas sugetivas informat  luegus is interessaus, po mesu puru de manifestus notifichendiddi su resúmini essentziali de su contenutu de is detzisionis de pigai.
  2. S'informatzioni est obbligatória in matéria de pianus urbanísticus o de fabbricatzioni, de òperas púbblicas, de usu de sutaterra, de pianus cummertzialis, in matéria de ambienti e dónnia àtera òpera de interessamentu púbblicu.
  3. Is interessaus podint intervenni in s'interis de su protzedimentu motivendi, cun atu iscritu, is valutatzionis,  is cunsiderus e is propostas insoru.
  4. Su Responsàbbili de su Protzedimentu torrat a portai su contenutu de is interventus de is interessaus in is atus diretus a sa formatzioni de sa detzisioni de s'Amministratzioni.
  5. Is tzitadinus chi po calisisiat arraxoni  credint de essi istétius  fertus in is deretus e interessamentus insoru podint recurriri in is formas de lei e cunformas  a sa  lei.
  6. Su protzedimentu amministrativu ddu regulat sa Lei 07 de Austu 1990 n°241 e su Regulamentu Comunali.

 

Art. 14

S'initziativa e is propostas popularis

1.                  Is tzitadinus, siat a solus siat assotziaus, chi tenint deretu a su votu po s'eletzioni de sa Camera de is Deputaus, tenint sa facultadi de presentai a is organus cumpetentis de su Comunu, istàntzias, domandas e propostas chi punnant a promovi interventus po su mellus amparu de interessamentus colletivus.

2.                  S'òrganu cumpetenti a pigai su provedimentu domandau protzedit a s'esàmini de is domandas e de is propostas aintru de is términis chi su regulamentu apósitu fissat, donendi comunicatzioni de su risurtau a su presentadori aintru de su matessi términi. Tali términi podit essi ritardau iscéti po sa domanda de acraramentus, de parris o de àterus atus istrutórius chi podit fait su Responsàbbili de su Protzedimentu ma, cumentisisiat, depit essi comunicau po iscritu a su matessi presentadori.

 

Art. 15

Is istàntzias, is propostas e is domandas

 

1.                 Is istàntzias, is propostas e is domandas, siat a solas siat assotziadas, depint essi indiritzadas a su Síndigu e depint essi craras e de cumpeténtzia de unu de is òrganus de su Comunu.

2.                 Totus, in prus, depint essi sutascritas in manera regulari bàsciu sa pena de no essi ammítias.

3.                 A is istàntzias, propostas e domandas ammítias, esaminadas e detzidias  donat arraspusta iscrita su Síndigu, o su Segretàriu, o s'Assessori o su responsàbbili de su Servítziu in basi a is cumpeténtzias relativas, aintru de is términis chi previdit su Regulamentu apósitu.

4.                 Is arrespustas funt comunicadas a is interessaus po lítera, cun notífica a su primu de is firmatàrius.

5.                 Sa Giunta detzidit si is istàntzias, is propostas e is domandas depint o podint cumportai detzisionis e delibberatzionis apósitas  de sa Giunta o de su Consillu, in su cuntestu de is cumpeténtzias relativas. Si is detzisionis funt de cumpeténtzia de su Síndigu o de su Segretàriu o de su responsàbbili de su Servítziu, custus providint a ddas notificai a is interessaus cun is maneras indicadas in su 3° e 4° comma.

6.                 Cópia de is istàntzias, de is propostas, de is domandas e de is arrespustas, de is delibberatzionis e de is líteras  relativas est allogada in s'archíviu segundu is dispositzionis de lei.

 

 

Art. 16

Su referendum consultivu

1.                  Su referendun consultivu ddu proclamat su Síndigu, fata chi siat sa delibberatzioni de sa Giunta chi determinat s'ònere a càrrigu de su bilantzu comunali po sa consultatzioni referendària:

a) candu est dispostu cun delibberatzioni de su Consillu Comunali pigada cun votu favorevoli de sa maioria de is cunsilleris assignaus a su Comunu, inclúdiu su Síndigu;

b) candu ddu domandat cun istàntzia sutascrita assumancu su 20% de is eletoris;

7.                  Non podint essi sutapostus a referendum:

a) s'Istatutu, su Regulamentu de su Consillu Comunali; su Regulamentu de contabbilidadi;

b) su bilantzu preventivu e su rendicontu de sa gestioni;

c) is provedimentus chi pertocant tribbutus e tarifas;

d) is atus relativus a su personali de su Comunu, inclúdiu su regulamentu de s'ordinamentu de is ufítzius e de is servítzius;

e) is atus chi pertocant s'amparu de is deretus de is minorias.

8.                  Su referendum locali non si podit fai impari cun àteras operatzionis de votu.

9.                  Sa proposta de referendum est presentada a su Síndigu chi, aintru de sessanta dìs, dda sutaponit a sa Giunta; custa detzidit de sa regularidadi de sa cumpositzioni de su cumitau promotori, de s'ogetu  e de is firmas autenticadas cumenti cunditzioni di ammissibbilidadi.

10.              Su Consillu Comunali  apustis de sa detzisioni de regularidade de sa domanda, delíbberat, po  pigada de atu, sa cunvocatzioni de su referendum.

11.              Su regulamentu comunali asuba de sa partetzipatzioni determinat is rechisitus de ammissibbilidadi, su tempus, is maneras, is cunditzionis de ammissioni e de cumpridura de su referendum e sa disciplina de sa consultatzioni referendària. Si benint propostus prus referendum, custus  funt riunius in un'única torrada annuali.

12.              Sa consultatzioni referendària si fait non prus de una borta a s'annu e podit pertocai unu o prus domandas.

13.              Po is protzeduras de votu si sighint cussas relativas a is referendum chi previdit sa Costitutzioni, segundu cantu istabbiliscit su regulamentu  ispetzíficu.

14.              A s'óneri finantziàriu po is ispesas chi cumportat su referendum s'Amministratzioni fait fronti cun intradas suas, de ponni in unu capítulu apósitu de su bilantzu de previsioni.

15.              Su Síndigu podit promovi, fata chi siat sa delibberatzioni de sa Giunta, referendum consultivus asuba de is mesuras de pigai po su tràficu o asuba de is pianus de tràficu de pigai, o chi su Comunu at giai pigau, cunformas a s'art.17, cuintu comma, de sa Lei 23 Martzu 2001, n°93.

16.              Aintru de sessanta dìs de sa proclamatzioni de su resurtau de sa consultatzioni referendària chi at fatu su Síndigu, su Consillu Comunali ndi pigat atu e pigat is delibberatzionis motivadas  de atuatzioni  o de no atuatzioni.

 

Art. 17

Su defensori tzívicu

1.                  Po sa miglioria e s'eficatzidadi prus manna de s'atzioni amministrativa de s'Enti, su Consillu Comunali podit nominai su defensori tzívicu chi cumprit unu ruolu de garanti de s'impartzialidadi e de s'andamentu bonu de s'amministratzioni comunali, sinnalendi po iscritu a su Síndigu, de initziativa cosa sua puru, is abbusus, is disfuntzionis, is mancàntzias e is retardus.

2.                Aintru de sessanta dìs su Síndigu arraspundit a is domandas de su defensori tzívicu.

3.                Su defensori tzívicu ddu nominat su Consillu Comunali a maioria de is 2/3  de is cumponentis cosa sua, e a iscrutíniu segretu. Non si podit torrai a eligi.

4.                Durat in càrriga su matessi tempus de su Consillu Comunali chi dd' at elígiu e, innantis de assúmiri is funtzionis suas, fait giura a innantis de su Síndigu de cumpriri su mandau arritziu in s'interessamentu de is tzitadinus e in su rispetu de sa Lei.

5.                Podit essi nominau Defensori Tzívicu chinisisiat ammostat de tenni esperiéntzia professionali adeguada e cumpeténtzias  giurídicas  e amministrativas particularis, risultat iscritu  in is listas eletoralis de unu Comunu, tenit is rechisitus de elegibbilidadi a sa càrriga de consilleri comunali, e tenit corantacincu (45) annus.

6.                Non podit essi nominau defensori tzívicu:

a) chini s'agatat in cunditzionis de inelegibbilidadi a sa càrriga de consilleri comunali;

b) is parlamentaris, is consilleris regionalis, provintzialis e comunalis, is membrus de cunsórtzius intra de Comunus e de is Comunidadis Montanas, is ministrus de cultu, is membrus de partidus políticus;

c) is dipendentis de su Comunu, is amministradoris e is dipendentis de personas giurídicas, entis, istitutus e aziendas chi tenint raportus cuntratualis cun s'amministratzioni comunali o chi arritzint de issa, a calisisiat títulu, finantziamentus o contribbutus;

d) chi frunit prestatzionis de trabballu autònomo a s'amministratzioni comunali;

e) chini est cojau o tenit raportus de parentela o  afinidadi aintru de su cuartu gradu cun amministradoris de su Comunu, cun is dipendentis suus o cun su Segretàriu Comunali.

7.                 Su defensori tzívicu decadit po is matessis càusas chi faint perdi sa calidadi de consilleri o poita lompit una de is càusas de inelegibbilidadi indicadas in su comma de innantis. Su defensori tzívicu podit essi revocau de s'incàrrigu cun delibberatzioni motivada de su Consillu po incumpridura a is doveris d'ufítziu.

8.                Si su defensori tzívicu presentat dimissionis chi non si podint revocai, aintru de corantacincu (45) dìs de sa pigada de atu, su Consillu comunali protzedit a sa sostitutzioni sua.

9.                 Su defensori tzívicu  si serbit de  is mezus e de su personali chi ddi assignat sa Giunta munitzipali e chi previdit su regulamentu.  Intrat in is ufítzius e castiat is atus in manera de no istrobbai su funtzionamentu de is ufítzius, fata chi siat domanda iscrita de mandai a su responsàbbili de s'ufítziu. Cópia de sa domanda est mandada po connoscéntzia a su Segretàriu Generali. Su defensori tzívicu est obbligau a respetai su segretu de ufítziu.

10.             A su defensori tzívicu ,  in su momentu de sa nómina, est assignada  un'indennidadi mesili chi su Consillu Comunali determinat dónnia annu.

11.             S'ufítziu de su defensori  tzívicu tenit sa sea in is localis chi s'Amministratzioni Comunali at postu a dispositzioni.

 

Art. 18

Deretu de atzessu e de informatzioni

1.                  Su Comunu adotat dónnia atzioni e dónnia initziativa chi est útili a favoressi s'ispraxidura prus manna de s'atividadi amministrativa.

2.                 Totus is atus de s'Amministratzioni Comunali funt púbblicus, francu cussus riservaus po indicatzioni crara de lei o po efetu de una decraratzioni momentànea e motivada de su Síndigu chi ndi proibit s'ammostadura, cunforma a cantu previdit su regulamentu apósitu, giai chi s'ispraxidura insoru podit noxi su deretu a sa riservadesa de is personas, de is grupus o de is impresas.

3.                 Su regulamentu assegurat a is tzitadinus, síngulus e assotziaus, su deretu de atzessu a is atus fatu chi siat su pagamentu de is costus iscéti; indivíduat, cun normas de organizatzioni de is ufítzius e de is servítzius, is responsàbbilis de is protzedimentus; detat is normas netzessàrias po assegurai a is tzitadinus s'informatzioni asuba de s'istadu de is atus e de is protzeduras e asuba de s'órdini de esàmini de domandas, progetus e provedimentus chi cumentisisiat ddis riguardant; assegura su deretu de is tzitadinus de atzedi, in generali, a is informatzionis chi tenit s'Amministratzioni.

 

CABU 4

Is atribbutzionis de is organus

Art. 19

Is organus de su Comunu

  1. Funt organus de su Comunu su Consillu, sa Giunta, su Síndigu.
  2. Su Consillu est s'organu de indiritzu e de controllu políticu-amministrativu.

3.                 Sa Giunta agiudat su Síndigu in sa gestioni amministrativa de su Comunu e fait atividadis propositivas e de impéllida in is cunfrontus de su Consillu.

4.                  Su Síndigu est òrganu monocràticu. Issu est su rapresentanti legali de s'Enti. Subrintendit a su funtzionamentu de is servítzius e de is ufítzius comunalis, est a cabu de su Consillu e de sa Giunta, est ufitziali de guvernu po is servítzius de cumpeténtzia de s'istadu, est autoridadi sanitària locali.

Art. 20

Su Consillu Comunali

 

1.                 S'eletzioni de su Consillu Comunali, sa durada de sa càrriga, su númunu de is consilleris e sa positzioni giurídica ddas regulat sa Lei.

2.                 Su Consillu Comunali durat in càrriga finas a s'eletzioni de su nou, limitendusì, apustis de sa pubblicatzioni de su decretu de cunvocatzioni  de is comítzius eletoralis, a adotai is atus urgentis e improrogàbbilis.

3.                 Is sétzidas de su Consillu Comunali e de is Commissionis funt púbblicas, francu is casus chi previdit su regulamentu.

4.                Si ddu domandat unu cuintu de is Consilleris, su Síndigu depit riunì su Consillu in unu términi non superiori a is 20 dìs, insertendi is chistionis in s'órdini de sa dì.

5.                  In su Consillu Comunali su ségiu chi in is cincu annus abarrat vacanti po calisisiat càusa, mancai lómpia apustis, est atribbuiu a su candidau chi in sa matessi lista sighit  luegus s'últimu eletu.

 

Art. 21

Aposentamentu de su Consillu Comunali

1.                  Sa primu sétzida de su Consillu Comunali dda cunvocat su Síndigu, aintru su términi obbligatóriu de dexi dìs de sa proclamatzioni de is eletus e si depit fai aintru de dexi dìs de sa cunvocatzioni.

  1. In sa primu sétzida su Consillu depit providiri in s'órdini chi sighit:

a) a sa cunvàlida de is eletus;

b) a sa giura de su Síndigu;

c) a sa comunicatzioni, de parti de su Síndigu, de is cumponentis de sa Giunta Comunali.

 

 

Art. 22

Is commissionis de su Consillu

 

  1. Su Consillu Comunali podit istituiri in se e totu commissionis fissas, temporàneas o ispetzialis.
  2. Sa delíbbera chi istituiscit dónnia commissioni ndi depit disciplinai sa cumpositzioni, is cómpitus e sa durada.
  3. Is commissionis podint cumbidai a pigai parti a is trabballus suus su Síndigu, is Assessoris, is organismus assotziativus, is funtzionàrius e is rapresentantis de fortzas sotzialis, políticas e económicas, po s'esàmini de argumentus ispetzificus.
  4. Is commissionis depint intendi su Síndigu e is Assessoris dónnia borta chi custus ddu domandant.
  5. Po garantiri sa partitzipatzioni de is minorias, a s'opositzioni est atribbuida sa presidéntzia de is commissionis consiliaris de controllu, si custas funt istituidas.
  6. Su Consillu comunali, a maioria assoluta de is membrus suus, podit istituiri a s'internu cosa sua commissionis de averiguamentu asuba s'atividadi de s'Amministratzioni. Is poderis, sa cumpositzioni e su funtzionamentu de is commissionis subranadas ddus disciplinant de borta in borta is matessi delíbberas chi ddus ant istituius.
  7. A is cumponentis de is commissionis cumpetint is indennidadis chi previdit sa lei. ( Càstia ita narat su regulamentu de su Consillu!).

 

Art. 23

Sa responsàbbilidadi de is amministradoris

1.                  Po is amministradoris, po su personali de su Comunu e de is istitutzionis si osservant is dispositzionis vigéntis in matéria de responsàbbilidadi de is impiegaus tzivilis de s'Istadu.

2.                 S'atzioni de responsàbbilidadi patrimoniali si prescrit in cincu annus de candu est commítiu su fatu. Sa responsabbilidadi de is amministradoris comunalis e de cussus de is istitutzionis, e de is dipendentis puru, est personali e non s'isterrit a is eredeus, salvu chi ddoi siat istétiu arricamentu illétzitu de su dante càusa e duncas arricamentu illétzitu de is eredeus e totu.

 

Art. 24

Is cumpeténtzias de su Consillu

  1. Su Consillu est s'òrganu de indiritzu e de controllu políticu-amministrativu.

2.                  Su Consillu tenit cumpeténtzia limitadamenti a is atus fundamentalis chi sighint:

a) istatutus de s'Enti e de is aziendas ispetzialis, regulamentus, salva s'ipotesi ex art.48 comma 3, critérius generalis in materia de ordinamentu de is ufítzius e de is servítzius;

b) programmas, relatas de revisioni e programmàticas, pianus finantziàrius, programmas triennalis de is trabballus púbblicus, bilantzus annualis e pluriennalis e variatzionis relativas, rendicontus, pianus territorialis e urbanísticus, programmas annualis e pluriennalis po s'atuatzioni insoru, dérogas eventualis a cussus, parris de donai po cussas matérias;

c) cunventzionis intra de is Comunus e intra de is Comunus e sa Províntzia; costitutzioni e mudamentu de formas assotziativas;

d) istitutzioni, cómpitus e normas de su funtzionamentu de is organismus de detzentramentu e de partitzipatzioni;

e) assuntzioni direta de is servítzius púbblicus; costitutzioni de istitutzionis e de aziendas ispetzialis; cuntzessioni de is servítzius púbblicus; partitzipatzioni de s'Enti locali a sotziedadis de capitalis; intregadura de atividadis o servítzius po mesu de cunventzioni;

f) istitutzioni e ordinamentu de is tribbutus, cun esclusioni de sa determinatzioni de is alícuotas relativas; disciplina generali de is tarifas po su gosu de is benis e de is servítzius;

g) indiritzus chi depint osservai is aziendas púbblicas e is entis dipendentis, finantziadas o sutapostas a vigilàntzia;

h) pigada de is mutuus non previstus in manera crara in atus fundamentalis de su Consillu Comunali e emissioni de is prestidus obbligatórius;

i) ispesas chi impignant is bilantzus po is esertzítzius imbenientis, esclúdias is relativas a is afitus de immóbbilis e a sa somministratzioni e frunidura de benis e de servítzius a caràtiri fitianu;

j) comporas e alienatzionis immobbiliaris, cuncàmbias relativas, apaltus e cuntzessionis chi non funt previstas in manera crara in atus fundamentalis de su Consillu o chi non ndi costituint esecutzioni pura e chi, cumentisisiat, non faint parti de s'amministratzioni ordinària de funtzionis e servítzius de cumpeténtzia de sa Giunta, de su Segretàriu o de àterus funtzionàrius;

k) definitzioni de is indiritzus po sa nómina de is rapresentantis de su Comunu ande entis, aziendas e istitutzionis,  e puru de is rapresentantis de su Consillu  ande entis, aziendas e istitutzionis, chi sa lei ddi  riservat  in manera crara.

3.                  Su Consillu partitzipat puru a sa difinitzioni, a s'adeguamentue a s'averiguamentu periódicu de s'atuatzioni de is lineas programmàticas de parti de su Síndigu e de dónnia Assessori;

4.                 Is delibberatzionis in órdini a is argumentus de custu artículu non ddas podint  pigai de pressi àterus òrganus de su Comunu, a parti cussas relativas a is variatzionis de bilantzu chi pigat sa Giunta, de sutaponni a aprovatzioni de su Consillu in is sessanta dìs chi sighint, bàsciu sa pena de sa decadéntzia.

 

 

Art. 25

Diritus e doveris de is Consilleris

1.                  Sa positzioni giurídica e su status de is Consilleris ddus arregulat sa lei. Issus rapresentant sa comunidadi intera e a custa depint arrespundi in manera costanti.

2.                 Is Consilleris brintant in càrriga a s'atu de sa proclamatzioni de is eletus opuru in casu de càmbiu, non apena su Consillu pigat sa delibberatzioni relativa.

3.                 Is dimissionis de sa càrriga de Consilleri funt indiritzadas a su Consillu, funt eficatzis de sa data de sa presentada insoru a su protocollu comunali, non si podint revocai e non tenint abbisóngiu de pigada de atu. Su Consillu Comunali, aintru e non prus a tradu de dexi dìs, depit providì a su càmbiu de is Consilleris dimissionàrius.

4.                 Is Consilleris Comunalis tenint diritu de initziativa asuba de dónnia chistioni sutaposta a sa delibberatzioni de su Consillu. Tenint diritu puru de domandai sa  cunvocatzioni de su Consillu segundu is maneras chi narat s'art.20 comma 4, e de presentai interrogatzionis, propostas e interpellàntzias.

5.                 Is consilleris comunalis tenint diritu de otenni de is ufítzius de su Comunu, e puru de is aziendas ed entis dipendentis, totu is nobas e is informatzionis chi tenint, útilis a sa cumpridura de su mandau insoru. Issus funt obbligaus a su segretu in is casus chi sa lei determinat in manera ispetzífica.

6.                 Su Síndigu o is Assessoris chi issu delegat arraspundint, aintru de trinta dìs, a is interrogatzionis e a dónnia àtera domanda de sindacau ispetivu, chi presentant is consilleris. Is maneras de presentada de custus atus e de is arraspustas relativas ddas disciplinat s'Istatutu e  su regulamentu consiliari.

7.                 Is Consilleris Comunalis chi, chentza motivu giustificau, mancant a is reunionis de  su consillu po tres sétzidas de sighiu, opuru po otu sétzidas complessivas in s'arcu de 12 mesis, funt decraraus decadius cun delibberatzioni de su consillu e totu. A custu riguardu su Síndigu, apustis de s'averiguamentu de is asséntzias maturadas de su Consilleri interessau, providit cun comunicatzioni iscrita, segundu s'art. 7 de sa lei 7 de Austu 1990 n°241, a ddi comunicai s'incumentzu de su protzedimentu amministrativu. Su Consilleri tenit facultadi de fai balli is càusas giustificativas de is asséntzias suas, e puru de fruniri a su Síndigu documentus probatórius eventualis aintru de su términi indicau in sa comunicatzioni chi, cumentisisiat, non podit essi inferiori a binti dìs, chi decurrint de sa data de arricidura de cussa e totu. Iscadiu cust'úrtimu términi, su Consillu, esaminadas e valutadas is giustificatzionis eventualis, chi presentat su Consilleri, delibberat in méritu a sa decadéntzia de cussu.

 

Art. 26

Is grupus consiliaris

1.                  Is consilleris si costituint in grupus segundu su chi previdit su regulamentu de su Consillu, nominendi unu cabugrupu e donendindi comunicatzioni a su segretàriu generali. Si non si esértzitat custa facultadi o in is moras de sa desinnatzioni, is cabugrupus funt individuaus intra de is Consilleris, chi non formant sa Giunta, chi ant tentu su númunu prus mannu de votus po dónnia lista o, si sa lista est única, po dónnia ischieramentu políticu.

2.                 Su Consilleri chi est s'únicu eletu de una lista podit formai grupu a solu, pighendi totus is prerogativas e is funtzionis de is presidentis de grupu opuru podit andai in un'àteru grupu.

3.                 Est istituida sa cunferéntzia de is cabugrupus; su regulamentu ndi disciplinat su funtzionamentu e is atribbutzionis relativas.

4.                 In su matessi momentu de s'afissioni in s'albu pretório, is delibberatzionis chi pigat sa Giunta o su Consillu funt trasmítias a is cabugrupus consiliaris.

 

Art. 27

Su Síndigu

1.                  Su Síndigu ddu eligint  diretamenti is tzitadinus segundu is maneras chi istabbiliscit sa lei, chi disciplinat puru is casus de inelegibbilidadi, de incumpatibbilidadi, s'istadu giurídicu e is càusas de tzessatzioni de càrriga.

2.                 Issu prestat giura ananti a su Consillu Comunali in sa primu reunioni apustis de sa cumbàlida de s'eletzioni sua e de is consilleris, pronuntziendi sa fórmula chi sighit: “Giuru de osservai in manera leali sa costitutzioni italiana.

3.                   Su Síndigu rapresentat su Comunu e est s'órganu responsàbbili de s'amministratzioni; subraintendit a is averiguamentus de risultau acapiaus a su funtzionamentu de is servítzius comunalis, donat is diretivas a su Segretàriu Comunali, a su Diretori Generali, si est nominau, e a is responsàbbilis de is ufítzius in órdini a is indirítzus amministrativus e gestionalis e, puru,  a s'esecutzioni de is atus.

4.                  Issu esértzitat is funtzionis chi ddi donant is leis, s'Istatutu, is regulamentus e subraintendit a sa cumpridura de is funtzionis istatalis o regionalis donadas a su Comunu. Tenit puru cumpeténtzia e poderis de indiritzu, de castiadura asuba de s'atividadi de is Assessoris e de is istruturas gestionalis e esecutivas.

5.                  Su Síndigu, in basi a is indiritzus chi su Consillu at istabbiliu, providit a sa nómina, a sa desinnatzioni  e a sa rèvoca de is rapresentantis de su Comunu ande entis, aziendas e istitutzionis.

6.                   Issu est puru cumpetenti, in su cuntestu de is critérius chi in manera eventuali índicat sa Regioni e in basi a is indiritzus chi  espressat  su Consillu Comunali, a coordinai e torrai organizai is oràrius de is esertzítzius cummertzialis, de is esertzítzius púbblicus e de is servítzius púbblicus, e puru, d'acórdiu cun is responsàbbilis, cumpetentis po territóriu, de is amministratzioni interessadas, is oràrius de obertura a su púbblicu, de is ufítzius púbblicus chi s'agatant in su territóriu de su comunu, cun s'iscopu de armonizai sa cumpridura de is servítzius  cun is abbisóngius cumplessivus e generalis de is impitadoris.

7.                  Su Síndigu fait is funtzionis de Ufitziali de Guvernu in casus chi previdit sa lei e esértzitat is funtzionis chi ddi delegat sa Regioni, cunformas a su chi previdint is leis e s'Istatutu presenti.

8.                  A su Síndigu, a parti is cumpeténtzias de lei, custu Istatutu e is regulamentus ddi intregant cumenti a òrganu de amministratzioni poderis de castiadura e poderis de auto organizatzioni de is cumpeténtzias acapiadas a s'ufítziu.

 

Art. 28

Is lineas programmàticas de su Síndigu

1.                  Aintru de su términi de 4 mesis, chi decurrint de sa data de s'aposentamentu suu, su Síndigu, inténdia sa Giunta, presentat a su Consillu is lineas programmàticas relativas a is atzionis e a is progetus de fai in s'interis de su mandau políticu-amministrativu.

2.                 Assumancu 15 dìs innantis de sa primu sétzida de su Consillu, segundu su puntu 1 de s'artículu presenti, su documentu chi cuntenit is lineas programmàticas est recapitau a su domitzíliu de dónnia Consilleri e depositau in sa segreteria comunali a dispositzioni de chinisisiat ndi fatzas domanda.

 

Art. 29

Is atribbutzionis de amministratzioni de su Síndigu

 

1.                  Su Síndigu tenit sa rapresentàntzia generali de s'Enti, podit delegai is funtzionis suas o parti de custas a is assessoris síngulus e est s'òrganu responsàbbili de s'Amministratzioni de su Comunu.

2.                  S'intregadura de is dèlegas a is assessoris síngulus depit essi comunicada a su Consillu Comunali e a is àterus òrganus chi previdit sa lei e pubblicau in s'Albu Pretóriu de su Comunu.

3.                  In particulari su Síndigu:

a) dirigit e coordinat s'atividadi política e amministrativa de su Comunu, e puru s'atividadi de sa Giunta e de is Assessoris síngulus;

b) promovit e pigat initziativas po fai acórdius de programma cun totus is sugetus púbblicus chi previdit sa lei, apustis de ai inténdiu su Consillu Comunali;

c) tzerriat is comítzius po is referendum consultivus;

d) adotat is ordinàntzias chi sa lei previdit;

e) nóminat su Segretàriu Comunali iscioberendiddu in s'albu apósitu;

f) intregat e rèvocat, a su Segretàriu Comunali, si ddu creit oportunu, is funtzionis de Diretori Generali, si no est istétia istérria giai una cunventzioni cun àterus Comunus po sa nómina de tali figura;

g) nóminat is responsàbbilis de is ufítzius e de is servítzius, donendi is incàrrigus dirigentziali e de collabboratzioni esterna in basi a is abbisóngius efetivus e veríficàbbili.

 

Art. 30

Is atribbutzionis de castiadura de su Síndigu

1.                  Su Síndigu in s'esertzítziu de is funtzionis suas de castiadura pigat diretamenti in is ufítzius e servítzius is iscedas e is atus, riservaus puru, e podit disponni su coberamentu de atus, documentus e iscedas in is aziendas ispecialis, in is istitutzionis e in is sotziedadis po atzionis chi funt de s'enti, po médiu de is rapresentanti legalis de cussas.

2.                Issu fait atus conservativus de is diritus de su Comunu e promovit, diretamenti o serbendusì de su Segretàriu Comunali o de su Diretori, si est nominau, is circas e is averiguamentus amministrativus asuba de totu s'atividadi de su Comunu.

3.                 Su Síndigu promovit e pigat initziativas chi punnant a assegurai chi ufítzius, servítzius, aziendas ispetzialis, istitutzionis e sotziedadis chi funt de su Comunu, fatzant is atividadis insoru segundu is obbietivus chi at individuau su Consillu e in coeréntzia cun is indiritzus atuativus chi espressat sa Giunta.

 

 

Art. 31

Is atribbutzionis de organizatzioni de su Síndigu

 

Su Síndigu in s'esertzítziu de is funtzionis suas de organizatzioni:

1.                 Detzidit is argumentus a s'órdini de sa dì de is sétzidas  de su Consillu Comunali, tzerriat su Consillu e ddu  presiedit;

2.                 providit a sa tzerriada de su Consillu Comunali candu ddu domandat unu cuintu de is consilleris;

3.                 Assegurat un'isceda adeguada e preventiva a is grupus consiliaris e a is consilleris síngulus asuba de is chistionis chi sutaponit su Consillu;

4.                 esertzitat su poderi de politzia in is sétzidas consiliaris e in organismus púbblicus de partitzipatzioni populari chi issu presiedit, in is limitis chi previdint is leis;

5.                 proponit is argumentus de  afrontai in Giunta, disponit sa cunvocatzioni de cust'úrtima e dda presiedit;

6.                 arritzit is interrogatzionis e is domandas de sutaponni a su Consillu  in cantu de cumpeténtzia consiliari.

 

Art. 32

Sa rapresentàntzia de s'Enti

 

1.                  Su rapresentanti legali de s'Enti est su Síndigu.

2.                  S'esertzítziu de sa rapresentàntzia, inclúdia cussa in giudítziu, podit essi intregada a dónnia dirigenti o responsàbbili de servítziu cun una dèlega chi donat su Síndigu po su logru de is atus chi sighint:

a) rapresentàntzia in giudítziu po is atus e is atividadis de cumpeténtzia sua,  inclúdia puru sa possibbilidadi de contziliai, acordai e rinuntziai a is atus;

b) isterridura de cunventzionis intra de Comunus o Entis, po sa cumpridura de funtzionis e servítzius, in atuatzioni de is obbietivus e de is programmas difinius cun is atus de indiritzu chi adotant is òrganus de guvernu de s'Enti.

 

Art. 33

Su Vitzesíndigu

 

1.                  Su Vitzesíndigu ddu nominat su Síndigu e  est s'assessori chi tenit sa dèlega generali po s'esertzítziu de totus is funtzionis de su Síndigu, si custu mancat o est impossibbilitau.

2.                  In casu de asséntzia o impedimentu de su Vitzesíndigu puru, is funtzionis vicàrias ddas fait donniunu de is assessoris sighendi s'órdini de antzianidadi.

 

 

Art. 34

Sa Giunta Comunali

 

1.                  Sa Giunta est s'òrganu de impéllida e de gestioni amministrativa, collabborat impari cun su Síndigu in su guvernu de su Comunu e cunformat s'atividadi sua a is printzípius  de sa trasparéntzia e de s'efitzéntzia.

2.                  Sa Giunta adotat totus is atus idoneus a su sodigamentu de is obietivus e de is iscopus de s'Enti in su cuadru de is indiritzus generalis e in atuatzioni de is detzisionis  fundamentalis,  chi aprovat su Consillu Comunali.

3.                  Sa Giunta dónnia annu donat isceda de s'atividadi sua a su Consillu Comunali.

 

Art. 35

Sa cumpositzioni de sa Giunta Comunali

 

1.                 Sa Giunta est formata de su Síndigu e de non prus  de seti assessoris, de custus unu iscéti tenit sa càrriga de Vitzesíndigu.

2.                 Is assessoris funt iscioberaus de norma intra de is consilleris; podint essi nomenaus puru Assessoris esternus a su Consillu, in númunu màssimu de duus, bastat chi tengiant is rechisitus de elegibbilidadi a sa càrriga de consilleri comunali.

3.                 Is Assessoris esternus podint partitzipai a is sétzidas de su Consillu e de is Commissionis consiliaris chentza diritu de votu e chentza cuncurriri a determinai su númunu legali po sa balididadi de is riunionis. Tenint diritu de atzedi a is informatzionis netzessàrias a sa cumpridura  de su mandau e de depositai propostas rivolgias a su Consillu Comunali. Non podint presentai interrogatzionis, interpellàntzias e domandas; podint invécias intervenni in sa discussioni, ma non tenint diritu de votu.

4.                 Non podint fai parti de sa Giunta in su matessi momentu assessoris chi funt pobiddu e mulleri, ascendentis, discendentis o parentis e afinis fintzas a su 2° gradu.

5.                 Non podint aici e totu fai parti de sa Giunta su pobiddu o sa mulleri, is ascendentis, is discendentis, is parentis e is afinis de su Síndigu fintzas a su de 3 gradus.

 

Art. 36

Nómina e rèvoca de sa Giunta

1.                  Su Vitzesíndigu  e is àterus cumponentis de sa Giunta ddus nominat su Síndigu e funt presentaus a su Consillu Comunali in sa primu sétzida apustis de is eletzionis.

2.                  Su Síndigu podit revocai unu o prus assessoris donendindi comunicatzioni motivada a su Consillu. Is càusas de incumpatibbilidadi , sa positzioni e s'istadu giurídicu de is Assessoris, e puru is istitutus de sa decadéntzia e de sa rèvoca ddus disciplinat sa lei.

3.                  Francu is casus de rèvoca de parti de su Síndigu, sa Giunta abarrat in càrriga fintzas a sa dì de sa proclamatzioni de is eletus in ocasioni de su rinnovu de su Consillu Comunali.

 

Art. 37

Su funtzionamentu de sa Giunta

  1. Sa Giunta dda cunvocat e dda presiedit su Síndigu, chi coordinat e cuntrollat s'atividadi de is Assessoris e istabbiliscitt s'órdini de sa dì de is riunionis, tenendi puru contu de is argumentus chi proponint is síngulus Assessoris.
  2. Is maneras de cunvocatzioni e de funtzionamentu de sa Giunta ddas istabbiliscit issa e totu in manera informali.
  3. Po sa balididadi de is sétzidas si domandat s'interventu de assumancu sa mitadi prus unu de is cumponentis e is delibberatzionis funt adotadas a maioria assoluta de votus; in casu de paridadi bincit su votu de su Síndigu o de chi  presiedit sa Giunta a su postu suu.
  4. Is sétzidas de sa Giunta non funt púbblicas.
  5. A discretzioni de su Síndigu podint essi ammítius a partitzipai a is trabballus de sa Giunta funtzionàrius de su Comunu, tzitadinus o autoridadis chi punnant a tenni elementus valutativus asuba de is argumentus in discussioni.

 

Art. 38

Is cumpeténtzias de sa Giunta

1.                  Sa Giunta collabborat cun su Síndigu in s'amministratzioni de su Comunu e fait is atus chi, cunformas a sa lei e a s'Istatutu presenti, non funt riservaus a su Consillu e non  faint parti de is cumpeténtzias atribbuidas a su Síndigu, a su Segretàriu Comunali, a su Diretori Generali o a is responsàbbilis de is servítzius comunalis.

2.                   Sa Giunta òperat in manera collegiali, donat atuatzioni a is indiritzus generalis chi su Consillu espressat e fait atividadi propositiva e de  impéllida in is cunfrontus de cussu e totu.

3.                  Sa Giunta in particulari, in s'esertzítziu de is atribbutzionis de guvernu e de is funtzionis organizativas:

a)   proponit is regulamentus a su Consillu;

b)  aprovat is progetus, is programmas esecutivus e totus is provedimentus chi non cumportant impignus de ispesa asuba de is istantziamentus de bilantzu e chi sa lei o su regulamentu de contabbilidadi non riservant a is responsàbbilis de is servítzius comunalis;

c)  preparat cun cura is lineas de indiritzu e is propostas de provedimentus de sutaponni a is derminatzionis de su Consillu;

d) assumit atividadis de initziativa, de impéllida e de racordu cun is òrganus de partitzipatzioni e de detzentramentu;

e)   modíficat is tarifas esistentis in s'interis chi preparat e proponit a su Consillu is critérius po sa determinatzioni de is nobas;

f)   proponit is critérius generalis po sa cuntzessioni de finantziamentus, cuntribbutus, sussídius e vantàgius económicus de calisisiat genia a entis e personnas;   

g)    aprovat is regulamentus asuba de s'ordinamentu de is ufítzius e de is servítzius  in su rispetu de is critérius generalis chi istabbiliscit su Consillu;

h)   fissat sa data de cunvocatzioni de is comítzius po is referendum consultivus comunalis e costituiscit s'ufítziu comunali po is eletzionis, a custus spetat s'averiguamentu de sa regularidadi de su protzedimentu;

i)    esertzitat, fata chi siat  individuatzioni de is costus e sa determinatzioni de is mezus, funtzionis chi ddi delegat sa Províntzia, sa Regioni e s'Istadu, candu sa lei e s'Istatutu non ddas atribbuint in manera espressa a un'àteru òrganu;

j)    detzidit in órdini a is controvérsias asuba de is cumpeténtzias funtzionalis, chi nascint intra de is òrganus de gestioni de s'Enti;

k)    fissat, cunformas a su Regulamentu e a is acórdius detzentraus, is paràmetrus, is istandard e is càrrigus funtzionalis de trabballu po misurai sa produtividadi de s'aparatu, una borta inténdiu su Diretori Generali, innói esistit , o su Segretàriu Comunali;

l)    aprovat su P.E.G. asuba de proposta de su Diretori Generali, si est nominau;

m)   autorizat su Síndigu a istai in giudítziu ananti de is òrganus giuditziàrius, si ddoi at controvérsias chi riguardant su Comunu.

Art. 39

Sa decadéntzia de sa Giunta po motzioni de discunfiàntzia

1.                  Su votu de su Consillu Comunali cuntràriu a una proposta de su Síndigu o de sa giunta non cumportat is dimissionis de custus ùrtimus.

2.                Su  Síndigu e sa giunta rispetiva tzessant de sa càrriga si ddoi at aprovatzioni de una motzioni de discunfiàntzia chi sa maioria assoluta  de is cumponentis de su Consillu at votau po apellu nominali. Sa motzioni de discunfiantzia dda depint  motivai e sutaiscrì assumancu duus cuintus de is consilleris, chentza computai a cust'iscopu su Síndigu, e est posta in discussioni non prima de dexi dìs e non apustis prus de trinta dìs de sa data de presentada.

 

 

Art. 40

Sa decadéntzia de sa Giunta  po dimissionis, impedimentu,

decadéntzia, suspensioni o morti de su Síndigu

 

1.                  In casu de impedimentu fissu, bogada, decadéntzia o morti de su Síndigu, sa Giunta decadit e si protzedit a s'isciollimentu de su consillu. Su Consillu e sa giunta abarrant perou in càrriga finas a s'eletzioni de su Consilu e de su  Síndigu nou. Finas a is eletzionis, is funtzionis de su  Síndigu ddas fait su Vitzesíndigu.

2.                  Su Vitzesíndigu sostituiscit su  Síndigu in casu de asséntzia o de impedimentu de su momentu e in casu puru de suspensioni de s'esertzítziu de sa funtzioni.

3.                  Is dimissionis chi presentat su  Síndigu bessint eficatzis e irrevocàbbilis passau su términi de binti dìs de sa presentada a su Consillu. In custu casu si protzedit a s'isciollimentu de su Consillu cun nómina in su matessi momentu de unu Comissàriu.

4.                  S'isciollimentu de su Consillu Comunali determina in dónnia casu sa decadéntzia de su Síndigu e de sa Giunta puru.

 

Cabu 5

Is ufítzius e su personali

Art. 41

Is printzípius istruturalis e organizativus

 

1.                  S'atividadi amministrativa de su Comunu si acrarat po médiu de su persighimentu de obbietivus ispetzíficus e depit essi improntada a is printzípius chi sighint:

a)    organizatzioni de su trabballu po progetus, obbietivus, programmas;

b)    anàlisi e individuatzioni de sa produtividadi e de is càrrigus funtzionalis de trabballu e de su gradu de eficàtzia de s'atividadi chi at cumpriu dónnia elementu de s'aparatu;

c)    individuatzioni de responsabbilidadi acapiada a istrintu a su cuntestu de autonomia detzisionali de is sugetus;

d)    sodigamentu de sa divisioni cirdina de is cumpeténtzias in sa divisioni de su trabballu e su logru de sa flessibbilidadi màssima de is istruturas e de su personali e sa collabboratzioni màssima intra de is ufítzius.

Art. 42

Organizatzioni de is ufítzius e de su personali

 

1.                  Su Comunu disciplinat cun atus apósitus sa dotatzioni orgànica de su personali e, cunformas a is normas de s'istatutu presenti, s'organizatzioni de is ufítzius e de is servítzius in basi a sa distintzioni intra de funtzioni política e de cuntrollu atribbuida a su Consillu Comunali, a su Síndigu e a sa Giunta, e in funtzioni de gestioni amministrativa atribbuida a su diretori generali, si est nominau, a su Segretàriu Comunali e a is responsàbbilis de is ufítzius e de is servítzius.

2.                  Is ufítzius funt organizaus segundu is printzípius de autonomia, trasparéntzia e eficiéntzia e cun critérius de funtzionalidadi, economitzidadi de gestioni e flessibbilidadi de s'istrutura.

3.                  Is servítzius e is ufítzius òperant in basi a s'individuatzioni de is netzessidadis de is tzitadinus, adeguendu in manera costanti s'atzioni amministrativa cosa sua e is servítzius ofertus, verifichendi sa currispundéntzia a is netzessidadis e a s'economicidadi.

4.                  Is oràrius de is servítzius obertus a su púbblicu funt fissaus in manera de satisfai in sa mellus manera is netzessidadis de si tzitadinus.

 

Art. 43

Su regulamentu de is ufítzius e de is servítzius

 

1.                  Su Comunu po médiu de unu regulamentu apósitu istabbiliscit is normas generalis po s'organizatzioni e su funtzionamentu de is ufítzius e, in particulari, difiniscit is atribbutzionis e is responsabbilidadis de dónnia istrutura organizativa, e puru is raportus pari pari intra de ufítzius e servítzius e cussus intra custus'úrtimus e su Diretori, su Segretàriu Comunali e is organus amministrativus.

2.                  Is regulamentus si uniformant a su printzípiu chi a is òrganus de guvernu est atribbuida sa funtzioni política de indiritzu e de cuntrollu, interpretada cumenti a poderi de istabbiliri in autonomia prena obbietivus e tareas de s'atzioni amministrativa in dónnia setori e de ndi averiguai su logru.

3.                  A su Diretori, si est nominau, a su Segretàriu Comunali e a is funtzionàrius responsàbbilis ispetat, po lograi  is obbietivus assignaus, su cómpitu de difiniri, in manera cunformi a is tareas istitutzionalis, is tareas e sa gestioni amministrativa, ténnica e contàbbili segundu printzípius de professionalidadi e de responsabbilidadi.

4.                  S'organizatzioni de su Comunu s'articolat in unidadi operativas chi funt agregadas, segundu critérius de uniformidadi, in istruturas in manera progressiva sémpiri prus mannas, cumenti disponit su regulamentu apósitu, po médiu puru de su recursu a istruturas trasversalis o de “staff” intersetorialis.

5.                  Su Comunu acollit e apricat is acórdius colletivus natzionalis aprovaus in is formas de lei, amparat s'organizatzioni sindacali líbbera de is dipendentis e istringit cun is rapresentàntzias sindacalis acórdius cuntratualis  detzentraus ispetzíficus, cunformas a is normas de lei in vigéntzia.

 

 

Art. 44

Diritus e doveris de is dipendentis

1.                  Is dipendentis comunalis, incuadraus in ruolus orgànicus e ordinaus segundu categorias, in cunformidadi a sa disciplina generali asuba de s'istadu giurídicu e a su tratamentu económicu de su personali, chi istabbiliscint sa lei e is acórdius colletivus natzionalis, faint  s'atividadi insoru a su servítziu e in s'interessamentu de is tzitadinus.

2.                 Dónnia dipendenti comunali depit cumpriri cun curretesa e luegus is incàrrigus relativus a s'ufítziu e servítziu suu e, in su rispetu de is cumpeténtzias de is ruolus rispetivus, e sodigai is obbietivus assignaus.

3.                  Issu est puru responsàbbili faci a su Diretori, si est nominau, a su Segretàriu Comunali, a su responsàbbili de is ufítzius e de is servítzius e faci a s'Amministratzioni  de is atus fatus e de is resurtaus lograus in s'esertzítziu de is funtzionis suas.

4.                  Su regulamentu orgànicu determina is cunditzionis e is maneras chi su Comunu imperat, po promovi s'agiornamentu e sa millioria  professionali  de su personali, assigurat cunditzionis de trabballu  idoneas a preservai sa saludi e s'integridadi psico-física e garantiscit s'esertzítziu prenu e efetivu   de is libbertadis e de is diritus sindacalis.

5.                  S'aprovatzioni de is listas de is tribbutus e de is cànonis, e puru s'isterridura, in rapresentàntzia de s'Enti, de is cuntratus giai aprovaus, cumpetit a su personali responsàbbili de is setoris síngulus e de is servítzius diferentis, in su rispetu de is diretivas chi ant donau su Síndigu, su Diretori e is òrganus collegialis.

a)   Su personali nomenau in su comma de innantis providit puru a s'intregadura de is autorizatzionis cummertzialis, de politzia amministrativa, e puru de is autorizatzionis e de is cuntzessionis edilítzias, e a sa pregonadura de is ordinàntzias de natura non contigìbbili e urgenti.

Art. 45

Su Diretori Generali

 

1.                 Su Comunu si podit cunventzionai cun àterus Entis Localis chi tenint in totu una populatzioni superiori a is 15.000 abbitantis, a s’iscopu de nominai unu Diretori Generali.

2.                 S'incàrrigu depit essi intregau a persona de professionalidadi e esperiéntzia cumprovadas, a foras de sa dotatzioni orgànica de su personali e po unu períodu de tempus non prus longu de su mandatu amministrativu de su Síndigu.

3.                 Sa cunventzioni disciplinat is maneras de nómina de su Diretori Generali, is rechisitus domandaus, is càusas de acabbada antitzipada de s'incàrrigu, is critérius po  sa determinatzioni de su tratamentu económicu e de sa pratzidura de is costus intra de is entis cunvetzionaus e cantu àteru netzessàriu, po disciplinai su raportu de trabballu e is prestatzionis, arregullendindi in su matessi momentu is raportus cun su Segretàriu Comunali.

4.                 Candu non risurtat istérria una cunventzioni po su servítziu de Diretzioni Generali, su Síndigu, inténdia sa Giunta Comunali, podit  atribbuiri is funtzionis relativas a su Segretàriu Comunali; cumpetit in custu casu a su Segretàriu Comunali un'elementu aciuntivu de retribbutzioni raportau a su pesu de s'incàrrigu.

5.                 Sa durada de s'incàrrigu de su Diretori Generali non podit superai sa de su mandau eletorali de su Síndigu, chi podit protzédiri  a sa rèvoca de su mandatu e totu, fata chi siat sa delíbbera de sa Giunta Comunali, si no arrannescit a sodigai is obbietivus fissaus, o candu ddoi at unu cuntrastu cun is lineas de política amministrativa de sa Giunta, e in casu puru de trascuradesa gravi.

 

Art. 46

Is cómpitus e is funtzionis de su Diretori Generali

1.                  Su Diretori Generali providit a atuai is indiritzus e is obbietivus chi ant istabbiliu is òrganus de guvernu de s'enti segundu is diretivas chi, a tali riguardu, ddis at donau su Síndigu.

2.                  Issu subrintendit a sa gestioni e coordinat s'atividadi de is responsàbbilis de is ufítzius e de is servítzius, po médiu de diretivas, dispositzionis e àteras formas de coordinamentu de adotai in su rispetu de prerógativas e cumpeténtzias autònomas insoru.

3.                  Su Diretori Generali predisponit sa proposta de pianu esecutivu de gestioni e de su pianu particularegiau de is obbietivus chi previdint is normas de sa contàbbilidadi, in basi a is indiritzus chi donant su Síndigu e sa Giunta Comunali.

4.                  Issu, in particulari, esertzitat is funtzionis chi sighint:

a)    predisponit, in basi a is diretivas chi at istabbiliu su Síndigu, programmas organizativus o de atuatzioni, arrelatas o istúdius particularis;

b)    organizat e dirigit su personali, in manera coerenti cun is indiritzus funtzionalis chi ant istabbiliu su Síndigu e sa Giunta;

c)   averiguat s'eficàtzia e s'efitzéntzia de s'atividadi de is ufítzius e de su personali prepostu;

d)   promovit is provedimentus disciplinaris in is cunfrontus de is responsàbbilis de is ufítzius e de is servítzius, e adotat is santzionis in basi a cantu prescrit su regulamentu, in armonia cun is previsionis de is cuntratus colletivus de trabballu;

e)    autorizat is missionis, is istraordinàrius, is cungedus, is permissus de is responsàbbilis de servítziu;

f)    pregonat is atus de esecutzioni de is delibberatzionis chi non funt de cumpeténtzia de su Síndigu o de is Responsàbbilis de servítziu;

g) gestiscit is protzessus de mobbilidadi intersetoriali de su personali;

h)    torrat a esaminai dónnia annu, inténdius is responsàbbilis de is servítzius, s’assétiu organizativu de s'Enti e s'ispartzidura de s'orgànicu efetivu, proponendi a sa Giunta e a su Síndigu provedimentus eventualis in méritu;

i)    promovit is protzedimentus e adotat, in bia sostitutiva, is atus de cumpeténtzia de is responsàbbilis de is servítzius si funt assenti po su momentu, fata chi siat s'istrutória a incuru de su servítziu cumpetenti;

j)    promovit e resistit a is càusas e tenit su poderi de cuntziliai e de cuntratai.

Art. 47

Is responsàbbilis de is ufítzius e de is servítzius

1.             Su Síndigu difiniscitt e atribbuit a is funtzionàrius de cualífica adeguada e de capatzidadi cóngrua is incàrrigus de diretzioni de is ufítzius e de is servítzius.

2.                  Is incàrrigus de diretzioni de is ufítzius e de is servítzius tenint una durada temporànea, non podint superai sa de su mandau eletorali de su Síndigu chi ddus at intregaus e podint essi revocaus in antitzipu candu sa lei e is regulamentus de s'Enti dduprevidint.

3.                  Su provedimentu de rèvoca est pigau, fatu chi siat su contradditóriu cun su funtzionàriu interessau, segundu is maneras chi istabbiliscit su regulamentu de s'ordinamentu de is ufítzius e de is servítzius, e in su rispetu de is normas de is acórdius colletivus de trabballu.

4.                  Su Comunu si podit assotziai cun àterus Entis localis po s'esertzítziu in comunu de funtzionis amministrativas o po sa cumpridura de is servítzius, regulendi cun cunventzioni apósita is raportus pari-pari, is maneras de cumpridura de is atividadis gestidas totus impari e is cómpitus de su personali impreau.

5.                  Is responsàbbilis de is ufítzius e de is servítzius providint a organizai is ufítzius e is servítzius chi ddis ant intregau in basi a is indicatzionis chi ddis donat su Diretori Generali, si est nominau, o su Segretàriu Comunali e segundu is diretivas chi ddis donant su Síndigu e sa Giunta Comunali.

6.                  Issus, in su cuntestu de is cumpeténtzias intregadas, providint a gestiri s'atividadi de s'Enti, a cumpriri e a sodigai is obbietivus chi ddis inditant su Diretori Generali, si est nominau, su Síndigu e sa Giunta.

Art. 48

Is funtzionis de is responsàbbilis de is ufítzius e de is servítzius

 

1.                  Is responsàbbilis de is ufítzius e de is servítzius istringint, in rapresentàntzia de s'Enti, is cuntratus, aprovant is listas de is tribbutus e de is cànonis, gestiscint is protzeduras de apaltu e de cuncursu e providint a is atus de gestioni finantziària, inclúdia s'assuntzioni de is impegnus de ispesa candu is “Budget” funt intregaus a is responsàbbilis de servítziu, e casumai is impegnus siant pigaus in cusseguéntzia de delíbberas  de indiritzu ispetzíficas de sa Giunta.

2.                  Issus providint puru a donai is autorizatzionis o cuntzessionis e faint in prus is funtzionis chi sighint:

a)  Presiedint is cummissionis de gara e de cuncursu e pigant sa respunsabbilidadi de is protzedimentus relativus;

b)    donant is atestatzionis e is tzertificatzionis;

c)   emitint is comunicatzionis, is verbalis, is difidas e dónnia àteru atu chi costituiscit manifestatzioni de giudítziu e de de connoscéntzia;

d)   providint a is autenticatzionis e a is legalizatzionis;

e)    emitint is ordinàntzias de isciusciadura de is manufatus abusivus e ndi curant s'esecutzioni;

f)   emitint is ordinàntzias de intima de pagamentu, de penas amministrativas e disponint s'aplicatzioni de is penas atzessórias in su cuntestu de is diretivas chi donat su Síndigu;

g)    emitint is ordinàntzias chi previdint is normas de lei o de regulamentu;

h)    promovint is provedimentus disciplinaris in is cunfrontus de su personali sutapostu e adotant penas in is límitis e cun is protzeduras chi previdit sa lei e su regulamentu;

i)    providint a donai esecutzioni lestraa  is delibberatzionis de sa Giunta e de su Consillu e a is diretivas chi donat su Síndigu e su Diretori Generali, si est nominau;

j)   donant a su Diretori, si est nominau, in is términis de su regulamentu de contabbilidadi, is estremus po  aprontai  sa proposta de su pianu esecutivu de gestioni;

k)   autorizant is istraordinàrius, is férias, is recuperus, is missionis de su personali dipendenti, segundu is diretivas chi donat su Diretori Generali, si est nominau, opuru su Segretàriu Comunali e su Síndigu;

l)   arraspundint a su Diretori Generali, si est nominau, de sa sodigadura de is obbietivus a issus assignaus.

3.     Su Síndigu podit delegai a is responsàbbilis de is ufítzius e de is servítzius àteras funtzionis chi s'istatutu e is regulamentus non previdint, donendi in su matessi momentu is diretivas netzessàrias po sa cumpridura currégia.

4.     Is atus de is responsàbbilis de is servítzius non funt sugetus a avocatzioni, riserva, riforma o révoca de parti de su Síndigu.

5.     In casu de assentu o de ritardu in s'assuntzioni de atus  dépius, de cumpeténtzia de is próprius o de is òrganus subraordinaus in gerarchia, su Síndigu donat, candu est possíbbili, unu términi po sa cumpridura e incarrigat su Segretàriu Comunali o un'àteru responsàbbili de servítziu de preparai is atus dépius, candu durat s'assentu.

6.   Est in dónnia manera fata salva s'adotzioni eventuali de provedimentus santzionadoris in is cunfrontus de su funtzionàriu  incumpridori, cumenti puru abarrat firmu su poderi de su Síndigu de revocai s'incàrrigu de responsàbbili de su servítziu, candu ddoi funt is presupostus.

7).   Is responsàbbilis de is ufítzius e de is servítzius assigurant:

a)   sa cumpridura puntuali de is programmas e de is obbietivus, acunsentendi de cumpriri s'atividadi amministrativa in manera fàtzili;

b) s'impegnu netzessàriu po favoressi una visioni prus orizontali de is probblemas, circhendi modellus organizativus chi permitint su coordinamentu costanti de is atividadis ténnicas diferentis o ispetzíficas, in funtzioni de sa sodigadura de is obbietivus vàrius, motivendi is collabboradoris po trabballai cumenti a una scuadra innói is risurtaus cumplessivus funt prus importantis de is individualis, duncas donniunu portat is capatzidadis professionalis e intelletualis suas a su servítziu de su trabballu de totus is àterus;

c)   s'organizatzioni de su trabballu, sodighendu su cuntzetu setoriali béciu cun su “aziendali” flessíbbili;

d)                 su coordinamentu de su trabballu po sa sodigadura de is obbietivus po médiu de s'eficiéntzia, s'eficàtzia e s'economicidadi, a s'iscopu de arraspundi a sa tempística chi s'aspetat s'òrganu políticu.

8.    Is responsàbbilis de is servítzius collabborant cun su Segretàriu Comunali a su coordinamentu de is interventus netzessàrius a sa cumpridura de is programmas, de is obbietivus e de is atividadis de s'Enti, istudiant e proponint a su Segretàriu is semplificatzionis protzeduralis e is innovatzionis tennológicas reputadas útilis po realizai s'evolutzioni costanti de s'organizatzioni de su trabballu.

 Art. 49

Is incàrrigus dirigentzialis e de arta ispetzializatzionis

1. Sa  Giunta comunali, in is formas, in is límitis e cun is maneras chi previdint sa lei e is regulamentus de s'ordinamentu de is servítzius, podit delibberai, a foras de sa dotatzioni orgànica, de pigai cun cuntratu a tempus determinau personali dirigentziali o de arta ispetzializatzioni candu intra is dipendentis de s'Enti non dddoi at professionalidadis símbillis/anàlogas.

2.   Sa Giunta comunali, si ddoi at vacàntzia de su postu, o po àterus motivus gravis, podit intregai in is formas e cun is maneras chi previdit su regulamentu, sa titularidadi de ufítzius e servítzius a personali pigau cun cuntratu a tempus determinau, cunformas a s' art. 110 de su D.L. 267/2000.

3.   Is cuntratus a tempus determinau non podint essi trasformaus a tempus indeterminau, salvu chi non ddu cunsentant normas de lei apósitas.

Art. 50

Is collabboratzionis esternas

1.             Su regulamentu podit previdiri collabboratzionis esternas, a contenutu artu de professionalidadi, cun raportu de trabballu autónomu po obbietivus determinaus e cun cunvetzionis a términi.

2.                Is normas regulamentaris po s'intregadura de is incàrrigus a sugetus allenus a s'amministratzioni ndi depint istabbiliri sa durada, chi non podit essi mai superiori a sa durada de su programma, e is critérius po sa determinatzioni de su tratamentu económicu relativu.

 

 

Art. 51

Is ufítzius de indiritzu e de controllu

1.                  Su regulamentu podit previdiri sa costitutzioni de ufítzius postus a is dipendéntzias diretas de su Síndigu, de sa Giunta comunali o de is Assessoris, po s'esertzítziu de is funtzionis de indiritzu e de cuntrollu chi ddis donat sa lei.

2.                 Custus ufítzius ddus costituint is dipendentis de s'Enti e is collabboradoris pigaus a tempus determinau,  bastat chi s'Enti non siat dissestau e/o non siat in situtzionis defitzitàrias istruturadas  ex art. 45 de su D. Lgs.504/92.

 

Cabu VI

Su Segretàriu Comunali

 

Art. 52

Su Segretàriu Comunali

 

1.                Su Segretàriu Comunali ddu nominat su Síndigu e dipendit de custu e est iscioberau in un albu apósitu.

2.                Su Consillu Comunali podit aprovai s'isterridura de cunventzionis cun àterus Comunus po sa gestioni cumenti a cunsórtziu de s'ufítziu de su Segretàriu Comunali.

3.                S'istadu giurídicu e su tratamentu económicu de su Segretàriu Comunali ddus istabbiliscit sa lei e sa cuntratatzioni colletiva.

  1. Su Segretàriu Comunali podit essi revocau de s'incàrrigu  candu ddu ddu previdit sa lei.

 

Art. 53

Is funtzionis de su Segretàriu Comunali

  1. Su Segretàriu Comunali tenit cómpitus de collabboratzioni, consuléntzia e assisténtzia in is cunfrontus de is òrganus de su Comunu in órdini a sa cunformidadi de s'atzioni amministrativa, a is leis, a s'istatutu e a is regulamentus.
  2. Issu assigurat su suportu giurídicu, amministrativu  netzessàriu e de consuléntzia organizativa a is detzisionis de is òrganus istitutzionalis, cun parrri iscritus e a boxi e, su domanda po médiu de sa ponidura de su vistu de cunformidadi asuba dónnia atu.
  3. Partitzipat, cun funtzionis consultivas, referentis e de assisténtzia, a is riunionis de su Consillu Comunali e de sa Giunta e providit, de persona o po mesu de persona de cunfianza sua, a s'isterridura de is verbalis relativus.
  4. Su Segretàriu Comunali podit partitzipai a is commissionis de istúdiu e de trabballu internas a s'Enti e, cun s'autorizatzioni de su Síndigu, a is esternas.
  5. Subraintendit a sa cumpridura de is funtzionis de is responsàbbilis de is ufítziu e de is servÍtzius e ndi coordinat is atividadi, cunformas a is diretivas chi donat su Síndigu.
  6. Po assigurai unitariedadi e cumplementariedadi a s'atzioni amministrativa in is setoris diferentis de atividadi, su Segretàriu Comunali definiscit, asuba de proposta de is responsàbbilis de is ufítzius e de is servÍtzius, e de acórdiu cun s'Amministratzioni, maneras po fai prus lébias e lestras is protzeduras amministrativas e adotat is diretivas operativas chi cunsighint; fórmulat propostas apitzus de chistionis organizativas e gestionalis de caràtiri generali e arrelat a su Síndigu apitzus de dónnia chistioni de irregularidadi, omissioni o disfuntzioni, po  pigai is provedimentus chi cunsighint.
  7. Su Segretàriu Comunali pigat provedimentus cun rilevàntzia esterna cun valori intersetoriali.
  8. Issu est a cabu de su personali e ndi est responsàbbili
  9. Tenit sa diretzioni cumplessiva de s'istrutura operativa  de s'Enti segundu maneras e diretivas chi donat su Síndigu, in su rispetu de sa responsabbilidadi  setoriali autònoma de is responsàbbilis de is ufítzius e de is servÍtzius.
  10. Issu presiedit s'ufítziu comunali po is eletzionis in ocasioni de is consultatzionis popularis e de is referendum e arritzit is dimissionis de su Síndigu, de is Assessoris o de is Consilleris, e fintzas is propostas de révoca e sa motzioni de discunfiàntza.
  11. Su Segretàriu Comunali fait is cuntratus de su Comunu,  innói s'Enti est parti , candu no est netzessària s'assistentzia de unu notàiu, e autenticat is iscrituras privadas e is atus unilateralis in s'interessamentu de s'Enti.
  12. Si est istada istituida sa figura de su Diretori Generali, is atribbutzionis de su Segretàriu funt definidas in su matessi momentu de sa nómina de su Diretori, po realizai s'acórdiu  operativu e funtzionali prenu intra de is duus sugetus, in s'arrespetu de is ruolus autonomus e relativus.
  13. A parti is funtzionis chi sa lei  e s'istatutu previdint in manera espressa, podint essi intregaus a su Segretàriu, cun regulamentu o provedimentu de su Síndigu, cómpitus ispetzificus o atribbutzionis a caràtiri gestionali  puru, candu si rendit útili in arrelata a is abbisóngius organizativus de s'Enti e a is obbietivus programmàticus de s'Amministratzioni.
  14. Su Segretàriu, po s'esertzítziu de is funtzionis suas, si serbit de s'istrutura, de is servÍtzius e de su personali de s'Enti.

 

Art. 54

Su Vitzesegretàriu

1.                 Sa dotatzioni orgànica de su personali podit previdiri unu Vitzesegretàriu Comunali po sa cumpridura de is funtzionis vicàrias de su Segretàrius e po sa sostitutzioni in casu de mancàntzia o de impedimentu.

2.                 Su Vitzesegretàriu Comunali, si est nominau, podit pigai parti, cumenti a collabboradori de su Segretàriu, a is sétzidas de sa Giunta e de su Consillu.

 

Cabu VII

Sa responsàbbilidadi

 

Art. 55

Sa responsàbbilidadi faci a su Comunu

1.                  Is amministradoris e is dipendentis comunalis funt obbligaus a pagai  a su Comunu is dannus derivaus de violatzionis de óbbligus de servítziu.

2.                 Su Síndigu, su Segretàriu Comunali, su responsàbbili de su servítziu chi benint a connoscéntzia, in manera direta o apustis de raportus chi ddi depint fai is òrganus inferioris, de fatus chi faint nasci responsàbbilidadi cunformas a su primu comma, ndi depint fai denúntzia a su Procuradori de sa “Corte dei Conti”, indichendi totus is elementus arragotus po s'averiguamentu de sa responsàbbilidadi e sa determinatzioni de is dannu.

3.                 Casu mai su fatu dannosu siat imputàbbili a su Segretàriu Comunali o a unu responsàbbili de servítziu, sa denúntzia  dda fait su Síndigu.

 

Art. 56

Sa responsàbbilidadi faci a tertzus

1.                  Is Amministradoris, su Segretàriu, su Diretori e is dipendentis comunalis chi, in s'esertzítziu de is funtzionis chi ddis ant intregau is leis o is regulamentus, procurant unu dannu ingiustu a is àterus, po dolu o po curpa gravi, funt obbligaus personalmenti a ddu pagai.

2.                Si su Comunu at pagau a su tertzu  s'ammontai de su dannu chi at procurau s'Amministradori, su Segretàriu o su dipendenti, si torrat a fai agendi contras a custus úrtimus a norma de s'artículu pretzedenti.

3.                Sa responsabbilidadi personali de s'Amministradori, de su Segretàriu, de su Diretori o de su dipendenti chi at violau is diritus de is tertzus  sussistit siat in casu de adotzioni de atus o de cumpridura de operatzionis, siat in casu de omissionis o de ritardu ingiustificau de atus o operatzionis chi s'Amministradori o su dipendenti funt obbligaus po lei o po regulamentu a fai.

4.                Candu sa violatzioni de su diritu est dépia de atus o operatzionis de òrganus collegialis de su Comunu, funt responsàbbilis, in sólidu, su Presidenti e is membrus de su collégiu chi ant pigau parti a s'atu o a s'operatzioni.

5.                Sa responsabbilidadi est esclúdia po cussus chi ant fatu averiguai in su verbali su disacórdiu cosa insoru.

 

Art. 57

Sa responsabbilidadi de is contàbbilis

1.                  Su tesoreri e dónnia àteru contàbbili chi manixat dinai de su Comunu o est incarrigau de sa gestioni de benis comunalis, e puru chinisisiat si ficat chentza autorizatzioni legali in su manixu de su dinai de su Comunu depit torrai contu de sa gestioni e est sugetu a is responsàbbilidadis istabbilidas in is normas de lei e de regulamentu.

 

Cabu VIII

Is finàntzias e sa contabbilidadi

 

Art. 58

Is finàntzias comunalis

1.                  S'ordinamentu de sa finàntzia de su Comunu est riservau a sa lei de s'Istadu e, in is limitis chi issa previdit, a su regulamentu de contabbilidadi.

2.                 In su cuntestu de sa finàntzia púbblica su Comunu est titulari de autonomia finantziària fundada asuba tzertesa de risorsas  suas o traferidas.

3.                  Su Comunu, in cunformidadi a is leis in vigéntzia in materia, est titulari puru de potestadi impositiva autònoma in su campu de is impostas, de is tassas e de is tarifas, e tenit unu demàniu e unu patrimóniu suu.

 

Art. 59

S'atividadi finantziària de su Comunu

1.                  Costituiscint is intradas finantziàrias de su Comunu  is impostas suas, additzionalis e cumpartetzipatzionis a impostas erarialis e regionalis, is tassas e is diritus po is servítzius púbblicus, is traferimentus erarialis, is traferimentus regionalis, àteras intradas suas  de natura patrimoniali puru, is risorsas po investimentus e dónnia àtera intrada istabbilida po lei o po regulamentu.

2.                 Is trasferimentus erarialis funt destinaus a garantiri is servítzius púbblicus comunalis indispensàbbilis; is intradas fiscalis finantziant is servítzius púbblicus riténnius netzessàrius po s'isvilupu de sa comunidadi e integrant sa cuntribbutzioni erariali po  s'ispartzidura de servítzius indispensàbbilis.

3.                 In su cuntestu de is facultadis chi sa lei cuntzedit, su Comunu istituiscit, bogat e arregulamentat, cun delibberatzioni consiliari, impostas, tassas e tarifas.

4.                 Su Comunu aplicat is impostas tenendi contu de sa capatzidadi cuntribbutiva de is sugetus passivus, segundu is printzípius de progressividadi chi  istabbiliscit sa Costitutzioni, e aplicat is tarifas in manera de privilegiai is categorias prus débbilis de sa populatzioni.

 

Art. 60

S'amministratzioni de is benis comunalis

1.                  Po sodigai is finis istitutzionalis suus su Comunu si serbit de is benis chi disponit.

2.                 Is benis comunalis si distinghint in benis demanialis, benis patrimonialis disponíbbilis e benis patrimonialis indisponíbbilis.

3.                 Po su chi riguardat is terrenus sugetus a is usus tzívicus, si depit fai riferimentu a is dispositzionis de is leis ispetzialis chi regulant sa matéria. In su cuntestu de custas leis, su Comunu garantiscit su gosu prus ampru de is matessis benis de parti de is tzitadinus.

4.                 Funt demanialis cussus benis de propriedadi de su Comunu chi faint parti de is tipus indicaus in is artículus 822 e 824 de su Códixi Tzivili o chi, mancai chentza de essi indicaus in manera espressa,  a cussus si podint assimbillai.

5.                 Sa demanialidadi si ammanniat  asuba puru de is pertinéntzias relativas e asuba de is servitudis casumai costituidas asuba de is benis e totu.

6.                 In particulari faint parti de su demàniu comunali su mercau, su campusantu, is bias e is pratzas, is acuedotus, is arragotas de is bibbliotecas, is immóbbilis arreconnotus de interessamentu istóricu e artísticu, is terras assugetadas a is usus tzívicus.

7.                 Intra de is benis púbblicus, a parti is demanialis, ddoi funt is benis patrimonialis indisponíbbilis individuaus in s'art. 828, comma 2 de su Códixi Tzivili.

8.                 Faint parti de su patrimóniu indisponíbbili de su Comunu is edifítzius destinaus a sea de ufítzius púbblicus cun su mobbígliu e is àterus benis destinaus a su servítziu púbblicu.

9.                 Imbetzes faint parti  de sa categoria de is benis patrimonialis disponíbbilis  is chi su Comunu tenit a títulu de propriedadi privada.

10.             Is benis patrimonialis comunalis non umperaus in própriu e non funt destinaus a funtzionis sotzialis  cunformas a su títulu 2° de custu Istatutu, depint, de regula, essi donaus in afitu; podint essi cuntzédius in usu cun unu cànoni chi  detzit sa Giunta.

11.             Custus benis tenint un'utilidadi iscéti istrumentali,  in cantu frunint is médius,  po satisfai is abbisóngius púbblicus.

12.             Custus benis si podint donai puru  in comodatu  gratúitu po sa promotzioni de atividadis ocupatzionalis o sotzialis, candu su regulamentu apósitu ddu previdit in manera espressa.

13.             Su dinai chi ndi benit de sa béndita de benis, de làscitus, de donatzionis, de riscossionis de créditus o, cumentisisiat, de intradas de investí a patrimóniu, depint essi impreadas in títulus nominativus de s'Istadu, in s'estintzioni de passividadis onerosas, in sa miglioria de su patrimóniu o in sa cumpridura de òperas púbblicas.

14.             Su Síndigu disponit sa redatzioni de un'inventàriu apósitu de totus is benis demanialis e patrimonialis, móbbilis e immóbbilis de su comunu, e est responsàbbili, imparis a su segretàriu e a su ragionieri de su Comunu, de s'esatesa de s'inventàriu, de is atzuntas e de is cambiamentus avatantis e de sa cunservatzioni de is títulus, de is atus, de is paperis e de is iscrituras relativas a su patrimóniu.

15.             Su resúmini de s'inventàriu de is benis depit essi allegau siat a su bilàntzu de previsioni siat a su contu consuntivu.

16.             S'atividadi gestionali de is benis, chi bessit a sa luxi po médiu de atus chi riguardant s'achirimentu, sa manutentzioni, sa cunservatzioni e s'impreu de is benis e totu  e puru is maneras de apoderai e de agiornai  s'inventàriu ddus disciplinat su regulamentu apósitu.

 

Art. 61

Su bilantzu comunali

1.                  S'ordinamentu contàbbili de su Comunu dd'arregulat sa lei de s'Istadu e, in is limiti chi custa fissat, su regulamentu de contabbilidadi.

2.                  Sa gestioni finantziària de su comunu si cumprit in basi a su bilantzu annuali de previsioni redatzionau in términis de cumpeténtzia, chi su Consillu Comunali delibberat aintru de is términis chi sa lei istabbilit, osservendi is printzípius de s'universalidadi, de s'unidadi, de s'annualidadi, de sa beridadi, de sa pubblitzidadi, de s'integridadi e de su parégiu económicu e finantziàriu.

3.                 Su bilantzu e is allegaus chi sa lei prescrit depint essi redatzionaus in manera de ndi permitiri sa letura po programmas, po servítzius e po interventus.

4.                 Is impegnus de ispesa, po essi eficatzis e esecutivus, depint portai su vistu, de regularidadi contàbbili, de su responsàbbili de su servítziu, chi atestat sa cobertura finantziària relativa.

 

Art. 62

Su rendicontu de sa gestioni

1.                  Is fatus gestionalis funt averiguaus po médiu de contabbilidadi finantziària e económica  e dimostraus in su rendicontu chi cumprendit su contu de su bilantzu, su contu económicu e su contu de su patrimóniu.

2.                 Su rendicontu ddu delibberat su Consillu Comunali aintru de su 30 de Làmparas de dónnia annu.

3.                 Sa Giunta comunali allegat a su rendicontu una relata illustrativa, chi espressat is valutatzionis de eficàtzia de s'atzioni sua, in basi a is resurtaus sodigaus e in raportu a is programmas e a is ispesas fatas; allegat puru s'arrelata de su collégiu de is revisoris de is contus.

 

Art. 63

S'atividadi cuntratuali

1.                  Su Comunu po su sodigamentu de is finis istitutzionalis suus, providit po médiu de cuntratus a is apaltus de trabballus, a is fruniduras de benis e de servítzius, a is bénditas, a is comporas a títulu onerosu, a is cucàmbias e a is afitus.

2.                 Innantis de s'isterridura de is cuntratus  nci depit ai una determinatzioni apósita  a cuntratai de su responsàbbili de su protzedimentu de ispesa.

3.                 Sa determinatzioni depit indicai s'iscopu chi cun su cuntratu si bolit sodigai, s'ogetu, sa forma e is clàusolas cunsideradas essentzialis, e puru is maneras de iscioberu de su contraenti in basi a is dispositzionis in vigéntzia.

 

Art. 64

Su collégiu de is revisoris de is contus

1.                  Su Consillu Comunali eligit, cun votu limitau duus candidaus, su collégiu de is revisoris de is contus, segundu is critérius chi istabbilit sa lei.

2.                  Is cumponentis de su collégiu de is revisoris de is contus depint essi iscioberaus:

a)  unu intra de is iscritus in su ruolu de is revisoris ufitzialis de is contus, chi fait de presidenti;

b) unu intra de is iscritus in s'albu de is dotoris cummertzialistas;

c) unu intra de is iscritus in s'albu de is ragionieris.

3.                  Issus durant in càrriga tres annus e si podint torrai a eligi una borta iscéti.

4.                  Sa càrriga insoru si podit revocai iscéti po incumpridura, opuru candu ddoi at motivus gravis chi influiscint in manera negativa in sa cumpridura de su mandau insoru.

5.                  Is revisoris tenint diritu de atzessu a is atus e a is documentus de s'Enti.

6.                  Su collégiu de is revisoris, cunformas a is dispositzionis de su regulamentu, cumprit is funtzionis chi sighint:

a) collabborat cun su Consillu Comunali in is funtzionis de cuntrollu e de indiritzu;

b) esertzitat sa vigilàntzia asuba de sa regularidadi contàbbili e finantziària de sa gestioni de s'Enti;

c) atestat chi su rendicontu currispundit a is resultàntzias de sa gestioni, fadendi una relata apósita chi acumpàngiat sa proposta de delibberatzioni consiliari de su rendicontu de sa gestioni;

d) in sa matessi relata su collégiu espressat osservatzionis  e propostas chi punnant a lograi sa mellus eficiéntzia, produtividadi e economitzidadi de sa gestioni;

e) is revisoris de is contus arraspundit de sa beridadi de is atestatzionis insoru e cumprint is doveris insoru cun s'incuru  de su mandatàriu e de su bonu babbu de famíglia;

f) candu apurant irregularidadis gravis in sa gestioni de s'Enti, ddu narant luegus a s'Enti;

g) a is revisoris de is contus ispetant is cumpensus chi previdit sa lei;

h) is normas de su regulamentu  e de sa lei disciplinant totus is àterus aspetus organizativus e funtzionalis de s'ufítziu de is revisoris de is contus.

 

 

Art. 65

Sa tesoreria

1.                  Su Comunu tenit unu servítziu de tesoreria chi cumprendit:

a) su coberamentu de totus is intradas de pertinéntzia  comunali chi versant is depidoris in basi a órdinis de incàsciu e listas de càrrigu, e su cuntzessionàriu de su servítziu de coberamentu de is tribbutus;

b) su coberamentu de calisisiat àtera summa ispetanti chi su tesoreri est obbligau a ndi donai comunicatzioni a s'Enti aintru de dexi dìs;

c) su pagamentu de is ispesas ordinadas po médiu de mandau in is límitis de is istantziamentus de bilantzu e de is fundus de càscia disponíbbilis;

d) su pagamentu, mancai in mancàntzia de is mandaus relativus, de is ratas de ammortamentu de   de is mútuus, de is cuntribbutus previdentzialis e de is àteras summas chi sa lei istabbiliscit.

7.                 Is raportus de su Comunu cun su tesoreri ddus regulat sa lei, su regulamentu de contabbilidadi, e puru una cunventzioni apósita.

 

Art. 66

Su cuntrollu económicu de sa gestioni

1.                  Is responsàbbilis de is ufítzius e de is servítzius podint essi tzerriaus a fai operatzionis de cuntrollu económicu-finantziàriu po averiguai chi sa gestioni de is fundus intregaus de su bilantzu currispundant a is obbietivus chi sa Giunta e su Consilluant fissau.

2.                  Is operatzionis fatas e is resultàntzias funt descritas in unu verbali chi, imparis a is osservatzionis e is rilievus  de is próprius responsàbbilis, si donat a s'Assessori cumpetenti chi ndi informat sa Giunta po provedimentus de cumpeténtzia eventualis, de pigai apustis de ai inténdiu su collégiu de is revisoris.

 

Cabu IX

Is istitutzionis e is aziendas ispetzialis

Art. 67

Is protzeduras

1.                  Si s'Amministratzioni Comunali detzidit de si serbiri, po sa gestioni de is servítzius púbblicus, de is formas relativas a s'azienda ispetziali o a s'istitutzioni, depit protzediri in sa manera chi sighit:

a) Su Consillu Comunali aprovat s'Istatutu de s'Azienda ispetziali a maioria assoluta de is cumponentis suus;

b) providit in sa matessi manera e in sa matessi sétzida a nominai is amministradoris de s'azienda intra de is tzitadinus chi, a parti a tenni is rechisitus po s'elegibbilidadi e sa cumpatibbilidadi a sa càrriga de Consilleri, presentant  rechisitus de professionalidadi e de capatzidadi amministrativa cumprovada.

3.                  Sa rèvoca de is amministradoris de s'azienda acontessit in sa matessi manera po càusas gravis e giustificadas.

4.                  Is dispositzionis istabbilidas in su 1° comma si osservant puru po s'istitutzioni, chi est un'organismu istrumentali de su Comunu, dotau de autonomia gestionali.

5.                  Is òrganus de s'azienda e de s'istitutzioni funt su Consillu de Amministratzioni, su Presidenti e su Diretori, a custu cumpetit sa responsabbilidadi gestionali.

6.                  Cun su regulamentu apósitu funt disciplinadas is maneras e is formas de organizatzioni e de gestioni, inclúdias is protzeduras chi permitint a  s'amminstratzioni  de intregai su capitali de dotatzioni, determina is iscopus e is indiritzus, aprovat is atus de fundamentu, esertzitat sa castiadura, averiguat is resultaus de sa gestioni e providit a sa cobertura de is costus sotzialis eventualis.

 

Art. 68

Is formas assotziativas

1.                 Po sa cumpridura coordinada de funtzionis  e servítzius determinaus  s'Amministratzioni comunali podit isterri cunventzionis cun sa Províntzia, cun sa Comunidadi Montana e cun àterus Comunus e Entis.

2.                 Sa cunventzioni cunsistit in un'acórdiu intra de is partis chi, documentau in forma iscrita, determinat tempus, maneras, sugetus, protzeduras e finantziamentus po sa própriu cumpridura.

3.                 Preparada e definida po médiu de intregaduras de servítziu oportunas intra de is partis interessadas, sa cunventzioni est sutaposta, duncas, a aprovu de su Consillu Comunali chi delibberat a maioria simpli de is votantis.

 

Art. 69

Is  cunsórtzius

1.                  Po sa gestioni assotziada de unu o prus servítzius, su comunu podit costituiri imparis cun àterus Comunus o cun sa Províntzia unu cunsórtziu segundu is normas po is aziendas ispetzialis chi sa lei e s'art. 67 de innantis previdint, giai chi funt cumpatíbbilis.

2.                  Po custu iscopu su Consillu Comunali aprovat,a maioria assoluta de is cumponentis suus, una cunventzioni  imparis a s'istatutu de su cunsórtziu.

3.                  Sa cumpositzioni e su funtzionamentu de su cunsórtziu ddus regulant sa lei e s'istatutu apósitu.

 

Art. 70

Is acórdius de programma

1.                  S'Amministratzioni Comunali podit fai acórdius apósitus po sa definitzioni e s'atuatzioni de òperas, de interventus o de programmas chi, po sa cumpridura insoru, tenint abbisóngiu de s'atzioni integrada e coordinada de Comunus, Províntzia e Regioni, de amministratzionis istatalis e de àterus sugetus púbblicus in is maneras e in is formas chi sa lei previdit.

2.                Po initziativas particularis de cumpriri in zonas montanas, s'Amministratzioni donat precedéntzia a is acórdius cun sa Comunidadi Montana, cuntzertendi is obbietivus suus cun cussus de sa programmatzioni sotziali e económica de cussa e totu.

 

Cabu X

Is istitutzionis e is aziendas ispetzialis

Art. 71

Is initziativas po su cambiamentu de is circostritzionis provintzialis

1.                  Su Comunu esertzitat s'initziativa po sa revisioni de is circoscritzionis provintzialis e s'istitutzioni de províntzias nobas, ex art. 133 de sa Costitutzioni, osservendi is normas  chi a custu iscopu pregonat sa Regioni.

2.                 S'initziativa depit essi pigada cun delibberatzioni de Consillu, aprovada a maioria assoluta de is consilleris, salvu chi sa lei regionali previdat una maioria diferenti.

 

Art. 72

Is regulamentus

1.                  Donau chi siat parri favorevoli de sa Commissioni istatutus e regulamentus, su Consillu Comunali adotat is regulamentus chi previdint sa lei e custu istatutu a maioria assoluta de is cumponentis suus.

2.                  Innantis de s'adotzioni insoru is ischemas de regulamentu funt depositaus po cuindixi dìs in s'ufítziu de segreteria de s'Enti e tocat a donai comunicatzioni congrua a su púbblicu de su depósitu cun avisu pubblicau in s'albu pretóriu.

3.                 Apustis de s'adotzioni su regulamentu ddu pubblicant, po cuindixi dìs, in s'albu pretóriu comunali e bessit esecutivu sa de cuindixi dìs apustis a sa de sa pubblicatzioni sua.

 

Cabu XI

Normas transitórias e finalis

Art. 73

Intrada in vigéntzia de s'Istatutu

1.                  S'istatutu Comunali, adotau cunformas a sa lei, intrat in vigéntzia sa de trinta dìs apustis a sa de sa pubblicatzioni sua in s'albu pretóriu comunali.

2.                 Sa Giunta o calisisiat Consilleri podint proponni a su Consillu Comunali cambiamentus de totu o de una parti de s'Istatutu.

a) Is cambiamentus de s'Istatutu ddus delíbberat  su Consillu Comunali cun votu favorevoli de  is 2/3 de is Consilleris assignaus. Si tali maioria non benit sodigada, sa votatzioni est arripítia in is sétzidas chi sighint, chi si depint fai aintru de trinta dìs, e is cambiamentus funt aprovaus si sa delibberatzioni relativa otenit po duas bortas su votu favorevoli de sa maioria assoluta de is Consilleris comunalis assignaus. In sa matessi sétzida si podit fai iscéti una votatzioni.

3.                 Su Consillu Comunali promovit is initziativas prus idòneas po assigurai chi is tzitadinus connosciant s'Istautu

 

Custu Istatutu est istétiu pubblicau in s'albu pretóriu de su Comunu de Biddacidru de su 20 de Donniasantu 2005 finas a su 28 de Meseidas 2005.

 

 

 

 

 

ERASMUS PLUS – ISCÀMBIU DE GIÓVUNUS “5 SENSES”

27de Friaxu de su 2015

 

Martis 3 de Martzu a is cincu de a merì (17,00), in sa sea de s'Informagiovani, su Comunu de Biddacidru e s'Assótziu Interculturali “NUR” organizant un'atóbiu de presentada de s'iscàmbiu de gióvunus intitulau “5 Senses” chi si fait in Ungheria de su 4 finas a s'11 de Abrili 2015. Funt cumbidaus totus is piciocus e is piciocas tra is 18 e is 25 annus.

Un'iscàmbiu de gióvunus cunsistit in s'atóbiu intra de duus o prus grupus de piciocus de Istadus diferentis po afrontai imparis un'argumentu comunu.

Is participantis tenint sa possibbilidadi de iscambiai ideas, de si cunfrontai, de achiriri connoscéntzias e cuscéntzia de realidadis sóciu-culturali diferentis.

Sa participatzioni de is gióvunus a sa vida democràtica est intra de is obbietivus principalis de su programa Erasmus Plus.

 

ATÓBIU PÚBBLICU - PIANU DE GESTIONI DE SU SIC

26 de Friaxu de su 2015

 

S'Amministratzioni Comunali de Biddacidru cumbidat sa citadinàntzia a s'atóbiu púbblicu chi ddoi at cenàbara 6 de Martzu a is cincu de a merì (17,00), in s'aula de su Consillu de su Comunu, po chistionai de s'agiornamentu de su Pianu de Gestioni de su logu de interessamentu comuntàriu (SIC) “Monte Linas Marganai”.

Su pianu est su testu de riferimentu asuba de is atividadis cumpatíbbilis e non cumpatíbbilis cun sa sustenibbilidadi de s'ambienti e de is “habitat” po su territóriu a amparu de is risorsas naturalis.

 

CONSILLU COMUNALI – 12 DE FRIAXU 2015

 

10 de Friaxu de su 2015

 

Gióbia 12 de Friaxu 2015 a is ses de a merì (18,00) in sa Sala de su Consillu de su Palatzu Municipali ddoiat una sétzida ordinària po chistionai de s'argumentu chi sighit:

 

-        TARI 2014 -  po torrai a determinai is iscadéntzias de is ratas.

 

GRADUATÓRIA INTREGADURA  LINNÀTICU 2014/2015

5 de Friaxu de su 2015

 

Su Responsàbbili de su Servítziu Sóciu Assistentziali fait iscì chi de su 4 finas a su 12 de Friaxu 2015 si podit castiai sa graduatória po s'intregu de su linnàticu a indonu 2014/2015 in is ufícius de su Servítziu Sóciu assistentziali e in s'Albu Pretóriu “on-line” de su Comunu.

 

 

EST TORRA IN FUNTZIONI SU SERVÍTZIU FAX DE IS SERVÍTZIUS DEMOGRÀFICUS

4 de Friaxu de su 2015

 

Si fait iscì chi funt acabbaus is averiguamenrus e is interventus po torrai a ponni in funtzioni su servítziu fax de is ufícius de Istadu Civili e Demogràficu.

SU FAX DE IS SERVÍTZIUS DEMOGRÀFICUS PO SU MOMENTU EST FORAS DE SERVÍTZIUS

30 de Gennàrgiu de su 2015

 

Si fait iscì chi su servítziu fax de s'Ufíciu Anàgrafi e Istadu Civili po su momentu est foras de servítziu, si ddoi at necessidadi tocat a mandai a su númunu de fax 070 931 60 66.

At essi cura nostra informai luegus is umperadoris cumenti benit ripristinau su servítziu.

 

MOLLU ISEE NOU – NORMATÍVA DE SU 1° DE GENNÀRGIU 2015

29 de Gennàrgiu de su 2015

 

Su Responsàbbili de su Servítziu Sóciu Assistentziali fait iscì chi cun Decretu Ministeriali n°159/2014 est intrau in vigéntzia de su 1° de Gennàrgiu 2015 su mollu nou po sa Decraratzioni Sostitutiva Única (D.S.U.)

 

ESENTZIONI IMU PO IS TERRENUS AGRÍCOLUS – 2014/2015

29 de Gennàrgiu de su 2015

 

Su Responsàbbili de su Servítziu Finantziàriu comunicat chi cun Decretu Lei n° 4/2015 at torrau a ponni s'esentzioni de s'imposta IMU po is terrenus agricolus e po is chi non funt coltivaus.

 

SU SÍNDIGU ISCRIT A IS CITADINUS

20 de Gennàrgiu 2015

 

Su Síndigu iscrit a is citadinus in méritu a sa situatzioni chi s'est creada apustis de su recàpitu de is avisus de pagamentu de sa TARI 2014.

Ligi  sa lìtera de su Síndigu in su ligóngiu de susu

 

CONSULTATZIONI PROGRAMMA TRASPARÉNTZIA 2015/2017

16 de Gennàrgiu de su 2015

 

Su Responsàbbili de sa Trasparéntzia  fait iscì chi est in pubblicatzioni in s'Albu Pretóriu “on line” sa proposta de su programma triennali po sa Trasparéntzia e s'Integridadi 2015/2017. Si comunica a is portadoris de interessamentu chi sa consultatzioni púbblica iscadit su 22 de Gennàrgiu de su 2015.

craca in su ligóngiu de susu

 

AVERÍGUAMENTU TARI – COMUNICAU DE S'AMMINISTRATZIONI

11 de Gennàrgiu de su 2015

 

S'est fadendi a lestru s'averiguamentu de su càlculu de sa TARI 2014, in atesa chi acabbint is averiguamentus, s'Amministratzioni cumbidat is citadinus a non pagai is ratas TARI chi funt in iscadéntzia.

 

COMUNICAU DE S'AMMINISTRATZIONI APITZUS DE SA TARI

10 de Gennàrgiu de su 2015

 

S'amministratzioni Comunali ispiegat in unu comunicau po is gionalis is maneras umperadas po su càlculu de sa Tari 2014 segundu is critérius chi fissant is normas natzionalis:

“ Cenàbara a mengianu ddoi est istétiu un'atóbiu intra de s'Amministratzioni Comunali e una delegatzioni de citadinus, chi protestànt po is importus de pagai de is bulletas relativas a sa TARI 2014 (Tassa arrefudus sólidus urbanus).

Mancai cumprendendi is motivus de sa protesta po nexi de is dificultadis realis de is famíglias e de is impresas de si fai càrrigu de tassas, impostas e cànonis sémpiri prus grais, in unu momentu de crisi económica gravi, s'arragordat chi sa Lei 147/2013 (Lei de Istabbilidadi 2014) obbligat is comunus a ponni de unu totu a càrrigu de is citadinus su costu de su servítziu e non permitit prus de agiudai cun dinai de bilànciu comunali, cosa chi est incapitada finas a su 2013.

Sa matessi Lei istabbilit chi po s'apricu de sa TARI:

1)      si cunsíderant is superficis decraradas o averguadas  apatigabbilis de is localis e de is zonas chi podint produsi arrefudus urbanus  ( garaxi, cantinas, sòtanus e aici sighendi);

2)       si àpricant is coeficiéntis inditaus in is tabellas chi sa lei at aprovau po su Sud-Itàlia in relata a is cantidadis de is arrefudus prodúsius;

3)       si cunsíderat su númunu de is cumponentis su nùcleu famigliari.

Sa Lei, in prus, óbbligat a allineai is datus catastalis relativus a is unidadis imobbiliaris cun s'iscopu de determinai is superficis chi pagant sa Tari. Po custu si funt torradas a determinai is superficis de is domus in basi de is datus pigaus de su catastu e non prus iscéti in basi de autodecraratzionis.

Is costus de su servítziu ddus ant carculaus is ufícius comunalis e funt dépius a:

a) costu de su servítziu de arragota de s'àliga (75% de su costu totali de su servítziu);

b) costu de cunferimentu de is arrafudus a su Tecnocasic e a sa Villaservice cun tarifas de cunferimentu chi at determinau sa Regioni cun Decretu aposta (25%, prus o mancu, de su costu totali de su servítziu);

c)      costus aciuntivus po sa pulitzia de is zonas extra-urbanas  innói citadinus incivilis nc'ant fatu discàrrigas abusivas.

De su costu totali si ndi bogat su recreu ambientali sendi su Comunu de Biddacidru sea de discàrriga.

Cun totu custu, apustis a sinnalatzionis de tantis citadinus, chi si funt bius lompi bulletas cun aumentus foras de contu cunfrontas a s'annu passau, s'Amministratzioni at crétiu de depi formalizai a s'Ufíciu Tribbutus de su Comunu sa necessidadi de torrai a cuntrollai is càlculus, chi ant determinau s'emissioni de is bulletas, cun s'iscopu de averguai si funt giustas.

Po su chi pertocat su 2015 si pentzat a sa possibbilidadi de torrai a organizai su servítziu, diminuendi, puru, si in casu  i dìs de arretiru de s'àliga, cun su fini de ndi diminui su costu.

S'Amministratzioni istesiat is tentativus de chini istrumentalizendu sa situatzioni isfrutat  su maléssiri de is citadinus”.

S'Amministratzioni Comunali

 

Po iscarrigai su comunicau po is giornalis craca in su ligóngiu de susu.

 

CURSU  MICOLÓGICU – ARRETIRU ATESTAUS

9 de Gennàrgiu de su 2015

 

A is chi ant piagau parti a su cursu micológicu fatu su 6 de Meseladàmini de su 2014 e chi at organizau sa ASL de Seddori imparis cun s'Assessorau a s'Ambienti e a s'Assessorau a s'Agricoltura de su Comunu de Biddacidru, si fai iscì chi podint arretirai is atestaus ande is Ufícius de sa Politzia Municipali su mércuis e sa cenàbara de is úndixi finas a mesudì (11,00 – 12,00).